|
...[ وش صار بـ الدنيا .؟! ]...
\ / 1) من أمام أحد المراكز الفخمة للتسوق في مدينة الرياض .. وقف طويل العمر وعن يمينه وشماله حرسه الشخصي .. رجل تعطيه يمكن فوق الخمسين سنة بالنسبة للعمر .. وقف خلفه 3 فتيات .. متكلّفات فـ الزينة بـ شكل ! والغطا .. الله يرحم الحال !p18 والعباة .. مايدري الواحد وش ساترة ؟! بـ البداية .. توقعت أنهم تبع هذا الرجل .. لأنهم قريبين منه مررة .. واقفين جنبهم .. شوي .. تتقدم بنت منه .. وبالحرف الواحد .. وبكل بجاحة وجرأة .. " ممكن رقمك طال عمرك ؟!" وبكل هدوء .. يسلم لها الرقم .. ويركب سيارته " المايباخ " ويروح .. اللي حاصل إن هالبنات قاموا انواع الصراخ والفرحة مبيّنة على وجيههم .. أتوقع .. في نظرهم طبعاً .. طاحوا على كنز .!p18 رجل الأمن غمرهم بنظرات غريبة .. وحال لسانه يقول " يازمن وش مخبّي بعد ؟!" \ / جولة واحدة في أحد الأسواق الكبيرة .. والتي يتسلل لها الشباب برغم التشديد بعدم دخولهم .. ترى العجب ! ماراح أتكلم عن العبايات اللي تصف الجسم .. والزينة فيها والألوان الجاذبة للنظر وبقوة .. ولا عن الماكياج المبالغ فيه بشدة .. وكأنها حفلة زواج .. موب سوق لقضاء الحاجيات لا أكثر ولا أقل ! ولا عن اصوات الضحكات الرنانة والصوت المرتفع .. وإنما .. عن ترقيم البنات للشباب ! سبحان الله .. كيف انقلبت الآية ؟!! ظاهرة انتشرت بقوة في الفترة الأخيرة .. والمشكلة .. أنها أمام الملأ .. علناً ! لا خوف من الله .. ولا حياء .. اللي يعتبر من أهم صفات البنت ! دنيا .. ويـا قلبي لا تحزن ! \ / 2) في أحد الصباحات .. وصّلت اخوي الصغير للمدرسة ولفت انتباهي منظر أمام مبنى المدارس .. كانوا 3 صغار .. كأنهم مستعجلين ووراهم شي .. أو مثل اللي واقف وهو مرتبك وحاسّ إن فيه احد يراقبه .. قرّبنا شوي .. لفت انتباهي اكثر .. سيجارة !:(: سيجارة في يد طفل ! طفل ياناس ! صغار .. يدمّرون حياتهم بـ تدخين ..! مع الصباح .. صباحك أحلى بـ سيجارة ! إنت رجّال .. بس خذ لك سيجارة ! وسّع صدرك .. كبير إنت .. تاخذ سيجارة ؟! هل صار فعلاً إحساس الرجولة عند الصغار _الذين هم على اعتاب الرجولة_ تشبعه سيجارة ؟! كبروا آباءنا قبل .. ولاكان فيه طفرة التدخين ..! تنامى إحساس الرجولة بداخلهم بدون الحاجة لـ ورق ملفوف وينفث دخان ليثبت ذلك .. زمان أول .. والأول تحوّل ..! وياقلبي لا تحزن ! \ / 3) " يبه .. أبي جوال ! " " يبه .. صرت كبير وأخوياي كلهم معهم جوالات وش زودي عنهم أنا ؟! " " يبه .. أبي جوال وكاميرا بعد وأحدث نوع .. " يلبي الأب طلب ابنه بكل حب .. ويروح يشتري له أحدث جهاز .. لـ يشبع رغبة ابنه المراهق ! والله أعلم ماذا سيحمل هذا الجهاز بعد ذلك .! هل كل أب وأم مسؤولان عن أسرة سوف يقومان بـ تفتيش جوال ابنهما المراهق او ابنتهما لو مرة واحدة ؟! من باب الحرص طبعا .. بالتأكيد الجواب سـ يكون : لا ! أجهزة الجوال أصبحت مظهر أكثر من انها حاجة .. وانتشارها بين أيدي المراهقين والمراهقات اتوقع انه امر يجب إعادة النظر فيه بعين اقرب للواقع اكثر .. انا ارى ان مراقبة الوالدين لإبنهما وابنتهما اللذين يحملان جهازاً امرا ضروريا .. نحن نواجه موجة