مــعاً لمــجتــمع خالــي من الأســهــم !!!
هلا وغـلااا كيفـ الحــال يقولون فيه دراسـة انك لامليــت من شي اسمــه نت على طول تصير تنزل مواضيع ,, ويقولون ان الزمـن هذا مابه حــب لاقبل زواج ولابعد زواااج << اللــه يستـر , ويقولون انك لاكتبت موضوع وشفـت ان اللي يقرونه اكثر من اللي يردون تراها وصلت المعلومـه ,, وعلى ذمـة عضو هنـا يقولون ان لاانسرق بيتكم تراه آخـر الزمــان << ماقلت لكم مايمديكم لاعلى حب ولاوزاج,, 888 تشوفون كـل هالكلام الي فوق أنـا مثلكــم شايفـه بس مادري وش دخلـه بالموضوع !! اسمعوا الأغنــيه خل ابقولكم الموضوع http://www.al-wed.com/pic-vb/50.gif الموضوع بأكمله مجرد فش خلق ولايحتمل أي تأويل آخر قد يوديني في ستين داهيه <<<< إحلف قرأت في جريدة الرياض هذا الإقتباس عن تصريح الدكتور عبدالرحمن التويجري ( بسم الله عليه ) رئيس هيئه سوق المال عن وضع سوق الاسهم السعودي في الفتره الحاليه يوم قال : وهذا ايضا : ــ " على ســـــــــيــــــــــراميكه ياريس عبد الرحمن " زارنا في يوم من الايام صديق للوالد من النوع الي يتزقرت باللبس ... وصار يتكلم عن الاسهم بشفافية يعني مثل الي ماوده انك تفهم شي ... الجدير بالصدز ان ابوي فهم من الضيف انه يبي بطاقة العائلة حقت الشايب ....عشان يبي يزرف عائلتنا الكريمه ويرضينا بفراطة والحق يقال ان اخواني واخواتي 20مجموعهم اللهم لا حسد"هللوا "طبعا الوالد رفض من مبدأ المثل الشهير "مسمار جحا " لــــــيس إلا . دارت الدنيا وتعلم ابوي وشهي فكرة الاسهم وذاق من عسيلة "اشتر من تحت" ودبل كيك "الراجحي" وثمانيات البلادوترقيصات المكيرش .... وصار صديق الوالد هذا مايسير علينا ماهوب لاننا كفشناه انه استغلالي وحقير ووضيع لا...بل لانه طار اسف لانه صار من اصحاب الملايين من سبق لبق سكن قصور بعد ماكان بشقق والسبب دلاخة "تصحيح" سماحة ابو "نعيلة ". واما تعقيبي على كلام الدكتور عبد الرحمن التويجري : هناك حكمة صينية رائعة تقول "يأتي النجاح من القرارات الصائبة.. والقرارات الصائبة تأتي من الخبرة.. والخبرة تأتي من التجارب.. والتجارب تأتي من التقدير الخاطئ للأمور" يعني اكيد مما لاشك فيه حيث ان بختصار" السوق مغري ....بس ماهنا دراهم" لان الدراهم طار فيها ابو "قذيلة ".. يعني على ســــيــــراميكه يا ريس عبد الرحمن سوقنا يبيله خبرة اكثر "لأبونعيلة " وربعنا يبون اسهم رابحة بدون خساير وبعضهم حتى مايعرفون ينطقون كلمة سبكيم صح .. لكن اذا خسر فيها وتعلق مع اذانه صار ينطقها صح ويعطيك الاسبلنق بالانقلش لو تبي . هذي الجملة تذكرني بتصريحات الجرايد بعد اول هزيمة للمنتخب بكل مبارة بكاس العالم والدعم المادي والمعنوي المقدم...حتى يشد حيله ــــــــــــــــــــــــــــــــــــــــــــــــــ ــــ على سيراميكة : على بلاطة . ابو نعيلة : مصطلح يطلقه الهوامير على المساهمين الصغار . ابو قذيلة : مصطلح يطقله المساهمين الصغار على الهوامير . الجدير بالصدز : في الحقيقة والواقع . ماسقط أعلاه كان تحت تأثير جرعه حمراء زائده ذهبت بي خلف أسوار الفقر .! http://www.al-wed.com/pic-vb/50.gif واتمنى اشوووف رأيكـــم ,, |
رد: مــعاً لمــجتــمع خالــي من الأســهــم !!!
كفييت وفيت بعد قلبي ...
قال الشيخ فؤاد (( الله ينعل ابو الاسهم )) وسلامتكم |
رد: مــعاً لمــجتــمع خالــي من الأســهــم !!!
الله موضوع يبيله حليب بالزنجبيل
لي عووووووووودهـ |
رد: مــعاً لمــجتــمع خالــي من الأســهــم !!!
هلا والله بمتيم
هههههههههههه حلوة بعد ائلبي عاش ابن بطااااااح |
رد: مــعاً لمــجتــمع خالــي من الأســهــم !!!
هههههه
والله موضوع رائع الله يعينك على فشة الخلق بس الاغنيه تاخذ العقل والله انك مو صاحي شكلك رايح فيها من الاسهم الله يعينك ويعينا ويعين الجميع ومشكور على الكلام |
رد: مــعاً لمــجتــمع خالــي من الأســهــم !!!
هوي هوي هوي هوي هوي
اللهــ يرجــ عدوووكـــ شكلكــ متعقد منــ الاسهمــ عــ العمومــ يعطيكــ العافيهــ ولا هنتــ انشاللهـ بإنتظار جديدكــ |
رد: مــعاً لمــجتــمع خالــي من الأســهــم !!!
<< ايش الأغنية هذي :d
<< وبالنسبه للأسهــم ماجاك الا نصيبك ,,...:d السعوديين كلهـــم اتضرروا... والله يعوضك ويعوضهم خيـــر ... تحياتي BBP |
رد: مــعاً لمــجتــمع خالــي من الأســهــم !!!
مشكووور . .
|
رد: مــعاً لمــجتــمع خالــي من الأســهــم !!!
الأسهم مهبله بالكل
صديقتي تطلع من المدرسه على طول للبنك علشان تخربط بهاالأسهم<< وهي ثالث ثانوي ومزعجتنا السوق يسكر ويفتح وينزل وأحمر وأزرق<<< لو فية الأسهم أزرق كان أول وحده تساهم < تعصب <<< مادبر شي بالأسهم يعني قريت بس مدري وش القصه شكرا سامي&ياسر |
الساعة الآن 10:14 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0