بسم الله

*
*

ياحضاره ياشطاره .. يافن صاروا يسمـونه مهـاره !!
ياحضاره ياخساره .. صرتي في شعب مايعرف اصلاً حضاره ..
ياحضارة يا جمـاله .. شعب يجعلكِ نعـاله .!!

______________

.. ياحضارة يامولد الماضي الجديد ..
.. يانزوة الشـوق القـديم ..
.. يافرحةالطفـل الصغير .. .. (افرحوا يابعض الناس)

______________

يايتيمة المجد التليـد .. وين كنتي ووين كانوا ..
ليه صرتي .. وليـه صـاروا !!

لاحد يبلشني بالكلام اللي كاتبه فوق .. والله انا اللي كاتبه(من زينه)

- مدخل –

ماشدّني لكتابة هذا الموضوع وفي هذا الوقت تحديدًا هو أن كبدي (أنمرست) وفي رواية طقّت ..وفي رواية ان هالمصطلح تسذب ..
المهم كبدي راحت فيها من اللي يصير هالأيام .. ..


- مدخل الرجال –

كنت قبل يومين ادردش مع اللي يشتغل بالمغسله اللي أودي لها ثيابي (وانتم بكرامه)
عاد هو يقولي ياخي انت اغرب سعودي اقابله .. قلت : اووخص ، ليـه ..!
قال انت كل مادخلت علي تقعد تتبسم قلت هذا من رداي معطيك وجه ..
قال لاتفهم غلط قلت : بلا تصريف .. جب ثيابي ( مافيه وانتم بكرامه لأنها نظفت)
قال اسمعني لأشوتك قلت تيب .. قال دايمن كل ابو السعوديين يدخلون وهم معصبين
وماغير : جب الثياب ولا سلام ولا اخلاق .. عاد مالكم بطولة الهرج ..
طلعت منه وانا ضايقن خلقي والله .. وتجمعت كل ابو المشاكل وامها ..
وحسّيت اننا يالسعوديين والسعوديات (عشان مايفرحن) ..
حسيت اننا شعب جلف مع غيرنا – الأجانب- ..
وبعدين طرّالي اننا اصلاً متخلفين .. قلت تعوذ من بليس بس ..
المهم مسكت القلم وقلت أكتب لا آبوك و آبو من شراك ..
وكتبت بعض النقـاط اللي أحس اننا مقصرين فيها ..
خاااصتن .. أننا شعب نقول عنّا حضاريين ..!p10
وحنّا والله موب يم الحضاره بالمرّه ..!
خوذوا هالنقاط ومخمخوا عليه وعلقوا عليهن تعليق جدّي .!!
لأننا والله بحاجه لتطوير ذواتنا .. وكما نحتاج بعضنا
نحتاج غيرنا زي الغسـّـال حبيب ألبي ..
تراها مبعثره لكن انتم قدّها

v ذكرياتنا .. أصبح أفضل مكـان لها حمامات مسجدنا – وانتم بكرامه -.
v ليه كـل طالب يسوي روحه زاحف .!! المدرسين يشتكون ، وإداراة المدارس يشتكون ، حتى أبوانا يشكون .
v صلواتنـا الله المستعان .. اصبحنا نفضّل الصفوف الأخيره على الأولى ..
v سيـاراتنـا .. اصبحت دفاتر .. كرّاسات رسم ..!
v نقاشنا .. اصبح هواش وطقاق وتلعين وسباب وبالأخير .. لا فائـده ..
v قرآتنـا .. وآهـ يا قراآتنـا ، يمرّ ع الواحد والوحده ماقرى/ت أي كتاب !مع أن ماينهض بالأمم الا القرايه والثقافه والإطـلاع وسعة المعرفه ..