عارمة من الغزو والأفكار المدمرة .. لو نتكلم بواقعيه اكثر .. الجوالات مجرد وسيلة ان أُحسن استخدامها تفي بالغرض .. ولكن المشكلة .. إن أُسيء استخدامها .. ماذا سـ يحدث ؟! ليست الجوالات فقط .. المراهقين والمراهقات أصبحت القنوات تربّيهم .. والأغاني .. والبرامج الهابطة كـ ستار أكاديمي وغيره .. ليست الجوالات هي المسألة فقط ! وإنما كل وسيلة تجرّ إلى وسيلة أخرى أدهى وأمرّ ! إن قلنا جوالات .. الأولى إن نذكر التلفاز والقنوات الهابطة والتي تحمل الغث والسمين .. حتى قنوات الأطفال .. أصبحت هابطة ! أطفالنا لا ندري ماذا يشاهدون .؟! للأمانة .. مازالت قناة المجد للأطفال من أفضل القنوات التعليمية للأطفال .. أما .. Mbc3 .. مازالت في إنحدار وهي على سبيل المثال .. لا الحصر ! نحن نواجه موجة فساد عارمة .. عبر هذه القنوات ! أصبح كل الاهتمام بـ فيديو كليب جديد .. أقامت الشركة الراعية حفلاً كبيراً للفنانة ...... الآن في الأسواق .. الفنان ..... بشريطه الجديد ........... حتى مفردات الأغاني أصبحت هابطة .. جداً ! "بوس الواوا بح !" (علامة إستفهام كبيرة جداً) .. "اللي يزعل بابي .. مدري وشو واللي يزعل مامي .. مدري وشو" ويييييين ياعالم ..؟! صار أهم شي بس إنك تطلع .. بغض النظر عن الفنّ اللي بـ تقدّمه .. لو تغني بـ حمار مزرعتكم _مع احترامي للقارئ_ مايخاالف .. هي بس اغنية وكم فلاش وصورة .. وضعك تمام ! لا .. وتبشر بـ شركة تموّلك وتقطّ عليك من هالفلوس إلى بكرة .. فلوس تخلّيك تغني بالحمار .. والغنم .. وعامل المزرعة بعد ! الفنّ الذي يقدّم الآن ويستحق أن يطلق عليه اسم فنّ يعتبر نادر .. ومازال أعمدة الفن يغرّدون خارج السرب .. والبقية الباقون .. زيادة عدد !! مغزى الكلام ليس من يقدم فناً ومن يقدم مهزلة .. وإنما أبناؤنا ماذا ينتظرهم ؟؟! الذين يشاهدون مثل هذه القنوات صباح مساء .. الصالح منها والفاسد .. ولا اتوقع أن الصالح سوف يُشاهد هذه الأيام ! هي فسااااااد بمعنى الكلمة .. يادنيا .. ياقلبي لاتحزن ! \ / 4) " إمام مسجد يمني يغتصب حدثاً " كارثة وليست حادثة كـ غيرها ! غير أن الوضع محرم شرعاً من حيث أنه لواط .. المرتكب : إمام مسجد !! ماذا بقي في هذه الدنيا لم يظهر ؟! إمام مسجد ياناس !! يؤم المصلين ويخشع ويقرأ ويتدبر الآيات .. إمام حافظ القرآن .. يحمل في صدره كتاب الله .. يشفع له يوم القيامة .. ألم يراعي الله في نفسه ؟! كيف كان وكيف هو حاله الآن .؟! كيف سوّلت له نفسه القيام بهذه الفعلة الشنيعة ؟! حوادث اغتصاب الأولاد أصبحت كثيرة .. ونسمع اسبوعياً عن واحدة .. وأصحاب 15 و16 هم المستهدفون .. يُسجن المجرم أو يُجلد .. أياً كانت عقوبته لكن الطفل لا يعيش سعيداً .. يعيش وهو يحمل ألماً نفسياً فظيع طيلة حياته الباقية .. كيف وهو رجل ؟! يبني المستقبل .. ويبني بلاده .. عالمنا تغيّر .. بشدة ! وهذا الطبيعي .. إذ لا شيء يبقى على حاله .. ولكن عالمنا في انحدار .. ولسنا ندري ماذا بعد هذا .؟! الأمور التي اختلفت كثيرة .. وكل ماذُكر هو غيض من فيض ! مانقول إلا .. " سقى الله ذاك الزمان الله يعيده ! " إجازة سعيدة .. \ / |
رد: ...[ وش صار بـ الدنيا .؟! ]...
