السـلام عليكمـ .. : )
أخباركمـ .. ؟!
تعرفون " الـ ع ــيد " قرب .. وكل الناس قاعدين يستعدون ..
ملابس و خرابيـط .. والأهم من كذا " خرفـااان " ..
الموضوع اللي راح كان عن عيـد الفطر .. وشفنا خلاقينكم .. ،
والحين بما انه عيـد الأضحى نبي نشوف خرافينكمـ << تراه عشان الوزن لا أكثر 
/
\
وما يمنـع انكم تقولون لنا جدولكم في " عيد الأضحى " .. ،
و مواقف / عـادات / صور من عيدكمـ ,,
.. مواقـف خرفانيـه .. //
* .. بيت جدتي مجمـع الخرفـان .. قبل العيد بكم يوم تلقون ريحـته فايحه وخايس
المهم اننا كنا مجتمعين " بزارين / حريم / وعجز " .. وكلن لاهي بنفسـه .. ،
والبزران طبعا ً من أول ما يجون لين ما يروحون وهم عند الخرفان !! 
مدري من اللي جا بيروح .. ،
وقالوا لي روحي نادي البزران << تراه اني كبيره خخخ
و أطلع والقى ذا المبزرة كل واحد ماسك ايس كريم ويوكلون الخرفان خخخخخخخخ
* .. أذكر أول مرة في حياتي شفت أبوي وهو يذبح خروف قايمه من الصبـح
ولا أدري وش أسوي
رحت أقوم أمي وتنفخ في وجهي .. ومير أروح لأبوي .. قالي ادخلي بروح أذبح الخروف
قلت لا بشوف وشلون ، و أجلس أطالع من بعيـد .. يوم شفت الدم يصب بقوووه ..!
صفـر وجهي و كشتي انتفشت << يا حسوفة الاستشوار ..!! 
ورحت عيدت و أنا بوهتي طايره وكلما ذكرت الدم قلبت كبـدي .. : /
كان عيـد قبيــح !!
* .. أبوي دايم قبل ما يجي العيد يشتري خروف قبل بفترة ويقعد يمشيه في البر
يخليه يطلع اللي في قلبه خخخ .. المهم مره رحت البر انا و أبوي و ميشو <<خروفنا خخخ
نزلنا وجلس الخروف يحومي وياكل و أبوي راح يقطع له أكل يخزنه للبيت ..
المهم رحت أنا و أقطع مع أبوي .. نسيت نفسي و أبعدت عنه شوي بدون ما أحس
والتفت والقى الخروف في وجهي .. !!
ومن الروعه جلست أركض و أصارخ .. جا ذا الخروف المخفه قام يلاحق .. الظاهر
يحسبني العب معه حبشه .. وكان في يدي " محشـه " أو مدري وش يسمونها
المهم هي شي يقطع الزرع .. وأرميها على الخروف وبغيت أذبحه ..
التفت أبوي ويشوفني أركض ويجي ويمسك الخروف
و هاوشني وركبني في السياره وجلس يتمشى مع ذا الخروف .. ياني حقدت عليه خخخ
<< الله يخلف أحد يحقد على خروف ؟!! خخ
/
\
فاصـل .. /
فيه خروف طقه أبوه .. طلع الشارع وخذ تكسي قال .. : أبو هالحياة ودني أقرب مسلخ
<< ماش حتى الخرفان خربوا ..!! 
عاداتنـا في الـ " ع ـيد " ..
* .. طبعـا ً بعد ما يذبحون الناس الضحايا .. يقسمونها عشان يوزعونها للجيران
والأهل و الناس .. ،
اللي أعرفه أول ان الرجال هم اللي يروحون لبيوت الجيران ويوصلون لهم اللحم
أو يرسلون عيالهم الصغـار .. الحين صرنا نشوف الشوارع فايضه شغالات !!
وتلقى كل شغاله كاشه ومعها لحم وتحومي به !!
× علمونا وشلون توزعون لحمكمـ .. ؟!
هل انتوا متطورين و شغالينكم اللي يوزعونه والا بزراينكمـ ؟!
* .. العيديات أول كانت أكثر من الحين ليه ..؟!
مدري يمكن عشانا كبرنا وماصرنا ناخذها زي أول ..!!
أذكر قبل كم عيد كنت انا و بنات خالتي مجتمعين ونعد العيدات
تعب صراحه عدهـا << تراه ان كلها ريالات خخخ
المهم جانا واحد من الصغار وقال السواق يبيكمـ ..!!
المهم رحنـا نشوف وش عنده .. والا السواق يقولنا صفوا طابور ..
وكل وحده تمر يعطيها ريال خخخخخ 
أول حتى السواويق يعطونا عيديه الحين معد يعبرنـا .. !
تهقون العيديات للصغار بس والا وشوو ..؟!
× للحين تاخذون عيديات .. وكم تقريبا تجمعـون .. ؟
* .. شي أساسي وما نشوفه الا بالعيد .. ( الصواريخ / الطراطيع / الشروخ )
المهم اللي تسمونه .. ،
أذكر كنت أحبهـاا بس أهلي ما يشترونها لو ايش .. !
كنت قبل أجي للبيت اللي فيه العيد .. أجمع من اهلي فلوس عشان أشتري ..
عاد القى ذا المبزرة كل واحد معه كيس مليان
طبعـا ً احنا البنات مامعنا شي << ياعمري كلن جاحدنا .. 
المهم كنا نجي للعيال ويبيعون لنا عاد بعضهم نصابين يدبلون السعر 10 مرات
بس كنا مخفات نشتري ..
والمشكله ليتنا احنا اللي نشبها .. لا يجون يخوفونا ويقولون ترى صعب تسوونها
وياخذونها ثانيه ويشبونها قدامنـا …!! 
× متى آخـر مرة شبيتوا صواريخ .. ؟
× تحسون ان العيد ما يكمل الا بها والا عادي ؟!
/
\
فاصل .. /
خروف يسأل خروف: مر عيدين وما ذبحوك ليش؟ قال : مسجل بشهادة الميلاد حمار
/
\
مساحـة لكمـ .. ورونا عيدكم وصوركم ومواقفكم وكل شي .. ،
وصور ضحاياكم .. نبي دم وذبح وكذا 
:
.. المجلس ..
( F )
26-12-2006, 12:26 AM
العرض الشجري