v شـاشاتنـا ..اصبحت محل لكل ماهو غثّ وسمين ، اصبح كل من جمع له قرشين حجز له عـ القمر الصناعي .. وياليته يفيد بس ..! : (
v منتدياتنا .. اصبح اغلبها مرتع للسـقوط وكلٌّ يبحث عن الرقيق الأبيض ..!! قلّما تجد موضوع هادف او شي نافع الا مواضيعي .. (اسكت بس) ..
v حلم الدراسه بأمريكا .. يشغل الكل ، الكل يبي يطلع / يهج / يدشر / ممكن يدرس ..!
v عمالنـا .. شغالاتنـا .. سواقيننـا .. دايمًا يشكون : ( نفر سئودي مافيه كويس ) ..!

v معاملتنا مع الآخرين بشكل عـام لا احترام لا محبّه لا ودّ لا ابتسامه ..! وأنواع الاحتقـار ..!
v زوجاتكم (للمتزوجين) خـافوا الله فيهم ..
v زوجات المستقبل (لنا) الله الله فـ الزين ..
v أمهاتنا .. ويابعد روحي يا أمهاتنا .. وش سوينا فيهم .. ووش تبي تقدم لهم ..!
v تعليمنا .. – مع أننـا من الـدول اللي مناهجها الله بالخير .. إلاّ أننا داجين ..!!

وبعد ذا كله نقول احنا شعب حضـاري ..
مثقف ، واعي ، فاهم .. !!


* مامفهـومك الشخصـي للحضـارة ..!؟
* وش ينقصـنا ونحتـاج له بحيث اننا نكون مجتمـع واعي ومدرك للأمور ؟
* موقـف لا يمثـل معـنى الحضـارة ؟
* كلمـة أخيـرة ..
أخيـراً .. تعليقـك ع الغسـّـال .. : $ .. ..

وبس : $

.. BBP ..

ياهلا وغلا باالغلا ..
تواجدت هنــا من اجل تسجيل اعجابي فقط ..
اعتقد انك كفيت ووفيت بما كتبته ..
حالنا للاسف "كـ مجتمع " في تدهور ..
الامور في انحطاط .. العالم تلحق بالركب والتقدم ..
واحنا لازلنا في مكاننا نرواح ..
لو كنا نمشي ببطء لا باس .. بعد فتره بنتقدم ..
اخوي .. كل مذكرته..
اللتربيه .. وثقافة المجتمع .. والبيئه المحطيه له دور كبير في تعديلها ..
ما اقول الا الله يصلح الحال ..
اوخك ..
عادل / / << ياتذكرني يا ما تذكرني

هلا أخوي

كلامك يتركز على واقع ممسوح بالعقلانية السخيفة

لاتستطيع أن تغير مابقوم حتى يغيرو ماباانفسهم

والشعب اللي أنت تتكلم عنة شعب تفكيرة

موهزين...

أشكرك على قلمك المجاهد في سبيل الاصلاح..

يعطيك العافيه يالغالي على الموضوع الجميل BBP

* مامفهـومك الشخصـي للحضـارة ..!؟

الحضاره هي الإرتقاء بالمستوى الفكري والإرتقاء بالأمم والثقافه وليس ما نشاهده هذه الأيام من تخلف وكأننا في عصر حجري

* وش ينقصـنا ونحتـاج له بحيث اننا نكون مجتمـع واعي ومدرك للأمور ؟

ينقصنا الكثير و الكثير وقد يكون أهمها التربيه ( السنعه ) والمستوى التعليمي والمناهج الدراسيه
* موقـف لا يمثـل معـنى الحضـارة ؟

الكثير من المواقف وقد يكون أهمها الكتابه على الجدران

* كلمـة أخيـرة ..

أرجو من هم أساس المجتمع وجذور المجتمعات أن يفكروا بالوضع ولو قليلاً والتطرق لمثل هذه الأمور

أخيـراً .. تعليقـك ع الغسـّـال .. : $ ..

كلامه صحيح ميه بالميه

^^

عوافي خيتو لتواجدك
ومشاركتك الفعّاله ..

