متى كل الظروف تلقى حتوف !! ( موضوع بسيط )
!! .. متى كل الظروف تلقى حتوف .. !! · الظرف : حنّا نطلقه على هذاك اللي نحط بوسطه الرسالة .. · في الأصل والصدز انه شي طارئ يمنع الإنسـان من عمل شيء ما ! وإذا قيل عندي ظرف أي : والله يا مسلم اني مانب فاضي لك !:d · ذات مساء وفي جلسه أخويه بين مجموعه من الأصدقاء ، قلت : ( العشا بكره عندي ياعيال .. لاحد يتخلّف ) ..قالوا : ( الله يقويك ) .. أكدت على ذلك حينما خرجنا عبر رسائل جوال عن الموعد والمكان .. ( تعرفون العالم هالأيام مايحبّون البيـوت ) ! ، في ظهر الغدّ وقبل ما يطرق أذني سماع أذان العصر .. دق جوالي .. أنا : / ألـو ، السلام عليكم ..p18 هو : / هلا والله معك محمد يابو .. أنا : / هلا حبيبي P9 ، هاه ع الموعد !! محمد : / لا والله ياخي جالي ظرف ومااقدر اجيكم اليوم !! أنا : / خير ان شاء الله !!p6 محمد : / لا والله بس تذكرت اني بروح مع أهلي لم عمّي .. أنا : / محمد الله يحفظك توّك تتذكر !! ، بللهي عليك ذا ظرف !!p7 محمد : / المهم والله مااقدر .. أنا :/ خير ان شاء الله ، أوب مشكله حبي .. · الظرف أصبح يمنعنا من أشياء عِدّه .. من الزياره ، اللقاءات ، الإجتماعات .. · للأسف كلمة { ظرف } حاليًا ومن وجهة نظري .. أنها نتاج حوسة أوقاتنا .. وموضوع حوسة الوقت ذا حاله أخرى !!p7 · دعوني من محمد ذاك السمين الحبيب الآن P9 .. هل أصبحنا نضع الظرف شماعه للإعتذار !! · والا بس اعتذارنا بالظروف هي تصريفه .. · حسب ماورد في مختار الصحاح : باب الظاء > لـ ( الظروف) : الوعاء .. / و ( ظروف ) : المكان والزمان عند النحويين .. · فـ وش جاب [ ظروف ] لنا ! .. · ياحبنا لتغيير الكلام ، ومفردات لغتنـا الحبيبه الغاليـه ..p18 قفلـه : // (( لكل كلمة أذن ، ولغلّ أذنك ليست لكلماتي ، فلا تتهمني بالغموض )) صح لسانك يا مخائيل نعيمه .. p30 For Discussion : : > هل كل ظروفنا صدقيه ..؟ > هل الظرف أصبح مجرد شماعه للإعتـذار ..! > هل حنّا صدق استهلكنا كلمة ( ظروف / ظرف ) ..! > وش جاب كلمة ظرف لنا !! صدق عشاننا محيوسين !! > أخيرًا ..متى آخر مرّه اعتذرت بالظروف !! :d تم ؛ والسلام عليكم ..BBP |
رد: متى كل الظروف تلقى حتوف !! ( موضوع بسيط )
,
حي الله الذهب كله P9 نخش بالموضوع على طول شوف يالغالي الظروف مهما كانت " طارئه " اعتقد انها ما تصبح عائق للإجتماعات أو اللقاءات من اول كان الواحد اذا واعد ناس لو زوجته بتولد سحب عليها وراح عندهم :d وألحين تقول وراك منتب جاي يقولك والله فيني النوم p6 اعنبوا بليسك مواعد رجال وتقول فيني نوم وغيرها من " الظروف " الي مسماها الأصلي " تصريفات " الا ما قل .. كثيييره والله قفله , " بعض " الظروف .. تخلي العنز خروف :d |
رد: متى كل الظروف تلقى حتوف !! ( موضوع بسيط )
