صور من تصويري ..اللي ما يضحك يطلب اللي يبي .. - شبكة القناص

*رمس* · 19-01-2007, 05:18 PM

بسم الله الرحمن الرحيم ..

السلام عليكم ورحمة الله وبركاته

حياكم الله . والله يحييكم >>> شوفوا السنع وشلون ..؟من الخبه عجزت اهرج

يا هلا والله ..اقلطوا ..اقلطوا ..
الدار داركم ..والبيت بيتكم ..
والحلال حلالكم .. >>> تراي شوي وأصيح عاد >> عاد وإلا ثمود ..؟ ..

مبارك هالأمطار اللي نزلت امس ..
نفع الله بها العباد والبلاد .. وفي ختام النشرة تذكير بأهم العناوين >> تراي ما تلخبطت ..بس اذكركم بالقناة الأولى هع هع

وش أنا أبقول ..؟
اممممممممممممممممممممممممم ..نسيت ..
إلا صدز وشوله انا ابنزل موضوع ..؟

والله من الذهانة بس ..
يا ربي ..اصبروا ابتذكر ..

وشو له ..؟ وشوله ..؟ يا ربي ...>>>> تخيلوا بعد ان اطقق اصابعي ..هع هع

ايه صح تذكرت ..

عشان ابحط لكم صور >>> قولي والله ..

انتم تعرفون الأنشودة اللي تقول ..

وقفت أمام مرائي لعلي ..أرى في ناظري بعض التجلي ..
لعلي أستقيق من اغتراري .. بنفسي أو مكابرتي وجهلي ..

يعني الشاعر مدري المنشد وش يعني بقصيدته ..؟

يقول انه وقف قدام مرايتهم اللي بالبيت ..
وقعد يطالع بروحه .. >>> وراه الأخ ما تسد شاف خشته ..؟
وعلى فكرة مهوب شرط انه ياقف عشان يناظر نفسه ..
ممكن يقعد على كرسي ..او على الأرض
او حتى يمشي ..
وبعض الناس اللي منيب قايلة ..يقعدون يرقصون قدام المراية .. فاضين ويتميلحون
تحس ماخذين مقلب انهم هيفاء عجرم .. مدري عجرم هيفاء >>> يقالي رقعت خخخ

ما سمعتوا الشاعر اللي قال ..

وتمخطري يا حلوة يا زينة

هو ترا رجل ..بس ذاك اليوم حالق شنبه .. فما درى ان اللي قاعد يتميلح قدام المراية هو ..
ومثل ما انتم عارفين ..العوامل المحيطة به من قنوات فضائية وشبكة عنكبوتية جعلت يظن ان الذي ( يتميلح ) أمامه امراة ..>>>>>يا ويلي شكله ما احد عطاه وجه ..

أصلا هو بعد ما قال هالقصيدة جته من الفرحة جلطة >>> جلطة خخخ ..ذكرتن بوحدة من الزميلات حفظهن الله وأدام عزهن ...

شفتوا وشلون ..كلن يرى الناس بعين طبعه ..

ترا اللي فوق مهيب خرابيط ..

واللي يقول خرابيط ابكسر راسه لحد ما ينسى اسمه >>>> ماودي اقول لحد ما يموت ..اخاف تخافون وتجاملون

ايه ..اللي فوق هذا إبداع نتج عن انفجار الطاقة الإبداعية في عمق نفسي >>>> ترا مالي دخل بإيران ..تقعدون توهقوننا ..

ايه ..وهالإبداع انفجر نتيجة الهواش الله لا يوريكم اللي جانا اليوم بالمدرسة ..
هواش على مستوى ..
المديرة مدري الوكيلة مدري المراقبة ..دخلت علينا وصرخت ذيك الصرخة ..>>> من الروعة نسيت من هي !!

وأنا مكاني أول وحده عند الباب ..
والله اني احسب ايران فجرت طاقته النووية >>>> متحمسة معهم بالحيل ..

انا من الروعة ما ادري اضحك ..اصيح ..
حتى وهي تدهر كنت اطالع زميلتي .. تنافض يا عمري ..
تقل عصفور منتوف ريشه >>> أوالله تشبيه ..؟

عاد هي ابطت عندنا وهي تهوش ..
وكل ما خلصت من مقطع من الهوشة ..
اسكتت ..
اقول " اشوى ..خلصت .."
بعدين تصبخ بطاولتي ..وتستأنف الهواش
ويرجع الإحساس المذكور سابقا ..
لحد آخر مرة اسكتت .. مير أغمض عيوني ..قلت اللعبة مكشوفة ..الحين بتصبخ ..

