![]() |
[ .. الانفتاح السعودي بمفهوم الانفساخ الاخلاقي .. ]
*
* * هلا وغلا بالحلوين .. منذ مبطي ماكتبت بالعام .. احس ان لي فقـده صح :$ العنوان يوضح مضمون الموضوع .. واللي مايفهم مشكلته :d موضوعي وفكرته جت بعد ماكانا انا وحالي الذوق في سفرهـ خارج السعوديه .... ::d P9 <= حدكم البحرين لايكثر كنا جالسين نتقهوى في احد الكوفيات بوسط السوق مر من جنبنا شله بنات ومعهم ابوهم مدري اخوهـم ..! Pp1 الزبدهـ قلت لحالي وش ذا اخوهم مايستحي كيف مخلي اخواتهم يفتشون ويلبسون هاللبس ..! يعني وشلون ماعندهـ غيره على اهله pp36 قال يافيصل هذا يسمونه الانفتاح قلت الا والله هذا الانفسـاخ pp35 ..// اعتبروا اللي فوق مقدمه للموضوع //.. :d انا الحين بتكلم في الموضوع وادري واجد بيقولون معقـد .. لكن وش اسوي هذي نظرية بعض الناس ومانقدر نقول لهم .. الانفتاح الحين صار بشكل انفسـاخ .. بتقولون لي كيف ؟ pb030 صاروا السعوديين بالذات يعتبرون الانفتاح انه التحرر من العادات والتقاليد وكذلك مخالفه الامور الدينيه وللاسـف .. ! pp38 مرهـ من المرات كنت اسولف انا وواحد كان الموضوع يدور حول قيادة المراءه ( ترى مانبي ينقلب الموضوع هل تؤيد قياده المراءه او لا :d ) المهم في الامر اني كنت انا رافض قال لي انت متحجر وعقليتك متخلفهPp4 قلت له يااخي انا مابي احد من اهلي يسوق ! قال خلاص لازم تصير متفتح وهالشئ مافيها عيب ولا شئ قلت اها بس لايكثـر .. يااخي انا اغار على اهلي انت ماتغار بكيفك pp35 \ / \ مرهـ كنت انا واهلي بالطيارهـ مسافرين قبل سنين كثيراتp67 .. كانوا قدامنا عائله وش حليلهم حسيت انهم يقربون لنا من لبسهم للعبايات :; مادريت الا وحنا قبل مانوصل الا وماعليهم ولا شئ pb030 لاتفهموني غلط يعني اقصد ماعليهم عبايات :; قلت يمه وراهم تسذاا ؟pb030 قالت هذولي متفتحين وعادي عندهم هالشئ .. قلت اها ياحليلهم :d \ / \ الانفتاح السعودي مسمى دخيل على مجتمعنا .. اجتاح ودخل بقوهـ على عقول اهالينـا .. اصبح الكل يتسابق وللاسف لتطبيقه من اجل ان لاينعت بالمتعقـد او قديم التفكيـر .. صار الابو او الولد يعطي اهله او زوجتـه .. الحريه الكامله في كل شئ في اللبس أو الخروج والدخول وحتى في الاخلاق وللاسـف ..! يعني صار الولد الحين يغازل قدام اخواته .. ويتفاخر قدامهم حتى بعض الاحيان يستعين بهم في المغازل pp54 ولو تكلمه تقول ماتستحي وش تقول لأخواتك عن هالاشياء.. قال يااخي انت معقد خلاص العالم تفتحت وصار شئ عادي .. في المقابل بنت اهلها يبشرونها بالسفر لخارج المملكه .. تقول الله ونا1111سه بس بشرط نفتش ونطلع لحالنا ولاتحكمون فينا .. يكون الولد وقتها غيور على اهله يقول لا خير مافيه فتشه ولا وقسم ماتسافرون معنا ..pp27 ترد البنت وبااعلي صوتها يااخي انت معقد متخلف شف اخو صديقتي وحتى وهم بديرتهم يخليهم يفتشون ولا يقولهم شئ يااخي العالم تفتحت لين متى انت عقليتك كذاp7 \ / \ اعضـائنا احبائنا اولادنا فلذات اكبادنا ههههههههههههههههههههههههههههه <- مسك خط :d هذا هو مووضوعي قد لايكون بقد المقام ولكن اعذروني لاني مبتعـد عن الكتابه منذ زمن طويل <= منتب عاقل ياغازي القصيبي:d حتى بالجامعه صرت مااعرف اكتب :d :: اسئله للنقـاش :: س1/ ماهو مفهومك عن الانفتـاح ؟ < = احس سؤال صعب على بعضكم :d س2 / هل ترى باان الانفتـاح بالفعل اجتاح بيوتنا ؟ س3 / ياترى هل كل شاب يغار على اهله يعتبر معقـد ؟pp57 س4 / حدود الانفتـاح بالنسبه لك كشاب او كفتاة ماهي تجاه نفسك وتجاه اهلك ؟ \ / \ الموضوع اهـداء لروبن هود والهرش والمزن BBP .. اكيد ملاقيف وبتسألوني ليه هم بالذات ؟ بس عناد منيب معلمكم :d وطبعا ماانسى اهدي الموضوع لكم وخصوصا كل من يتابع كتاباتي :$ <= امش يالثقه :d سلامو |
رد: [ .. الانفتاح السعودي بمفهوم الانفساخ الاخلاقي .. ]
وشذا وانا خالك
وشهالحتسي الزين اللي تجيب عندك ثقافة واطلاع وحسن تصرف p13 الحين مادامك طريتا الانفتاح على قولة الاخ حالي والانفساخ على قولتك ( خشة واحد طالع من الموضوع ) اخ فيصل انت انسان معقد متعجرف متحجر عادي ياخي خل امك تسوق منها ترتاح من المشاوير والدنيا كذا ياخي 8 8 ماكتب اعلاه عار عن الصحه اباخذ الاسئله واجاوب قدر المستطاع فالوقت متاخر الان السؤال صعب شوي : ) الانفتاح طال عمرك ممم انه يصير عندك لياقة في التعامل مع المتغيرات الطبيعية وانك لازم تساير ووتبع الموضه وتكون على قدر الفهم والوعي هههههههههههههههههههههه وشهالسؤال يافيصل تعبتني ياخي الانفتاح على مااعتقد انك تصير انسان متفتح ياخي واضحه ياخي يعني تخلي اهلك على مزاجهم وماتحاول انك تفرض رأيك لا توه مابعد اجتاح مره مره لا ابدا من اللي لاعب عليك يافيصل مانيب مجاوب على هالسؤال ماجاز لي عوافي فيصل عودة طيبه للواحه وموضوع مهم جميل ان نتناقش فيه |
رد: [ .. الانفتاح السعودي بمفهوم الانفساخ الاخلاقي .. ]
*
* هلوو فيصلوه P9 للحين تذكر .. انت . بلا والله من اللي شفته p13 انطبع في المخيخ الأصغر وتلقائي الى الأكبر :d شف ياحبي الانفتاح آفـه وجت لنا وفي نظر البعض يـ إنك تصير منفتح وتكون شخص راقيp18 او انك ضدها وتصير شخص قروي ولانتب لم الحظاره ابد p7 طبعا انا قلت في نظـر البعض ... ودي اسداقهم اشوف وشلون مجتمعهم :d الانفتاح مجرد ماتنطقه ترتاع منه . اجل وشلون لاجاء لأب او ام .. وشلون بيطلعون عيالهم p18 الدعوى فري على قولتهم وفلها وربك يحلها p13 لكن الله لايرده من انفتاح انه كانه استاثم فينا ذاك اليوم خخخخخخ :d شي اوب زين ابد يخلي العالم تنقد عليك وتقوول شف ذا زلابه:d :d لا مو مره ... لسى باقي في الدنيـا خير p18 لا ... الغيره على العرض كنز P9 اي شي يتعدى المتعارف عليه او المعقول .. يعتبـر داخل في الأنفتاح p18 عوافي فيصلوو موضوع بطل p13 |
رد: [ .. الانفتاح السعودي بمفهوم الانفساخ الاخلاقي .. ]
ماهو مفهومك عن الانفتـاح ؟
