عندما تهب عاصفةالدشاره على الكرة الارضيه فحتما هناك من سيستنشق هواها لتجري داخل اوعيته الشريانيه
الموجز واليكم النشره
حكايتنا تبدأ منذ العصور الجاهليه ونحيطكم علما انه سوف يكون هناك اختلاط في اللهجات مابينالنبطي والفصحى وبعض من المترادفات من لغة ابوهنود لذانلفت الانتباه وكل واحد يربط حزام الامان واللي ماعنده يدور له حبل ويربط نفسه بالمكان اللي هو فيه ونا غير مسؤول عن اي جرائم تحدث بعدالموضوعp10
ابطال القصه
محدثكم : خراب السفينه
ابوسعد : هذا ولد الجيران كل حياته سياكل وكفرات
على : ويسكن في اخر الحاره متخصص في تشليح سياكل الهنود
وجميع قطع الغيار والترهيم متوفره لديه من ملاقيط ورفارف فوق سطح ملحق جيرانهم
الممثل السعودي القدير محمد الطويان المعروف بسم حظيظ ا وعصويد << كان جارنا هبلنا فيه المسكين
التفاصيل
عندما تخرجنا تلك السنهالمقحطه والله اني نسيت مدري من سادس ولا اولى متوسط المهم وعدنا الوالد اذا نجحنا يبي يطقلنا سياكل انا واخوي اللي اصغر مني ومع المثابرهوسهر الليالي وقليل من الغش تم النجاحولله الحمد بتقدير جيد منخفض المهم انه نجاح يجيبسيكل وطبعا كنتمتشقق من الفرح ناجح والعطله توها فاقتن اثمها والسيكل بالطريق كانتالساعه تشير الى الرابعة عصرن وكان الوالد يتهرب ماوده الى حنا ناجحين الا بالدور الثاني عشان مايشتري لنا سياكلخخخخخ<<< ابوك يالثور بس بعد ماحجرت له اناواخوي بالشهادات قرر يشتري لنا سياكل ورحنا لسوق العويس وشرينا السياكل اخ بس يازين ريحة السيكل وهو توه جديد خخخخخخ .. وصلنا البيت ونزلنا السياكل بكل هدوء ونا شايلهمن صندوق الددسن ومنزله بكل حنيه على الارض ودخلناالبيت وصكينا الابواب وقبل مايمشي الوالد عطاناتهديد على الطاير كالعاده بعدم التسكع بس جوارحنا وافكارنا كانت مع السيكل يعني ماجبنا خبره حتى مانمنا ذاك اليوم من الفرحه اجل سيكلخخخخ ومنذ ان دخل السيكل الى حياتنا وعالمنا وحنا مدحدرين وكل شي مدحدر والاخلاق دحدرت والدراسه مستواها دحدر للحضيض <<< يسمع بالحضيض
معروف ان كل شي بالدنيا له اكسسورات حتى الشينات لهم اكسسورات عشان يطلعون حلوين شوي CC والجوال له اكسسورات والسياره له اكسسورات عاد السيكل هو ابو الاكسسورات والشطرطونات والزبرقات خاصه النسافه خخخخخخ تعريف النسافه هي قطعه من الجلد وتركب في مؤخرة السيكل عشان تطلع صوت وهي تحك بالارض تعطي شئ من الرساوه ويتم زبرقتها باللمبات والعلامات المسروقه اصلا النسافه كلها مسروقه ومن اول ضحايا الحاره جارنا مسكين كان توه شاري هاي لوكس مدري كم موديله المهم فيه نسافتين جدد اول ماوصل الضعيف جايب خبز لبيتهم طلعت ومعي السكروب وافك الثنتين ونا في غاية السعاده طبعا النسافه تم صبغها بلون ثاني عشان مايعرفها لاشافها .. وفي يوم من الايام ونا اتسكع بالسيكل العصريه شفت الممثل محمد الطويان واقف عند بيت جديد قدام بيتنا ونا اطالع فيه واقول هذا عصويد الممثل ولا انا اتوهم <<قراوه ماقد شافوا خير المهم واروح لمه انا وسيكلي قلت هيه انت عصويد يوم قام يضحك خخخخخ وانشب له واقعد اصارخ حظيظ حظيظ ثم جاني قال اووص فضحتنا عاد انا الله من البثاره اول قال لي انا جاركم الجديد قلت الله يحييك تو مانورت الحاره ياحظيظ ومن بكره نتجمع حنا عيال الحاره ونروح لمه في بيته خخخخخ العن ابو ذبة الوجه هو استحا ودخلنا البيت كان بيته زي بيوت الامريكيين مطبخ مكشوف وقزاز وحركات وعندهم مسبح المهم انا اكتشفت ان حنا مالنا خاتمه في نفس الليله رحت وقلعت العلامات حقت سيارته الكدلك كانت مذهبه عشان احطهم في النسافه حقت السيكل خخخخخ ... وصرت انا وهالسيكل شيل وحط ماخليت شي ماحطيته فيه حتى المسجل اللهم ياكافي مربوط محل الطرمبه خخخخخ والسماعات في الدركسون وكل ماقام