بهذه القصيده استفتح موضوعي معاكم ..
الله العالم ان الموضوع موب وقته الحين ..!
لكن يقولون في ايام البرد القارص
يحلى الزواج عاد مدري ليش يقولونه
اخلي الجواب لكم
موضوعي اليوم واضح من القصيده < ازعجنا بقصيدته
بتكلم معكم عن غلاء المهور وتشرط بناتنا المبالغ فيه ..!
اعرف لكم واحد من العيال طق فوق 10 بيوت
والسبب انه واجهه صعوبات واجد
اللي تبي بيت ملك لحالها وفيه خدامتين وسواق
لعنبوا بليسها ذي وهي لحالها اجل لين جابت عيال وش بتطلب ..!
واللي وحده تبي شهر عسلها بجزيره ما عشان صديقتها هي وزوجها قد سافروا لها
يعني شغل مغاير عيني عينك
ووحده تبي الله يحفظها مهر 100 الف غير الشبكة والخرابيط الاخرى
لعنبوا بليسها لو انها بجمال اليسا عشان تشرط
انا مع مثل مد رجيلك ع قد لحافك ..
لكن مسأله التشرط والمغاير منيب احبذها
يعني الحين البنات صاروا اكثر من العيال
يعني بشق الانفس تتزوج البنت اللي جمالها لكم عليه
والشباب الحين الجامعي بالموت يتوظف
وان توظف راتبه كانه زين طلع 6 الالف ..
يعني المفروض البنت واهلها يقدرون ظروف الشاب
ويطبقون سنه الرسول باان الزواج نصف الدين ..
ويزوجون بنتهم بدون تشرط وخرابيط ..
وترى هالايام يمدحون زواج الاقارب
لان مافيه تكلف ولا شروط ..
يمكن بعد من قوه القرابه تاخذ البنت ببلاش
الحين ابي اعرف التشـرط ليه ..؟!
يعني شقه او دور دبليكس ومهر بـ 50 الف وشبكة
وزواج بااستراحه ولا قصر عادي .. يهبل وش زينه
وشوله الكلافه وتصير البنت ولأاهلها يبون الزواج
في الفور سيزن ولا نيارا < مايعرفه الا اهل الرياض
ع طاري نيارا مودي اهلي قبل اسبوع لزواج
تقول خالتي لقيت وحده حبشيه ومعها وحده سمراء
عاد خالتي شوي ملقوفه قالت هذي اختك
قالت لا هذي الاميره نوف قالت افا وراها سمراء
ورى ماتشتري بفلوسها بياض
< تسمع بالبياض خالتي الله يحفظها
المهم نرجع لموضوعنا ..
الحين بناتنا ليش يتشرطون ..!
الرسول صلى الله علية وسلم
قال ( اذا جاءكم من ترضون دينه وخلقه فزوجوه )
الحمدلله واحد مسلم واخلاقه زينه
وفوق هذا ربي مقدره ومعينه انه يمشي حياتك بكل بساطه
ليش تشرطين تقولين ابي عرسي بفندق خمس نجوم
وابي شهر العسل بباريس ..
وابي زواجي يحظره اهل المملكه كلهم ..
وابي ذهبي من لازوردي ..
وشبكتي من قزاز < يحسب الشبكة عطر
ترى شسمه التكلف في الزواج مهوب زين ابد
والوحده يمكن تنظل وتطلق من ثاني يوم < يبي يروعكم
ترى والله العظيم يمدحون الزواج العائلي
هههههههههههههههههههههههههههه
صحيح ودك يكون يوم زواجك ماينسى
بس عاد اهم شئ لمه الاهل وجمعتهم ..
وبعدين لو كنتِ العروسه وقسم تبين الفكه من هاليوم
تبين تروحين لبيت رجلتس وتفتكين من الزحمه وتبويس العالم
الفكره اتوقع انها وصلت ..
وحبيت اطرح عليكم بعض الاسئله
:: للنقــــاش ::
س1/ ودكـ يكون زواجك ماينسى .. يعني راح تكلف فيه عشان ماتنساهـ ؟
س2/ انت ضد او مع زواج التكلف سواء مهر او شبكة او شهر عسل او بيت ؟
س3/ هل ترى باان الوضع الحالي ظاهره عاديه ؟ وهل انت متفق معها ؟
سلامو