سلام عليكم هلا اخ نواف p13 كلمة ( ظرف ) .. نجيبها احياناً للتصريف ..! او لعدم الغربة في الشخص الداعي .. ! فـ ( تزبد له ) بكلمة ( ظرف ) .. ! وبعض الآحيان اذا صرت ( نصاب ) .. تقول( ظرف خاص ) ! يعني تكذب وبقوه .. علشان ما يسألك خويك وش هالظرف ! لان ما عندك جواب اصلاً .. ! واحياناً .. تكون صادقاً في قولك كلمة ( ظرف ) .. لألتزامك بشئ محدد منعك من الذهاب ! ادري اني تفلسفت وجب العيد .. بس نو بروبلم ! لا .. ! وللأسف .. ! نعم .. أحياناً ..! نعم .. استهلكناها استهلاك خاطئ وللأسف .. فالآن لا تعرف من هو الصادق بكلمة ( ظرف ) ومن هو الكاذب ! قد يكون لعدم ترتيب جدولك اليومي .. فلا تعرف إين ذاهب .. الا قبل الموعد بدقائق فلو سألت شخصاً .. إين ستذهب غداً ؟؟ سيجيبك ( لا أدري ! بوقته يحلها الف حلال ! ) قبل امس .. الاربعاء .. P3 انبرش واحد وقالي عندك شي الأربعاء ؟ p21 فرديت عليه .. ومشت الامور على ما يرام :) يله .. إن شاء الله نصير ما خبصنا الدعوه p22 سلام :) |
رد: متى كل الظروف تلقى حتوف !! ( موضوع بسيط )
[ نواف11الذهبي ] يــاااهلا وغــلااا شخبااارك اخوووي ؟؟ اي والله وانت صاادق هااي كلمة جااني ظرف حفظتهااا من كل النااس صاارت اقرب وسيلة للتهرب والإعتذااار p7 بقولك عن موقف صارلي امس اوكيشن ؟ :d الحين احنا مخططين من قبل اسبووع انا وصاحباتي اننا نجتمع مع بعض وطبعاً الكل واافق واتفقنا اننا نتجنن وجهزناا اغااني وكل شي المهم ما علينا الحين رحت للمكاان المطلوب الساعه 7 المغرب حصلت صاحبتي متجهزهـ ومتشيكة وآخر حلاوة بعدين صارت 9 قلتلها البنات مسخووها ترى .. اتصلنا على وحده قالت ها مدري شو انا بجده عندي ظروف اوكي ما قلنا شي اتصلنا عالثانية هاا جااني ظرف وما اقدر اجي رايحين ..... مع الاهل اتصلنا عالثالثة قالت والله مافي سيارة تجيبني بابا راح جده وخالي مو راضي وووووو كل وحده تقول ظرف ياااربي الحين انا صرت دااافووور p22 المشكلة انهم صاحباتنا المقربات ماااجووو ولا وحده تخيل وفي بنت اوكي اسمهااا هبه انااا اموووووووت فيهااا وهي كمان ربي يحفظنا لبعض المهم هذي مو مقربة من صاحباتي مرهـ وماا تعرف ولا وحده من صاحباتي غير لمن احكيها عنهم الحين انا منحرجه ما ابغا البنت تجي وتشوف مافي احد المشكلة اني جالسة اتوسل لها تجي قالتلي طيب مين جي قلتلها بنات كثير ... و .. و .. قالت دام كده اوكي تشوف البنت جااات ومفجوووعة ولا احد جااا قالت ليش قلنالهاا ظروووف ماشاء الله كلهم جاااتهم ظروووف مااافي احد قدر يعني صراحة كرهت كلمة [[ ظروف منهم ]] وربي هالظروووف حطمتنا هالأيااام المشكلة كل البنااات دفعه وحده في يوم واحد جاتهم الظروف طيب حتى انااا كاانت عندي اسباب مو ظروف لكن حاااولت بقدر ما استطيع لدرجة اني اخذت كم كلمة من بابا لأنه اسبابي قوية ولو وحده مكاني ما كان راحت بس رحت عشان خاطرهم وربي امس كان اسوء يوم بحياااتي يعني صاحباتي ماجو والبنت اللي ما تعرفناا ومهي صديقتنا جاات p7 نجي للإختباار :d يــــــــــــــــالـــــــــــــــيت هههههه حلوهـ شمااااعه اي وربي صااارت شماااعتين كماااان كل النااس صارو يااخذوهااا طريقة للإعتذار و التهرب اناا لا ما استخدمهااا الا لمن اكون صادقة وحتى ما اقول ظرف اقول سبب :d ياااخي الكلمة اذا قالها واااحد علق عليهاا الباااقي من زماااااااااااااااااااااااااااااااااان مرهـ يعني ماا اذكر نوااااافوووهـ يعطيك ربي العاافيه عالموضوع الحلووو والمهم واللي للأسف صااار حقيقه منتشره على لسان الكل ربي يحميك وما يحرمنا منك واعذرني عالإطاله اختك ريكوو |
رد: متى كل الظروف تلقى حتوف !! ( موضوع بسيط )