كنت اتمنى اللي قبلك زيك : $

* * * *

هلا و الله نواف 11

أنت تكلمت عن شي يفقده أغلب أفراد المجتمع و ما راح أقول
يفقده كثر ما فهمنا له محدود أو مغلوط يا عزيزي .
الحضارة عندنا مجرد قشور فقط عبارة عن لبس وسيارة جديده
و ملاحقة آخر الماركات ( طبعا مهوب عيب ) لكن العيب اننا ننسى
ان فيه حضارة في التعامل حضارة في الثقافة حضارة في التعليم
الحضارة تدخل في كل شيء شؤون حياتك الي من المفترض أنها تواكب
العالم الي أنت عايش فيه . . .

مثل ما قلت يا عزيزي نجي للتعامل , , أصلا حنا ما نعرف نتعامل مع بعضنا
فكيف نتعامل مع أشخاص من جنسيات أخرى , , , صحيح أن هذا الوافد قادم
لأجل لقمة العيش لكن هذا ما يعطينا الحق أننا نقلل قيمته كشخص و كإنسان
له كيانه في هذا العالم .
اذا كان عندك تفرقة بين أفراد شعبك أنفسهم و هم يقسمون أنفسهم إلى فئات
فكيف تعاملهم مع الشخص القادم من خارج هذا البلد . . . ؟ وسع صدرك .

أما من ناحية الثقافة و الاطلاع فحدث و لا حرج الفرد في الدول الغربية
يقرأ بمعدل كتاب إلى كتابين في الأسبوع , , عندك هنا كتاب كتابين
في السنة , , , مجتمع يدعي أنه يفقه كل شيء و هو للأسف لا يقرأ .

على فكرة فيه رواية اسمها المنبوذ للكاتب عبدالله زايد أنصحكم بقراءتها .

لكن نقول إن شاء الله أن هذا الجيل ممكن يغير هذه النظرة و هذه الفكرة
ما دام فيه شباب في مثل سنك يحملون هذا التفكير فالحمدلله الدنيا لسا بخير .


عوافي نواف

* * * *

وأخيرا لقيت احد فاهمني ؟؟

كل ما تكلمت عن هالسعوديين .. انتقدوني ؟!



لاحد يبلشني بالكلام الليكاتبه فوق .. والله انا اللي كاتبه(من زينه)

الكلام حلو ما بوه شي

اما عن الابتسامه .. انا بس مبتسمه الحمد لله ( الا اذا كنت متضايقه )

لكن المشكله لا ابتسمت بمكان عام .. العالم تفهم غلط ؟؟

بجد ما ينعطون وجه .. حتى لو ما ابتسم بس بنظره .. الحقونا 22 واحد < تبالغ

v ذكرياتنا .. أصبح أفضل مكـان لهاحمامات مسجدنا – وانتم بكرامه -.
عاد تصدق ولا مره كتبت .. حسافه < تكفين ؟؟
بس وناسه لا قريت الذكريات تحس فيه شي يوسع الصدر ...
لو يحطون اوراق عند الحمام ويخلون الناس تكتب على كيفها يكون احسن


v ليه كـل طالب يسوي روحه زاحف .!! المدرسين يشتكون ،وإداراة المدارس يشتكون ، حتى أبوانا يشكون .
والله مدري .. بس حتى بعض المدرسين والمدرسات .. ما عندهم اسلوب حضاري !
والاستهبال هاليومين صاير كثير .. بس هم بعد وناسه < كل شي وناسه !!
عندنا بنت بالفصل مجننه المدرسه كل ابوها .. كل يوم عند الادراه .. مره تهاوشت مع استاذه وقالت لها الاستاذه : ترا بوديك الادراه
قالت البنت : اصلن الادراه جايبينها عشاني < ومستانسه بعد ؟؟
وابشركم هالترم جابو مديره جديده يقال انها بتهجدنا !! .. صار كل يوووم تفتيش .. تخيلو
على المريول والاضافر و الجزم ( وانتم بكرامه ) والشعر وكل شي بلا استثناء .. و يوقفون البنات بالحوش < وناسه
كنا في الحصه الاولى الاستاذه تشرح الدرس .. و تفتح بنت الشباك ( البنت من فصلنا ) تقول : ابله ممكن ادخل من هنا ؟؟ < مضيعه !!
يا اني مت عليها ضحك .. .. ادري قرقت كثير بس شسوي ؟؟


