قـمـر دنـياي ,,, أول قصائدي بين أيديـكم
 

اول حروفي الشعريه بين ايديكم

أن لقت القبول فهو تشجيع للمزيد وأن لم تجد فسأكتفي بهذه القصيده


اشغلت تفكيري معك يا(......) قضيــه
نويت مااعترف بها وأعلن الاحتجاجات
كيف يجمعك مع غيرك أسم (بنيـــه)
حرام يقالك بنت مع غيرك من البنـــات


بسميك الملاك اللي جابه ربي هديه
وهم.. مايهم عطيهم باقي المسميات
ماكل من تسمت بالقمر صارت زيه
ولاكل من قالت حلوه فعلا من الحلوات


اشوفك قمر دنياي للوقت معك ضيه
واشوف بغيبتك ضياعي بين المتاهات
وأحس مشاعري في غيابك هي هيـه
قريبه من قلبي..لو بعدت بيننا المسافات


غيبي شهر غيبي عمر غيبي ليال سرمديه
وارجعي...وأن كان بقى بالقلب نبضات
نبضه أنتي والأشواق صدق فيه.. حيــه
وان وقف قلبي اخر نبضه انتي قبل الممات


صدت عيوني عن غيرك وبقت لك وفيه
مانست ليالي فرح عاشتها معك واوقــات
تساوي عمر بحاله... ماله ذات أهميــه
مالي بدنيا بدونك والحياه آخر الاهتمامات

رد: قـمـر دنـياي ,,, أول قصائدي بين أيديـكم
 

عيني عليك بارده ياخوي

وشفيك خايف من عدم التشجيع

يعني لازم اقولك قصة النمله وحبة القمح

كم مره حاولت تصعد بها لبيته وما يأست

وبالاخير حققت مبتغاها

وبعدين الخطوه الاولى تبدا من ألأف ميل

لاتوقف نبض قلبك وتظلم مشاعرك واحاسيسك

لان مافي احد صفق لروعة مكتوبك او مارد عليك بــ

ـصح لسانك او تسلم يمينك

لاتأيس وتحسس اللي حولك بتخوفك من الفشل

كلماتك رائعه وتملك قدره على التصوير قويه جدا

وخيالك واسع ..

لكن عندك ضعف بسيط جدا بالوزن

وهذا اكثر شي اعاني منه الى الان


واصل الى الأمااااااااااااااااااااااااااام ياشاعرنا

رد: قـمـر دنـياي ,,, أول قصائدي بين أيديـكم
 

الغالي " نايف الشوق "
^
^
^
^


صدت عيوني عن غيرك وبقت لك وفيه
مانست ليالي فرح عاشتها معك واوقــات
تساوي عمر بحاله... ماله ذات أهميــه
مالي بدنيا بدونك والحياه آخر الاهتمامات


^
^
^
^
صح لساااانك ..

تسلم يالغالي ..

أبدعت ماشالله عليك ..

ودمت بمودة ..

أخوكــ.. فهد ..

رد: قـمـر دنـياي ,,, أول قصائدي بين أيديـكم
 

اخوي ماشاء الله عليك

صح لسانك

والله مبــــــــــــــدع

تحياتي لك