كيف أخلي السامري وانا هواوي ؟؟!
خيويني .. خيواتي .. ياعزوتي وغربالي ::P9
أما بعد :: >>أحلى ,, تدرون ان التراث الأدبي من عوامل الربط القوية الهامة واللازمة للوصل بين الماضي والحاضر والمستقبل.. ويمكن من حسن حظي ان اسرتي يهتمون كثير بالشعر الشعبي،، ومنه اللي نسميه السامري .. أكيد تبون تقولون هالقديمة الحين الناس تطوروا وتطورت حتى أغانيهم.. خلاص شي اسمه شعبي انقطع واندثر،، بس أنا إلى الحين أحسه هو الأصل وماتزين جلسه ولاطلعة بر بدون مانغني سامري ،، وأطرب إذا سمعته أكثر من أي لون ثاني ،، لأني أحسه شعر صح شفاف لأبعد الحدود يصور حياتهم أول وحروبهم وأفراحهم وأعيادهم وزواجاتهم,, وحتى الحب عندهم،، وين ماكان عفيف وشريف لا منه تمصع الواحد شافه وهي ترعى الغنم !! ياحبي لهم,, مهو الحين الوحده عيني عينك تسدح وهات ياكلام يفشل بوسني ومادري وشو,,:$ P3 كيف أخلي السامري وأنا هواوي P3 **فن السامري:: الفن اللي يغنونه الخليجيين بافراحهم ويؤدى على شكل مجاميع،، اشتهر فن سامري وادي الدواسر اللي يرجع تاريخه لوادي الدواسر>>لاوالله ؟؟؟ وهو فن غنائي للتسلية والترويح،، يغنيه الرجال على عدة طواريق حسب طروق الشعر اللي تناسبه،، وفيه نوع منه يسمى الغناء بحجرة العرس من الشباب وأكثر مايغلب عليه طارق السامري أما إذا غنته البنات يغلب عليه أغاني الرقص،، وهو بحر ولد من الهجيني إذا بغوا أغاني يسمرون به ويغنونه وهم جالسين،، فلحنوا بعض الهجينيات أغاني خفيفة تصلح لوضع الجلوس ودخل عليه حديثا _ قرع الطبول _ ومنه اشتق بحر الفنون وهو بحر اسسه الشاعر ابن لعبون,, يؤدى بنفس الطريقه وينظم الفن على قافيتين بنهاية صدر البيت وعجزه ويتميز بالقصر والخفه عشان يتناسب مع إيقاع الطار,, كيف اخلي السامري وأنا هواوي لو أخلي السامري تزعل مضاوي تزعل العالم ولاتزعل علي **وهذي من أشهر سامريات عبيد العلي الرشيد وفيها يرفض طلب والي مصر عباس باشا اللي كان يرسل وفد سنوي يشرون الخيل العربية الاصيلة,, ولما جو لعبيد يبون يشترون فرسه _الكروش_>>ياعيني عالأسامي ,,رفض وأكد أنه غير مستعد لبيعه:: يابيه.. أنا الكروش ماعطي ولابيع*علمت قبلك فيصل وابن هادي يابيه.. لوكثرت بالقول ماطيع*ياحيف تبغيني أسلم جوادي *وسامرية سلايل كحيلان:: القلب من كثر الهواجيس قزان*مايستريح من الدهر ربع ساعه ياغافر الزلات ياوالي الاحسان*تجعل من التقوى لنفسي بضاعه ماني بشاوي يربت على الضان*ويعطي لطلاب المنايا رتاعه أنا ولد علي سلايل كحيلان*ربي خلقني للسبايا وداعه وهذي بعض السامريات اللي للأسف مالقيت أصحابه :: ياطير ياللي فوقنا*ياللي على حايل تحوم بلغ سلام مننا* لاهل الجبل رد العلوم شمر أهلنا وعزنا*عاداتهم طيب السلوم ****************** أمانه معاكم ياهل السوبر اللونين أمانه معاكم لاتعدونه الميه غزال نطحني من على كبري البحرين على بابه الخلفي يناظر بحنيه ****************** سقى الله منازل نور*وعيني شمال ركان منازل حبيب عن*هوى البيض سلاني حبيبي الا منه*نطحني وأنا زعلان تجلت همومي له*تبسم وراعا لي ****************** الذيب يايمه عوى*والجبل مرباه شبعان يمه ويعوي*مدري وش نوحه يبي له بالملعب خوي*والجبل مرباه خلي على الفرقى نوى*مدري وش نوحه ****************** يازين حلم حلمته*ان الحبيب زارني يازين حلم حلمته كاس من افمه شربته*مثل العسل زاد الهنا كاس من افمه شربته يابو بدر ماهقينا*انا نفارق بعضنا يابو بدر ماهقينا *************** وجر قلبي جرها لادنى الغصوني وغصون سدر جرها السيل جره **************** وسلامتكم CC |
رد: كيف أخلي السامري وانا هواوي ؟؟!!