اسم الله على عقلك :d لا والله بعض الظروف تكون تصريفه :$ تقدر تقول كذا :$ بشكل موب طبيعي :d يمكن :d قبل ثلاث ايام اظن ياخوي واحد عزمني مع اخوياه ومااعرف احد منهم pp7 نواف الذهبي موضوع حلو ودايماً نعاني منه في مجتمعنا :$ |
رد: متى كل الظروف تلقى حتوف !! ( موضوع بسيط )
مرحبا النوفي مشتاقين لك ولمواضيعك p7 لا أحياناً .. للأسف . . . كثر الشركات اللي عندنا :d ،، بس عدم الرغبه بالشخص الداعى قبل تقريباً أسبوعين بس يا نواف أنت أعزمنا وصدقني ما تشوف أحد يقول عندي ظرف :d |
رد: متى كل الظروف تلقى حتوف !! ( موضوع بسيط )
**
هلا نواف P9 الظروف يا كثر ما نسمعها هالكلمه وبالفعل صارت شماعه للاعتذار لا موب كلها طبعاً :d في الغالب علمي علمك :d الثلاثاء الماضي بس للأمانه كان عندي ظرف قوي ** عوافي |
رد: متى كل الظروف تلقى حتوف !! ( موضوع بسيط )
هـلا وغـلا [ نوافـ ] .. BBP موضوع حلو طال عمرك ونادر ونحتاج للتنويع في المواضييع هنا بالمجلس p13 .. * الظروف أو الظرفـ هالايامـ صارتـ كلمه لابد اننا نسمعها بيومنا سواء صدق ظرفـ أو تصريف في [ أغلبـ ] الاحيان .. :d يمكن أكثر اللي يقولها الذكوور لان طلعاتهم واجدهـ وأشغالهم أكثر من الاناثـ ،، مو هذا الموضوع ادري بـس قلتها كملاحظه :d عاد يـ ع ـني اللي يكذبـ يقول عندي ظرفـ وهو ماعندهـ شي ممكن انه ينكشف صديقتـي عطيتها مذكرتي قلتها تعالي الكفتيريا عتيني اياها قالتـ لا والله عندي ظروفـ وكذا ومن هالكلامـ يوم جيتـ بطلع لقيتها تشتري ايس كريمـ من البقاله اللي قبالنا p7 :d يعني لاتكذبون ولاتصرفون بالظرووف ترى الله يكشفكم p11 كلامي وااجد صح :d نجي للـ دسكاشن :d // لا .. p18 اكييد .. ايييه ، مثل ماقلتـ أنا مايمر يوم مانسمع كلمة عندي ظرفـ p11 نوافـ :d اشرح كلمة محيوسين لي طال عمرك BBP :d بـس اللي جابها هي فعلا ظروفـ اخذتـ مسار خاطئ :TN يومـ الاربعاء ، تأخرتـ ع الدكتور قال وااي يو تأخرتي :d قلتله ظروفـ دكتور p11 .. * موضوع حلو وراايق طال عمرك BBP ويشرفني أرد علييه CC يعطيك الـ ع ـافيه BBP .. * |
رد: متى كل الظروف تلقى حتوف !! ( موضوع بسيط )
هـلا بحفيدي:d <-- اطلعي منها بس والله بطل يا نوافـ موضوع من جد حلو .. : انـا كلمه ظروف .. ما استخدمـها الا للغربـاء <-- متعوب عليه الجامعه / المنتديات / الناس الملاقيف خخخخخخخخخخخ بس بالجامعه استهلكها .. : بعضـها موب كلهــا اكيييد يابعدي هـي : وراتس جايه متأخرهـ ؟ أنـا P9 : عندي ظروفـ : هي : وراتس ماجبتي البحث؟ أنـاP9 : عندي ظروفـ .. احس بعض الايـام اكذب .. ماعندي ظروف ولا شي الا دابخته وخامدهـ :d : ايـه يعني تلق بسواليف وحدهـ من البنات ومارحنـا لمهم لان كان عندنا ظروفـ .. بكل مكان وزمـان نسمعهـا : عن نفسي انـا .. تجي من الله لا صرت ابنقذ رويحتي من الدكتورهـ او الدكتور قلت ظروف او احياننا . . ما ودك تقول شعندك يعني مثلن الظرف خاص ولا شي تقول ظروفـ .. ! : بكرا ان شا الله منب ممتحنه وابقول لـه ظروفـ خخخخخخخخخخخخخخخخخخخخخخخ من جد كل يومـ بالجامعه اقول هالكلمـه :d نوافـ .. موضوع يهبـل .. تسلمـ هالايديـن BBP |
رد: متى كل الظروف تلقى حتوف !! ( موضوع بسيط )
* الجميع .. لي عوده ..