أما المغازل هذا شي
يقهر..ولا الوحده تكلم عيال خلق الله يااعمري وياحيااتي وعساي ماعدم هالصوت ومن هالخرابيط الفاضيه... قلة أدب ماصارت ولااستوت ولاوش تبين به أعرسي وانطقي....والعيال أردى الواحد بس فاتح كشرته بسم الله علينا تقل باب كراج ويناظر ببنات الناس ولاشاف وحده منعصره من العباة اللي عليه شوي وتنكسر قام يجدع من هالكلام اللي نصه يكفي عاد هاللوح تستانس وتضحك كانه مابحياته شافت خير......ياعلتس للبواطن ياللي ماتستحين... وعلى طاري قنوات الأطفال جلست مع عيال خوالي أشوف واحد من أفلام الأطفال بالMbC3 مسويه فيها براءه ابرجع لأيام الطفوله صراحه انصدمت فصاخه ومصاخه بنيه صغيره هالكبير(.)تعلم ولد شلون يحبه واحمى تفشلت وقفط وجهي و صار إشاره مرور... وغيره بلاوي زررقا كثيره الله يكفينا الشر ويثبتنا.... وتشكرات عالموضوع الرووعه... |
رد: ...[ وش صار بـ الدنيا .؟! ]...
اخوي GivenChy كلامك صحيحه وبصراحه قدرت تصف لي حالنا وحال العرب بشكل كبير جداًفي الوقت الراهن الله يرحم زمان اول انا ما اقول اني شايب لكن احمد الله اني تربيت في وقت لا فيه انترنت ولا فيه بلوتوث ولا فيه يمه ابي اطلع مع السواق بالحالي . ياخي البزران هاليومين هم اللى يغازلون وربي وربي اني اشوف مبزره يلاحقون بنات بسيارة اكبرهم السواق والباقين على 11و13عيب وربي عيب. مثل ما قلت جوالات مابقى الا يسافر برى بالحاله. انا اقول يالله يارب انك تستر علينا وما ادري وش بيصير عقب 20 سنه . مشكور اخوي وعساك عالقوه. |
رد: ...[ وش صار بـ الدنيا .؟! ]...
والله كلامك كله عسل في عسل ولا شيء قلته خاطىء وعن الأغاني أنا سمعت مره غنيه عن الحمار << وأنتم بكرامه >> والله أنه يغني للحمار ويقوله: << أنا بحبك ياحمار >> المغني مصري ما غير أقول: << يازين زمان أول >> المهم .........!! ما تقصر والله , , , لآهنت يالغلا واصـــــــــــــــــــــــــــــــــــــــــــــــــــــــــل وتقبل مروري المتواضع ^_^ P9 P9 P9 P9 P9 p30 p30 p30 p30 p30 |
رد: ...[ وش صار بـ الدنيا .؟! ]...
...يعطيكــ ربي الف عافية موضوعـــ رائعـــ ابداعـــ...
...الأغاني .. والبرامج الهابطة كـ ستار أكاديمي وغيره ... ..هي الي تخرب عقول الناس لاكن مانقول الى الله يهديهم.. |
رد: ...[ وش صار بـ الدنيا .؟! ]...
الف عافية لك على الموضوع
والله الدنيا ما تنضمن اليوم ملتزم وبكرة زاني والعياذ بالله اليوم امام مسجد وبكرة مغني اليوم داعية وبكرة سافرة ومتبرجه اليوم مسلم وبكرة كافر الدنيا ما تثبت على حالها ولكن ماقول لكم الا رددو هذا الدعاء ((اللهم يامقلب القلوب ثبت قلبي على طاعتك)) لك مني جزيييييييييييييل الشكر |
رد: ...[ وش صار بـ الدنيا .؟! ]...
