شبكة القناص - الموقع الرسمي للاعب ياسر القحطاني - رحلة عذاب..!!

حبيبي الدنيا بخير مهما بـ هالعالم يصير ببقى معك لين الأخير

والضيقة الي بخاطرك خلها على الله ثم علي ..

الآلام كثيرة والهموم أكثر.. كل إنسان يمر بمصاعب هذي الحياة

والكل يشوف إن همومه لا تقهر..!

يوم تشوف إنسان عزيز عليك يحمل هموم الدنيا على رأسه

ولا يحب يتكلم لغيرك و دايم يجي عندك أنت بالذات..!

يفضفض ويشكي حال الدنيا ..لثقته فيك ولأنه متأكد انك بتعطيه

الحل الصحيح والمناسب وهو يشوف بعد قدرتك على امتصاص

الغضب والهموم وحسن الاستماع ..يعطيه دافع انه يتكلم أكثر

وبعد ما يطلع كل الشحنات الي عنده يستريح..!
بس أغلى الخلق ما يعرف انه يوم امتص همومه ..
تبتدي رحلة عذابك ..
ممكن البعض الحين يقول وشو له عذاب ..!
بالعكس أرحت أغلى الخلق المفروض أكون اسعد إنسان ..!
صحيح أرحت أغلى الخلق ..بس يوم ريحته حكيت له قصص وروايات
أبطالها (البشر) كانوا يعانون ويقاسون أكثر منه وبالقصص هذي رجعت ذكريات..
تعيسة ..مؤلمة يتخللها القليل من السعادة ..شفقة الناس عليك ..يحسسونك بالقصة
الي أنت بطلها ..! انك إنسان (ميت روحياً وباقي بهذي الدنيا جسدياً)
لا مستقبل لك لا طموح ولا أمل ..تبتسم وأنت تسمع تحطيمهم وردودهم المؤلمة
والي فيها يحطمونك لاشعورياً وتحتار وش تختار كلامك أي كله أمل وحياة
ولا كلامهم الي يطلب منك دفن نفسك تحت التراب ..!

واكيد وقتها بتلاحظ نظرات صديقك لك وكنه يقولك وش سر الابتسامة
والذهن الشارد ..!
وانت طبعا ماانتبهت لان افكارك اخذتك لماضي الذكريات المؤلمة التعيسة
التي تتخللها القليل من السعادة..!
كـ يوم عيد ميلاد وجود ..
أهدى لها قصيده ..

اضغط هنا
.

وقتها بغت تقوم تحضنه وتبوسه بس خافت الناس يشوفونها ويحسدونها
ويأخذونه منها ..!
سلام بارد كبرود كأس الماء الذي أمامي يحتوي على مكعبات الثلج
كلمات تخرج من فمها وكنها تعبر عن شكر على هذي القصيدهـ
وقلبها يقول (اصبري علي شوي لو ما عوضتك على كل شيء مايكون اسمي وجود..)
وقف يناظرنها وكنه موب مستوعب الي سوته فيه ..!
معقوله .. معقوله..!!
هذي ردت فعلها ..هذي الي لو قلت لها احبك تتغير نبرة صوتها خجل ..
وتقولي بدلع (عن الكلام هذا ترى اخق بسرعه) وارد اقولها (احبك ..)
تضحك من قلبها واسمع دقات قلبها ..ونسكت .. شوي تقولي
(أحبك ..ايه وش بعد) ونضحك كثير لان هذا السيناريو يتكرر معنا
كثير وأخر مره تكرر أمس الليل ..!
هذي الي بادلتني القصيده بسلام بارد هي نفسها الي كنت أفكر فيها الحين ..!
ياحسافه مامداها تتغير علي ..!
ا اكيد لاني عطيتها حب اكثر مما تستحقه بس هين انا اوريها
(فارس كانت عزت نفسه فوق كل اعتبار )
وبحركة سريعة لف وجهه على شوشو ..رفعت عيونها لقته بوجهها
ابتسمت له ابتسامه خفيفة سريعة عشان محد يلاحظ ..وتبي تفهمه
انها بعدها تحبه ويعتبر هالابتسامه عربون صلح لو كان زعل..!
قابلها بجمود ونظارات ثاقبة ..وقتها عرفت انه زعل من الي سوته
ولا بيرضى بسهوله وخافت انه ما يرد لها ..لأنها قبل يومين اكتشفت أنها تحبه
حب جنوني ..!
التفت على الباب وتحرك .. وهي تشوف نار القهر طالعه من جسمه ..!
برغم من مباركات الصديقات وكلامهم معها وكل الناس الي حولها والأغاني الصاخبة ..
والي كانت كلها تغني بأسمها ..
إلا انها كانت تراقب خطواته الثابتة الشامخة رغم انكسارهـ وانصدامة إلا انه يظل رافع
رأسه بكل حال ..انتظرت يطالعها كعادته قبل ليقفل الباب (هذي عادة كانت بينهم قبل ليقفل الباب
يطالعها ويقول كلمة وحده احبك , أموت فيك , ابتسامه وهي ترد عليه بنفس الكلمة الي يقولها أو الحركة الي يسويها )
انتظرته يشوف عيونها الي بدت تغرق بالدموع ويعرف أنها تبيه اليوم معها ..!
إلا انه طلع ولا التفت عليها ..وقتها بغت تصرخ (ارجع حبيبي ..ارجع شوي ..لاتتركني لحالي وتروح)

