بسم الله الرحمن الرحيم

.


.


.

عندي موضوع من زمان كان ودي اطرحه بس كل مره اتردد

مو عشان شي بس لاني متاكد ان ماله حل وكل الردود بتكون سلبيه

لان ماحد يحب يعترف باخطائه.. وراح يواجه بالانكار

نبدا الموضوع بسؤال:

وش قصة مثالية اعضاء المنتديات؟

منت فاهم مثاليه؟

انا اقول لك

مثلا موضوع يقول وش رايكم بلبس الشباب او البنات هالايام

تجي الردود:

الولد :: الله يستر على شبابنا هالايام وملابسهم مالها داعي و و وو و

البنت ::: الله يهدي هالبنات انا ماحب هالنوعيه وكل صاحباتي كذا

هذا مثال فقط وقيسو عليه اي موضوع ثاني

يعني اذا كل ولد وكل بنت رده الحقيقي هذا هو

من بيكونون اللي يسوون هالحركات؟؟ ناس من كوكب ثاني جايين

يعني انا اشوف ان كل موضوع يطرح تكون الردود مثاليه وماتلقى من الف رد الا اثنين قايلين الصراحه

مع انها مافيها قص ارقاب

بس الانسان يمكن يحب انه مايعترف باخطائه

وانا اشوف ان الانسان يبقى على طبيعته احسن ويقول اللي هو يسويه لو هو خطا عشان يتصلح

بس يكابر ويقول لا وانا ماني كذا وانا وانا وانا وانا

نقطه ثانيه:

قانون المنتديات

المرحلة الاولى:: كثر ردود ...امدح اي موضوع مكتوب من مراقب او اداري..تعلم كيف تكتب بمواضيعك مدخل

ومخرج وعبور مشاه

تصير مشرف وتتلقى التهاني

المرحلة الثانية::صرت مراقب الف مبروك.. اكفر باللي تحتك يعني

كل اللي عليك انك كل ماتشوف موضوع ماعجبك تسوي اغلاق

وتكتب راجع قوانين الامم المتحده قصدي المنتدى

المرحلة الثالثه :: انت مشرف الان ..يحق لك مالا يحق لغيرك

سواء في القانون او خارجه

الموضوع اللي ممنوع ينطرح ومن المواضيع التافهه انت قادر انك تطرحه وانت تضحك وبتلقى ردود

457 مع ان المشاهدين 244 خخ

اخيرا وليس اخرا:

الموضوع مو هجوم على احد ولا دفاع عن احد بس من زمان يدور ببالي وحسيت اني لازم اكتبه

مع اني متاكد ماراح يغير شي بالمثاليه .

:: انا ماني ضد النظام وقوانين المنتديات بالعكس مافي شي يدوم بدون تنظيم

شعارنا :: لا للمثاليه... نعم للصراحه دون الوصول للوقاحه

شعارنا العامي:::صراحه يجي.. مثاليه مره مايجي

.................................................. .............وشكرا للاصغاء البصري