****
هلا اخوي GivenChy طرح رائع كعادتك ***** لا حول ولا قوة الا بالله رجل بهذا العمر وهذه افعاله صز ان الدنيا مهيب بخير **** من ناحية الاسواق وما يحدث فيها فحدث ولا حرج شباب وبنات مغزاهم الاساسي من الذهاب الى السوق اصطياد فريسه ****** الصغار والتدخين مشكلتهم يحسبون الرجواله بالتدخين واللي ما يدخن موب رجل صحيح فيه اسباب اخرى منها حب التجربه والاستطلاع ومن المدخنين يكون والده سبب في وقوعه في التدخين إما لسوء معاملته له او التدخين امام ابنه لكن اغلب المدخنين يعتقدون انه رجوله وهنا يكون الدور الابرز لرفقاء السوء التدخين من طلاب المدارس اصبح شيء عادي جداً وتعودنا عليه حتى ان اغلب الكلاب المدخنين يفعلون المستحيل من أجل الخروج بالفسحه واخذ سيجاره وأقول هذا عن واقع تجربه مع الطلاب الله عليك بتموت اذا صبرت لين تطلع من المدرسه ***** الجوالات والاطفال والمراهقين الآن اصبحنا نشاهد الاطفال صغار السن يقتنون جوالات فكيف بالمراهقين الجوالات وما تحتويها أمر خطير جداً على الأب متابعة ابنائه وما يقتنونه في جوالاتهم والوضع الان من جرف لدحديره **** القنوات تمثل خطراً كبيراً على الأطفال مشكلة الطفل يقلد ما يشاهده قناة المجد للأطفال رائعه جداً ومفيده للطفل لأبعد درجه **** إمام المسجد حادثه من الاف الحوداث اللي سمعنا فيها لا حول ولا قوة الا بالله *** عافاك ربي اخوي |
رد: ...[ وش صار بـ الدنيا .؟! ]...
شكراً على الموضوع ويعطيك الله الف ألف عافية وكل ألي قلته صح
|
رد: ...[ وش صار بـ الدنيا .؟! ]...
.. .. :(: فعـلاً الدنيـا تغيــرت..:(: p7 وربي مره كنت جايه من المدرسـه ومريت ع سوبرماركت..المهمـ كان فيه شلـة بنات دخـل ولد البناتـ كلهمـ يومـ دخـل قـالوا: وااااااااو ياقلبي:(: ماكن فيه بالسوبر ماركت إلا هـمp7 المهمـ وحـده منهم، مرت من جنبـ وصكعت فيه (المشكلـه هي كان قصـدها انها تصكـع فيه يعني مو صـدفه) يعني لهدرجهـ خلاصـ ماعاد فيـه حيـا ولا ايامـ الاختبارت يوقفون البناتـ ع الدريشـه وهررررج مـع الشبابـ وضحححكـ كأنه وآحد من اخوانها ولا ابوهـا مو واحد غـريب..:(: p7 وربـي شي مـحزن..:(: :(: ((وعن الأغاني أنا سمعت مره غنيه عن الحمار << وأنتم بكرامه > والله أنه يغني للحمار ويقوله: << أنا بحبك ياحمار >> المغني مصري)) p6 ..p6 ..p6 ..p6 ..p6 وانا اليـوم اسمـع وحـده من البنات تقـول [ انا بحبك ياحمـاار] وربـي يوم سمعتها ع بالي البنت تستهبـل ولا شي مادريت انها اغنيـه..:(: وش هالتخلـف ياناااااسـ ذي اغنيـه باللهـ الحـمدلله ع نعمـة العقـل والله.. أجل انا بحبك ياحمـار..:d p7 آخوي موضوعكـ رووووووووعهـ..BBP وأهنيـك على اسلبـوك الاكثـر من رآئـــع.. عـافك ربي.. CC |
رد: ...[ وش صار بـ الدنيا .؟! ]...
واللي بيضرب اختوا .. واللي بتضرب اخوها .. من جد مسخره ..! اجل بالله هذي كلمات ..! اختـي .. لفتّي انظارنا لأشياء دائما نغفل عنها أو بالأصبح نحب نتغيفل عن هالأشياء .. لأننا نحسها نقص أو خلل ..! دام قلمك رائعـًا .. شكـرًا على هيك موضوع .. : $ . |
رد: ...[ وش صار بـ الدنيا .؟! ]...
..)).. الدنيا غدارة ..((..