وانا مغمضة .. احتري ..احتري ..احتري .. مير تنغزن زميلتي ..قالت "وش بتس انعميتي ..؟"
اثر المرة طالعة >>> الذهانة ما تفيد احيانا

فنصيحة من أختكم المحبة اللي اليوم لبست فنيلة لونها كحلي بسماوي بالمدرسة وبنت خالتي قاعدة تعرف زميلتته علي..خخخخخخ..ايه صح اثري ابقول نصيحة ..( لا أحد يقعد عن الباب بالفصل

) ..وسلامتكم

8
8
8
8
8
8
8
8
8
وش جاب السالفة ..؟

المهم هذي بضع من الصور >>> منب قايلة بعض ..ملينا من كثر ما نقوله ..
بعدين معلمة الحديث يوم حنا بثاني متوسط ..يوم سالتنا عن تعريف البضع ..قالت وحده هو الرقم بين الثلاثة والتسعة ..وانتم وش دخلكم بي ..؟ اقول اللي ابي

ايه نرجع للسالفة ..والله يقطع ابليس ..

جبت لكم بعض الصور >>> ماكني اسنخدمت بعض .؟هههههههاي ..استروا الله يجزاكم خير ..

هذي بضع من الصور >>> هالمرة بضع ..

اوووووووووف ..خلاص عاد ..طالت ..

هذي بعض او بضع من الصور صورتها بكاميرتي الخاصة بي >>> ما نب معلقة بس ابحط اسهم هع هع

ايه ..صور تموت من الضحك ..
مهوب تموت يعني تموت ..لا يعني تموت ضحك >>>> اللي يفهم هالجملة ..يرفع اصبعه ..

اذكر منول يوم حنا بزران >>> انا ومين ..؟ هع هع

كنا نمثل مع بنات خالاتي مستشفى >>> ما اذكر اننا لعبنا غير هاللعبة ..؟
عاد انا الدكتور ..وكل ابوهم وامهم مريضين ..

عاد اذا كشفت عليهم ..وقعدنا شوي ..يموتون ..>>> والله من زين اللعب ..
عاد اذا ماتوا لازم يطلعون لسانهم خخخخخخ ..

الا الحين ما ادري وش السبب ..
كل مالعبنا هاللعبة ..اللي يموت يطلع لسانه ..

واذا طلعوا لسانهم ..هذي نهاية القصة ..نقوم ونلعب مرة ثانية ..

هههههههههههههههههههههههههههاي ..اكيد يذكرونه بعض الناس ..هع هع هع

نبدا >>> START
..ابي نجمة ..تراي هرجت عنقليزي خخخخخخخ

هذي اول صورة ..
اخدته من المتحف اللي بمطعم القرية الشعبية اللي بالدمام ..
صراحة هالمطعم مهوب صاحي >>> تراي امدح خخخخ

شوفوا هذا خطاب مدير مكتب مدري وشو >>> صرحة جملة مفيدة ..هع

لايفوتكم وش كاتب ..
هذا وهم قريبين من العصر الجاهلي .. اجل حنا ما علينا شرهه ..

وهاي الصورة التانية >>> تراي اهرج لبناني ..تعلموا يا منب قايلة ..

هذي من نفس المطعم ..>>> الاخت مسنترة عندهم ..
لا فلحوا لا بعربي ..ولا بعنقليزي ..

الصورة الثالثة ..
مرتن من المرات ..
مجتمعين انا وبنات خالاتي ..>>>>>حطوا ثلاث شخوط تحت بنات خالاتي خخخخ

عاد يقالنا بنات >>> أجل عيال نيهههاي
لالالالا ..يعني يقالنا بنات بالجامعة والكلية >>> منب قايلة ثانوية خخخخ

قلنا نبي نقعد بلحالنا ..مير نذلف بزاوية من الإستراحة ..ونطلب من مطعم قريب من الإستراحة
يوم جاء
فرشنا سماط ...
يوم فرشناه ..وحطينا العشاء الخفيف ..
مير نمووووووووت ضحك ..

