قالت لي ::
اسمحي لي .. بس انتي مجنونه ....!
خير ان شاالله ؟؟ وش السالفه ؟؟
شايفتن أمصع شعري واكلم نفسي ولا أصقع راسي بالجدران ؟؟؟
قالت ::
لا .. بس وش فيها لو كلمتيه ..؟ أنا سولفت له عنك وهو معجب بشخصيتك مرره
>>>على مين تلعبها ....؟؟؟؟
ويقول نفسي أسمع صوته ... شوفي راح تضطريني أعطيه الرقم غصبا عنك ...!!
ماصدقته لأنه سفيهه ...

بعد كم يوم .. الساعه 2 بالليل .. تعبانه وحرارتي مرتفعه ومالي خلق أسولف مع أحد
وكل ماطل علي أحد يواسيني طردته ...!
سمعت جوالي يدق .. أحوس أدوره لقيته غاطس تحت الكرسي .. رديت .. والا هكالصوت اللي
يذوب .. قال ::
انتي لمو صح ...؟ >> وجع يدلع بعد ..
قلت نعم >>بعدين انتبهت >>.... هيه انت وش تبي ....؟
قال ::
أنا سعود وأكيد كلمتك الهنوف عني ....>> يااربيه يحتسي مثل هل الرياض يحسبن مادري أنه
حايلي .... !!!
وعلى طول أتخيل اني ماسكته الحقيره وغايلته وأنتف شوشته شعره شعره ....
وأنا أزأر عليه >> أسلوب مبالغه ...
ياعلك مايسعد حيك ياقليل الأدب ... داق بانصاص الليالي ....؟؟؟
ياعل يدينك للكسر وياربي ياربي لسانك ينقطع ...>> به كماله بس الغبي قاطعن ::
لااااااااا ... إلا المداعي تكفين ...!!
طبعا قفلت بوجهه بعد مابردت حرتي ...
وجه مغسول بمرق ... يعني مغازل عادي ... مداعي لا ...؟؟!!!
BBP BBP BBP

يقولون لاضاقت عليك الوسيعه غن ..
وأنا أقول شف مقرد الخلق وش قالت ...؟

BBP BBP BBP

عيشتنا ..
كنا جالسات أنا وياه نسولف بهمومنا وبلاوينا الزرقا ...
قلت ::
صراحه أحس مافيه مشاعر إنسانيه بهالزمن ....!
ضحكت ضحكته المميزه وقالت ::
وش صاير ..؟؟ عايشه بالمريخ ولا فريزر ... انتي هبلا ولاتستهبلين شلون مافيه مشاعر ...؟
أنا بدت الفلسفه وعلم الكلام عندي ::
يعني محد يحب الثاني لذاته إلا نادر ... كل الدنيا صارت مصالح ..
والعالم الحين غرقان ببحر التقنيه والتكنولوجيا وصخب الآلات والتروس ..
كل شي نتعامل معه عن بعد وبطريقه غير مباشره .. الثوره اللي أحدثته التقنيه غيرت نمط حياتنا..
صار بينه وبين حياة أجدادنا اللي عاشوه بتواصل انساني رائع إختلاف كبير ..
الحين اختفت حرارة المشاعر الإنسانيه ..
أصيب التقدم الإنساني بشلل واستشرت الأمراض الاخرى المستعصيه بجسده .. سخر كل التقدم العلمي
والتقني لإبادة البشرية ولو وجهوه لتنمية المشاعر الإنسانيه كان ماهاذي عيشتنا ..
تلقين عقول مبدعه تهتم بالإنسان شكليا فقط .. أما اللي داخل التجويف مهمل تماما ..
صرنا مثل المجانين ، نلهث ورا التقدم الصناعي وننسى أو - نتناسى - تقدم الحياة النفسية والروحية
للبشر ..الحين كلنا نشكي من الفراغ العاطفي ..
للأسف شي واقع وان كنا بجبلتنا القديمه نكابر ونغض الطرف عن عيوبنا ..
دراسه علميه تقول ::
الإنسان يحتاج لأربع أحضان يوميا فأكثر ... ليش ..؟ عشان يمشي بحياته ..
يمكن استغربت بالبدايه .. بس يوم فكرت استنتجت انه فعلا .. الحنان خاصه يعطي دفعه معنويه للشخص
يحس انه فيه أحد يحبه ويلجأ له ..
وللأسف اننا الحين اضطرينا نكتب مشاعرنا على الجدران ....!!!