الله يستر من الجيل القادم زمن صار مستمر بشكل سريع لللإنحدار والأن صار همي الأكبر اني اسمع لهل مشاكل قبل لا يطبق القانون المرعب الا وهو قيادة المرئة للسيارة درسو ايجابيات هاذا الموضوع و نسو شي اسمة سلبيتات((الله يستر بس)) يــســلــمــو |
رد: ...[ وش صار بـ الدنيا .؟! ]...
\ / بــــــــاك .. عذراً ع التأخير .. \ / زغطه الحايليه** .. هلا والله .. اسمك غريب .. p6 كل حرف كتبتيه صدق .. وواقع نعيشه للأسف .. سواء من ناحية المغازل .. او من ناحية قنوات الاطفال الفاسدة .. عوافي على حضورك .. MILANO .. هلا والله اخوي .. اولا أنا بنت مو ولد .. الانترنت والبلوتوث والأهم .. عدم وجود رقابة .. هذي اتوقع تحتها المفروض خط احمر عريض ومن ناحية البزران يغازلون .. مابقى احد مايغازل هالوقت اللهم ياكافي .. p6 حنا مانبي وش يصير بعد 20 سنة .. حنا نبي وش يصير بعد 5 او 10 سنين بالكثير ..؟! عافاك ربي على حضورك .. ابو كرشه .. حياك .. ومثل ماقلت : يازين زمان اول .. مع اننا مو كبار لكننا عايشنا لو جزء بسيط جداً من زمان فات .. افضل بكثير من هالوقت .. يسلمك ربي على تواجدك .. MAF_boy .. هلا والله .. التلفزيون وبرامج الواقع لها جزء من المسؤولية .. لكن مو كلها ياكثر اللي غير التلفزيون يجذب ! يسلمك ربي على تواجدك .. joro7_20 .. هلا والله .. (اللهم يامقلب القلوب .. ثبت قلبي على طاعتك) .. جملة عن ألف جملة .. تلخيص لكل اللي كتبته .. عوافي لك على ماكتبت .. فرحان الشمري .. هلا والله اخوي فرحان .. صحّح عندك .. انا بنت معاك حق .. يعني اشوف شلة بنات طاقّين الزين وداخلين السوق الساعه 10 ونص او 11 .. وش عندهم .؟! p18 مقاضي هالحزّة يعني ؟؟p18 ومن ناحية ان الطفل يقلد مايشاهده .. هذي مسألة خطيرة جداً .. يعني وحدة صغيرة من قرايبنا تقول لي هذاك اليوم عطيني سلسالك بشوف حظي ؟! p6 عوافي اخوي على تشريفك .. نونو الحلوة .. هلا والله .. مشكورة حبيبتي على حضورك .. المجـــروحــه .. هلا والله .. الحين صارت البنت اذا اعجبها واحد مايحتاج .. تروح له وبكل بساطة تطلبه رقمه .. بـ زعمهم .. خلونا فري p18 عوافي يالغلا على حضورك .. نواف11الذهبي .. هلا والله .. كمّلتها اجل :d .. بربسة بقوة مهزلة مابعدها .. p7 عوافي على حضورك .. ســـلطـــان .. اتوقع فيه اشياء أهم من التفكير حالياً بالموضوع الأكثر جدلاً قيادة المرأة للسيارة .. دعاة قيادة المرأة للسيارة مازالوا يطبّلون وليتهم يشوفون الاشياء اللي تحتاج وضعها تحت المجهر افضل .. p18 من مجرد موضوع نوقش بـ اكثر مما يستحق ! ألف شكر لك اخوي على حضورك .. مع خالص الود .. CC \ / |
رد: ...[ وش صار بـ الدنيا .؟! ]...
كل موقف قلته وردك عليه بالفعل صدقت
^^^ البنات صاروا سخيفاااااااااااات .. ^^^^ عدم مراقبة الآباء لأطفالهم المراهقين وإن الطفل مايسوي شي إلا انه شايف واحد اكبر مسويها ^^^^ الجوالات وماأدراك ماالجوالات بصراحه عالم ماعندهم شخصية في تقليد الغير وانا الى حد الآن مصدومه من وحده اعرفها جوالها كلها أفلام مخلة بالأدب الإسلامي <<<<<والله بزر صغيرة عندهم عادي اللهم لا تجعلنا منهم .. ^^^^ طرح جاء في وقته ويحكي معاناة نعانيها في مجتمعنا السعودي ^^^^ تقبل مروري: الهنوف |
رد: ...[ وش صار بـ الدنيا .؟! ]...
