السلام عليكم ورحمة اللة وبركاتة وش اخباركم وش علومكم؟ان شاء الله زينة حبيت اطرح الموضوع لكم وهو عبارة عن المواقف الطريفة عن المشجعين المسنين اللي كدسو ايامهم في تشجيع فريقهم ومحبتهم لة ومؤازرتة بكل الحالات p10 بالنسبه لي انا جدتي واحدة من مشجعات الهلال بخيلة بمعنى الكلمة تلاحق القروش اللي بالشوارع وتقول ذولي يجيبن علوكة وحلاو بقر واذا صار فيه مباراة وفاز الهلال تعشينا موب مفطح الا مفاطيح>>>يمديكم على الكرم واذا خسرتقول حدكم فول وخبز ولاازيدكم من الشعر بيت.مربطة حبال غسيل بالسطح ومعلقة اعلام وشالات الهلال ويا ويلة سواد ليلة اللي يقرب منهن لاواذا جيتها ذاك اليوم ولابسة تي شيرت الهلال تشوف التهليل ويا حبيل بنيتي ويازينها زيناه وانا ما بعد فصخت العبايه يعني كل ذا يوم شافت اللون الازرق واذا فصخت العبايةوشافت رقم 9 على االتي شيرت تشوف كل ابو العلوكة والشبسات والشكلاطات والعسكريمات يمطرن عليك مطر جدتي العزيزة تراها تموووووووت بشي اسمة سامي الجابر من قدك ياسامي حتى العجز يموتن عليك >>>تراحتى بالتحفيظ يسولفن عنك هذا اللي بدميجتي حاليا اللي عنده مواقف ياليت يسدحها هون جاملوني لان هذا اول موضوع لي
09-04-2007, 05:05 PM
مشجعين مسنين
بخيلة بمعنى الكلمة
ويا ويلة سواد ليلة اللي يقرب منهن
يمطرن عليك مطر
العرض الشجري
