.. ||||||||| ..





موضوع لا يرجى منه فائده ..،
فإن كنت عزيزي / عزيزتي القارئـ / ـة مشغول ..
اجّل قرائته الى بعدين أو لا تقرأه
( بداية مشوقه )


رغم ان الفرق بيني وبينها 3 سنوات الا اننا قريبات من بعض جداً
وذلك يعود الى رجاحة عقلي << انثبري
( حسيت انه عيد ميلادي )




||| .. طـفولـة مريرة .. |||



عشنا انا واختي الموقرة طفولة مريره مابين تسدح في حديقة الكمباوند
إلى بيت خالة الجوهره اخر النهار ..،
والعودة للبيت متأخرا عشان نلاقي ابوي
ينتظرنا بعينين عسليتين تشعان بالحنان
ليسدحنا ارضا
خير يا اوم الشباب انتي واختك ؟!!
مربي عيال ؟؟ ساعه ندور عليكم ؟؟
وبحكم انها الكبيره فكانت تاخذ النصيب الاكبر من ذاك الحنان
لانها القدوه





غايـه

كنت اعشق تذمرك وحنا صغار من كون كل شي يطيح على راسك
وابادرك باني اعطيك ظهري وانام





|| مراهقـه متعبـه ||


فترة مراهقة غايه كانت في طفولتي
يعني ما كنت ادري وين ربي حطني
كل مافي الموضوع اني اذكر يوم جت امي للمدرسه واكتشفت المصايب اللي تسوينها
واذكر سالفه المناديل اللي قطعتيها وحطيتيها فوق المروحه عشان اذا شغلوها تحسين انه ثلج

واذكر الفلم اللي سويته ومرضك بفقر الدم عشان تتهربين من الوقوف اخر الفصل نتيجـة عدم حلك للواجب




|| بداية الدفره ||


بداية الدفره كانت والحلوه في الثانوي ..،
بدئت غايه تكتسب شخصيتها المتزنه ../
وتهتم بدروسها
وبدئت المقارنات تنشئ بيني وبينها كوني ما افتح الكتاب وهي دودة كتب
ما اذكر في هالمرحله شي مثير لاننا ما كنا نشوفها
دايم تدرس في غرفتها



|| مشاهد متفرقه ||



حياتي انا وغايه تحمل الكثير من الأكشن ..،
يعني اذا اتفقنا على خطه ابن امه يكشفها ../
في يوم من الأيام منعنا من السهر
وطبعا ما احد يقدر يجبرنا على شي ما نبغاه ..،
سهرنا على النت
وشافها اخوي الصغير وتوعدها يقول لاهلي ..،
بكل بساطه
فبركنا موضوع انه كان يحلم .. لين هلوس المسكين
و صدق هو واهلي




شات القناص ..،
اجمل مكان كانت تستلج فيه ..،
اهم الناس اللي شاركوا معنا هو الكاسر ( ريان ) ..،
اذكر في يوم دخلت وقالت ان ريان يصير ولد عمنا
بما ان ريان وروبن ماكانو موجودين ما احد صدق
ومع دخول ابو صياح عطته خبر
وما كان عنده مشكله ابد
وفبركنا الموضوع
وعانا المتواجدين من الذهول لاننا جنوبي وولد عمنا دوسري
وصرفت الموضوع بانه ما يكون العم الشقيق لابوي




|| ثلاثه وعشرينك عساها مية عام ||



اكتملت سلسلة الفهاوة اليوم
مع صدور جوازاتنا
فتحت جواز غايه وشفت تاريخ ميلادها
القيت نظره على الجوال و طرت لغرفتها
أنا :: غايه كم التاريخ اليوم
غايه :: ما ادري
أنا :: طيب شوفي جوالك
غايه :: 15
أنا :: 15 كم ؟؟
غايه :: 5
أنا :: يعني ؟
غايه :: لا تقولين عيد ميلادك
أنا :: لا يا الدلخه عيد ميلادك انتي
غايه :: وجع يا الدوبا ليه ما احتفلتي فيني





هذا انا احتفل فيك الحين


Happy Birthday






يعتمد "" روبـن هـود ""

ميغسي ابو عبدالله
.. ||||||||| ..