ما نيب قايله شي ..انتوا احكموا ..؟>>>> قالت ماني قايلة شي قالت ..

الصورة الأخيرة >>> على وزن الحلقة الأخيرة ..بس ماهنا خلف الكواليس ..

هذي من مطعم بالبحرين ..
المطعم كشخة وذوق وسنع ..
بس يوم شفت المينو حقهم ..قلت ....>>> ما قلت شي لأن ما كان حولي أحد

..بس طاحوا من عيني ..؟
هذا وهو مطعم صيني ..
بس اكلهم زين ..الله يذكرهم بالخير >>> تقل عجوز هع
اقول ..شكل راعي هالمطعم كسلان ..
ما نجح غير مرتن وحده ...وخلا برواز الشهادة تذكار بمطعمه ..
لو هو جاي يدرس عندنا ..
تسان كل ما عطس ..عطوه شهادة شكر خخخخخ ..

تصدقون مرتن جبت خمس لوحات للمصلى ..
مير تجي المراقبة للفصل ..
قالت فلانة >>> اللي هي انا ..بس ما قالت علانه خخخ
انا بديت اتنافض ..لاني لابسة ذاك اليوم فنيلة لونه صفراء >>> ترا كشخة مع ان لونه صفراء هع

قالت المديرة تبيتس ..
مير ادبتس للمديرة ..بغيت ادب كم مرة بالدرج من الروعة ..

ويا طول الطريق طوووووووولاه ..
يوم وصلت عنده ..طقيت الباب ..
وانا احتري الكف يجين ..

قالت انتي جبتي اللوحات ..؟
وهي تسالن ما ادري اقول ايه ..اخاف ما عجبته اللوحه ..تصكن انا ولوحاتي ..واتفشل عند خلق الله المعلمات اللي مجتمعات عنده ..

[Automated by GetSmile]
او اقول لا ..واسمي مكتوب عليها ..تقول ذي تتسذب

وبعد تفكير وصراع مرير >>> احمـ .. احمـ ..
قلت ايه ..

مير تفتح خشته ..
ويا كافي ..تشققت مدح وذم >>> لالالا مدح بس ..
وتبدا تمدح ..مدح ما عمري شفت مثله ..
يمكن لو المديرة هي اللي تنجح ..ان تسان خرجتن من الثانوي ع طول ..

وكل ما مدحت طرت ..بعدين اصبخ سقف الغرفة ..وارجع ..وانا افرك راسي
يمكن مية وخمس مية طعس ألف مرة مدحت ..
وتحلف علي اطلع بالإذاعة من باتسر ..
قلت يا بنت الحلال ماودي >>> ماقلت استاذة قلت يا بنت الحلال ..عادي اموون وتمووون ..اصلا صارت صديقتي خخخ

عاد طلعت بالإذاعة .. والله ما ودي اذكر ذاك اليوم ..انواااااع الضحك ..
زميلتي دبدوبة شوي .. وانا اقرا الموضوع بالإذاعة ..
رفعت راسي يقالني واثقة ..الا هي بوجهي ..تطلع لسانه

..

ويجين ذاك الضحك ..كتمته ..والا كانت بتصير مصيبة ..
ما صدقت على الله أخلص الموضوع ..وأفحط لطابوري ..وأضرب زميلتي على كتفه ..
أثر الوكيلة أعوذ بالله تناظرن نظرات ..والله لو اني كاتله ولده
بس ما تقدر تزين شي ..مع واسطة قوية
عشان كذا لو مدير هالمطعم جاب لوحة للمصلى .. كان بدال ما يفتح مطعم ..يفتح مدرسة >>>> تقل بديت أخبط شوي

[Automated by GetSmile]

انتهى الموضوع ..

هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه

اللي ما ضحك ..يستلف ضحكة من هاللي مصفوفات ويلزقه بالرد ..
ترا اللي يفشل خلق الله ربي يفشله >>> لا أحد يقول قولي هالكلام لنفستس ..

هذا ..والله أعلم ..
وسلام على المرسلين ..والحمد لله رب العالمين ..

اتوقع تقولون .. الله لا يكثره .. صح .. >>>> بصوت واحد لاااااااااااااااااااااااا ..للمخدرات خخخخخخخخخ

عاد غصب اضحكوا ..

وسلامتكم ..