v صلواتنـا الله المستعان .. اصبحنا نفضّل الصفوف الأخيرهعلى الأولى ..
وفيه بعض الناس ما تصلي اصلن ؟؟
ترا الدنيا خلاص ما بقى لها شي وتنتهي .. و التوبه ما تقبل اذا اشرقت الشمس من الغرب !!
و لاحظو علماء الفلك ان الشمس بدت تميل عن مسارها ..
حتى الحيونات يوم الجمعه توقف ابصارها شاخصه تنظر الى الشمس خوفا من انه يكون اليوم يوم القيامه !!
وعلامات الساعه طلعت كلها .. ( مرور الايام بسرعه . الجهل . اغلب الناس ما تصلي . الحروب . تساهل الناس بأعظم الامور مثل النمص !!
مع ان الرسول ( اللهم صلي وسلم عليه ) لعن النامصات .. الا ان كثير من النساء نامصات !!


v سيـاراتنـا .. اصبحت دفاتر .. كرّاسات رسم ..!
انا ما عندي سياره .. بس عندنا سياره بالجبيل الصناعيه لونها وردي كل يوم فيها ( تو بويز ) معروفه .. بصراحه كشخه
واظن ان اللي بالجبيل اغلبهم يعرفونها .. يعني ( كشخ سيارتك .. تستانس طول حياتك ) < خذوها مثل من الامثال هع


v نقاشنا .. اصبح هواش وطقاق وتلعين وسباب وبالأخير .. لافائـده ..
صحيح ميه الميه .. ( لا تعليق ) < ما عندها شي تقوله !


v قرآتنـا .. وآهـيا قراآتنـا ، يمرّ ع الواحد والوحدهماقرى/تأي كتاب !مع أن ماينهض بالأمم الا القرايه والثقافه والإطـلاع وسعة المعرفه ..
انا اقرا بالمنتديات ..
واحب اقرا كتب الشعر ما احب كتب العلم والمعرفه . كافي المدرسه غثتنا < طسي يرحم والديك

v شـاشاتنـا ..اصبحت محل لكل ماهو غثّوسمين ، اصبح كل من جمع له قرشين حجز له عـ القمر الصناعي .. وياليته يفيد بس ..! : (
تقصد الـ TV ؟؟
انا مره جلست اشوف mbc3 قسم بالله ( قمة الوقاحه ) يخلونها للصغار بعد ؟؟
وربي المفروض يكتبون .. لـ 18 وما فوق .. مو للصغار ؟؟
يبثون افلام كرتون مثل وجيهم .. ومخالفه لعقيدتنا وبقووووه بعد .. !
لو تشوفون افلام الكرتون بالغرب شلون ..؟ كلها تعليميه .. مو احنا الله يرحم الحال ؟


v منتدياتنا .. اصبح اغلبها مرتع للسـقوط وكلٌّ يبحث عن الرقيق الأبيض ..!! قلّما تجد موضوع هادفاو شي نافع الا مواضيعي ..
و مواضيعي بعد
لا والله فيه مواضيع تفتح النفس .. زي موضوع روبن عن الهرش خخخخخخخخخخخـ
وفيه مواضيع تتأثر معها .. زي موضعك هذا (اسكت بس) ..


v حلم الدراسه بأمريكا .. يشغل الكل ، الكل يبي يطلع / يهج / يدشر / ممكن يدرس ..!
لو أموت ما ادرس بأمريكا .. اخاف اروح هناك ..
احب بس الخليج ..


v عمالنـا .. شغالاتنـا.. سواقيننـا .. دايمًا يشكون : ( نفر سئودي مافيه كويس ) ..!
أي والله صدقت .. اخيس معامله نعاملهم .. والسبب ( لانهم مجرد خدم ..
انا عن نفسي .. ما احب اصارخ او اهاوش الخدامه .. لاني عارفه شعورها
تاركه اولادها واهلها وجايه فـ غربه !!
واحنا مسلمين المفروض تكون معاملتنا زينه .. بس وينا وين الخلق الحسن اللي امر فيه الرسول اللهم صلي وسلم عليه !

