التاريخ :: في أي يوم انت ؟؟
موضوع الدرس :: كيف تمذرح بالعالم ؟؟
اللقافه مبدأ .. ياتبدأ .. أو ابدأ ..
دغيمان وحصيصه .. قصة حب لن تنتهي ....
الأبطال :: دغيمان & حصيصه
الكومبارس :: صعفق .....
*دغيمان شايب عايش فراااااااغ عااااطفي رهيب بعد أن تهورت عجوزه
حصيصه وراحت لبيت أهله ,,, وإليكم القصه ::
حصيصه عجوز منعفطه في الــ 80 ،،،أي في زهرة العمر..وش اسمه سوت عملية تجميل ،
نفخت براطمه لين صارن مخدات،، ونفخت شدوقه بعد لين صارن كفرات تريله، وزينت خشمه
لين صار سلة سيف >>بلاستك !!
وطبعا تخبرون شعر الحواجب نازل شوين على عيونه راحت نمصته>>عياذا بالله !!
وشدت وجهه لين تجمعت العرافيط بعلابيه ... العلابي:: الرقبه من ورى،،
وغيرت اللوك تبعه .. قصت شعره مثل وش اسمه هذيكي ، وحطت حبة خال بين الخشم والبرطم
>>كان أصله ثالوله بس مع الشد والجذب صارت حبة خال !!
وركبت سنون جديده ناصعة البياض....
المهم وراحت للسوق وقشت كل ابو شي عندهم ،، يعني صار شكله غيرررررر مررررررررره ...
وصارت تغز خشيمه على دغيمان المسيكين ...
وتقوله :: يالشايب , يالمتخلف , يابدوي , يابو ريحه ,,
لعنبوك ماتعرف تسبح ؟؟ من اسبوع ماغيرت ملابسك>>الله يادنيا..نسينا ؟؟؟
شف كيف التي شيرت حقك >>تعني الفنيله الداخليه , بعد هو ياحول شاري دروش...أحسن شي..
صاير لونه مقرف ..يروع .. يجيب الكحه ..
وسروال السنه ليش متنح كذا ؟؟
انت ماتعرف تشتري مقاسك ؟؟ ولاشكلك لابس حق صعفوقي بعد عمري ..
والرجل يقول ميخالف مقبوله منث >>ماله سنون !!!p10
قولي اللي تبين مدامث ثرتي تسذا وش ذينث >>>مشكلة الشيبان يخقون مع الزين ....
الموووووووهم ،،، وهذا حالهم لين جا ذاك اليوم المنحوس ،
كانت حصيصه جالسه تكلم زينب العسكري بالجوال ,, وشوي وتجيه رساله من فخريه
خميس ،، وهيا الشعيبي انتظار ,, وأم حديجان تقول بسرعه ردي مريبط لزقة عنزروت عندي
يبي التلفون ,, ووائل كفوري وملجد المهندس وبشير غنيم يرسلون حالفين الا تدق عليهم >>قعاطه...
والا :::
طررااااااااااااع طب طاااااااااااع ....>>>أي
أثر دغيمان طاب عليه .. ويدعيه ::
حثيثه
حثوث
حثوثتي
حثحث
حرمتي ,,,
ذوجتي ,,,
أم ثعفوقي ،،،
حثه
حثااااااااااه >>سعااااااااابيل ..
يااااابقره ماتبين تردين علي يعني ؟؟
أحاثي جدران أنا ؟؟؟
لابوث ابو اللي جابث ياثوره ، ياناقه , الا الناقه اعقل منث ،
ياناقثة العقل والدين ، يالعدوذ المراهقه 
هنا حصه وصلت معه وضربن فيوزاته ::
لااااااااااااا يابابا ، وصلت الخط الاحمر ، تسبن هاااااه ؟؟ هين أوريك
انا مالي قعده بهالعشه , وخر عني ابروح عند باباتي وماماتي >>ماشاالله حيين؟؟؟
دغيمان :: روحي عندهم الله لايجيبث ، تشارلذ وديانا على غفله ؟؟ قالت ابوي وامي قالت !!!
حصيصه :: انطم ياشايب يامتعرفط ياسعبوله ياااااااااااالوح
وهو يجي صعفق مشووووووووووت ::
وش بكم ؟؟
عسا ماشر ؟؟ صراخكم واصل منفوحه >>صواريخ تاصل امريكا !!
