السلام عليكم ...
مرحبا بالقناصين والقناصات BBP BBP ..

اكتب هذا الموضوع وانا كلي الم وحسره ..

بالبدايه انا عندي صديقه كانت بنت ولا كل البنات
اخلاقها عاليه ومرحه الابتسامه ماتفارق وجهها كان ينطبق عليها لقب الصديقه ...
لكنه كان ..

من فتره تغيرت وصار كل كلامها كذب والله ماتقول ولاشي من الواقع غير كذا الفاظها ابد مو اوكيه

الفاظ بحياتي ماسمعتها .. ومع هذا تحملنا وقلنا هذي صاحبتنا وان شاء الله راح تتغير .. لكن للأسف

قبل فتره تهاوشنا معاها هوشه عاديه ممكن تكون بين الصديقات ..

وانا ماحبيت تكبر المشكله وهيه عاااديه فكلمتها قابلتي وكأني خادمتها
والله جلست تناظرني بنظرات حقد طبعا مارضيت الى نفسي ان كرامتي تنذل وقلت ان كانت ماتبيني انا بعد ماابيها وحياتي مب متوقفه عليها عندي اربع صديقات غيرها افضل منها بكثييييير

لكن القصه ماتوقفت عند هذا الحد البنت جلست تألف علينا قصص خياليه وياليتها قصص عاديه
الا انها تتكلم في الشرف ومو بس حنا قالت الى بنت ان هذولا البنات قالو انك تكلمين شباب والله جلست تألف كلام يخجل الانسان انه يقوله ..

والبنت قالت الى عايلتها واكيد ماراح يسكتون لانها بالفعل قصه مب عاديه المسأله فيها شرف واخت البنت راحت المدرسه وجلست تهددنا انها بتروح الى اهلنا وبتشتكي علينا

وغير كذا والدة البنت قبل ساعتين مكلمه صاحباااتي وجلست تعاتبهم بس الام كانت مره اوكيه وقالت اليهم
مستعدون تتواجهون معاها قالو اكيد بس البنت متعوده على الكذب حتى انها تقسم بالله كذب
كذا مره واجهناها بقصص ماصارت وحنا متاكدين ومع ذلك تكذب وتقسم بالله ..
انا من جد منقهره والله اني جلست ابكي على الايام الى قضيتها مع بنت مثلها ..


ابيكم ترشدوني ايش اسوي ؟؟

هل تعرضت / تعرضتي الى خيانه من صديق / صديقه ؟؟

اذا تعرضت / تعرضتي كيف كانت الخيانه ؟؟

هل اثرت عليك ؟؟