,
فـي حياتنا .. الـ كثير يقدم لنـا نصائح ..
وننصدمـ إنهم يعملون بـ العكس .. !
بـ اختصـار .. !
" أنصحْ غيري .. وأنـا غـارق بـ الغلطـ .. ! " ..
.
.
مواقفـ .. !
( 1 )
- يا أختي مب زين تطلعين شعرج هذا حرامـ .. !
- بســ .. !؟
- لا تكملين .. باجر اذا سألج ربج .. ليش ما لبستي بتقولين بس .. !
مرّت الـ أيام .. سافرت .. شفت نفس الـ حرمـة ..
فاصخة الـ شيلة .. !
" وكـن الله بس في بلادنـا .. استغفر الله .. ! "
( 2 )
- تشوفين برامج مسابقات الـ أغاني اللي بـ التلفزيون .. !؟
- امم .. مب وايد .. بين فترة وفترة ..
- والله ما شي شغل .. تضيعين وقتج في هالـ برامج الـ هابطة .. !
- بحاول أودرهـا نهائيا" إن شا الله .. !
اليوم الثاني اتصلت بيتهم .. شلت اختها الـ صغيرة ..
فلانة موجوده .. !
- مشغولة تشوف برنامجها الـ مفضل .. نجوم الـ خليج .. !
" حلال عليهم .. حرام على غيرهم .. ! "
( 3 )
- سمعت إنج زعلتي أمج .. !؟
- لا ما زعلتها ولا شي .. بس تعرفيني عصبية وطلعت عن طوري .. !
- شو بعد طلعتي من طورج .. هذي أمج جنتنج ونارج .. مهما سوت لج .. اسكتي واكتمي غيضج ..
وبـ الصدفة .. سمعت أمهـا .. تتشكى لـ أمي ..
بنتي ما عمرها قالت لي إن شا الله .. !
" ذنوب غيركْ جريمة .. وذنوبكْ مفخرة .. ! "
( 4 )
- اففففـ .. نحن ما نقدر نسير المراكز نتمشى شوي ..
- ليش .. !؟
- هذيله الـ شباب ما خلو حد ما غازلوه يلعوزوني ..
ونفس الليلة دش علي اخوي .. قالي اقطعي علاقتج مع فلانة ..
طيب ليش .. !؟ .. والله هاي تتميع في الـ مراكز .. عسب يرقمونها .. !
" ودايما يقولون .. الشباب والشباب .. طيب شوفوا حركات الـ بنات .. ! "
.
.
همساتـ من قلب ..
أخي \ أخيتي ..
قبل أن تتفوه بـ نصيحة .. إسإل نفسكْ ..
هـل أنتَ تعمل بـ ها .. !؟
هـل هذه الـ نصيحة تنطبق على أهلكْ .. !؟
هـل تتوافر فيكَ مقوّمات الـ نصيحة .. !؟
فـ الشخص الذي تنصحهـ ..
بـ حاجة بجانب كلامكَ .. إلى دليل ..
ولا تصدمه يومـا" ..
بـ عكس ما تقولـ ..
فـ قبل أي شيء ..
انتَ سـ تقع من عينه .. إلى أسفل رجليه ..
ويسحقركَ .. !
.
.
وتذكّـر .. !
كـل كلمة تتفوه بـ ها ..
أنتَ محاسب بها أمام رب الـ عالمين ..
وسـ تعاقب \ تجازى .. بـ ها ..
.
.
لا تيأسـ .. !
إن كان الشخص الذي تقدم له نصيحة ..
لا يتقبل كلامك لا تيأس ..
فقط .. أدعوا له في ظهر الـ غيب ..
فـ الله يسمع دعائكَ ..
وهو قادر على كل شيء ..
.
.
قبلَ أن تغلق صفحتي ..
ارفع يديكَ من أجل قلبي ..
وكرر بعدي .. !
" اللهم إني أسألكَ بـ كل اسم هو لكَ ..
أن تشفي أمـي الغاليـ ة ..
وترجعها لي سالمة معافية من كل ألم يستوطنها ..
اللهم إنك الـ سميع الـ عليم ..
أنتَ تسمع دعائي .. فـ تقبلها ..
وأنتَ تعلم مقدار شوقي لـ امي ..
فـ ارجعها من بلاد الـ غربة إلى منزلنا .. ! "
.
.
كفارة الـ مجلس
ـ" سبحانك اللهم وبحمدك ، أشهد أن لا إله إلا أنت أستغفرك وأتوب إليك "
.. بـ قلمي الـ متواضعـ ..
,
01-02-2007, 01:16 PM
[ يقولون .. ما لا يفعلونـ .. ! ]
العرض الشجري