v معاملتنا مع الآخرين بشكل عـام لااحترام لا محبّه لا ودّ لا ابتسامه ..! وأنواع الاحتقـار ..!
صح .. صح .. صح .. وسبق ان تحدث عن هذا الموضوع اعلاه < اوخص يالفصحى
بس عن نفسي الحمد لله احترم اللي محترم نفسه .. مع ان البعض ما يستاهل احد يحترمه ..

v زوجاتكم (للمتزوجين) خـافواالله فيهم ..
كثر الظلم هاذي الايام .. الزوج ما يعطي زوجته حقها .. و توصل فيه المواصيل انه يمد يده عليها لـ أتفه الاسباب .. ؟!
ويمكن بعد يهاوشها قدام عيالها .. ولا يراعي شعورها ولا احساسها !!


v زوجات المستقبل (لنا) الله الله فـ الزين ..
الله يرزق كل شاب الزوجة اللي يتمنهاها ويتوفق معاها .. والله يرزق البنات بواحد حلو كشخه ( اللي فبالها ) وتتهنى معاه ان شاء الله


v أمهاتنا .. ويابعد روحي يا أمهاتنا .. وش سوينا فيهم .. ووش تبي تقدم لهم ..!
امي .. مهما قلنا ومهما وفينا .. ما عطينها حقها كامل !!
الله يحفظ لي امي .. ويطول بعمرها .. ويسعدها .. و يوسع صدرها .. ويجزها عني كل خير


v تعليمنا .. – معأننـا من الـدول اللي مناهجها الله بالخير .. إلاّ أننا داجين ..!!
أي والله انك صادز < متأثره بالقمنجيه !
تخيل كل يوم معاناة في حصة الرياضيات .. ومسوين ضد الاستاذه مظاهرات !!
تقول : تدرو ان مستواكم ضعيف ؟؟ روحو شوفو الدول الثانيه شلون مستواهم ؟؟
فيه بنت اخوها ما شاء الله بثالث ثانوي ونسبة 99% .. راح بيدرس بالادرن قالو له (تتكلم الاستاذه باللهجه السوريه ) : 99 بالمييه انت من السعودييه روح بيع بطاطا ..
انا الله يرحم حالي مت ضحك ..
بس للاسف بجد مستوانا ضعبف و مو متحملينه ! اجل لو درست برا وش بيصير فيني ؟؟

* مامفهـومك الشخصـي للحضـارة ..!؟
ان الناس تكون واعيه وفاهمه ومتحضره بالعلم .. وووو بس انت كمل
* وشينقصـنا ونحتـاج له بحيث اننا نكون مجتمـع واعي ومدرك للأمور؟
تسثييير والله يا طويل العمر .. يبيلنا مشووووار .. لازم توعيه ونصائح < بس منهو اللي بيسمعها ..
* موقـف لايمثـل معـنى الحضـارة ؟
الكتابه على الجدران ( بس بعض الكلام حلو بصراحه ) ..
اللي يمشي ويرمي ( النفايات خلفه ) < لاقلت شي بالفصحى اعرفو اني تكلمت جد
وفيه صور كثير منيب فضايتلك اقولها كلها < اسلوب يا بنت
* كلمـة أخيـرة ..
اشكر كل من كان له الجهد في بث الموضوع مباشرتن بدون تعويض بالمعادله الاولى .. لان المعادله كانت من الدرجة الاولى بدون متغير خخخخخخ
8
8
متاثره بالرياضيات بقوه ..
احب اقول اني اليوم غبت عن المدرسه ( اجزت مع اهل الرياض ) بس ليتني ما غبت لانه ( طفش ) اطس يم مدرستي ابرك لي
ويعطيك العافيه يا أخ نواف على الموضوع .. واعذرني ردي طويل مره بس انت قلت :
خوذوا هالنقاط ومخمخوا عليهوعلقوا عليهن تعليق جدّي .!!


