|
طحنون الجزار
* بسم الله اول شي احب ابارك للناجحين والناجحات واقدم لهم BBP BBP والساقطين والساقطات اقول لهم هاردلك وترا الدنيا ماتستاهل ضيقة الصدر ولازم انكم تتعايشون مع الواقع الي انتم فيه ومافيه مشاكل < اللي يده بالنار موب مثل الثلج p13 اذكر ان احسن مافي الدراسه العطله الطويله وقبل العطله طبعا ذيك الفلوس اللي نعطي المقصف بداية الدراسه 20 ريال و بداية الاجازه يدبلونها لنا ( وجه واحدن توه طالع من البنك مكتتب ) p13 بس ذاك اكتتاب حلو ولا فيه خساير ( خشة واحدن محفظته كلها بالسالب ) :d مانبي نتوسع بالاسهم ونخلي حتسينا في الاختبارات والعطله P9 ايام ماكنت طفلا يافعا اذهب الى المدرسه و احمل حقيبتي ومقلمتي وقلمي ودفتري :d وياحلوها من ايام BBP مع اني كنت من المتوسطين في الدراسه يعني موب جيد ولا نيب كسلان في المنطفه الدافئة ( تسني نادي الاتفاق ) :d كان هناك ثنين من الطلاب ساكنيهم ولن اسميهم :d طحنون هذا شاب طويل عريض صاحب ايادي كبيره جدا وكسلان جدا وغبي جدا :d < كذا فيه كان شاب بلطجي غشاش حرامي p13 كسلان مره مره < درينا طحنون هذا يجي للمدرسه وثوبه وسخ ومعه قلم مرسم اصفر ومخطط باسود :d ودايم يبحث عن البرايه ولو تفتحون شنطته مالقيتوا فيها الا دفتر ابوعشرين عشان يصير خفيف p18 مع انه قوي وكتابين وسفن اب ومسطره والمسطره ليته يسطر موب وجه تسطير بس انه يحب ينغز المصري اللي قدامه بهالمسطره كل مل من الحصه ضرب المصري ضربه لين صار جلد المصري احمر تسنه لابس ( هيلهوب ) ضيق مره والمشكله درجاته زين :(: لكن هيهات هيهات الاختبارات موعده النذل P3 فرفور هذا شاب انيق نظيف ( يمشط ) شعره كل يوم وصاير من كثير مايمشط ان طحنون غار منه ولصق في شعره علك غندور p13 واتعب فرفور تبا لك ياطحنون فرفور هذا دفتره ابو 60 ومسطر ويحط له مدرس الرياضيات المصري خمس نجوم ويستاهل :d الاسبوع الاخير قبل الاختبارات اعلنوا في بيت طحنون حالة الطواريء ومدرسين داخلين ومدرسين طالعين وطحنون لو تطحن مخه كله ماطلعت بجمله مفيده :d قاضي جا ابوطحنون وقال لولده ياطحنون انت ولدنا الكبير وانت اللي لازم تبيض وجيهنا وتنجح ونوديك في الاجازه عند خالتك في الرياض ::D انبسط طحنون ذيك الليله انه بيجي الرياض وبيغير وبيدخل الفيصليه قام طحنون من زود الحماس خذ الكتاب وقام يقرا فيه ومن قو مسكته للكتاب بيدينة الكبار شق الكتاب نصفين سمع الصوت الابو وجاه :TN قاله وش هذا ياطحنون قال لا يابوي هذا من خلصته وبقي النص الثاني p11 قال بعدي ولدي < الله يخلف عليك انت وابوك :d طحنون وهو يذاكر ماكان تفكيره الا الرياض ولا غير الرياض دخل طحنون قاعة الاختبار وكانت الساعة تشير الى 7.30 وزعت الاوراق وهو يبولع ريقه :d ناظر الاساله شاف ان الاسئله صعبه مره ومافيه راسه اي معلومه وكان وراه الدافور المصري : ) التفت اليه طحنون واعطاه نظره مروعه وقال له بالحرف الواحد لاتكتب اسمك لالعن امك :d في هذه الاثناء وقع قلم الدافور محمود ارضا ولم يستطع مقاومة الموقف فسقط مغشيا عليه p13 قام المراقبون على القاعه باخراج محمود واعطاءه الدواء اللازم : ( وعاد مرة اخرى ولكنه اشار باصبعه السبابه تجاه طحنون وبكل شجاعه :d طحنون ( توهق ) فهم المراقب عليهم ان وضع طحنون مريب قام المراقب وقدم حطنون قدام الصبوره :d ولا حوله لا انيس ولا مقبول :d حينها علم ان الوضع مزري وان النجاح شيء موب قريب ابد حينها حاول انه يخدع المراقب فسقط مغشيا عليه :d طبعا يمثل موب مثل المصري ياقلبي قلبه p13 سحبه المراقب مع علباه :d اجل مغمى عليك قام طحنون وقاله ليه انت ماتحبني p7 وقام طحنون قال انا ابضيع وقت ع الفاضي ابكتب اي شي وكتب في الورقه ( ياللي تصحح نجحني عشان اروح الرياض ولا ترا ابزعل عليك ) p18 لو اني مدرس يمكن انجحه عقب هالكلمتين خخخخخخخخخخخخخخخخخ خرجت النتائج وسقط طحنون سقوطا ذريعا وليس هناك ترم ثاني :d وسقط في جميع المواد سوا في البدنية لان بنيتة بنية مدافع جزار :d ( اسئلة للنقاش ) * مارأيك بالتقييم وهل من الاجدى ان يكون لجميع المراحل الدراسية * برأيك ان الاختبارات تكون اكثر عدلا من التقييم لاسيما ان اسئلة السنة هذي سمعت انها صعبه * الذهاب للمدرسة يوميا الم يحن الوقت ان يكون الكترونيا بدلا من الذهاب للمدرسة وتكبد العناء p18 عذرا للاطالة ليست الا خربشات وضعتها اجمل تحيه BBP |
رد: طحنون الجزار
هلا ومسهلا :d
جايك برد يابعدي برب جاري التجهيز :$ |
رد: طحنون الجزار
هلا اخووي مدمن اجل طحنون ههههههههههههههههه
لي عوده \\ \ |
رد: طحنون الجزار
والله انـا مـنـ.. رأيـيـ.. لـكـلـ.. الـمـراحـلـ.. احـسـنـ.. تـدريـ.. لـيـهـ.. انـا اقـولـكـ..... (مالك شغل::D ) لا والله الـتـقـيـمـ.. هـو مـسـتـوى الـطـالـبـ.. الـحـقـيـقـيـ.. مـدمـنـ.. مـمـكـنـ.. تـسـويـلـنـا مـدرسـة الـكـتـرونـيـهـ.. :d (بس اهم شي الفسحة) :d بسـ..(ليتك تخربش كل يوم ::D ) مـدمـنـ.. مـنـ.. طـحـنـونـ..P3 بـسـ.. قـلـهـ.. اهـنـيـكـ.. عـلـى الأسـمـ..p13 |
رد: طحنون الجزار
السلام عليكم ورحمه الله وبركاته
الصد يق/ مدمنBBP بعد التحيه بما أني أعمل بهذا المجال: التقويم المستمر له ايجابياته وسلبياته فمثلا (الطالبه عندما لا تتقن المهاره يكون لديها متسع من الوقت كي تعوض ذلك,, لكن سلبياته ان المستوى يكون متقارب جدا بين المتفوق والضعيف بعد اجتياز المهاره، والآمتحانات التحريريه له ايضا سلبيات و ايجابيات سلبياتها : ان الطالب يحفظ كل ما طلب منه المعلم حفظه وبالنهايه تكون الاسئله قليله!! ايضا الطالب المهمل تكون له كلمته فالبعض منهم تكون الدرجه اعلى من الطالب المتفوق.. للمعلم والمعلمه : الاختبار التحريري اسهل ..لاان الاجابه تكون مقتصره ومحدده..وبالتالي ليس هناك مجال ..للشك! اماالدراسه تغييرها لابد ان يكون جذريا... واتمنى ان يكون للأفضل تقبل تحياتي هلا ليه حا ئليهp15 |
رد: طحنون الجزار
هههههههههههههههههههههههه
اجـل طحنــون ::D عـآد تـصدق يومنـي كنت بـزر كنت مـثل المـصري :d ودايـم يـتوعدوني القويين زي طحنـون وغصـباً ورا خشـمي اغششهم <-- هذا اذا لقوك حال شي p11 نـجي للأسـئله يـآبعدي :$ * مارأيك بالتقييم وهل من الاجدى ان يكون لجميع المراحل الدراسية مـا أعتـقد أنـه ينـآسبنا .. لأننا ببسـآطه نـآس ملوليـن .. يعني تخيـّـل انك تذاكر من بداية السنـّه يعني ازين شي الاختبـارات .. قبلها بأسبوع كانك دافور ذاكر ولا خـلهـآ لين ليلة الاختبـار وذاكر * برأيك ان الاختبارات تكون اكثر عدلا من التقييم لاسيما ان اسئلة السنة هذي سمعت انها صعبه شـف التـقييم مـاطبقناهـ اصلاً من الأسـاس .. بس اسم انه