موضووع ثاني موووضوووع في جريمة صدق بحق عيال عمتي واخوي
كنا في مزرعة عيال عمتي بعيده عن الرياض بكم كليو جاءت الساعه 10 وقلت لولد عمتي حمود .. >> طبعا حمود هو المشترك معي في الجريمة
قلت ياحمود وين محمد خليه يصلح لنا العشاء قال محمد نائم قلت طيب يابعدي خلني نسوي عشاء او نشتري قال لي والله ماعرف زين قال لي وش رايك ياسعد نسوي مكرونه قلت انا يابعدي حدي شاهي وبيض والله قال يابن الناس في الخطوات مكتوبة علي المكرونه قلت وهو كذلك
دخلنا انا وولد عمتي حمود المطبخ قال اسمع الشروط قبل قال تعال من المطبخ ابطفي القدر وامشي قلت طيب شوي قال يالله قطع بصل وطمام >> عقب هاذي الايام تقول لي قطع بصل وطمام
بدأت اقطع البصل والطمام والله تعبت وهنا كلمة حق للمراءة والله ياصبرهم علي بعض ازواجهم والله جربت التقطيع وقلت يارب احد من الشباب يرفع صوته طبعا غير الفرد الثاني حمود المشارك في الجريمة يتكلم والله لاذبحه ياخوان تعب من جد جلست اشتعر واقول والله ياصبر الحريم تجده تطبخ وتسوي طبخات وتعب ويجي الحبيب يرفع صوته وين الطبخ وهي المسكينه ابشر يابو ناصر وانا اقول لو انا مكانه والله بالقدر علي راسه
وعقب ماخلصت من الطمام والبصل قلت له خلاص امشي >> تعبت من جد وودي امشي قال وين يابعدي باقي تقطيع الدجاج قلت طيب
هنا البداية لذبح الدجاج والحمد الله يارب سلم يدي من هالتقطيع والا كان رحت فيها
وهنا التقطيع والصورة مو واضحه للاسباب صحية اقسم بالله اني اقول لو يشووفوون وشلون نصلح المكرونه كان مافي احد يتعشي منه بتقولين ليش بيقول مدري
والله مغسلنا القدر زين
لو واحد من العيال غير المجرمين سعد وحمود غلط غلطة حياة وشطف من المطبخ اتوقع ماظن يمد يده علي العشاء
بس حمود مغسل يده انا مدري دقيقة بتذكر الصراحة مدري بس والله العيال عقب الاكل سالمين مره
وعقب يمكن اكثر من ساعه الا ربع ظهرت الصورة
.
.
.
الله اكبر علي الطبخة وينك يام سعد تشوفني ولدك وش يسوي في المطبخ
المهم قلت اسمع ياحمود مانبي الشباب يعرفون وشلون المقدار علشان مانصلح ثانيه >> واثق انهم راح يعجبون فيه
المهم وصل الطبخ وبدانا بسم الله وقلت انا دقيقة العشاء امامكم وان اصبح العشاء زين فهو من الله وان صار شين فهو من الشيطان وحمووود