أخيـراً .. تعليقـك ع الغسـّـال .. : $ ....
صادق بالكلام اللي قاله بس هو سعودي ولا ؟؟ < سؤال يسدح نفسه

واكرر ( يعطيك العافيه عالموضوع ) ..
وايضا اكرر اسفي على ( التطويل ) < دورها بالقاموس العربي ..

مـوضـوعـكـ..قـمـة

(حبيت اقولك نقطة اعتبرها مهمه)

:

))شف مو انت ولا انا نبي نوعي هل عالم من الي هم فيه من تخلف
:
:
نسأل الله السلام نحمد الله و نشكرة انا بأفضل حال ولو بتتكلم على الناس الي كذا بتتعبp10
:
:
يكفيك لا طلعت برى وشفت تعامل الأخرين معك وشلون بتستحي من نفسك
:
:
لاكن زي هاذي المشاكل ما يبيلها حل لأن حلها موجود قدام الكل بس هاذا
:
:
سببها التربية من الأساس لو تلاحظ مدرسن الأبتدائي يدلعن الصف الأول ولا احد غلط قامو و لعنو ابو من جابة
:
:
ولين انتقل الا مرحلة المتوسط يبي يطلع حرته وماتقدر تقوله شي بس وش تقول وش تخلي
:
:
وفيه مشكلة بسييييطة تسبب مليون الف مشكلة الا وهي الشوارع و مطباتها و حفرها
:
:
لو تلاحض هالنقطه تلاقي الواحد طالع من بيته مستانسp21 وهو في طريقة تلقاه على اعصابة لا يتفاجأبشي
:
:
وفجئه تلقاه كلاله مطب و معصب و مسرع من القهر لذالك يوصل المغسلة و يطلع حرته في راعي المغسلة <<وهاذا هو الحا ل((
:
:
))مـوضـوعـكـ..روعـةCC ((
يـــســـلـــمـــو

يعطيك العافية

نواف 11

هلا وغلا وحياك الله
كلام جميل تكلمت فيه في هذا الموضوع
الحضاره انشقت انشقاق كبير بين طيات مراهقينا
لايفقهون معنى الحضاره الا ماقل يااخي مشاهد كثيره
ادخل وانت بكرامه حمامات المسجد تجد شيء يخلي شعر راسك يوقف
من الكتابات البذيئه

مااقول الا الله يعين على هالمراهقين ( وجه واحد حايمتن تسبده من هالاشكال )



ابستطرد في الكلام من خلال اسئلتك الاخيره اخوي نواف

اشياء كثيره من ضمنها التعامل الجيد اللي حث عليه ديننا الحنيف

أقتباس

* وش ينقصـنا ونحتـاج له بحيث اننا نكون مجتمـع واعي ومدرك للأمور ؟

نحتاج شوي ثقافه ووقت
نحتاج من الاسره ان تثقف وتعلم ابناءها وبناتها التربيه السليمه

أقتباس

* موقـف لا يمثـل معـنى الحضـارة ؟

كثير ومن ضمنها الكتابه في كل مكان جدارن حمامات : ) وانتم بكرامه

أقتباس

* كلمـة أخيـرة ..

اشكرك اخي نواف على تبيان هيك موضوع

أقتباس

أخيـراً .. تعليقـك ع الغسـّـال .. : $ .. ..

واصل معاه الابتسامه عشان ماياخذ عنا فكره موب حلوه

نواف 11 الذهبي


هلا والله

كلامك روعة

والله انك صادق

ومثل ما قال اخوي
مدمن بحب يوسف

شئ يخلي شعر راسك يوقف
من الكلمات البذيئة

نواف الذهبي

وش اقول
ما قصروا الاعضاء الي قبلي
كتبوا الي فيه الكفاية <<< ما لقا شئ يكتبه صرفها

الحين كل واحد مسوي نفسه زاحف

وما شاء الله علينا
يالشعب السعودي
مثقف
والدليل
تمر سنة ما قرينا الكتب
اكثر من
5 دقائق

طبعا غير المجلات والجرايد والنت