أمر دخيل على المجتمع .. ولكن نستطيع أن نجعله بشكل أفضل وهو السعي وراء كل جديد ومفيد طالما هذ1 الجديد لم يخرج عن نطاق الدين ثم العادات والتقاليد س2 / هل ترى باان الانفتـاح بالفعل اجتاح بيوتنا ؟ بصراحه الى حد ما س3 / ياترى هل كل شاب يغار على اهله يعتبر معقـد ؟ غلط x غلط x غلط ..لأني عندما ألتمس هذ1 الشي في اخواني لايخطر في بالي غير انه خوف علي وعلى عقيدتي . ولله الحمد أفتخر كثيرا باخواني الذين هم من هذ1 النوع الحريص معهم بهذا الشكل أشعر بالقيمه . حدود الانفتـاح بالنسبه لك كشاب او كفتاة ماهي تجاه نفسك وتجاه اهلك ؟ ألا يتجاوز الدين ، ثم العادات والتقاليد هذا بالنسبة لي كفتاة .. أخي فيصل شكرا ألف شكر على طرح مثل هذا الموضوع الذي نحن في حاجه ماااااسة الى مناقشته . تقبل مروري أختك : rotta |
رد: [ .. الانفتاح السعودي بمفهوم الانفساخ الاخلاقي .. ]
* * هلا والله بفيصل .. موضوع خيالي وفكرة تعبر عن رقي تفكيرك ..BBP طبعا الموضوع شمل اكثر من نقطة كل وحدة تحتاج لموضوع لوحدها .. لكن انت تبي الشئ بشكل عام فراح يكون ردي بشكل عام .. الانفتاح التخلي عن المبادئ الاسلامية ومسايرة النفس والهوى والتقليد الاعمى للغرب وهذا هو الغالب .. الانفتاح قد يكون اجتاح مجتمعنا لكن ان شا الله ما بعد اجتاح بيوتنا طالما ان البيت يقوم على اب وام واعين ومثقفين قادرين انهم يسايرون الوضع العام في المجتمع ويحافظون على ابنائهم ( أنا ضد الحرمان والمنع ولكن الاقناع هو الحل الوحيد الناجح ) .. لا والله موب معقد وأنا ديني ودين اللي ما يغار أكره هالشئ .. وطبعا زي ما احنا عارفين حديث الرسول صلى الله عليه وسلم :(لا يدخل الجنة ديوث ) .. وهو اللي ما يتأثر ولا يغار على محارمه ( ما كل خنزير::D ) ولكن فيه نقطة مهمة اللي هي هل غيرته من باب الدين ولا عشان العيال والأصدقاء .. وهذا الشئ الخطأ اللي ما أحبه وأحيانا اعانده ..!! وبعدين فيه بعض الشباب تكون غيرتهم زياده عن اللزوم يعني حكارة بس !! اول شئ أن هالشئ ما يتعارض مع تعاليم الدين ..وهذا الاهم .. فيه اشياء ممكن يعتبرها البعض انفتاح ولكن طالما انها ما تتعارض مع الدين ما فيها مشكلة .. لكن هل النظرة تختلف باختلاف المجتمعات ومستوياتها .. برايفت فيصل وحالي .. غضوا النظر مرة ثانية ..:d تحياتي لك ..BBP |
رد: [ .. الانفتاح السعودي بمفهوم الانفساخ الاخلاقي .. ]
وش هذا؟ وانا وش حيثي ،، عاد انا جديده وش تذكرك اللي ملونه::D برجع اذا سويت لي معهم اهداء :(: :d بربـ :) |
رد: [ .. الانفتاح السعودي بمفهوم الانفساخ الاخلاقي .. ]
هلا وغلا بك حبيب قلبي ولك فقده وبس..! لك كل الفقداات..:d ومبطي ولا مو مبطي اهم شئ تعال واكتب..! الانفتااح السعودي حسبته ناادي سعودي جديد اول ما قريته..! واي شئ غريب او دخيل علينا او جديد بنسميه كذاا..! وفتااوي طالعه وفتااوي ناازله وردة فعل هنا واخرى هنااك الى ان يأخذ الكل عليه ويملون منه ويتم التشتيت والضياع بين مؤيد ومعارض وينتهي الامر بالسكوت....!!!::D مابه جديد هو نفسه..! تؤيد قيادة المرأة يعني تؤيد الانفتااح..! طيب مو مساافرين خارج المملكة..! يتبعون للرجاال..! فاللي يسافر للخارج من الرجال الا ما ندر يغير اللبس لكي يواكب المكان اللي بيروح له..! فحلال علينا وحراام عليهن..!:d س1/ ماهو مفهومك عن الانفتـاح ؟ < = احس سؤال صعب على بعضكم الانفتااح.....الانفـ...تاااح<<بالدلع بالدفاشه طااح..! الانفتااح في كل ركن فاااح..! فالانفتااح في كل شئ بوجه عاام .. انفتاح ديني..اجتماعي..فضاائي..معلوماتي..ثقاافي..! كل ابو شئ...! اجتااح هذي من الانفتااح..!:d اجتااح عقولنا قبل بيوتنا..!! س3 / ياترى هل كل شاب يغار على اهله يعتبر معقـد ؟ الغيره من صفاات الرجوله فالرسول صلى الله عليه وسلم يقول فيما معنى الحديث انا اشدكم غيرة والله سبحانه وتعالى اشد مني..! س4 / حدود الانفتـاح بالنسبه لك كشاب او كفتاة ماهي تجاه نفسك وتجاه اهلك ؟ انفتاااح يا عمي انفتااح في كل شئ..! الا حااجه فيها شرف ..كراامه..قلة حياء..مسخرة.. عاادااتنا وتقااليدنا وهذي فيها انغلاق انغلاق..!:d فيصل بلاش تعقيد وخلك منفتح ومتفتح ..! طول عمرنا وحنا مكتوب علينا (( مغلق للصياانة )) ما انتهت ذا الصياانه من خمسين سنة..!!KB,, بكيفك انت واهلك وقفل عليهم بالقفل وما احد قاايلك الا تنفتح..! وخل الناس من بغى ينفتح ينفتح والبحر خلفكم والعدو اماامكم..! شكرااا على هيك موضوع CC |
رد: [ .. الانفتاح السعودي بمفهوم الانفساخ الاخلاقي .. ]
::
هلا فيـك فيصل منور المجلس بموضوعك / موضوعك هذا يمكن الحين يكثر النقاش فيـه وتتعدد الآراء دايماً نلقى فيه التأييد والمعارضه [ بشده ] بالنسبه لي أأيد كل شي بس بحدود يعني اهم شي الواحد مايتعدى حدود الدين والأخلاق / نجي للأسئله / التفتح الزايـد وان الشخص يحاول يقلد غيره بدون مايراعي مجتمعه ودينه واخلاقه / يمكن بنسبه بسيطـه بس / المعقد الي يغار بزيـاده ومن غير حدود وعلى اتفه الأسبـاب / والسؤال الأخير مافهمته صراحـه :: عوافي BBP |
رد: [ .. الانفتاح السعودي بمفهوم الانفساخ الاخلاقي .. ]
. . . ماقصــرو الغــالين ,, فوقـ كفو ووفواCC . . . ... س2 / هل ترى باان الانفتـاح بالفعل اجتاح بيوتنا ؟ امم ,, البعضـ منهم,,والبعض الاخــر لااا س3 / ياترى هل كل شاب يغار على اهله يعتبر معقـد ؟pp57 لا .. طبعاُ..p6 لكن غيرة هذا الشخص يجب ان تكونـ في حدود ,, ولاتتعداها حتى تصبح لاتطــاق الف شكر لك يافيــصل ونورتـBBP دمت |
رد: [ .. الانفتاح السعودي بمفهوم الانفساخ الاخلاقي .. ]
حييّت مليووون يا(فيصل )
من طول الغيبات جاب الغنايم دايم تجي في وقتك P9 ،، مفهومي للانفتاح انفتاح فكري ثقافي علمي فقط غيره مااعتبره انفتاح ويبقى عندي الشخص الغير مثقف مغلق مهما تطور في ديكوراته الشكلية .. مدري وش تقصد بانفتاح في هالسؤال بس اذا على مفهومي اعتبر الانفتاح الفكري مازال قاصر وبحاجه لتعزيزه ،وأتمنى يدخل كل بيت بصراحه .. واذا على المفهوم السائد الخاطىء للانفتاح ..