.

السـلام عليكم ورحمه الله وبركاته

صبـاحكــم جوري
أعضـاء المنتدى الموقر

مع هـذا الصبـاح الأكثر من رائـع
وعلى أنغـام السيـدهـ فيروز
أحببت أن أتفلسف عليكـم وأقولكـم هذا قانون جديد
الله يستـر منه

:: أثبتـت دراستـي ::

أن الهاتف الجوال والماسنجر نـاقل للأمراض ..
كيـف ينقـل أمراض !!
أقولكــم ليـه ..



:: الهاتف الجوال ::

أحد من أصدقائي ( أخوياي ) المقربـين مني
الأخ الله يجزاهـ خـير كل سنـة تجيـه أنفلونزى
طبعـاً تعـودنـا على الوضـع كل سنـة
قبـل شهـر ونصـف جاتـه أنفلونزى
طبعـاً في مفهـوم ( أحذر تسـلم ) قاطعتـه لأني صراحه
مو ناقص انفلونزى المهــم جلست أسبـوع ونص
وأنا بخـير وعافية دامني بعيـد عنـه
ولكـن وربي أشتقـت للرجال أشوف أخبارهـ وكيف الأنفلونزى معه
جيت وآخذت جوالي وأنا أمشى بالسيارهـ بسـرعه تتروح بـين
80 _ 100 كلـم / الساعة <=< نظامـي بقـوهـ
وأبحـث في الإسمـاء ..
وآلقـى رقمـه ..
وأضغـط عـ الأخضـر وجاري الإتصـال
على طوول بديـت بالكـلام وخذ مهايط
أخبارك وين أيامك وربي مشتاقـين <=< مايدري اني مقاطعـه
المهـم أستمـرت المكالمـة قرابـة الثلاث دقائق
وأضغـط الأحمر وتنتهـى المكالمـة هنا
وياليـت أنتهـت عنـد هالحـد ؟؟
بعـدهـا رحت للعيـال متجمعـين وربي أول مادخلـت وأعطـس عسطـه
دريـت إنهـا بدايـة أنفلونزى
الحمد لله
*يرحمك الله
يهديكـم الله ويصلح بالكـم ويجوز عيالكـم <=< الحـين خلهـم يتجوزون
وبعدها أنا على هالمـوال
وتمسكنـي الأنفلونزى أسبوع ونص
طبعـاً لا مانـع من الكحـه والحركات الثانيـة حالتـي يرثى لهـا وخلوهـا على ربكـم

بعد هالسلفـة كلهـا قلـت إن الجوال ناقـل للأمراض
بما فيهـا الإنفلونزى <=< كـثر منهـا بالله

:: الماسنجر ::

دخلـت ذات يوم عـ النت
والله وأفتـح الماسنجر وألقى شخص عزيز عـ قلبي
وسـواليف ومهايط وكـلام كثـير
إلا والله أنا أنتبهـت الشخص متغـير مدري وش بـلاهـ
قلـت : سـلامات وش فيك قـال : أبد كحـه وأنفلونزى
قلـت : في نفسي اللـه يستـر بس توهـا قبل شهـر لاعبـه فيني
الزبدهـ ..
مزحنـا على بعض وهيطنـا على بعض
وهذا يرفـع والثاني يشـووت ومن هالكـلام الطوويل
واللـه قلت يالأخو عنـد إذنك أنا بطلـع بينـي وبينكـم القعدهـ معه
تسـوى الدنيـا وربي حبيـب وقلبـه طيب وتحطـه عـ الجرح يبرى
بس أنا صرعنـي النـووم قمت أشوف الجهاز أثنـين
بس قفلـت الماسنجر
وأروح عـ السريـر وأسدحهـا نومـه
يـوم قمـت إلا والله إن رايـح فيها كحـه وأنفونزى حادهـ
طبعـاً أن الحين خبرهـ
على طوول الصيدليـة والله وآخذ بانـدوول وفلوتـاب
وإلى لحظـه كتابـة الموضوع ونحـن نصارع الإنفلونزى


الكاتـب /
أحد ضحايا الإنفلونزى


:: ملاحظـه ::
يقـول المثـل اللى يجيـه زكـام يتكلـم ويهذري
وهو مايشعـر ..

فأنا أتوقـع إني كتبـت الموضوع
وأنا مدري عـن حالي ..
لكن الوعـد بعـد ماتروح الإنفلونزى
نشـوف حنا صاحـين لحظتهـا


:: فائق احترامي :: BBP