.

.

زاد خوفها أكثر ..قفل الباب ولا طالع علي .. عيونها تطالع الأرض ..ولااقدر أطالع غير الأرض
لأنها لو تطالع غير الأرض كشفتها دموعها .. وحده من صديقاتها (أماني)
كانت تتميز بقدرتها على جذب الانتباه بسهوله (وللمعلومة أماني ماكانت معزومة للحفل أو العيد ميلاد إلا إن إصرار اعز صديقات وجود.. شذى على عزيمتها أحرجتها وعزمتها ولحسن الحظ أنها جات..!)
أماني تتكلم عن مغامرتها ورحلتها بطريقتها الفكاهة المعروفة ..استغلت وجود الفرصة وطلعت على غرفتها
ومسحت دموعها الي كانت تتزايد ..حاولت تتمالك أعصابها ..وأوقفت السيل المنهمر ..ومسكت الجوال بيديها
الصغيرتين المرتجفتين خوفاً من الي صار والي بيصير ..!
دقت علي فارس وتسمعأغنية عبد المجيد عبد لله (إنسان أكثر)
(فارس شريحته موبيلي وكان يحب يجرب الخدمات أو بتعبير أخر دايم يقوله احب احلل فلوسي ..!)
فارس وقتها كان بالخط السريع ..يمشي بسرعة جنونية وصلت للـ 200 ولاكان يفكر غير بالي صار
شلون هذي الغبية تعاملني كذا هي نست نفسها أكيد... ولا تحسبني يوم حبيتها وانهبلت عليها تقدر تذلني
حركااات بنات واعرفها ..لا والله ما عاش منــ . . . . .
فرشة رمل البحر ونامت وتغطت بالشمس ..وصارت مثل النار أعصابي أمتى الحلوة تحس ..
طيورك يا بحر تغازلها وتشرب من أيديها ..أمواجك تركض فرحــ .
يسمع نغمة جواله .وتنزل رجله عن البنزين .. يطالع بالجوال عشان يتأكد أنها هي ..!!
( توأم روحي ) إلا هي والله وجود ..
(بعد كل هذي الفرحة تظل عزته وكرامته فوق كل شيء..!)
لا والله ما أرد عليها ولا عمري برد عليها مهوب أنا الي تغلط علي وارجع أسامحها ..
خليها تحرم الي سوته معي مره ثانيه ..!
.

وجود بعدها تسمع (إنسان أكثر) سمعتها أكثر من 10 مرات ولامره سمعت بعدها صوته..!!

دخلت عليها اعز صديقاتها شذى ..

شذى: وش فيك عسى ما شر ..بسم الله وش فيه وجهك ..كنه واحد عطاك كف .. يختي ردي خرعتيني عليك ..

وجود: طيب اسكتي شوي عشان أرد..!

شذى: طيب سكت يالله قولي وش فيك..!

وجود:ما فيني شئ وش بيكون فيني يعني ..!

شذى: اندري عنك ..الوحدة يوم يكون عيد ميلادها تكون فرحانة ومن قدها ..وأنتي تصيحين هنا ..!

وجود:من قالك إني أصيح ..!

مااصيح ولاشيء بس السوق والتجهيز لذي الحفلة ماكان سهل كل يوم سوق ودنيا ..والظاهر طلع التعب علي الحين ..!