الى مثل ماقلت صار انفساخ او مجرد انفتاح موضة فقط وفهذا بقوة اجتاح الا من رحم ربي .. و الغيرة الإيجابية المدعومة بثقة هذي الغيرة الايجابية .. أهم شي تجي من شخص قدوة مو تنهى عن فعل وتأتي مثله ،، اما غيرها فاعتبره تعقيد وتشدد وفرد عضلات وفهم خاطىء للرجولة .. عن نفسي الحمد الله ...انا في اسرة مؤمنة تمام بالإنفتاح الفكري ..ومؤمنة بالحرية الموزونة ..وحدود الانفتاح عندي مقرونه بثوابت أساسية أهلي زراعينها فيني ..وبعد ماأصلوا فيني هالثوابت عطوني الحرية بس مو حرية مطلقه ..حرية بحدود وهالحدود أنا مقتنعه فيها واحس اني لما انطلق في حريتي ويواجهني حد خلاص يصير مترسخ فيني انه من باب الحرص وفعلا احس بأمان ..ماعمري حسيت بأي حد واجهني انه كبت او عائق .. لاني مقتنعه فيه .. عشان كذا دايم حدود الحرية في حياتي فعلا اعتبرها حدود أمان مو حدود كبت .. (فيصل )موضوعك جميل لأبعد حد ولامست شي مهم في مجتمعنا وهو خلط المفاهيم .. دائما مجتمعنا للأسف نخلط كثير من المفاهيم ونخرجها من معانيها الايجابية الهادفة إلى معاني ساقطة .. مثل الصياعة نطلق عليها حضارة . والإنفساخ على قولتك إنفتاح .. وياليتنا نطلق بس إلا نؤمن إيمان كامل بذلك للاسف .. منورنا كثير ولا عاد تطول علينا الغيبة فاقدك المجلس بقوة ،، وألف شكـــر لك على أحلـــى إهـــداءCC |
رد: [ .. الانفتاح السعودي بمفهوم الانفساخ الاخلاقي .. ]
بلا انفتااااااااااااااح بلا هم وش ذا الحتسي
انا ودي اعرف وشلون مايستحن ذولي اللي يفتشن |
رد: [ .. الانفتاح السعودي بمفهوم الانفساخ الاخلاقي .. ]
باك
لفتوا نظر بعض اللي ردوا ولي وقفة مع المفاهيم هذي :- .. لاحظوا بس الكلمات اللي بالأحمر نظرة سلبية جداً جدً ... الانفتاح آفة والانفتاح نرتاع منه الانفتاح تخلي عن المبادىء الإسلامية هذي كلها أجوبة لسؤال - ما مفهومك للانفتاح- !! مااستغربت صراحة هالردود لانها طبيعية !! لنتاج مجتمع مغلق يحارب أي تغير ويعطي مصطلح تغير مفهوم سلبي !! وهذي مشكلتنا نحارب الشيء لمجرد أننا بنتغير أو بغير أي شي في حياتنا نحس أي تغير هو تغير في المبادىء هو تغير في الأخلاق .. وهو بالعكس الانفتاح انك تحرر من شي فرضته بعض عاداتك وتقاليدك فشكلت عائق لك أنك تتقدم وتلحق بغير الانفتاح انك تنفتح على العالم وتنفتح على الآخر تماشي الزمن بثوابتك ،الانفتاح تتقبل القناعات الاخرى بدون نظرة نقد لها سواء طبقتها أولا .. الانفتاح انك تنتفح علميا حضاريا ثقافيا تدخل للعالم بثقافتك وتتقبل ثقافة العالم ،، تتقبل العالم كماهو سواء طبقته أو لا مو تغلق نفسك عنه وتقعد تنكره وبس .. الإنفتاح انك ماتسكر على نفسك عشان مايجي شي يغيرك ، بس مو مشكلة اللي عرفوا المفاهيم كذا ! هذي مشكلة مجتمع اكرر مايقبل التغير واي مفهوم للتغير سواء تحضر- او عولمة- او انفتاح على طول يطلقونها على أشياء سلبية ..واجهنها في عدد من مشاكل المجتمع اللي ظهرت بداية من ادخال لغة انجليزية - مرورا ببطاقة احوال للمرأة- للقيادة السيارة .. وكلها بسبب الخلط في المفاهيم وان العادات والتقاليد صارت قواعد دينية |
