بسم الله الرحمن الرحيم ....

فيه واحد من اخوياي من ايام الابتدائيه دارس معاي المهم وهو في حلقه
تحفيظ القران وكان دائما يقول لي تعال سجل وادخل احسن لك من الشوارع
وانا اقوله يابن الحلال نومي ثقيل .... ولا تشغلني ماني مسجل ..
فقد الامل الرجال ولاعاد قالي بعدها ابد ....
وبعديـــــــــــــــــــــــــــــــــــــــــن :

درست انا المتوسطه وانتقلت عن حارتنا اللي هو ساكن فيها وذهبت لمدرسه
اهليه درست المتوسطه وكملت الى ثالث ثانوي .
الساعة : 3 ليلاا يوم الثلاثاء اللي فات كنت ( جوعان ) فذهبت اجول
في الشوارع على الله الاقي مطعم فاتح او اي شي اكله اتجهت الى احد
المطاعم يفتح اربع وعشرين ساعه جلست طلبت وجلست انتظر الطلب .
واذا بواحد يضرب في قزازة السياره ويقول هلا ابو حميد ؟؟:
فتحت الباب قلت هلا والله .
قال عرفتني :؟؟؟
قلت لا والله ؟؟
قال انا فلان بن فلان ..
قلت هلا والله ( بالاحضان ) ..مصري الأخ ::D
المهم سلمنا وجلسنا نسولف قال وش عندك جاي ؟
قلت جاي اغير زيت سيارتي ؟؟
صدق هو قال مافيه احد فاتح ؟؟!!
قلت ادري واقف عند باب مطعم وش عندي يعني ؟؟
قال : خذ عشاك والحقني ..
قلت وين ؟؟
وعطاني ظهره ومشى ...
درعمت انا وراه لين وصلنا لشقته ..
نزلت انا ونزل هو .
قال : تفضل .
وين يابو الشباب هالوقت ذا ماني فاضي ..
قال : ساعه وماشين .
قلت يالله ..
دخلت انا واثاري الدعوه غير ماهي مثل اول .
يعني ( رسيفر ) وانترنت ( وشيشه ) يعني فالها على اخر حد ..
قلت : افا بس افا خربتها مره وحده ..
قال : وش نسوي المراهقه متعدي المراهقة من سنه جدي P3
قلت : من حفظ قران الى دوفي دوف وشيشه ؟؟
قال : الشكوى لله ..

الكاسر يفكر بينه وبين نفسه <<< في الشقه طبعا ..
والله ابو الشباب خربها دخان مره وحده ..
كنت افكر كذا ..

المهم جلسنا تعشينا وخلصنا ..

وجاك الرجال طلع من وراء المجلس ( بكت ) انا قلت يبي
يحبس بعد الاكل .
وطلع من وسط البكت شي ( اشبه بالصلصال ) طويل شوي قلت وش ذا ؟
وجاء وطلع بكت ثاني فيه زقاير وبدأ يفك ويخلط ويحرق كل هذا يسويه .
وانا جالس اناظر وش يسوي واقوله وش تسوي انت ؟؟
يقول : مزااااااااااااج ..
انا ماعرف الحشيش ولا ادري وش نوعه وقصته ..
المهم وبدأ يلف ويخربط لين زبط زقارتين .
وبدأ ( يمز ) بهدوء وانا جالس اشوفه مادري وش اسوي ...
قلت : وش وله الثانيه ؟؟
قال :لك ؟؟
قلت : طيب وش ذي ؟؟
قال : ايقالك ماطحت في الحبوب ؟؟
قلت : وش حبوبه ؟؟
قال : الحبوب وش حبوبه .
قلت : انا حدي زقاره ( بنقالي ) وش جابني لذولي ..::D
قلت : وش تشرب انت ؟؟
قال : اللي تشوفه ؟؟
قلت : وش هي ؟؟
قال : حشيش ؟؟
ارتبكت انا وخفت يطب عليا احد واروح فيها ..
انا جالس اناظره متوقع انه بيدخل جو الحشاشين مثل اللي بالنكت بس ماشفت شي .
وانتظره يخبط ماشفت شي ..

قام هو ودخل المطبخ الظاهر بيجب شاي او مشروب .
قلت : انا بنفسي الله يستر ليكون بيشرب شراب والا شي ..

وانا اللي انقز واطقطق ( رجولي ) وعلى طول للبيت ..

وين انا والحشاشين وين ؟؟

........ انتــــــــــــــــهت ...........

