|
مــــوضــوع مـــهــم
الـســ عليكم ورحمه الله وبركاته ـــــلام
انا بصراحه اللي دفعني اكتب هاذا الموضوع هو شده خزني لما شفت خويي الهم والحزن مالي صدره بسبب الجنسيه حنا بالكويت عندنا ناس من فئه البدون انا اقول انهم بالحقيقه كويتيين بس مدري ليه الحكومه رافضه تعطيهم حقهم دفعتني الغيره على خويي بأن اروح واسأل ناس خبيره بالشي هاذا وكان الردود 1- لانهم خانوا بالكويت ايام الغزو >>>> مو كلهم 2-لان معظمهم عندهم جنسيات مثال : جنسيه عراقيه ،جنسيه ايرانيه وفي نسبه معه جنسيه من دول خليجيه وخاشها طمعان بالجنسيه الكويتيه ولله الحمد الحكومه ما قصرت كلمت شيوخ قبايل كبار مثل قبيله شمر والعنزي وعطت الجنسيه تقريبا 52 شخص كل اسبوع ومع العلم نسبه البدون بالكويت تشكل 25 / من عدد السكان والمواطنين يعني نسبه كبيره حييل وهذي القصيده اللي كتبها خويي ونزلت دمعتي لما قريتها وش كويتي ياكويتي غير قلبي وش كويتي ... وش ذبحتي غير قلــبٍ ساكن بـ صدري بدون وش بنيتي وش هدمتي غير همي ما بنيتي ... ماكسرتي الا الغصون ولا زرعتي الا الطعون كم وعدتيـنا وحكيتي بس ليـتك لو وفيتي ... او ليتك ما وعــدتي ولا حكيـتي يا فتــووون كم صرخنا عاش جابر عاشت وتحيا الكويتي ... في طوابير المدارس ! آآه خيّـبتي الظنـون جيت لك مطرود وانـتِ من طرد والبيت بيتي ... جيت لك مجنون عاقل !! في زمــن كله جنون جيت لك محروم منهـا ! كلمة ! ( مواطن كويتي ) ... جيت لك طفلٍ غرير مضيّـع الصـدر الحنون جيت لك حامل سؤال وجاوبيـني لا بغيتي !؟ ... جاوبيني !؟ علميني !! ياكويتي من نكـون ارجعي لحظه معايه! واذكريهم لأشتهيتي !؟؟ ... اذكري ناسٍ وفولك لــُـقبوا بـ اسم البدون تذكرين الشايب الي فز لك يوم انتخيتي ..!؟ تذكرين عياله اللّـي سيّلوا دمع العيــوووون !؟ تذكرين ام الأسيـر اللّي بكت يومك بكيتي ؟ ... ترتجي زهرة شبابٍ ساكنه وسط السجون !؟ تذكرين ام الشهيد الي من دماه ارتويتي !!؟ ... تذكرين وتذكررررين ومن سمعني! تذكرون؟ بـ اختصر حال منهـو ضاع من يومك نويتي ... تقتلين آحــلام عمره ومات محـزون مغبــون !؟ طفـــل داشر ! شاب صايع !؟ شايبٍ مات وحييتي ؟ .. جيل نازل ! جيل طالع ! جيل مدري من يكون ناطر تعليقاتكم وردوردكم على الموضوع هاذا اخوكم قدساووي |
مشاركة: مــــوضــوع مـــهــم
لا حول ولا قوة الا بالله
يارب انك تزيل هموم الملسمين ويارب انك تفرج كربتهمممممم آمين يارب يسلمو اخوي قدساوي على الموضوع |
مشاركة: مــــوضــوع مـــهــم
اختي انسانه
شاكر لك مرورك والله يسمع منك اخواني الاعضاء واتمنى تفاعلكم معي ومشاركاتكم |
مشاركة: مــــوضــوع مـــهــم
والله موضوع يحير انا مو عارفه بالضبط السبب اللي يخلي الحكومه الكويتيه ما تمنح البدون الجنسيه
مع ان البدون ( وانا ارفض هذا الاسم لانهم بشر ولهم كيانهم) عاشوا بالكويت من سنين طويله اجيال ورا اجيال وخدموا الكويت وحبوها وما لهم وطن غيرها وعلى قولتك ياما رددوا بطابور الصباح : وطني الكويت سلمت للمجد ................. وعلى جبينك طالع السعد طفولتي كانت بالكويت مع اني سعوديه والله احبها واعتبرها وطني انا مولوده فيها . الله يصبر خويك ويوفقه وانشاءالله يحصل على الجنسيه . |
مشاركة: مــــوضــوع مـــهــم
بجد موضوع يحير
|
مشاركة: مــــوضــوع مـــهــم
بجد مووووضووع يحيررر
لاحول ولاا قوه الا با الله |
مشاركة: مــــوضــوع مـــهــم
sweety girl
كلامك صحيح ميه بالميه وانا ماني عارف ليه كذا والله يصبر خويي اميين ابو امل اي والله يحير يا الغالي ومدري ليه كذا معهم وجــه ســهــامــك_20 اي والله يحير شـــاكــر لكم مروركم |
مشاركة: مــــوضــوع مـــهــم
من جد شي يقهر.. والله قصيده روعه وطالعة من قلب مغبون اخوي قدساوي المشكله مو بالحكومه بس بالعكس في ناس كثيرين قاعدين يتلاعبون بهالقضيه.. وانا اؤيد اننا مانطلق عليهم كلمة بدون.. وياليتكم شوفتوا الحلقه اللي ناقشت هالموضوع على قناة المستقله.. من جد تتصل ناس وتؤيد انهم مو كويتيين وكانوا كثير.. بس الله مع المظلوم..اولا واخرا..والله يكتب اللي فيه الخير للجميع.. |
مشاركة: مــــوضــوع مـــهــم
Mayar
الله يسمه منك امين ويسلمووعلى مرورك |
| الساعة الآن 07:05 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0