شذى: إيه ..يانصبك ..يختي اعترفي انك زعلانه عشان دخلتي بـ 18

وجود:هههههههههههههههههه إيه شفتي شلون صايره عجيز ..
شذى:يالله ..يالله ..الكل ينتظرك تحت وأنتي تتغلين علينا ..
وجود يحق لي أنا وجود بنت محمد
شذى:إيه طيب لا يكثر لااصكك بكوعي ..
وجود:هههههههههههههههههههه طيب طيب
ورجعنا الحفل وجوداول تخفي همومها وحزنها ..
وجا وقت تطفي الشموع
وكانت متفقه معه يوم تطفي الشموع تترك شمعة وحدة فارس يطفيها..!
وشافت الشموع وضاق صدرها أكثر..وتمنت إنها حضنته يوم أهدها القصيدة..!
وأنطفت الشموع ووصلت الهدايا..وبقي ثلاث من صديقات وجود ..
وقعدوا براا البيت لان الجو كان حلو وكانوا يتكلمون عن العيد ميلاد وعن سفر وجود
بعد أسبوعين ..!
وجودتتكلم كلمتين وتسرح باقي الوقت ولاتمسك الجوال ..حتى ان اماني قالت لها..
وجود وش فيك ياعمري كل شوي تناظرين الجوال ترى الحبيب اليوم مابيدق
وجود:ههههههههههههههههههههه أي حبيب وأي خرابيط .. نامي نامي بس
الكل طالع على الـ 2 وجود طلعت غرفتها على طول .. وقعدت تصيح ..تصيح ..لين 4 ..على الي سوته
مع فارس ..وكانت مااارهـ ندمانه ولا تدري شلون ترضيه ..!
دقت عليه أكثر من 50 مسد كول ولامره رد فيها وأكثر من 7 رسايل تعتذر فيها وتبرر موقفها ..
ولا يرد ..واليوم شافت انه ما قفل جواله ولا يرد عليها ..خافت يكون صاير له شيء ..دقت على أخته العنود
(الي كانت تربطها بالعنودعلاقه نوما ما..كان الغرض من علاقتها بالعنود انها تتقرب لفارس اكثر..)
يوم ردت كان صوتها كله نوم ..استحت وقفلت الخط .. ورجعت عنود تدق ولا ردت عليها وجود ..!
بعد محاولات وجود الفاشلة معه وهو ما يرد عليها أذن الفجر قامت تصلي ..ويوم قضت من الصلاة دخل
عليها أبوها (أبو صالح) يسال عليها وكيف الحفلة أعجبتها ولالا..!
(كانت تربط وجود بأبوها علاقة حميمة ومميزه ..)
وتكلموا بأمور كثيرة منها وكان النصيب الأكبر من الكلام لـ وجود ..بحكم أن أبوها كان يوجه لها اسئله
وهي تجاوب عليها ..!
..

على الساعة 6.14
(انت غير الناس عندي ..انت عندي شيء كبير ..كيف أبصبر وأنا شايف ناس من حولك كثير .)
وجود سكتت بذهول من الي تسمعه ..(فارس ..فارس ..دق)
أبو صالح:ردي على الجوال .
وجود:................
أبو صالح: وجود..!
وجود(بأرتباك ) : لبيه ..!
ابو صالح:وش فيك يا بنتي ..!
وجود:لا ما فيني شيء بس السؤال الأخير ضيق صدري ..
ابو صالح:يا بنتي هذي سنه الحياة وحنا ما نأخذ عمرنا وعمر......
وجود سرحت بعالمها ..دق ولا قدرت أرد عليه ..وش هالحظ وش هالنحس ..!!
الحين أكيد يأخذ بخاطره ..ويزعل زيادة ..!
.

وجود بعد الاتصال السادس لوجود حط الجوال سايلنت وراح للاستراحة وكان الشباب منتظرينه
وقبل لا يطلع من الاستراحة ..ويوم شاف المسد الكول قعد يفكر ..!!
والله كسرت خاطري .. فارس وش هالقساوة كلها ماهقيتها منك ..ولمن لـ وجود حرام عليك والله ..
أكيد عندها عذر للي سوته ولا ما كان سوت كذا الحين أكيد هي تحاتي ..
خلني اسمعها هالقصيده عربون رضى مني ...!

اضغط هنا

الحقيرة هذي ما ترد علي ..!

حتى لو انها زعلانه المفروض ترد علي ..يكفي اني تنازلت ودقيت ..!

هين أنا اوريك يا وجود..!

وجود:هههههههههههههههههههههههههههههه يبا والله العين ما تعلى عن الحاجب ..