تـقييم .. وإن مافيه اختبار تحريري يعني المـدرسين الحـين يجون للطلاب قبل باسبوع يقولون الامتحان الاسبوع الجاي وبقيمكم فيه يعني يابو زيد كنك ماغزيت .. ماسوينا شي اللهم مافيه ورقه وقلم والتـقييم من نـاحيتي احس إنه عـادل لأنه مايمديك تغـش وتبـرشم وكيذا .. على حسب مشاركتك ومراجعتك وتحضيرك للدروس وأرجع وأقـول التـقييم دخـل علينـا كأسم .. بس كـتطبيق مـآسوينـآهـ * الذهاب للمدرسة يوميا الم يحن الوقت ان يكون الكترونيا بدلا من الذهاب للمدرسة وتكبد العناء p18 يووووهـ كان انوـآع الفلـّـه .. مـاتقوم الـصبح وعيـونك متمـغطه .. ووجهـك مورم من النوم ولا تروح وتركب السيارهـ وتروح المدرسه .. اللهم انك تفتح النت وتدرس وقضينا بـس لايطبـقونه خلااص مـنحب مـستـفيدين منّــه <-- انـواع النـذاله :d مـُـدمن p6 والله صـآير خـطيرر تكـتب مواضيـع وكيـذا :d يعـطيك العـآفيه حـبيبي علـى هيك موضوع وخليتنـآ نضحك عليك وعلى طحنون الـقوي تـقبل مروري ووجهـة نـظري اخوكـ الصـغـير : وليـفوهـ CC |
رد: طحنون الجزار
جسر المحبه
النمرووود بانتظاركم ياحلوين : ) سلطان ابخربش على وجهك < من زود الوناسه : ) حياك يابعدي amal5462 حياك بنت ديرتي BBP احترم وجهة نظرك وانا ارى ان التقييم هو الافضل ويكون تقييما اسبوعيا وليس يوميا : ) لكي مني اجمل تحيه BBP |
رد: طحنون الجزار
وليفـــ الجرح
اهلن هلابك يابعد كل من لي يغلا من الغالي < كل تبن p13 ستايل ممكن لكن وشسمه ماظنيت :TN طيب :$ اعجبك :$ :TN منور وليف BBP |
رد: طحنون الجزار
هاياااات مدمن CC طحنون داج مرة pp50 ام فرفور رهيب pp2 ( اسئلة للنقاش ) * مارأيك بالتقييم وهل من الاجدى ان يكون لجميع المراحل الدراسية حلو بس كل الشي اذا زاد عن حده انقلب ضده تقييم كل شهر حلو بس الي ماعجبني الي كل يوم * برأيك ان الاختبارات تكون اكثر عدلا من التقييم لاسيما ان اسئلة السنة هذي سمعت انها صعبه اسمحلي pp51 * الذهاب للمدرسة يوميا الم يحن الوقت ان يكون الكترونيا بدلا من الذهاب للمدرسة وتكبد العناء p18 اه ياليت كان اريحلنا الصراحة فكره حلوة pp31 بس لاحياة لمن تنادي تقبل مروري وتسلم على الموضوع CC BBP |
رد: طحنون الجزار
*
* مدمن هنا ..p6 وش الموضوع فرفور وفرفره ..http://www.yaser20.com/vb/attachment...1&d=1176325550 اصبر اخلص من اللي مفرفرين راسي واجي ..:d برب..BBP |
رد: طحنون الجزار
8
. . راسي لا يقل عنك فرفره حوبي http://www.yaser20.com/vb/attachment...1&d=1176325550:d :: :: صبحك الله بالخير مدمن يمينا بالله ولا كلمه قريت غير العنوان pp11 سو ف افصفص الموضوع وأرجع باذن الله pp11 |
رد: طحنون الجزار
8
8 احس اني انا سبب قلبت روسهم :d ... صباحك ورد انا قريت اول الموضوع واشغلونيp18 لي باك مدري ليه اسم طحنون يسبب لي ازمه واحس اني في عاصفه في الصحراء p6 الحين برب BBP |
رد: طحنون الجزار
وشسمه أتمنى من المشرفين على هذا القسم الفاضل :d