][ الـتـرقـيـم ][ مشكله يعانى منها المجتمع بــ شكل كبير وهو هدفه المتعه مهما كان شكل البنت أو الولد لا يبحث عن الحب كما يدعون ولكن عن المال والتفاخر أمام [ أصدقائه ] أو [ صديقاتها ] وبجرأه كبيره وبدون حيا . . . ][ تــدخــيــن الأطــفــال ][ ظاهره سيئه جداً نتجت عن شئ أسمه [ الرجوله ] ،، يتخيل بــ أنه أصبح رجلاً كبيراً وهو من مرافقه أصدقاء السوء الذين يوهمونه بــ أنه ســ يصبح رجل عندما يأخذ السيجاره ومن السيجاره إلـى مصائب أخرى . . . ][ الــجــوال بيد الأطفال ][ التقليد الأعمى يلاحقنا بــ كل مكان و زمان ،، فلا نعلم ما الإيجابيات من السلبيات لا نريد غير [ جوال ] والأب أو الأم تعتقد بــ أن أبنها أفضل أبن ولا يسلك طريق [ الضياع ] بــ جوال [ الكاميرا ] و [ القنوات ] تزيد الطفل تخلفاً وصايعتناً وتسحبه نحوها ونحو برامجها [ المنحطه ] الذي يعتقدون بأنها قناه لــ [ الترفيه ] فقط . . . ][ الأسـتـهـانـه بــ الـديـن ][ إلى أي درجه وصلنا من [ الإنحطاط ] و [ السفاله ] و [ الإستهزاء ] بالدين ،، فــلا علينا إلا نضع [ اللحى ] و [ تقصير ] الدشداشه وليطلقوا علينا [ ملتزين ] أو [ مطاوعه ] وننسى أهم شئ وهو [ مراقبه ] الله لنا نلحق وراء الأمور الدنيويه ونترك وننسى أمور الأخره وحسابها . . . ][ لــيــه يــا دنــيــا ][ * * * كل الشكر لك أخي على موضوعك الذي يحكى واقعنا المرير الذي تعيشه الأمه العربيه وبلاد الحرميين الشريفين ، ، ، من المؤسف ما نشاهده . . . اللهم أصلح حال الأمه العربيه و الإسلاميه اللهم أصلح حال الأمه العربيه و الإسلاميه اللهم أصلح حال الأمه العربيه و الإسلاميه * * |
رد: ...[ وش صار بـ الدنيا .؟! ]...
هلا بك اختي نبدا بالرد يؤيؤيؤ الاسواق هاليومين شئ ثاني غير اللي تكلمتي عنه من هالترقيم والنكسة اللي صايرة تجيك بنت لابسه العباية الي كنها فستان والزينة والدناديش والخرابيط اللي مالها ابو جد داعي لا كل هالعباية كوم و الحديقة اللي حاطتها بظهرها كوووووم ثاني.. السيجارة مشكلة اذا صاروا يعتبرونها رجولة لا وبعد في يد صغار.. تخيلي معي ولد اختي بثاني ثانوي في ذاك اليوم دخل عليهم واحد من فصلهم متاخر دخل وهو سكــران مايدري وين ربي حاطه فيه دخل يتهاوش مع المدرس والطلاب ويكفخ ويهذر طلعه المدرس برا وهو برا قعد يتهاوش مع الباب لييييين كسره خذوه لغرفة المرشد وقفلوا عليه الى ان تهدا شياطينه امي يوم سمعت هالسالفة قعدت تصيح وتقول ياحسافة شبابه والله يعظم اجر اميمته.. الحين الجوال بيد البزران صار شئ عااااادي ولا كانه هالبزر حوله اصدقاء السوء والاغاني لاحدث ولاحرج أي كلمه تقولينها صار عليها اغنية.. "إمام مسجد يمني يغتصب حدثاً لا تعليييييييييييق وكثرتهم بسبب ضعف الايمان... موضوعك غويييييط بالعربي له فروع واجدة.. مشكورة ويعطيك العافية.. تحياتــنا |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0