*
*
*
أس أس السلام عليكم
شحالكم يبهـ ..
شندعوهـ عاد لاتقولون الحمدلله على السلامه ولا شئ

الكل يدري واللي مايدري يدري
اننا سافرنا الكويتا انا اولهم
وحالي الذوق
امير الملاعب
وليف الجرح

فقد انطلقت مركبتنا يوم الثلاثاء في تمام الساعه 9 صباحاً
وشطفنا وقتها جامعه الملك سعود وجلسنا نضحك عليهم انا ووليف
قلنا اككككككككك يدرسون وحنا بنسافر
<= الله يستر لاتحملون شئ وثمن تاكل تبن انت ووليف

فليناها في السياره ضحك ووناسه
وتعلقيات على حالي الذوق
حتى اشتد به الوطيس الى ان صرخ وووووووووووووووووووووووواع

وبعدها وصلنا للخفجي ورحنا انا وحالي نسلم على حرمتن فيذاك
تصير اخته وتصير خالتي ..

وكانوا ساكنين في سكن ارامكو
وبحكم ان حالي شكله شبهه واجهنا صعوبات في الدخول للسكن



وعطونا ورقه الزياره ودخلنا
ولقطنا ولدها عشان يدخلنا الكويت ..
بحكم ان الموتر اللي معنا موب مفوض




وقد رززنا جوازاتنا لكي نستملح عليكم
وصورناها مصكره عشان ماتخقون مع خششنا


*
*
*


وصلنا الحدود وعانينا شوي فيها
بسبب شئ مدري وشو
ولا اقول خلوا حالي يقولكم

*
*


وبعدين جتنا هاللوحه
وانبسطنا كثير ماااااااااارهـ
لان نحس اننا قربنا ونوصل

وفي نص الطريق وبحكم اننا شعب نحب نتلفت
قلنا ياليت مانوصل :
تدرون لييييييييييه ..
لان عندهم حريهم يسوقوون
انوووواع الفله

*
*

بعدها رحنا لم السالميهـ ..
واستاجرنا في مارينا رويال ..
لاتحسبونا ساكنين في السوق
ترى السوق يسمونه مارينا مول
ادري انكم اغبياء وبتفهموني غلط
صحيح كل وقتنا بالسوق بس ولو ترانا مستاجرين في الفندق
خخخخخخخخخخخخخخخخخخخخخخخخخخخخخخخخخخخخخخخخخخخ

*
*
*


هنا غرفه النوم والدشره
بما اني انا وحالي الذوق عاقلين ..
مانمنا فيها
نام فيها وليف الجرح وامير الملاعب
بس الظاهر ان غرفتهم اوكي
لانهم ماتجي 2 الليل الا وهم نايمين
اما انا وحالي ماننوم الا الفجر
وانا مااقدر انوم الا لين حطيت حالي على الصامت
بحكم الاصوات اللي يطلعها

*
*
*


هذي صوره لسوق المارينا مول
وهو احلى سوق عندهم اصلا
فيه كل الاشكال والانواع
واحلى شئ تشوفه الجنس الثالث
ماتفرق هي ولد ولا بنت

*
*
*


هذا كوووفي دايم نجلس فيه بالليل ..
نشوف العالم الرايحه والجايه
ومنها نكحل وونناظر
وترى الونيت الاحمر اللي ملبق تحت حق وليف
والموتر اللي جنبه حقي

*
*
*


السينما ..!
وماأدراك مالسينما عندهم
بصراحه ذاك اليوم طفشانين انا وحالي ووليف
وقلت لهم وش رايكم ندخل سينما قالوا قدام .. < لبي قلوبهم كل شئ عندهم قدام
وكان حظنا اننا ندخل فيلم رعب اسمه ماسنجر $
دخلنا وجتنا الروعه خخخخخخخخخخخخخخخخخخخخخ
شوي واطب في حضن حالي من الخوف
بس انواع الضحك العالم خايفه وحنا نناظر بعض ونضحك

*
*
*
في يوم رحنا وحضرنا مباراة الهلال وانبسطنـا
وعطوكم وليف وحالي تغـطيه لها بالتفاصيل

*
*
*
يوم الخميس جانا ولد خالتي اللي يصير ولد اخت حالي
اللي يصير ولد بنت عم وليف واللي مايقرب ابد لأمير
<= ياشينكم انتم وعائلتكم لحسه خخخخخخخخخخخخ

الزبدهـ جانا وهو خابر الكويت زين ومسكنا وودانا لسوق شرق
صحيح السوق مش حلو ماارهـ بس مش بطال
يكفي فيه اللي يوزعون كاكولا

*
*
*


بعدها رحنا للابراج
تصدقون ياهي طويله خلينا وليف يوقف جنبها طلعت اطول منه
<= احلف
بس والله ياهو حلوه تخيل انها عسكريم وقسم تخق معها

*
*
*



بعدها رحنا للكورنيش وتمشينا فيهـ
بس كان الجو حار وكتمه ولا طولنا :/

*
*


شتفوا هذاك اللي واقف قبل البحر
وواقف على الرمل
تتوقعون مين يكون
الا صدق الصوره صح تنفع للمصممين خخخخخخخخخخخخخخخ

*
*
*
بعدها رجعنا للشقهـ
وخمدنا ولما جت 2 الظهر حزمنا شنطنا وعودنا للخفجي
ومن بعدها انطلقنا للرياض ووصلنا في تمام الساعه 12 ليلا

*
*
*
// .. مقتطفات من الرحله .. //

*وليف الجرح يستاهل لقب ( فاكهه الرحله ) صحيح انه نصراوي معفن
بس ولد نكوتي وحبوب وينحط على الجرح يبرى :85:

*حالي الذوق يستاهل وبجداره لقب ( شايب الرحله ) بحكم انه يقومني بدري
من 12 الظهر يقلقني ويسوي زحمه بالسويت

* امير الملاعب يستاهل لقب ( مفقود الرحله ) بحكم اننا مانشوفه
الا لين جينا ننوم

* انـا استاهل لقب ( كاش الرحله ) بحكم اني ماسك قطتهم

*
*
*
والى هنا نصل الى نهايه سفرتنا
واذا اعجبكم الموضوع وتبون مثله كثير
مالكم الا تحولون فلوس على حسابي وابشروا باللي يسافر ويجيب لكم تقارير احسن من كذا

روبن هود

لبي قلبك شف الموضوع قدامك يالغلا ..
بس مره ثانيه ذكرني ان السمايلات تختلف < انكب :(
ولا خلها مثل سمايلات النمر ..
عشان نريح من جد