* راوول قيرل .. طال عمرك محيوسين .. يعني أممم يعني محتاسين :d .. يعني مخربطين .. يعني غير منظمين .. :d << من أول ياخي :d راوول عليك اسئله :d |
رد: هلالي ss
*
* هلالي اس اس.. P9 يامرحبا بالزين كلّـه منـّورموضوعي عمـو . وحلـوة القفلـة..! :d بس تمنيتك مشاركنا المناقشه p13 .. |
رد: متى كل الظروف تلقى حتوف !! ( موضوع بسيط )
p6 الظرف شف لازم تحافظ عليه ولا ماتعرف وش اللي جوا اخاف انها تروح عليك الرساله >> طلعوه مع الباب p16 BBP الموهم ،، الظرف هالايام تقل ريال ،، ياخي هالرياض تطلع فيها مشوار راح عليك اليوم كله من هالزحمه اعوذ بالله ،، شكلي ابقلبها واصير راعي هارلي هههههههههه :d بس فيه ناس تقدر الظرف وفيه ناس مهما اقنعته مايقتنع CC وفيه العكس واحد كل ابو ظروفه تصريفات :d اجل واحد من الشباب كل مانشغل وهو معنا قال ابروح اتروش واجي هههههههههههه :d ظرفه فله صراحه p11 الموهم حبينا نرد رد خفيف لان انا مشغول >>> هذا اللي قالوا لك يدخل من اذن ويطلع من اذن p16 :d ياجماعه ترا اسمه موب نواف >> p22 |
رد: متى كل الظروف تلقى حتوف !! ( موضوع بسيط )
’’’
ظرف / استظراف / ظريف هقوك لهم دخل ببعض ؟ ( وجه مفهي ) مدري والله بس وش جاب كلمة الظرف لنا ودي اعرف اول من قالها عموما حنا يالسعوديين نطلع كلام واجد مدري وش يبي وماله دخل باللغه العربيه بس خل عنك كلم ظرف الحين تفك ازمه يعني تتوقع فيه معنى ثاني لنفس الكلمة ؟؟ قفلة / اسئلتك لحست مخي يانواف حسيت ان واحد عمره 70 جالس يسألني :d ’’’ |
رد: متى كل الظروف تلقى حتوف !! ( موضوع بسيط )
هلا والله وغلا منور يالغالي . . . . > هل كل ظروفنا صدقيه ..؟ تجي للحق لا ويمكن غالبيتها موصادقه > هل الظرف أصبح مجرد شماعه للإعتـذار ..! بكل اسف نعم > هل حنّا صدق استهلكنا كلمة ( ظروف / ظرف ) ..! طبعا اكيد استهلكناها في مكانها وفي غير مكانها > وش جاب كلمة ظرف لنا !! صدق عشاننا محيوسين !! والله شوف يالغالي حنا نص كلمنا محرف (بضم الميم)ومأخوذ من كلمات العربيه الفصحى بس حنا نعدل الكلمه على كيفنا ونعدل معناها بعد واذا تجي على سيره الحوسه حنا محيوسين > أخيرًا ..متى آخر مرّه اعتذرت بالظروف !! :d وش ذا السؤال ...تقلب اوراق ضاعت مع الزمن<<اقول انقلعي مشكور اخوي ماقصرت موضوع خفيف وهادف تقبل مروريBBP |
رد: متى كل الظروف تلقى حتوف !! ( موضوع بسيط )
هلا بكـ طال عمركـ :d
توه يتذكر !! <<تصدق هذا مايبيك بس بيصرفك:d > هل كل ظروفنا صدقيه ..؟ عن نفسي لا :d > هل الظرف أصبح مجرد شماعه للإعتـذار ..! على حسب احيانا ودك تصرف بس ماتدري وش تقول فتحطه بالظروف واحيانا صدق يصادفك ظرف يمنعك.. > هل حنّا صدق استهلكنا كلمة ( ظروف / ظرف ) ..! موب استهلكناها لكن مافيه غيره يعني بدال ماتقص على الواحد قصة حياتك وليش ماتقدر تجيه او شي تقول ظروف اختصاراً:d او جحاده:d > وش جاب كلمة ظرف لنا !! صدق عشاننا محيوسين !! اسأل اول واحد قاله > أخيرًا ..متى آخر مرّه اعتذرت بالظروف !! :d آخر مره!!!؟؟ اممممممم.. الاسبوع الجاي!!!!!! وحده كريهه عزمتنا انا وشلتي على حفله تخرجهم الاسبوع الجاي وناوين نقولها خلاص بنجي ومن بكره اذا قالت ليه ماجيتوا بنقول ظروف خاصه<<لاتحسبوني شريره بس هي تستاهل :d نواف الظروف اخرت ردي والا شايفه الموضوع اول مانزلته:d<لايكثر |
الساعة الآن 03:53 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0