ابوي لقاني افكك في هالسيكل ويجيني يهاوش انت ورى ماتدرس وتصير رجال اشغلتنا انت وهالسيكل ان شفتك مرتن ثانيه تفكك في السيكل ابنطلك انت وياه قلت طيب ان شالله مالك هم وفي يوم من الايام قلت خل امر صديقي على كان في البرد الساعه ست الصبح << دشاره لقيت على فارش بساط وقالب سيكله فوق تحت ومفككه كله قلت وراك انت على السيكل قال ابغسله في بنزين قلت وشوله قال البنزين يخليه سريع مره قلت احلف قال قصم ونا اقلب السكل حقي وافككه كله واغسله بالبنزين وادهجه لين صار يلق وارجع اركبه ثانيه وبعد ماركبنا كل شي رحنا نجرب خخخخ مرينا من عند البقاله شفنا هندي وقف سيكله ودخل البقاله كان السيكل حقه اكبر حجم في السياكل عشان هالهندي كان طويل قال على هذي الفرصه بسرعه رح خذ السيكل حقه ونا اباخذ سيكلك والوعد عند البيت قلت طيب ماطول الارض السيكل رفيع قال ماعليك انت امش فيه اول ثم اطمر يمديك تنحاش المهم ترجلت عن سيكلي واطمر على سيكل الهندي وامشي به الا والهندي طالع هييييه تاااااااااااال << تعال قلت ايه هين واركب السيكل وادرج باقوي ماعندي لين ضيعت الهندي كان قدامي تقاطع ونا مسرع بالسيكل الا ذاك الددسن جاي وابحاول اوقف ماقدرت السيكل رفيع مايمديني احط رجلي بالارض ونا اخشب هذيك التخشيبه في صندوق الددسن واطيح بالارض خخخخخخ يافرحه ماتمت السيكل انعدم نزل راعي السياره اوديك للمستشفى قلت مافيني شي رح بس قال اكيد قلت ايه رجليني راحت فيها وجهي متمخش خخخخخ الا وعلي جاي سلامات سلامات قلت الله لايسلمك ياشيخ وين سيكلي قال بالبيت واخذنا سيكل الهندي لبيت علي واخذت سيكلي ونا رايح للبيت متكسر لقيت حظيظ عند باب بيتنا قلت وش يبي ذا الحين بيشوف النسافه ثم يشوف العلامات حقت سيارته وبيدري ان حنا اللي مشلحينه المهم انا على طول رحت لم خويي الاخر ابوسعد وفكيت النسافه قلت خلها عندك وارجع للبيت واشوف حظيظ يكلم الوالد واول مادخلت البيت جا لمي ابوي وقال وش انتم فاكين من سيارة الرجال قلت والله مافكينا شي هالحلف جاهز بأي وقت قال وين السيكل يوم راح يشوف ومالقا شي من العلامات اللي يقول حظيظ اشتكا على كل الحاره لانه مايدري من الفاعل كثرة الهجوله في الحاره والحارات المجاوره وصرنا نطق مشاوير بالسيكل واحيانا نكشت بالبر بالسياكل وصارت فله وناسه ذيك الايام وفي مره من المرارير كنا مسافرين للديره ايام العيد عاد القريه بيوتها جنب بعض وشوارعها ضيقه ونا اشوف واحد معه سيكل جديد توه مطلعه بقراطيسه واجي لمه قلت ماشالله مبروك السيكل قال الله يبارك فيك قلت طيب عطني دوره قال منيب السيكل توه جديد قلت يارجال مب ضارك خل اجربه هو سريع ولا لا قال طيب لاتفحط به عشان مايخرب قلت اوكى ونا اخذ السيكل واروح اخر الشارع وهو يصارخ تعال بسرعه رجع السيكل ونا ماكان عندي نيه ارجعه الا بعدين خخخخ المهم ويلحقني برجلينه ونا ادعس بالسيكل حقه كان فيه منعطف قلت خل اروح معه وكنت مسرع مره واول مادخلت الا وقدامي شحنة بلك مامداني اقول هه الا انا داخل بالبلك وتفلقت من جد هالمره طبعا السيكل راح فيها وهالبزر جاي يصايح وراي يوم شاف سيكله متعفط طقته العبره
ومن بعدها كرهت شي اسمه سيكل ماوراه الا المشاكل وعوار الراس كم عاهه بغت تجينا من ورا هالسياكل
مايستفاد
اذا نجحو عيالكم انتبهوا تشترون لهم سياكلp10
دمتم بود
التعديل الأخير تم بواسطة نواااااف11 ; 07-11-2006 الساعة 07:55 PM
07-11-2006, 07:46 PM
السيكل وعصويد وبعض من الذكريات
<< كان جارنا هبلنا فيه المسكين
تم النجاحولله الحمد بتقدير جيد منخفض
قال لي انا جاركم الجديد قلت الله يحييك
المهم انا اكتشفت ان حنا مالنا خاتمه في نفس
قلت والله مافكينا شي هالحلف جاهز
طبعا السيكل راح فيها وهالبزر جاي يصايح وراي
العرض الشجري
