كيف حالكم ...و وش علومكم .....والله إني مشتاقة لكم وش كثر فردا فردا ....
اليوم موضوعي فرفوشي لا اقل ولا أكثر واللي يحب يفرفش معانا حياه الله...
..أصدقاء السوء..
دايم الناس يقولون المرء على دين خليله.. و الصاحب ساحب
يعني وش ميسوي ذا الصديق زين وإلا شين راح يأثر على اللي معاه
وفي المدرسة يبان ذا الشي بشكل كبير مثلا تجيك وحدة تقول ماراح أخليها تأثر علي وبأخر السنة هي تنجح وأنتي ترسبين وتصير سمعتك مثل سمعتها وأنتي مااستفدي ولاشي غير إنها فتحت عقلك على أشياء مالها داعي وعلمتك على الخراب..
والله اعرف لكم صديقة سوء أعوذ بالله منها شر..تعرفت على وحدة وش حليلها مرة تجنن من كل النواحي..ماصار لهم كثير متعرفين على
بعض إلا الأولى جايبه لصديقتها شريحة واخيس جهاز الموهم انه يؤدي المهمة وهي التكليم وبعدين عاد خويها يجيب لها جهاز سنع طبعا هذا من خبرتها..وبعد كل هذا يويلك لو تقولين عنها أنها صديقة سوء..
انتم وش رأيكم بصديق السوء؟؟
ومادري وش حيثهم يكثرون بالعطل..
مـرت سـنة
الحين تقريبا صار لنا سنة مسجلين بمنتدى القناص ..
ان شاء الله نكون قدمنا شئ ينفع ويفيد للمنتدى وماسببنا أي إزعاج يضيق الصدر بذا السنة والجاي ان شاء الله أحلى..
بسألكم::
انتو وش كونتوا فكرة أو نظرة عن الـزعـيمات بمرور هالسنة؟؟CC
ملــكات العالـم..
فيه إحصائية أميركية أو بريطانية مرة أعجبتني تدرون ليه؟؟
لأنهم يقولون إن بنات السعودية ملكات العالم....والسبب::
أن اغلبهن لايخدمن أنفسهن .. بل يوجد من يقوم على خدمتها..
أن مصروفها يأتيها بانتظام ..دون ان تتعب نفسها للحصول عليه..
ودائما تجد ما تحتاج إليه ... دون عناء
أنها لاتقود السيارة .. بل يوجد من يذهب بها إلى أماكنها المفضلة..
هذا فقط للملكة عندهم..ونحن لكل البنات تقريبا متوفرة ..
*هل تتوقعون ان كل بنات السعودية ملكات وإلا فيه استثناءات؟؟ومين هالاستثناءت..؟
التـسوق
العطلة هاذي بتصير الزعيمة (2) و (3)
مراسلين لكم في الأسواق وبننقل الأخبار لكم أول فأول
يعني مدحه وإلا ذمة راح ننقلها لكم
وتدرون ليش؟؟؟
لان راح نتقصى للزعيمة (1) وذلك بمناسبة زواجها في هالعطلة ..يعني بنت الحلال بتصير مرة ..BBP BBP
وراح يكون زواجها في ثلاثين & سبعة يعني تقريبا أخر العطلة..
واللي يبي يجي حياه الله .. ماعليه سوى إرسال مسج على الخاص..
واللي بعد يبي يعلمنا عن أشياء حلوة إحنا ماندري عنها الله يعطيه
العافية يرسل على الخاص بعد..
الله يوفقها ويسعدها ومعها كل اللي بيتزوجون بالعطلة..وعقبال الكل إن شاء الله
وش رأيكم نسوي حفلة ونجيب طورطة كبيرة بمناسبة::
· أولا ::مرور سنة على عضويتنا في القناص..
· ثانيا:: زواج الزعيمة الكبيرة في هالعطلة..
· ثالثا:: نجاح وتخرج الزعيمة (1).. ونجاح الزعيمة (2 و 3) وانتقالهم للمرحلة التالية..
ونجاح جميع الأعضاء والعضوات وألف مبروك لهم واللي مانجح حظا أوفر لهم في المرة القادمة..
.(( كل الناس سوف يعيشون::صاحب القصر....وصاحب الكوخ.....
ولكن من السعيد؟؟...)).
بس هذا اللي نتجت عنه فرفشتي
وان شاء الله مايكون موضوع ثقيل عليكم..
ونلتقي في مواضيع أخرى....CC
تحياتناBBP BBP