شبكة القناص - الموقع الرسمي للاعب ياسر القحطاني - يــــــــــــــــــــــــــاشين الحلووووووووم

- المجلــــــس (http://www.alqanas.com.sa/vb/f32/)

يــــــــــــــــــــــــــاشين الحلووووووووم

بسم الله الرحمن الرحيم,,,

سلاااام عليكم

وشلونكم وشخباركم..

عندي سالفه وياليت تعجبكم..

يقووولك هذا ياطويلين العمر والسلامه 5 رجال اخوياء وربع يعني جميع باستراحه وحده وكل شي مع بعض..

المهم قررو انهم يبي يطلعون للبر (((يخيمون ويقعدون لهم اسبوع اسبوعين ويجون)))

كلهم اتفقوا قال واحد منهم بشرط انا ابسأذن من اهلي وامرتي وابروح بسيارتي
قالو مهب مشكله..

تواعدو بمكان وطلعو واستانسو وانبسطو ومر يوم يومين وهم على الحال,,

بعد 4 ايام قال خويهم ذا الي معه السيارة انا ابمشي,,,قالو الله يساعدك بس شغل الكنود
والقارمن قال طيب,,,

ومشى الرجال وابعد عن اخوياه يوم انه حس انه بعيد عنهم وقف وشب الضو وزين له شاهي وفطور وافطر وعين من الله خير يبي يمشي يوم جاء يبي يمشي الا والله ويسمع اصوات صراااخ حريم ويدور يمين ويسار ويلقى ذاك الوادي الي فيه جمس واقف ومغرز والصوت يجي منه..
قام يأشر خوينا للي بالسيارة يعني تبي مساعده يالاخو ولا شي قبل لا يجي المطر ويجرف السيارة للخطر..

ولا احد يرد قال اجل ابمشي ويوم تعداهم شوي حس بتأنيب الضمير انه لازم يساعدهم

ورجع ونزل لمهم وصار الي بالسيارة بنات بس..

سألهم وش السالفه قالو اننا طالعين مع اهلنا وقعدنا ندور بالسيارة وضيعنا اهلنا,,

قال مهب مشكله ونزلهم وخلا وحده بالسيارة علشان تسوق اذا سحب السيارة..
نزل السلسله وربيطه بسيارته(((شاصي))) وربطه بسيارتهم...
وهو يسحب انطلقت السلسه وضربت قزازة السيارة حقته وانكسرت وقال ماعليه وسحب مره ثانيه الا ماطلع...

طلعهم الحمدلله وصار فيه وحده معهم ماتذكر بالظبط مكان اهله بس تذكر وشو اقرب شي لهم وقالت للرجال والرجال ذا يدل بالبر ماشاء الله عليه...
ومشوا بس قبل مايصلون لأهلهم وقف وقالهم روحو وانا ابروح مع مكان ثاني علشان مايصير بالموضوع لبس قالو زين..

المهم مشى الرجال بطريقه ووقف يتريح وشب له ضو وزين له شاهي الا يوم ناظر يمينه الا وهالسيارة جايات لمه..
وقفو عنده وقالوله انت الي طلعت البنات قال نعم قالو امش ومعنا..
وركبوه معهم وخلو واحد من ربعهم يضف قشه وياخذ سيارته ويجي لمهم..

وقفوا عند المخيم ونزلوه ودخلوه على شايب,,,قاله الشايب انت الي طلعت بناتي قال نعم

قال امر وش تبي قال مابي الا سلامتكم,, قال ابد امر انت..

الا ويسمع صراااخ وصياح بنت!!! وتجي ام البنت للشايب وتقوله..

قال مبروك قال الرجال وش عليه قال الشايب زوجتك بنتي..

الرجال صار بموقف احرج من الحرج..وشلون يتزوج وهو متزوج من الاساس <<<<الرجال بموقف لا يحسد عليه...
تم الزواج وعطوه سيارة وراااح يبي يرجع لديرته,,,وقبل ديرته وقف بقريه يبي ياخذ له شقه مالقى الا البيوت الشعبيه وخبركم البيوت الشعبه شينه سقفه يعني لو تبي تسيل خر الماء عليه..
اخذ له بيت وارتاح وهو نايم حس بماء ينزل عليه يوم قاااام

..
..
..

لقى امه تصب عليه ماء تقوله يالله قم للمدرسه!!!!!

مشكورين على قرائتكم للهقصه وياليت تكون عند حسن ضنكم..
الله الله بالردود