يحذفون ردي الي فوق لاني يوم جيت انزل ردي قالو انتهى الوقت ومدري وش :d نجي لـ فتى الحانات ،، مدمن الممنوعات p13 الصديق مدمن BBP الطربه <- مايتطنز أبد :d الله يلعن هالفلوس اللي دهورت ناس :d <- ماتدهورو أهله ابد p7 فيه مواصفات ماقلتها :d طول وقته خشمه يسورب وهو يناشق ولا يعترف بشي إسمه منديل :d مايعترف الا بكمومه اللي يبست من كثر مايمسح فيها :d <- :d وشسمه هذا يذكرني بأمير الملاعب p13 نسيت تقول إنه ماياكل من بوفيهات أبد :d يحس انهم وسخين p11 وجبهته تصبصب عرقان :d هههههههههههههههههههههههههههههههههه تسني أشوف شكله وهو يقولها :d تراها صايره معي بالمتوسط بس إني حمار مسويها مع اللي جنبي لكن الأسئله صارت نموذجين ومن زود الدلاخه حليت ولا دريت انها نموذجين مغير انقل لاإجابه :d والله الصراحه هو زيـن للدوافيـر ،، أما اللي مثلي أنا وياك شين مرره :d صراحه ما أتوقع ،، لأن العدل هو إن الطالب يجتهد كل السنه وهذا هو التقييم ،، تجتهد كل السنه تاخذ نسبه زينه ماتجتهد تاكل تبن :d لا جعلها ماتحن يوم تخرجنا عاد :d الا تدري ايام ثالث كنت مسويها انا <- مايروح الا ثلاث أيام بالإسبوع :d ويومين واحد كنت تعبان والثاني مسافـر P3 مدمـن p13 عـوـآ‘فـي على الموضـوع البطـل مدمن BBP < لك : $ |
رد: طحنون الجزار
* مارأيك بالتقييم وهل من الاجدى ان يكون لجميع المراحل الدراسية
انا برأيي التقييم كان فكره صائبه مئه بالمئة لكن للأسف تطبيقه كان غير مجدي خصوصا بالنسبة لطلاب المراحل الاولى بحيث انه طالب/ـة يتخطى هذي الفتره بدون مايجيد مستويات التعليم الاولى (طريقة القرأة والكتابة) ولو يكون تطبيقه شهريا وبشكل جدي بالنسبة لكل المراحل رح تكون نقله كبيره في التعليم عندنا * برأيك ان الاختبارات تكون اكثر عدلا من التقييم لاسيما ان اسئلة السنة هذي سمعت انها صعبه الاختبرات جيت على الجرح ذكرتني بأختبراتي تلاحظ في الاختبرات عندنا انها تعتمد على طريقه معينه في المذاكره حتى انك تستطيع الاجابه وللاسف الاجابه تكون محدده ونصيه ولا تقبل الاجابه بالمعنى ومفهوم الطالب صح فيها عدل بين الطالب المتفوق والطالب المهمل لكن فيها ظلم للطالب نفسه بحيث انه يحفظ معلومات كثيره وبالنهايه الاسئله لا تتجاوز 15 سؤال * الذهاب للمدرسة يوميا الم يحن الوقت ان يكون الكترونيا بدلا من الذهاب للمدرسة وتكبد العناء اعتقد انها صعبة شوي لانه الطالب لا يهتم للدراسة في المدرسة فهل رح يهتم لها بمنزله انا برأيي نسبدل الكتب المدرسية بالمحمول (لاب توب) يكون افضل بكثير ومشكووور على القصة الحلوه ولا تحرمنا من مشاركاتك |
رد: طحنون الجزار
السلام مدمن بحب يوسف
مارأيك بالتقييم وهل من الاجدى ان يكون لجميع المراحل الدراسية براي التقييم احسن من الأختبارات بكثير لكن بشرط انه يكون جدي ومافيه استهتار بالدرجات وبخس لحق الطالب * برأيك ان الاختبارات تكون اكثر عدلا من التقييم لاسيما ان اسئلة السنة هذي سمعت انها صعبه لالا ياخوي احب ابين لك نقطه ترا الأمتحانات والتقييم كلهم زي بعض وكلهم عادلين ولا احد اعدل من الثاني ولعلمك الخاص ترى يصير غش بالأمتحانات اكثر من التقييم وانا ناويه احط موضوع يتكلم عن الغش خاصه في مدرستي الذهاب للمدرسة يوميا الم يحن الوقت ان يكون الكترونيا بدلا من الذهاب للمدرسة وتكبد العناء لالا عاد يامدمن بحب يوسف لازم الروحه للمدرسه عشان تكسب صداقات وتواجه مشاكل وتحلها وتشعربالسعاده وتتهاوش وتفرح وتبكي......وو..........إلخ...... خربشاتك حلوووووه مره يا مدمن بحب يوسف تقبل مروري BBP اختك: ذابحها الدلع |
| الساعة الآن 05:19 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0