شبكة القناص - الموقع الرسمي للاعب ياسر القحطاني - لقاءات مع المنخب السعودي >> لا تفوتكم

يالربع لايفوتكم الموضوع .. قريته قبل شوي وتسدحت عليه من الضحك .. الموضوع عبارة عن نظرة مستقبلية لمسيرة المنتخب في كأس العالم المقبل .. صيغ على شكل سيناريو ساخر مبالغ فيه مبالغة كوميدية رائعة تخدم النص والهدف منه و و إلخ .. أترككم توسعون صدوركم معه

3

2

1

أكشن :

ياجماعة الخير والله اني أحب السعودية والمنتخب السعودي
وعشان كذا ماودي يتأهل هو والمنتخب الكويتي :')

وأدعوكم اللحين لتشجيع معي منتخب أو**كستان على الاقل يمكن يطلع منه شي بكأس العالم

وأترككم الآن من السيناريو المتوقع في حالة تأهل المنتخب السعودي لكأس العالم
7
7
7
7
7

بداية السيناريو ('')

المعلق في آخر مباراة في هذه التصفيات راح يقوووول:
مبروووووووووووووك مبروووووووووووووك للمنتخب السعودي
التأهل لنهائيات كأس العالم في المانيا للمرة الرابعه على التوالي
كل التوفيق لمنتخبنا في كأس العالم

قرعة كأس العالم
المنتخب السعودي راح يطيح بالمجموعة الرابعة

المجموعة الرابعة
السعودية
البرازيل('')
إنجلترا
التشيك

التحضيرات لكأس العالم
راح تشوووف انواع المعسكرات التدريبية :')
وأنواع المباريات التجريبية مع أقوى الفرق العالميه :')
هذا غير تعاقد الاتحاد السعودي مع أفضل المدريبن :')
وأفضل الاجهزه الفنية والطبية :')
يعني يا اللاعبين ماعندكم عذر

المباراة الاولى
السعودية ضد البرازيل

قبل المباراة تصريحات اللاعبين أثناء التسخين داخل الملعب

المذيع: سامي الجابر بماذا تعد الجماهير السعودية؟
سامي: بإذن الله راح إجيب هاتريك وأقول للديدا سكر رجولك ''
المذيع:حارس المرمى الخوجلي هل أنت مستعد للمباراة؟
الخوجلي: أقوووول إبن أمه اللي يقدر يسجل علي

المذيع: حمد المنتشري شلون المعنويات؟
المنتشري وهو قاعد يسخن: ممكن تخليني أركز وتبعد عني :')

يطلق الحكم صافرة البداية
يسنتر سامي لياسر القحطاني
يرجعها ياسر لمحمد نور
محمد نور يرجعها لرضى تكر
تكر يرجعها للخوجلي
الخوجلي يرجعها..............

هدف قوووووووووووووول للمنتخب البرازيلي

رضى تكر : وشعندك رجعتها للمرمى وجبتها قووول ياالدلخ ('')
الخوجلي : كلكم رجعتوها يعني هي واقفتن علي

ينتهي الشوط الاول بتقدم البرازيل 2\0

في غرفه الملابس سامي الجابر مجتمع باللاعبين
سامي: تكفووون ياالربع لاتفشلونا تكفووووون والله نقدر نعوض
بس إنتم اول ماتجيكم الكوره ناولوها لي وأنا اتصرف

يبدأ الشوط الثاني
كوره طويله من المنتشري إلى سامي الجابر
ينفرد سامي بالحارس
قووول قووول يلا ياسامي شوووت

لكن فوووق العارضه
.
.
.
.
تنتهي المباراة بفوووووز المنتخب البرازيلي
بنتيجة 10\0
('')
لقاءات مع اللاعبين في أرض الملعب بعد المبارة مباشرةً
المذيع: حمد المنتشري ليه خسرتوا؟
المنتشري وهو يدعس على العلكه بين ضروسه: ممكن تبعد عني
المذيع : بس ياليت تشرح ...
المنتشري وهو يطلع من خشمه دخان : أقولك بعد عني

المذيع: الحارس الخوجلي ممكن تصف شعورك لنا بعد العشرة اهداف
الخوجلي: بسم الله الرحمن الرحيم (وفجأة سكت)
المذيع: أيوه كمل
الخوجلي:....................
المذيع :الخوجلي لو سمحت حنا على الهوا
المذيع :الخوجلي تعال وين رايح تركض
المذيع: الخوجلي......
المذيع يلتفت ويناظر الكامرا ويقول: الظاهر الخوجلي يحسبني مذيع اوربت ('')

المذيع: كابتن سامي ممكن تقول لي شنو أسباب الخسارة؟
سامي: الهوا ضدنا

من بعيد يبين رضا تكر طارحن ربرتو كارلوس بزاوية الملعب
ويبي يبدل معاه الفنايل غصب

المذيع: رضى تكر ليه جليت الكورة اللي جاء منها الهدف التاسع
تكر وهو قاعد ينفض فانيلة روبورتو كارلوس: بصراحة ماحبيت أطلعها ضربه ركنية ('')