يمه ليه تخانقين ابوي ؟؟ وش السالفه ؟؟؟
حصيصه ::
انقلع انت الثاني ، ياولد ابوك ، هو اللي بدا يسعبل علي ( حثوثتي ،، حثحث )
انقلع لغرفتك انت وسنونك اللي تقل دريشة مقصف ،، وخشتك اللي كله لبن وذبان ..
برررراااااااااا ,, بررررررررررررررراااااااااااااا
>>>تقول هالكلام وهي تصفط ملابسه
وتحطهن بالشنطه .....
وطلعت تحصيصه من الغـــرفـــه .....
والـــحــــوش ....
والبــــيت ...وطررررررراخ >>يعني سكرت باب الشارع !!
ودغيمان وولده خامين بعض يلعون ,, يلعون :: أي يصيحون بصوت عاالي جدا ...
المهم ولاينفتح الباب ,, وهم يصرخون ::
صعفق :: يماااااااااااااااااااه
دغيمان :: حثوثتي .. قلبي >>سعابيل كثيره ...
قالت طسوا عني ياقرايا جيت اباخذ اللاب توب حقي ,,,
وهم يرجعون يكملون الفلم الهندي ...
وبعد هذه الكارثه الطبيعيه ،، دغيمان المقرود جته عقده نفسيه ، صار ينام بالحوش
لانه لانام بالسطح تذكر ( حصيصه ) ،،،
وكل ابو يوم لاجا الضحا وراح صعفوقي للمدرسه>>على فكره هو ثانويه عامه ولاله خلق
يدرس بعد اللي صار ....
يعقد بالمشراق ويتذكر الأيام الخوالي ويصيح ، ,
اضطروا انهم ياكلون البيبان من الجوع ،،
وصعفق بعد عمري يجعر>>اي يرفع عقيرته بالبكاء
...ويمسح فرته بالفنيله لمين صار
لونه بني , ولسان حال دغيمان يقول ::
اللهم طولك ياروح ، عقب حصيصه ماحنا شي ، يالله انك ترده لعياله ..>>عاد روحه من عياله..
ياهل الهوى بالله ردو لي عجوزي **ردو عجوزي جعلكم ماتعجزون
عجوزي اللي عودها عود موزي **ابرك من عجزكم لوتقولون
الزبده ان حالتهم تصيح اللي مايصيح ...
ويوم جا هكاليوم ودغيمان نيم بالحوش عند الباب عنده أمل ان حصيصه ترجع ،،،
والا بذاك الصوت المغبر الذي عفا عليه الزمان يقول :::
دغيمان ،، دغيمان يابعد تسبدي قم ،، شف وجهك صاير تقل قدر بر من النامس
حسبي الله عليهن ،،،
دغيمان من الصدمه فتح عين وحده ،،، يوم تأكد فتح العين الثانيه
!! وهو يصرخ :::
" حثيثه " ؟؟ >> المره امتلت سعااابيل مانقصه الا الشامبو ....
" حثوثتي حبيبتي ،، هيء هيء ،، أثوى انث رجعتي لم بيتث مره ثانيه ،،
ماثفتي حالتنا انا وثعفةقي وانتي مانتي به ...."
مادرى الا وطرررررراخ ,,, مخمس معتبر على وجهه >>يقاله تعطي حنان ...
انت وش تقول ؟؟ ماش يادغيمان شكلك خرفت ,,
انا به مارحت .. هي هي ، والله انك فاضي تغازلن الصبح 
،، أدري انك تحبن ,,
بس ياويلك مره ثانيه تستهبل الصبح ,,
يانظر عيني قم قم أفطر ,,
وقام دغيمان ومن الفرحه يمشي مفهي ,, وهو ينزلق بالعتب ويقوم يعني اني
ماسويت شي ,,,
جلسوا يفطرون ,,
وذبان ونواميس وخفافيش السعاده ترفرف على خششهم ،،
ودغيمان الضحكه شاقة وجهه ،،
لدرجة اني شفت معدته >>تصدقون ؟؟
والثرمه كله طالعه ،،
والخشه تنقط سعابيل ....
وحصيصه وصعفوقي ليومكم مايدرون وش سالفته ؟؟؟
ختاما ::
يازبده لاتموعين ،، وان معتي لاتسيحين ،،
وان سحتي لاتنقطين ،،
سلملم ..BBP
17-05-2007, 01:30 AM
العرض الشجري
