مسا الخير جميعا:

احب اشكر الاداره على النقل..رغم اني كنت موجود في النادي ..^_^
اشوف ياسر على الطبيعه مع اني اول مره ادخل نادي الهلال رحت انا واحد من الزملاء لنادي مع انه مجنون سامي بس قومته من النوم ومسكنا خط((لان النادي يعتبر سفر من بيتنا)) هع .. بس وصلنا صلينا المغرب ودخلنا الملعب (جينا على الوقت )ووقفت قدام.. ماقدامي الا الحديد وسنترت في الوسط عشان اشوفه من قريب ((احبه وش اسوي )) يوم دخل خربت البرستيج اللي جاي فيه .. هع هع .. بس دخلوا العالم قامت تصفق وتصفر (( يستاهل)) المشكله انه وقف بعيد عني .. الا وشوي خلاه مدرب اللياقه((الله يجزاه خير )) يسخن يعني يدور على الملعب انا ماصدقت انه بيجي قدامي .. والله وقعدت انتظره لين صار مابيني وبينه الا كم متر حتى انه مر وكان معي صديقي وهو مر قدامي ((يسخن)) قلت لخويي تحداني اكلم ياسر قال اتحداك .. وهو بس مر ولا مامر قدامي .. جمعت صرخه اوتوقع سمعتوها.. من قوة الصرخه ارتبش ولتفت مباشره لي ... يوم التفت نوهقت مدري وش اقول...قلتله ((نحـبــــــــــــــك يااا ياسر)) وحط يده على راسه بكل تواضع انا كنت واقف يوم حط يده على راسه جلست واللي يبي يشوفنا يدخل موضوع(( http://www.yaser20.com/vb/showthread.php?t=4124 )) ويحمل المقطع ويشوف الدقيقه (40_42) شوفني مع خويي على اليمين لابسين شمغ والدقيقه (1.3) عاد هذي مافيها الا انا بلحالي على اليمين حاط يدي على خصري عطاني ثقه في نفسي ^_^ حتى اني مسجل المقطع بجوال .. عارف اني ازعجتكم بس شسوي انغريت من قدي ..هع هع .. يللا عقبالكم << هذا وهو شافه بس اجل لو سلم عليه... thank you for all