في الاسابيع الماضيه..جاني اميل غريب ..(دعوه من منتديات)...
للمشاركه والانضمام فيها..في البدايه..استغربت وقلت وش دراهم عني ..وليه انا بالذات؟
بس مامداني افرح شوي واحس اني هاه..كأنوا بدا يطلعلي حس بالدنيا .. الا وتتصل وحده من صاحباتي ..
وتقولي هاااااه شوفيني سويتلك دعوه رسميه لمنتدانا ..لاتفشليني عاد وتراهم منتظرينك ..طبعا وقتها انوااااااااع التحطيم ...
قمت اصرف في الموضوع لين اعطيتها وعد مافيه امل اقطعه..
وقلت لها مايصير خاطرك الا طيب..بس الله يعينك علي ..تراك صرتي مثل(براقش) الي جنت على نفسها ..والسبب الله يسلمكم ..ان ماعندي ماعند جدتي....واخر شي اعرفه بها الدنيا ..المجاملات والحكي المغلف الي نلقاه بها المنتديات..
المهم اني سجلت ..وبديت اتصفح تامنتدى ..وطبعا على طول دخلت قسم الشعر ..لفتني قسم فرعي مكتوب عليه (دواوين شاعرات المنتدى) دخلته على طول ..بس بيني وبينكم ياليتني مادخلته..
اذن علي الفجر ..وانا باقي بهالقسم ..من جد صدمه!!!
شي ماتتخيلونه..
شاعرات بمعنى الكلمه ..كل شاعره لها اقل شي عشرين قصيده ..وكل قصيده احلى من الثانيه والي يزيد الغبنه!! انو ولا وحده منهم معروفه بالساحه الشعريه..
قصائد كامله بكل شي وغير كذا احساس صادق نقي ..لدرجة ان عيوني دمعت في اغلب القصايد ..(لا تقولون لي انهم مو بنات او موهم الي يكتبون او انها مسروقه ومن هالحكي )لا..
لانو باين تميز كل شاعره من اول قصيده لآخر قصيده (اسلوب واحد .حس واحد.الم واحد) وغير كذا صاحبتي اكدت لي انهم شاعرات وتعرفهم شخصيا من زمان ...
على طول سألتها ..ليه طيب ماينشرون ؟؟ حرام والله
قالت لو انهم ينشرون ..يمكن مالقيتيهم هنا بمنتدانا ..المنتديات آخر الحلول للشاعرات الي ماقدروا ينشرون في المجلات . انتهى الحوار .
عموما..
شوفوني باقول لكم من الحين ....
انا خلاص قررت ..بجمع لي كم قرش ..وبسويلي مجله شعريه ..(مجلة المها) ..
عارفه ان الاسم مال امه داعي ..
وبتكون للشاعرات الضعوف الي ماقدروا ينشرون لأي سبب كان وخليني اشوف شاعره معروفه توطوطلي عند باب المجله والله لحش ارجولها حش
بس لين اجمع قريشاتي ..ياليل ماطولك ..
والي يبي يشارك معي يقولي من الحين ...
مع تحيات اختكم العزيزه على قلوبكم بالغصب المها الهلاليه هههههه .BBP
15-02-2007, 04:11 PM
طيب ليش !!!!!!
الا وتتصل وحده من صاحباتي ..
العرض الشجري