أبو صالح:إيه خذيني بالكلام ..وأنا عاد ما اقدر على كلامك ..

وجود: الله يخليك لي .. وحضنته وصااااااحت ..

أبو صالح:وجود..!!!

وجود:..................

أبو صالح:وجود ..وش فيك ..في احد مضايقك ..مزعلك..!

وجود:صوتها يعلى ..!

أبو صالح:يضمها لصدره بقوه ويهدي فيها ..

بعد 10 دقايق وجود تهدى..
أبو صالح:وش فيك يا بنتي قولي ..أنا أبوك لا تخبين علي شيء ..إي احد مضايقك بشيء مزعلك..!
وجود:لايبا ما فيني شيء مدري وش صار فيني ضاق صدري ويوم حضنتني بغيت أصيح وصحت..
أبو صالح بنظرة عتاب: ليش ما تبين تقولين لي وش صار معك..؟!
وجود:صدقني لاجا والوقت الي أتكلم فيه بعلمك..
أبو صالح:...............
وجود:صدقني يبا والله شيء ما يسوى..أنت ما تعرف بنتك ودلعها الله يهديها ..!
أبو صالح:يحق لك تدلعين أنتي وجود بنت محمد..
وجود:هههههههههههههههههههههههههه تصدق اليوم قلت هــالجملة لشذى
أبو صالح:من شابه أباه فما ظلم ..
وجود:هههههههههههههههههه إيه أكيد .. P9
أبو صالح: يالله أنا بتركك تنامين شوي و بطلع الشغل ..ولا تشغلين بالك بشيء ما يسوى..!
وجود:.انشالله ..
أبو صالح:فمان الله .ونامي الحين ..!
وجود..انشالله فمان الكريم ..

طلع أبوها من الغرفة ووجود لاشعورياً اتصلت على سعود تسمع أغنيه عبد المجيد عبدالله
وشوي ماتسمع شيء ..!
وجود(بأنفعال):الو..!
؟!:...................
وجود:فارس..!
؟!:......................
وجود:ورب الكعبة أنا عارفه إني غلطانة ويحق لك تزعل ولا ترد علي وسوي فيني الي تبي
بس لاتتركني لا..!
تكفى والحين ما رديت عليك لان أبوي كان جنبي ولا مداني أرد..!
؟!:..................
وجود:وش فيك ساكت ما ترد علي..طيب بس بين لي أنت رضيت ولا بعدك زعلان..!
؟!:...................
انقفل الخط ووجود بحيره من الي صار (وش هذا مايرد علي ..معقوله كل هذي الزعل ..والله الشيء مايسوى..!)
بعد دقيقتين يرجع يدق عليها فارس..!!
وجود:حبيبي..
؟!:................
وجود:فارس والله ادري الشيء الي سويته كبير بحقك والمفروض ماتسكت عليه..
وانااليوم كلي لك سوي فيني الي تبي ..بس قول كلمة وحده بليز تكلم قو....
؟!:..........................
اضغط هنا
وجود تفقد توازن جسمها وتسقط ارضاٌ تستجمع كل قوها وتقوم..
وجود:فارس لا وربي آسفه بس لاتسوي فيني كذا ..حراام تسوي فيني كذا بعد ماحبيتك..
والله العظيم سلامي البارد عشان احافظ على علاقتنا ..فارس لا تعذبني ورب الكعبه احبك احبك
لاتتركني وتروح ..انت احلى شيء بحياتي ..لاتتخلي عني بلحظة غضب لاتتهور يافارس..انا اوعدك اخر مره اسويها ولا اعيدها ابد.. بس رد لي
؟!:........................
وجود(تصيح):فارس كافي تعذبني رد علي ..!
انقطع الخط..!
وجود ترمي بجسمها على السرير وتصيح بكل صوتها ..ونامت ..ولاتصحى إلا على نغمة جوالها ..
بكل ثقل وبدون ماتشوف الرقم ..
وجود:الووو..!
المتصل:ياهلا وغلا براعية الصوت..!
وجود تطالع الجوال تحاول تشوف الرقم بس ماقدرت..!
وجودو:من معي..!
متصل:منصور..
وجود:منصور..!!من منصور..!
منصور:حبيبك..
وجود يطير النوم من عيونها وتقفل الخط..
منصور من منصو..!!
وترجع تطالع الرقم ..رقم غريب ماتعرفه..
ويدق مره ثانيه تحطه سايلنت وتحاول تنام بس اكيد تفكيرها يمنعها ..!