من اسبوع والبرد نازلن علينا،،،،
وتعالوا شوفوا الاسواق،،، جموع غفيرة من الناس أتت لتأخذ ماتتقي به من البرد(الفصحى لزوم الوصف الدقيق)
تقل(كأن) ماعندهم ملابس بدواليبهم!!!
سؤال يبحث عن اجابة
وين راحت ملابس العام\السنة الماضية؟؟
ادري بتقولون تجديد،، مايخالف يجددون على راحتهم ..فلوسهم وهم حرين بهن،،لكن الاحظ ان بعضهم كأن ماعنده شي ابد
ما ادري يسمع نصيحة (بالصراحة احلى) اللي تقول مذيعته:لازم تفرغوا اخزاناتكن وتجددوا كل تلاتة اشهر!!
تحسب الناس مثله،، يابنت الحلال هم لقوا بيت ملك والا خلصوا اقساط السيارة والا..والا...,,الخ
بصراحه انا ماعندي طاري اطلع هالسنة للسوق،، ابلبس من دولابي المليان وشوله اخليهن يدفن الدولاب(على قولت ماماتي)..
انا ما يضيق صدري بهالشتاء الا انه فيه ناس مايلقون ملابس تدفيهم
،،بالمملكة وخارج المملكة...يارب تديم علينا هالنعمه..
خلاصة الموضوع،،،
اذا عندكم ملابس شتويه\بطانيات...ماتبونهن اومليتوا منهن،،استعجلوا وارسلوهن للجمعيات الخيرية ترى فيه ناس ينتظرونكم..
التجديد مطلوب وصحي لكن بدون اسراف..
مو ب كل نصيحة بالـT.V نطبقه بحذافيره..
فيه نصايح ماتناسبنا ( ما اقصد بالصراحة احلى فقط..كل شي غير نافع لنا)
اخيرا اسئلة لكم...
1. وش علومكم مع هالبرد؟؟
2. طلعتوا للسوق واشتريتوا ملابس والا بتكتفون باللي عندكم مثلي؟
3. عندكم طاري تخييم بعطلة الحج؟ واذا ايه..وين؟
" اللهم أغثنا ، اللهم أغثنا اللهم أغثنا ،اللهم اسقنا غيثاً مغيثاً مريئاً نافعاً غير ضار ،عاجلاً غير آجل "
"اللهم اسق عبادك وبهائمك ، وانشر رحمتك وأحي بلدك الميت.
19-11-2006, 02:30 AM
أحيييييييييه..جانا البرد.
العرض الشجري