المباراة الثانية
السعودية ضد إنجلترا

لقاءات قبل المبارة في الفندق اللي مقيم فيه المنتخب السعودي

المذيع:المنتشري شنو ترتيباتكم للمباراة؟
المنتشري: ممكن تبعد عني

المذيع:سامي الجابر ماذا تعد الجماهير في السعودية والوطن العربي؟
سامي: إنشالله راح نقدم مستوى طيب

تبدأ المباراة
وفي الدقيقة 89 من عمر المباراة يتناقل مدافعين المنتخب السعودي الكرة
والظاهر إنهم يحاولون الحفاظ على النتيجة
تصل الكورة لرضى تكر يجليها وياخذها مايكل أون ويشوت
قوووووووووووووووول

ويصفر حكم المباراة معلن فوووز انجلترا 10\0

لقاءات مع اللاعبين في أرض الملعب بعد المبارة مباشرةً

المذيع: حمد النتشري تكفى قووول شي
المنتشري: ممكن تبعد عني

في وسط الملعب الخوجلي متماسكن مع بول سكولز

بول سكولز: what do you want? <== يعني وش تبي
الخوجلي: وش عندك إتتفل من شوي ترا عيب عليك؟!!! (''')

وخلفهم يبين سامي الجابر ويقول لمايكل أوين متى تبينا نصور دعاية بيبسي الجاية

المذيع : سامي الجابر بصراحة ليه خسرتوا
سامي: الحكم ماحسب لنا ضربت جزاء كان ممكن تغير مجرى المباراة
وبعدين الهدف السادس لإنجلترا كان تسلل واضح
بصراحة الحكم هو سبب الخسارة

فجأة يمر من ورا الكاميرا وهو يركض بيكهام ويركض وراه رضى تكر
رضى تكر نيتة شريفه ويبي يبدل الفنايل معه
وبيكهام يحسب إن رضى تكر يبي شي ثاني ('')

المباراة الثالثة
السعودية ضد التشيك

لقاءات قبل المباراة في الفندق اللي مقيم فيه المنتخب السعودي

المنتشري مقبل على المذيع وهو يقلب بالعلكه بين ضروسه
المذيع يناظر المنتشري ويقول: ممكن تبعد عني

سامي الجابر لابس ثوب نوم وجالسن بالارض في لوبي الفندق ويدخن زقاير
وضايقتن الدنيا فيييه
المذيع : سامي ماذا تعد الجمهور السعودي('')
سامي : اعدهم إننا ماراح نخسر 10\0 هالمره

تبدأ المباراة

وينتهي الشوط الاول 6\0 للتشيك
وفي غرفة الملابس بين الشوطين
رضى تكر واقفن مع المنتشري ويقوله :وين تبينا نسهر الليله؟
المنتشري : ممكن تبعد عني
تكر : خوش مكان والله

سامي الجابر قاعدن بجنب ياسر ويناظر قدام بنظرات كلها شجون
سامي: ياسر
ياسر: هااااا
سامي: قل نعم
ياسر : نعم
سامي : متى ناوي تعتزل؟
ياسر: :')

يبدأ الشوط الثاني
وبعد مباراة شيقة من جانب واحد
تنتهي المباراة بفوز التشيك بنتيجة 11\0

لقاءات مع اللاعبين في أرض الملعب بعد المبارة مباشرةً

المذيع: حمد المنتشري وش رايك أعطيك علكة وتخليني اسوي معك لقاء
المنتشري: تم
المذيع: ليييه خسرتوا؟
المنتشري بعد ما أخذ العلكة : ممكن تبعد عني :')

المذيع : سامي إنت وعدت الجماهير إنكم ماراح تخسرون 10 \0
سامي : وأنا وفيت بوعدي

في السعودية
تقوووووووم الصحافة على المنتخب
الجريدة النصراوية تشتم لاعبين الهلال
والجريدة الهلالية تسب لاعبين النصر
والكتاب الاتحاديين يسبون لاعبين الاهلي
والاهلاوية يشتمون لاعبين الاتحاد

هنا تصدر قرارت من الاتحاد السعودي لكرة القدم
وهي كالتالي:
1- يرجع لاعبين المنتخب والجهاز الفني من المانيا إلى السعودية بباصات

2-تلغى لعبة كرة القدم من الرياضة السعودية وتحول الاندية إلى استراحات
وأي شخص يمارس اللعبة بالمملكة يقطع رباطة الصليبي

3-يمنع بثت أي مباريات وبرامج تخص كرة القدم بالتلفزيون السعودي
وأي شخص يوجد لدية أشرطة فيديو لكرة القدم يقام عليه حد مروج الافلام الجنسية

4- يحول إستاد الملك فهد إلى قصر أفراح
على أن يكون المعرس في المنصه الرئيسة والمعازيم بالمدرجات
والملعب يصير حوش للغنم وأي شخص يجيب عانية راس غنم يخليها ترعى بالملعب

وبعد سنة من هذه القرارت

حمد المنتشري
يدخل مستشفى الامراض العقلية وكل يوم يسوله ثلاث جلسات كهرابا
ومايخلونه لييين يقول: ممكن تبعد عني

رضى تكر
مبسط بفانيلة بيكهام وربورتو كارلوس
في احد الاسواق الشعبية في حفر الباطن ههههههه

الخوجلي ('')
هاجر لكندا

سامي الجابر
يلقونه شانق نفسه في أحد شقق الرياض ('')

النهايـــــــــة
ولا تزعلوووون