آسف على الاطاله .
ولا له داعي اقولكم قصة حياتي .
بس انا بسأل عدة اسأله في بالي :

ســــ 1: وش غيره من قران الى حشيش ؟؟؟
ســـــ 2 : هل من المعقول تاثير الشله الفاسده الى هالدرجه ؟؟
ســـ 3 : وش اضرار الحشيش ؟؟ ..
ســــ 4 : وش يسوي الواحد اذا صار خوييه ( حشاش ؟؟) ..

انتظر مشاركاتكم ...

المشاركة الأصلية كتبت بواسطة نص ريال مشقوق (المشاركة 949341) أدخل بريدك الذي اشتركت فيه بريدك :

ســــ 1: وش غيره من قران الى حشيش ؟؟؟

ممكن ضروف نفسيه وممكن زي ما اوضحت في السؤال الثاني الصحبه الفاسده
الشخص ياخذ من صاحبه الكثير ...p7

ســـــ 2 : هل من المعقول تاثير الشله الفاسده الى هالدرجه ؟؟

ســـ 3 : وش اضرار الحشيش ؟؟ ..

هي اكيد مضره من كل الجوانب سوا جسديه او عقليه .. p7
ولكن اضرارها ما اعرفها .....p18

ســــ 4 : وش يسوي الواحد اذا صار خوييه ( حشاش ؟؟)

المشاركة الأصلية كتبت بواسطة هلالية<==وأفتخر (المشاركة 949842) مشكووور اخوي على القصه المحزنه BBP التي وانا اقراءه اقشعر جسدي منها:(: وهذا الزمن عجيب وكل ما يدور به اعجب منه .. p18 اتنقل لأسألتك ...... P9 ســــ 1: وش غيره من قران الى حشيش ؟؟؟ ممكن ضروف نفسيه وممكن زي ما اوضحت في السؤال الثاني الصحبه الفاسده الشخص ياخذ من صاحبه الكثير ...p7 ســـــ 2 : هل من المعقول تاثير الشله الفاسده الى هالدرجه ؟؟ معقول الي هذه الدرجه وممكن أكثر ...p18 ســـ 3 : وش اضرار الحشيش ؟؟ .. هي اكيد مضره من كل الجوانب سوا جسديه او عقليه .. p7 ولكن اضرارها ما اعرفها .....p18 ســــ 4 : وش يسوي الواحد اذا صار خوييه ( حشاش ؟؟) يحاول قدر المستطاع ان يساعده وانت ذكره بالقران الي كان يحفظه واحاول انك تقوي له شوي من جانبه الديني ... p6 الموضوع يحزن من حافظ كتاب الله :(: الى حشـــــــــــــــــــــاشــــ p7 لاحول ولا قوة الا بالله العظيم P9 تقبل مروري CC

المشاركة الأصلية كتبت بواسطة نايف الشمري (المشاركة 950114) يالله لا تبلانا .. احمد ربك على نعمة العقل ( اصحاب السوء وما يفعلون )

المشاركة الأصلية كتبت بواسطة مجنون الكاسر ياسر (المشاركة 950706) اصحـــاب الســـوء .... فيه مثل وانا اخوك يقول...(( الصاحب ساحب)) يسبب امراض عقليه وهلوسه بصريه وسمعيه اي انه يرى اشياء ويسمع اشياء لم توجد . ويسبب الحشيش ايضا بمرض الاضطراب الزوري .. اي انه يصبح شكاكا ويشك في جميع من حوله من اهله واقاربه وكذلك يقوم الحشيش في في اضطرابات في الجهاز العصبي في الدماغ ويقوم في اماتت الميئات منالخلايا الدماغيه الخروج سريعا.. لان الدخان الخارج من الحشيش يؤثر بنسبة 20% تقريبا على الغير مدخن للحشيش وسف على الاطاله وحمى الله شبابنا من هذه المعاصي التي تؤدي الى الهلاك ... تقبل مروري اخوك عبدالرحمن

المشاركة الأصلية كتبت بواسطة أخو مشجعه هلاليه (المشاركة 953659) الله لا يبلانا مشكوور أخوي بس احزنتنا تقبل مروري/ أخو مشجعه هلاليه

المشاركة الأصلية كتبت بواسطة عــــــــــادل (المشاركة 953716) وش يسوي الواحد اذا صار خوييه ( حشاش ؟؟) .. بجاوبك عن السؤال الرابع فقط الحل الوحيد انك تنصحه اذا فاد فيه او تبلغ عنه

المشاركة الأصلية كتبت بواسطة مخآوي الليل (المشاركة 954456) لا حول ولا قوة إلا بالله ..!!