هلاوووو وغلاووووو قلبوووو زغوطهـ P9 ازيكـ يـابت ؟؟ <<< مـاكني الحين بشوووفكـ <<< مواااااصلهـ طراني >> وش اسويلكـ << أحسكـ تقولينهـا بقلبكـ p13 ايهـ الحلاووووهـ دي ايهـ القمــال دهـ موووضوووع جوووونآآآآآن p18 آآآآهـ يـاونتي ونة الجربووووع p7 يبيلهـا رقصهـ عـالطـايرp15 واللهـ أفـادني كثييييير :d ++++ مشكوووورهـ على هيكـ جـاذبيهـ BBP مـاقصرتي ++++ ســــــــلآمـ ... P3 أول من رد يـاهووووووهـ يـــــــاحظــــــي :d |
رد: كيف أخلي السامري وانا هواوي ؟؟!!
مرحبا زغوطه هـا وصلتي للسامريات بعد << أنقلع بس السامري أحلى شئ روووعه يعني ما تحس بنفسك وإلا تقوم ترقص << يا كثر ما قام بس وربي ما يخلي الإنسان يهجد بالأرض تسلمين زغوطه على الموضوع والسامريات المنوعه |
رد: كيف أخلي السامري وانا هواوي ؟؟!!
هلا والله بزغطه الحايليه الهواويهP9
أكييد إذا ماكنت هوااوي اجل وش تبي << :d على قولة عبدالرحمن الشمري ماب قلبك أخضر:$ المهم بما انني دوسري وهذا يعنني خصوصا لاننا من اخترع فن السامري:d أيه هين جيدين على اختراع الرقص والهبال وإلا اللي بينفعنا مااخترعناه p7 مثلا عندنا بالزواجات لايمكن ان يفوت زواج بدون سامري ولعب ورقص وفله هذا شي من اساسيات الزواج:d وطبعا هذا شي جميل لانها هي ليله وحده إذا ماخليت الناس تنبسط بليلة زواجك اجل عليك السلام..!!:d أشكرك اختي زغطه << بالله ممكن تفسرين معنى زغطه<<:d أجد صعوبه في ذلك وووبسCC |
رد: كيف أخلي السامري وانا هواوي ؟؟!!
رحيلوووووووووووه
ولك تؤبري تسبدي يابعدحيي ياونتس ونة الجربوع أربع دداسن توطنه يوم ألتفت والذنب مقطوع,,كل الجرابيع زارنه,, أجل مواصله أشوف وجهتس اليوم ماش,, تسلمين على المرور والرد المتكتك ياأسحن شخصه،، |
رد: كيف أخلي السامري وانا هواوي ؟؟!!
أبو ملاك
ياخي والله السامري أحسن شي تشكراتي وسلاماتي الكثيرات.. |
رد: كيف أخلي السامري وانا هواوي ؟؟!!
القناص ثلاث خمسات..
هلا وغلا بالخوال .. اي والله انك صادق أهم شي بالزواجات عندنا السامري أشوف الرجال ياحظهم يجيبون فرقة وخذ ياغنا ورقص وشعر وبواريد وسيوف وحنا تهاني الحسن تخب علينا..تهي تهي مشكور على المرور .. |
رد: كيف أخلي السامري وانا هواوي ؟؟!!
