أيـام زمـان , أيـام قديمـه [ كنّـا ] فيـها صغـاراً .. الآن كبـرنا وكل واحـد يعتمـد على نفسـه .. ويسرّنـي أن أقـدم لكـم [ ذكرياتي ] القديمـه ..
التمهيدي <== غبـاااار
مافيـه ذكريـات .. كنت مؤدب
الصـف [ الثاني ]
نفس الشيء .. كنت مؤدب
الصف [ الرابـع ]
عـاد هنـا بدأت عندي مرحـلة الزحـف .. كنـت في هالمرحلـه مافيـه إلا زحـف .. وكـان عندي خوي إسمـه [ فيصل ] <== مهوب اللي بالمنتدى .. وهـو مسجّل معانا وإسمـه [ بـارد ] .. المهـم كان هو يضحـي بنفسـه عشاني .. المهم كان في المدرسـه نظـام جديد وهـو : اللي يصير مؤدب في فصلـه مدة أسبوع يصير عريف .. أنا كنت متحمّـس مرررهـ .. أيام[ السبت-الأحد-الإثنين-الثلاثاء] كنت مؤدب .. بس يوم الإربعـاء خربت شوي .. رميـت الله يسلمـكم من الدور الثاني إلى الدور اللي تحـت ( وكان فيه مدرس الرياضيات عصبي ) .. رميـت بلونات فيه مويـه .. .. ومن الحظ الشين ماطاحت إلى على هالمدرس .. المهمـ يوم الإربعــاء .. شفت [ فيصل ] في الطـابور وقلت لـه عن السالفه قال : ( لاتخاف , أنا أدبر لك كل شيء . ) جت الحصـه الأولى عدّت على خيـر .. بس الثانيـه كانت مثل جهنم .. جاء المدير والوكيـل وأستاذ الرياضيـات .. قال المديـر : ( من اللي كب البلّـونات أمس عل الإستاذ ؟ ) .. سكتنا .. وكل واحد يناظر الثاني .. ويقـوم [ فيصل ] ويقـول : ( أنا ياأستـاذ ! ) وناظـرني و [ غمز ] لي .. المهمـ جاء لمّـه المديـر اللي ماقصّـر معاه بالهواش .. وأنا ساكــت وكأني ماسوّيت شيء .. ويصفقـه بذاك [ الكـف ] اللي خلّـى فيصل يدور ثلاث دورات .. وفي الفسحـه شفتـه عند غرفـة الوكيــل قال لي : ( إرتحت الحيـن .. ! ) وأنا منحــرج منه مرهـ .
[ خامس - سادس ] ماعندي ذكـريات فيـها ..
أولـى متوسـط :
عـاد جينـا لمرحلـة المـراهقـه ..
كنت أنا و [ فيصل ] مسجّليـن في [ نادي الرحلات ] .. يوم من الأيام طلعنـا رحلـه لـ [ الدهـناء ] .. لمدة [ ثلاث أيام ] ( الإربعاء - الخميس - الجمعه ) تجهزّنـا كلـنا ورحنا .. اليوم الأول وش حليلنا .. اليوم الثاني نفس شيء بس فيـه ( ثواره ) قليله .. في الليـل نوّمونـا مبكرين بلا ورانا صلاة [ جمعه ] ولازم نقـوم مبكريـن .. أنا و [ فيصل ] مانمنـا .. ولا عرفنا ننوم .. طلعنـا من الخيمـه ولاأحد حسّ فينـا .. طلعنـا وكان هالكـلام الساعـه [ 2 ] الفجـر .. المهم قعدنا نمشـي ومدرعميـن إلى الساعـه [ 3 ] الفجـر .. .. وفجـأة طحنـا في [ جرف ] .. أنـا يوجعني راسي و فيصل رجلـه .. قال فيصل : ( أحسـن ! نستاهل !! من قالنا نطـلع ) .. وأنا : ( آآآآآآي .. راسي ! ) المهـم وحنّـا قاعدين غفينا وحنّـا ماندري .. اليـــن ظـهرت الشمـس وقمنـا وشفنـا من بعيـد ثلاث سيارات جايـه مسـرعه .. قلت لفيصل : ( شف شف .. سياره .. قم خل نروح نأشر لهـم ) .. وحنا من الفـرحه ماغطيييين تقل سباق الهجـن .. وقفت السيارات وننـاظر أثاري [ مشرفين الرحلـه ] أنا و فيصل خفنـا قال فيصل لي : ( ليتنا قاعدين في الجـرف أحسن لنـا ) المهـم قالوا المشرفين : ( تشوفون في المدرسـه ! ) .. ويوم السبـت مسكونا وجلدونا جلـد .. وعطـونا تعهـد .
مـوقـف في [ أولى ثانوي ] :
أذكر موقـف حصل لـ [ فيصـل ] يوم كـان نصراوي .. قال لي : ( اليـوم فيـه مباراة للنصـر <== يلمّـح ) .. قلت له : ( طيب .. وخير ياطـير؟ ) قال : ( أبيك توديني للمبـاراة ) قلـت : ( وسيارتك ؟ وش فيهـا ؟؟ ) قال : ( في التشليـح ! ) قلـت : ( طيب خـلاص .. ) المهـم ورحنـا .. بدأت المباراهـ الشـوط الأول مابووه شيء .. بس الشـوط الثاني الدقيقـه ( 60 ) جاء بلنتي للنصـر .. شاته الحـارثي .. بس ! .. ضاعـت ! [ فيصل ] تحطّـم وصـاح وفي روايـه [ بكى ] .. جاء بلنتي ثاني للنصـر الدقيقـه ( 80 ) ضاعـت من ( مدري من هاللاعـب ) المهمـ فجـأه ويغمـى على [ فيصل ] جيت أنا وشلتـه وودّيتـه للمستشفى .. سووا كل الإجرائات صـار بخـير ونعمـه قعدوه شوي .. دخلـت أنا وقعـد عنده .. قلبت في القنوات لقيـت النصر فـاز ( 1 × 0 ) المهـم .. بعد شوي لقيـت [ فيصل ] قايم قلت لـه : ( النصر فاز ! ) .. قـام وهـو يناقـز وشق ( الليّ ) حق الـ[ غذايه ] .. وقال ( هي هوه هي هوه هي هوه ) وجـاء الطبيب وهـو يقـول : ( الحمدلله والشكر ! ) .. وطـالبوه بفلـوس عشانه خـرّب عليـهم .
01-07-2007, 01:54 PM
آهــ ياأيـام زمــان .. [ ذكرياتي ] .
.
! [ فيصل ] تحطّـم وصـاح وفي روايـه [ بكى 
العرض الشجري