رد: [ .. الانفتاح السعودي بمفهوم الانفساخ الاخلاقي .. ]
هلا والله وغلا فيصل نورت المجلس وين الناسp18 موضوع حلو ، معبر ، أحس طالع من قلبP9 أول شي أهني فيك فكرك الرائع:$ ثاني شي نروح لموضوعك(BBP ) \ \ ][الأنفتــاح][ في نظري الأنفتاح وخاصه الفكري يكون بوعي يعني ناخذ الزين ونخلي الشين>:d للأسف احنا مجتمعنا فاشل بجميع المقايس الا من رحم ربي ناخذ الشين ونخلي الزين اذا انت شفت كذا عادي يا بابا الحين البنات يتمنون يطلعون مع أبائهم أكثر من أخوانهم لان الأبو يكون متساهل كثير يمكن بحكم كبر سنه خلاص ماعاد يقدر يتحمل البنت لان البنت بطبيعتها عنديه:d شف وأنا أختك أنا مع التحرر من بعض العادات والتقاليد اللي فيها ايجابيه وليس سلبيه والأهم انها ما تمس الدين زي مثلاَ بعض عاداتنا : البنت ماله داعي تتعلم أو تكمل تعليمها عكس الولد .!:(: وهذا أعتقد لازم ينتهي من عندنا مع انه في طريقه ولاكن فيه ناااس كثير ما يهتم لتعليم البنت ..! هذا مثال فقط لي التحرر من عادات سيئه لاتمس للدين بصلهp18 انفتاح فكري ايجابي أخذ ما يفيد وترك ما يضر ولا ضرر في تعلم ما يضر فقط من باب المعرفه حتى لا أقع فيها>مدري وش دخلها:d عن بيتنا لا :$ P9 لا من قال أصلن يدل على انه يحب أخواته وأهله أو زوجتهP9 ولكن بحدود وعقلانيه وليس من باب فشلتينا عند قرايبي وأصدقائي ولكن من باب الدين والخوف :$ أعتقد لم الواحد يعرف وش الصح والغلط وكيف يتعامل مع الأمور الدخيله المضره يعرف حدودهp18 \ \ فيصل موضوع رااايق وحلو لاتحرمنا أدري اني طلعت عن الموضوع وتقرى ردي تقول وش تبي ذي وشلون قاعده تتكلم بس اعذرني تراني راده الفجر:$ (BBP ) |
رد: [ .. الانفتاح السعودي بمفهوم الانفساخ الاخلاقي .. ]
*
* مداخله بسيطه حبي فيصل P9 مابي موضوعك يطلع عن محوره الاساسي انت تكلمت عن الأنفتاح السعودي . بمفوهم الأنفساخ الاخلاقي !!! انا لما قلت انه آفه وجت لنا .. او قلت كلمة صارت تروع . ماابني الشي على نفسي انا بنيته على مجتمع عاش هالنظـره . واتكلم بالواقع . اللي أشـوفه انا مابي احط نسب واقارن بين الناس . انا احكم واقيم على اللي نشوفه في هالمجتمع .. الانفتاح صار عندنا شبه انفسـاخ . ولا شفنا تطبيق مفاهيم الاخت المزن . وكلامها صحيح * * لو نجي للأنفتـاح ونشوف وش الانفتاح وأسس الأنفتاح ماراح نخلص وهو سلاح ذو حدين p18 للأنفتاح ضوابط للأنفتاح مستويات ولو جينا نسميه بـ انفتاح صحيح فهنا نقول يتحقق بكذا شي موافقة الأصول الإسلامية. تحقيق المصلحة والمنفعة للمسلمين. وبكذا نقدر . نوضح وش مفاهيم الأنفتاح السليمه .. اما مثل هاللي نشوفه فهو انفتاح متخلف وبس :d |
رد: [ .. الانفتاح السعودي بمفهوم الانفساخ الاخلاقي .. ]
<----- متابعه وبقوه للردود ناويه تفصفصهن بدال فيصل :d بس عندي ملاحظه ياليت كل واحد يعطينا تعريفه الخاص عن معنى الانفتاح عشان ما نلخبط p6 برجع برد طويييييييييلp13 |
الساعة الآن 04:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0