اليوم بقول لكم قصتي مع السواقه ....
ذاك اليوم جاء ابوي من العمل في الليل اول مادخل سلمت عليه ..وكان بيده مفاتيح السياره ..قالي وديها الغرفه ..وديتها وقبل ماأطلع جاء على بالي اني اسوق ..انتظرت ابوي لين خلص من تناول العشاء وراح ينام ..بعدها هربت بالمفاتيح وعلى طول لبست عباتي وطلعت الشارع ..الوقت كان ليل والشارع فاضي ..المهم ركبت السياره وحركت ومشيت في الشارع بس اشوى مافيه احد يشوفني وانا ماني مصدقه اللي انا فيه
فجأه طلع قدامي (قطو) غرف عقلي فرملت بسرعه بغيت اجيب العيد في الرصيف ..لفيت مع الشارع الفرعي وطلعت على الشارع العام وقلت (هنا التحدي) ..مرت جنبي سيارات كثيره فيها شباب يناظروني ويمشون وماهتموا ..قلت غريبه اجل ليش اخواني يقولون ان الشباب لو شافوا البنات يسوقون السيارات في الشوارع (بيجيبون لهم مشاكل).. في الاخير صار الموضوع عادي ..
طلعت من شارع ودخلت شارع ثاني قلت الله مافيه زحمه ياريت الشوارع كذا دايم فاضيه ..وصلت عند اول اشاره ومالقيت عندها احد قطعت الاشاره ومشيت ,قعدت ادور في سيارة ابوي على اي شريط اشغله مالقيت قلت مافيه الا (اف ام ) قعدت ادور على اذاعه ولكن شكل كل الاذاعات تنام مع ابوي وكل ما (افرفر)في هالموجات القاها (توشوش) ..
طلعت وراي سياره تكبس لي من بعيد ولما وصلت عندي نزلت القزازه وناظرت لقيته خالد اخوي ..قلت (ياويلي) رحت فيها ..قال المها ماشاء الله وش جابك بها الشارع ..؟ تشجعت وقلت له جيت اتمشى زي ماتتمشون! ولا انتوا يالشباب تطلعون واحنا يالبنات لا..قال بالعكس خذي راحتك عموما انا رايح البيت بس انتبهي لا تتأخرين (باي _سي يو) ..
طيرت عيوني فيه وانا ماني مصدقه وقلت طيب ليش اجل يتوعدني ويقول انه بيذبحني لو شافني اسوق سياره ! طالت فيني الهواجيس حتى وصلت عند كبري ..توني بدعس على البنزين وتمر سياره مسرعه (قاشعه عداد الطبلون) وبغت تصدمني ..قلت ياسلام ! ارواح الناس صارت رخيصه عنده ..طيب والله لخليه يندم ويبطل يسوق سياره ..
دعست على البنزين بسرعه ابغى الحقه وانا حاطه رجلي على البنزين الا فجأه تصدم السياره في حاجز كبير بقوه والقى نفسي انقز من السياره مع القزازه وانا قلبي يدق وقلت (ياويلي) الحين بموت واهلي مايدرون عني ..وما حسيت نفسي الا وانا طايحه من فوق السرير ومير اقوم وانا اقول اعوذ بالله اشوى انه حلم !! واسمع امي تطق باب الغرفه وتقول المها ....المها انتي نايمه ماشفتي مفاتيح سيارة ابوك ,وانا ساكته ماأدري وش اقول لأن المفاتيح للحين بيدي .....
21-02-2007, 03:53 PM
واخيرا المها تسوق سياره ...........
يناظروني ويمشون وماهتموا ..قلت غريبه اجل ليش اخواني يقولون ان الشباب لو شافوا البنات يسوقون السيارات في الشوارع (بيجيبون لهم مشاكل).. في الاخير صار الموضوع عادي ..
مافيه زحمه ياريت الشوارع كذا دايم فاضيه ..وصلت عند اول اشاره ومالقيت عندها احد قطعت الاشاره ومشيت ,قعدت ادور في سيارة ابوي على اي شريط اشغله مالقيت قلت مافيه الا (اف ام ) قعدت ادور على اذاعه ولكن شكل كل الاذاعات تنام مع ابوي
وكل ما (افرفر)في هالموجات القاها (توشوش) ..
..قال المها ماشاء الله وش جابك بها الشارع ..؟ تشجعت وقلت له جيت اتمشى زي ماتتمشون! ولا انتوا يالشباب تطلعون واحنا يالبنات لا..قال بالعكس خذي راحتك عموما انا رايح البيت بس انتبهي لا تتأخرين (باي _سي يو) ..
وانا ماني مصدقه وقلت طيب ليش اجل يتوعدني ويقول انه بيذبحني لو شافني اسوق سياره ! طالت فيني الهواجيس حتى وصلت عند كبري ..توني بدعس على البنزين وتمر سياره مسرعه (قاشعه عداد الطبلون) وبغت تصدمني ..قلت ياسلام ! ارواح الناس صارت رخيصه عنده ..طيب والله لخليه يندم ويبطل يسوق سياره 
..
العرض الشجري