* * * *
وش ذا الموضوع الزيـن و الي يوسـع الصـدر . يا لبيـه يا السامري P9 . فـن يلامـس عاطفة و وجدان النـاس . السـامري هو أكثـر الفنون الشعبيـة انتشارا بدون مبالغـة . هذي بعـض السامريات جبتها اقروها و استمتعوا . محمد بن لعبـون :- حمـام يـا لـلـي عـلـى iiنبـنـوب **** فــى شـيـلـه الـفــن بـيـطـاره بــالله علـيـك انـحـر iiالرعـبـوب **** واسـجــع بـفــن عــلــى iiداره وان قال وش لك من المطلوب **** قــل لـــه مـــن الـولــف زواره الـى تبـسـم حسـيـن iiالــذوب **** حـــص فـلــق عـنــه مـحــاره خـده كـمـا بــارق مــن صــوب **** والا كــمـــا فـــــرغ iiجــمـــارة والـردف نابـي يشـيـل iiالـثـوب **** ينـسـف كـمــا شـــد iiطـــواره سقى غيث الحيا مـزن iiتهامـى ***** عـلـى قـبـر بتـلـعـات iiالـحـجـاز يعـط بـه البختـري iiوالخـزامـى**** وترتـع فيـه طـفـلات iiالـجـوازي صـــلاة الله مـنــي iiوالـسـلامـا **** علـي مـن فيـه بالغفـران iiفــاز عفيف الجيـب مـاداس iiالملامـا **** ولا وقف على طـرق المخـازي أبــو زرق عـلـى خــده iiعـلامــا **** تحلاهـا كمـا نقـش ب ii(غـازي) علـيـه قـلـوب عشـاقـه iiتـرامـا **** تكـسـر مـثـل تكسـيـر الـقــراز الا يا ويـل مـن جفنـه علـى مـا **** مضى له عن لذيذ النوم iiجـازي ومـن قلبـه الـى هـب iiالنعـامـا **** يجرونـه علـى مـثـل الـخـزازي مضى بوصالها خمسـة أعوامـا **** وعـشـر كنـهـن حــزاة iiحــازي بفقـدي لـه ووجــدي والغـرامـا **** تعـلـمـت النـيـاحـة iiوالـتـعـازي عذولـي فـي هـواهـا بالمـلامـا **** يعزيـنـي وانــا مــا انــا بـعـازي وكل البيض عقبـه لـو iiتسامـى **** فـلا والله تـسـوى الـيـوم iiغــاز سلـيـنـا لا حـــلال ولا iiحــرامــا **** عليـهـن الـطــلاق بـــلا iiجـــواز وخــد هــل بــه بـــدر التـمـامـا **** وجـعـد فــوق منـبـوز iiالاعـجـاز فــلا ابــي عقـبـهـا زاد ولا مـــا **** وماجزت من الغوى والغي جاز يا علي صحت بالصوت الرفيع **** يـــا مـــرة لا تـذبـيـن الـقـنـاع يا علـي عندكـم صفـرا صنيـع **** سنـهـا ياعـلـى وقــم iiالـربـاع نشتـري ياعلـى كـأنـك iiتبـيـع **** بالعـمـر مـيـر ماظـنـي iiتـبـاع شاقنـي ياعلـي قمـرا وربيـع **** يوم أنا آمر و كل امري مطـاع يوم أهلنـا وأهـل مـي جميـع **** نازلـيـن عـلـى جــال iiالـرفـاع ضحكتـى بينهـم وأنــا رضـيـع **** ما سوت بكيتـي يـوم iiالـوداع هم بروني وأنـا عـودي iiرفيـع **** ياعلـي مثـل مـا يبـرا iiالـيـراع طوعوني وأنا مـا كنـت iiاطيـع **** وغلبونـي وأنـا ظفـر iiشـجـاع وجد عيني علـى ظبـي تليـع **** عندكم كن فـى خـده iiشمـاع شيبتـنـي وأنــا تــوّي رضـيـع **** جاهل تـوّ فـي سـن iiالرضـاع سايمين الهـوى يـا مـن iiيبيـع **** سايميـن الهـو لاهـل iiالـرفـاع وانت يا لايمـي جعلـك iiتضيـع **** مـا تمـاري بهـا مثـل الشعـاع ودي اسـلاه والـكـون الفنـيـع **** سلوتي ياعلـي مـا iiتستطـاع دون مي الظبي وام iiالوضيـع **** والثعالـب وتــر بـيـع الـشـراع ورأس ريع دخل فى بطن ريع **** مستطـيـل ووديـــان وســـاع بن شـريـم :- الـبـارحـة سـاهــر والـدمــع iiيــجــري **** والقلـب حــزن عـلـى فـرقـى iiحبيـبـه كــريــم يــابــارق يــنـــوض حـــــدري **** واللـي سـرى بالـغـداري يقـتـدي iiبــه والـــى ضـــرب وادي خـــلاه iiيـجــري **** عسـى طـروش البـوادي تـرتـوي بــه متخـفـي لابــس لــه بـشــت iiبـــدري **** حسبي على البشت واللي غرني به يامـدرج السـاق حـالـي مـنـك مـبـري **** بـــري النـجـاجـيـر عــيــدان iiصـلـيـبـه ابـــو قــــرون تــغــذى بالـشـمـطـري **** مثـل السفايـف عـلـى كــور iiالنجيـبـه ابـــو عـيــون الـــى دلــــت iiتــخــزري **** ترمـي بالاسبـاب ويـل الـلـي iiتصيـبـه ابـــو خـديــد يـشــادي نـجــم iiفــجــر **** والا الـقـمـر لاانتحىيـبـغـي iiمـغـيـبـه ابـــو نـهـيـد كـمــا الـفـنـجـال زبــــري **** ويـمـزع الـثـوب مــن حـــال iiغصـيـبـه يـالـيـتـنـي عــالـــم بـالـغـيــب iiوادري **** عن غض الانهاد مـن هـو مـن iiنصيبـه يالـيـتـنـي حــايــف ويــقــال خــبــري **** انهـب صخيـف الحشـا ثـم اغـدي iiبــه من طاب لـي طبـت لـه والكـل iiيـدري **** واللـي يتغلـي عليـنـا وش نـبـي iiبــه ان مـت حطـوا بــدرب البـيـض قـبـري **** تكفـون حـطـوا عـلـى قـبـري iiنصيـبـه يـا مــن يــرد الحبـيـب ويـاخـذ iiاجــري **** قـفــا بـــلا ســبــة ربــــي iiحـسـيـبـه مـاقـدر الله عـلـى المخـلـوق iiيـجـري **** والعـبـد لـزمــا تـــرى يـاخــذ iiنصـيـبـه وا قــو مــا صـابـنـي وا قـــو iiصـبــري **** لـعــل مـــا صـابـنـي مــنــه يـصـيـبـه يــا الله طلبـنـاك مـغـنـي كـــل iiفـقــر **** كـــل عـلــى قـدحـالـه تعـتـنـي بــــه ذيـب يـا الـلـي هاضـنـي iiبـعـواه **** قبلـك وانـا عـن صاحبـي سالـي من مبسم كـان العسـل iiيشفـاه **** مصـيـون مــا داســـوه iiالانـــذال ساعـة نطحنـي مـد لـي iiيمـنـاه **** قــال الـمـوادع يــا بـعـد iiحـالــي يــا مــن يعـاونـي عـلـى iiبـلــواه **** بــاح الـعـزا والصـبـر عـــزا لـــي يـا عــل عـيـن مــا بـكـت فـرقـاه **** تعطى العمى في صبيها الغالي الله ينسـى الـلـي بـعـد iiينـسـاه **** يـا كيـف ابـا نسـى طيـب iiالـفـال مـا ادري حـدر والا نصـى مـربـاه **** والا مـــع ابـــن حـمـيــد iiنــــزال سقى غيث الحيا مزن تهامى |
رد: كيف أخلي السامري وانا هواوي ؟؟!!
ياحيا الله روبن هود
صح لسانك العزوه على السامريات الروعه غطيت علي الله يهداك ^_^ |
رد: كيف أخلي السامري وانا هواوي ؟؟!!
اي والله على قولة اخوي روبن هذي المواضيع الي توسع الصدر ,,
السامري ,, وووه لا طقو الطار ,,,, التراث هذا له قيمه وجماهيريه عريقه مره ,,, واكبر دليله انتشارها الواسع ,, واختيارك زغطه للموضوع اختيار لموروث فعلا جميل ,,, 8 8 الابيات هذي اكثر شي اسمعهاا بالسامري ,,, علشان ابياتها مره قوويه ,, وانتشرت بسرعه ,, 8 8 ياليبيه يابن لعبون ,, عافاك ربي زغطه على الموضوع وتقبلي تحياتي ,, |
رد: كيف أخلي السامري وانا هواوي ؟؟!!
ياحيا الله جسر المحبه
تو مانور الموضوع.. |
رد: كيف أخلي السامري وانا هواوي ؟؟!!
هههههههههه وش ذا الكلام الغريب انا مالي بالحتسي ذا ابد ابد
صراحه السامري حلو .. بس الكسراتـ احلى <<انتحري ثانكسـ سيس توبيكك رووعه..,BBP |
رد: كيف أخلي السامري وانا هواوي ؟؟!!
كسرات؟؟
وين حنا عايشين الله يهداتس؟؟ عالعموم مشكوره عالمرور.. |
رد: كيف أخلي السامري وانا هواوي ؟؟!!
مـدري انتـي شايفـة شـي يضحـك . . . ؟ أجـل كلام غريـب . . . أوردو الظاهر الـي مكتـوب . . . "" رب كلمـة قالت لصاحبـها دعنـي "" |
رد: كيف أخلي السامري وانا هواوي ؟؟!!
السلام عليكم
اشكرك على الموضوع الرائع اختي / زغوطة حايلية ولكن عندي تعديل بسيط أمانه معاكم ياهل السوبر اللونين أمانه معاكم لاتعدونه الميه على شان ذاك اللي لمحني بطرف العين على بابه الخلفي يناظر بحنيه غزال نطحني من على كبري البحرين على الخط الاول متجه للسعودية جمال الطبيعة جل من صورة ياحسين جمال الطبيعة في فتاتن سعودي .................................................. ولي عودة قريبه هنا مع السامري والشيلات التي منها عمري اللي قضى .. بين هم ونكادي عمري اللي قضي المحبة رضى.. ماتجي باللعنادي المحبة رضى فوق جمر الغضى ..كبدي اللي تقادي فوق جمر الغضى و يالله اليوم يارواف و ان كان قيده مع العبدلي و عيني تفجر تنوح فراق خلن شد عنها ووووووووو الكثير اشكرك اختي مرة اخرى لانني من عشاق السامري دمتي بود النوووووووووووفي |
الساعة الآن 10:21 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0