شوقي لك اكبر من تصور خيالك
وحبي لك أكبر من جبال السراوات
قلطت بضيافة خفوقي وشالك
بين الضلوع وراحت همومي اشتات
واليوم مدري وش هو اللي جرالك
قطعت يالغالي جميع العلاقات
في غيبتك ضاقت علي المسالك
واصبحت أسير الهم في كل لحظات
مدري متى توفي مع اللي وفالك
قدر وفا من هو وفا معك بالذات
كم لي وانا ارجي ياحبيبي وصالك
واكتبك بأشعاري مواويل وابيات
يضيق بالي كل ماضاق بالك
وارتاح لاصارت حياتك مسرات
وان كان عاندك الزمن ماصفى لك
اعرف ترى الدنيا دقايق وساعات
واعرف ترى ماني مدور بدالك
لو بعدت بين القلوب المسافات