BBP BBP BBP
الموت حق وكل نفس تذوقه ..
مير البلا من ذاق موته ولامات ..
BBP BBP BBP

واحد عند السوق .. شكله مره مقرف ومقزز ..
السيقان طالعه زي المسامير المصنقه .. والشعر واصل كتوفه ..
حتى سواقنا نقد عليه ..

المشكله لاقلنا لهم استروا عصاقيلكم قلبتوا كبودنا ... قالوا الرسول يلبس كذا يعني مهو حرام ...
انا هنا تضرب فيوزاتي ::
هذاك الرسول يالله الجنه مهو انتم ربي لك الحمد والشكر لاملح ولاقبله ...
واللي يقهر الإقتداء مايصير الا بالأشياء اللي ماتنفع ولا لو نقول لهم ::

القدس تنادينا ..>> قال نعم ماسمعت ..!
يابن الحلال القدس تنادينا ..>>اذني فيها شي ...
أقول القدس القدس .. يعني فلسطين تقول تعالوا حرروني
..>> آه توني فهمت .. الله يساعدهم >> تمصعت بالحيل ..!
BBP BBP
والبنات صارن اردى واردى ..
اروح للسوق .. اعوذ بالله شي يوجع الراس .. قمصان النوم أستر ..
يعني وحده ركبه يبي لهن ثمان كراتين تايد ,, وكلوركس ,, وفلاش بعد عشان يروح السواد
اللي بهن .. ولا الكوعه ربي لك الحمد حكاكه ومطلعتهن ,, والسيقان تقل أقلام رصاص ,,
يعني خرعه مابه منظر ....!!
واللي يقلب تسبدي لاجت الوحده مطلعة ظهره اللهم ياكافي كله حب شباب تقل مراغة غنم
والعصاقيل ناطه تقول مجاعة أفريقيا .. ومسكينه فرحانه تحسبه وين راسه ....!!

وحده بالصالون عمره ماوصل ( 15 ) وتنمص حواجبه ...!! استغفر الله العظيم ..
والحين اللي نشوفهن بالأماكن العامه ,, الوحده تجي وهي جايبة ماورى أذانه والعطر يدوخ..
والعيون داعجة بهن الكحل والشدو كل الألوان حاطتهن أحس انه ماتقدر ترمش من ثقل عيونه ..!
مافكرت يعني من يبي يشوف له ...؟؟

واحد خايف ربه ومحترم نفسه ..؟
لا يابابا هذا يبي ينزل عينه ... مع انه صار قليل ...
يعني ماراح يشوف له إلا ( السلنتح المنتهين ) ...
اللي من يقومون من النوم على طول فرفره وصياعه ولعب على بنات خلق الله ..
حتى الخشه ماتغسل ..
ونقول ليه المطر ماينزل ...؟
والمسلمين مهانين بكل مكان ...؟
وقايدين وجيهنا ندعي ونبي ربي يستجين لنا .. وحنا ذنوبنا واصله سابع سما ..
أخيه من ربي ...

صرنا نشوف المنكر شي عادي ,, ونقول حنا ماسوينا مثلهم ماعلينا شي ,,
ياخوفي نقوم والا ربي ماسخنا ولاخاسف بنا ...
تخيلوا بس تقومون من النوم ولاالشمس طالعه من مغربه >> ان شاالله أموت قبل ..!
يعني خلاص مافيه توبه ... يماااه ....


ختاما تذكر أنه ::

حينما تعيش بتفكيرك أنت ..
وتدع لضميرك حرية الحكم ..
تعيش لايفهمك إلا القله ,, ربما يصفوك بالتمرد ,,
لكن حينما تعير عقلك للآخرين ,,
وتؤجل مسألة الضمير لما بعد الحكم ,,
تكثر حولك أصوات المصفقين ,,
كم أكرهها أصوات المصفقين ...!

ولاتلعن الظلام ..
فقط أوقد شمعه ..

ولأن الفضاء بلا جهات ,,
سأكتفي بالتحليق ,,

عطر الله يومكم بسعاده وموده وتفاؤل وطموح
تحيااتي