|
مشاكل سامي الجابر!!
معروف عن سامي أنه يملك مهارات رياضية و غير رياضية وصلته لهالمستوى العالي...و لكن...و لأن الحلو ما يكمل..فأكيد أن لسامي عيوب أو مشاكل...منها: - سامي لاعب كبير...و الجماهير متعلقة فيه...و هذي مشكلة! - سامي لاعب ذكي في مجتمع ( رياضي) أغلب المنتمين له يفقدون هالصفة...و هذي مشكلة! - سامي لاعب كبر في العمر...و هذي مشكلة! هالمشاكل اللي فوق سببت مشاكل جديدة لسامي...و ذكرت كثير من الجماهير ببعض المشاكل اللي تسبب فيها في السنوات الماضية...مثلا: - سامي من كم سنة ما بدأ التمارين مع الفريق في وقتها ( أساسا هو في عز شبابه كان يتأخر عن بداية التمارين يومين ثلاثة)...و السبب معروف...مسافر...يبي يرتاح...من حقه كلاعب كبير خدم النادي أن الإدارة تميزه و تعطيه كم يوم يريح فيها....لكن اللي مو معقول بالنسبة للجماهير( الواعية)..هو أن سامي في النهاية لاعب...و انضباطه و هو كابتن للفريق يعطي هيبة للتمارين...و يعطي درس للاعبين اللي أصغر منه...سامي للأسف...من بعد كأس العالم 2002 ( و اللي كانت أسوأ ذكرى لسامي ) و هو مستحيل يبدأ التمارين في أوقست...و السبب معروف...إجازة في فرنسا..مع أعضاء شرف الهلال!!! - سامي مثله مثل أي لاعب..من حقه أنه يدور عن مصلحته...و لكن الفرق أن سامي للأسف يستغفل الجمهور بأنه يحترق عشانهم و أن دموعه تخونه من كلامهم الحلو عنه...و هو عشان كذا يقول أنه يوقع للنادي بدون مقابل...لكن الواقع يقول العكس...و مادامه هو أو الإدارة ما نفوا هالشي صراحة...بنعتبر هالشي صحيح...من حقك يا سامي...لكن خلك واضح...احترم أحمد الدوخي و خميس العويران و و و و اللي قالوا أنهم يدورون مصلحتهم...و صعب أنك تحترم لاعبين يلعبون عليك عيني عينك!! - لاحظ كثير منا أن سامي صار في السنوات الاخيرة نجم علاقات عامة...سفير النوايا الحسنة...و يحضر حفلات التكريم في بلدان ثانية...بالإضافة لـ ( تشريفه ) حفلات الدورات الرمضانية...و طبعا طبعا طبعا اللقاءات التلفزيونية مع القنوات الفضائية ( خارج السعودية طبعا!)...و هذا شي جيد...و طبيعي للاعب كبير زيه...لكن اللي مو طبيعي أنها تكون مقدمة على واجبه و شغله الأساسي اللي هو خدمة الهلال في الملعب....لأنه إذا تأخر شهر أو أكثر عن التمارين...و جاء ( الله يسلمه ) على بداية رمضان...و بعد كم يوم راح القاهرة عشان مباراة تكريمية...و قعد ثلاثة أيام...و بعدها راح للعمرة..و مدري كم يوم قعد...و بعدها راح لبيروت عشان مقابلة ساعتين بس و قعد هناك أربعة أيام...يكون في الموضوع إن!!...خصوصا أنه سواها قبل كم سنة لما راح بيروت عشان مقابلة في نيو تي في!! - يقول سامي أنه وده يتلافى أخطاء اللاعبين اللي قبله اللي ما اختاروا الوقت المناسب للاعتزال....و اعتقد ( و الكثيرين يمكن مثلي) متأكدين أن كل الأوقات ممكن تكون حلوة لاعتزال سامي...ماشاء الله يلعب في فريق كل سنة تقريبا جايب بطولة يرفع سامي كاسها حتى لو ما سوى شي إلا أنه جاء في أخر مبارتين!...بس هو يجي و ما عليه من الباقي!! - يحب سامي دايما أنه يستشهد بأوروبا في كل شي...في التمارين و الحماس و التنظيم و و و ...حتى أنه شبه نفسه أكثر من مرة بأنه مثل زيدان و بيكهام!!...و هذا عاد رأيه و هو حر فيه...لكن ليته يعرف أنه في أوروبا يبدأ الدوري الانجليزي مثلا في نصف أوقست و عشان كذا تبدأ تمارين الفرق الأنجليزية من أول جولاي...يعني هنري و بيكهام ( يوم كان في مانشستر) ما كانوا يتغيبون فترة طويلة عن التمارين خصوصا أن الدوري ينتهي متأخر ( نهاية مايو)...و إذا كان هو مثل بيكهام فياليت يطبق هالنقطة مثل ما يطبقها بيكهام!!....و إذا كان ( أبو عبدالله) يحب أوروبا و يقلدهم في كل شي فياليته يقلد كانافارو اللي ترك مدريد لمدة يوم و جاء لأبو ظبي عشان قرعة كاس الخليج و رجع بعدها لمدريد و لعب مع فريقه المباراة...أما غيره فيروحون عشان مقابلات ما تودي و لا تجيب و يتأخرون بعد!! ما راح أذكر ( الذيب ) عن طبيعة اللاعبين الأوروبين و صراحتهم في تعاملاتهم مع أنديتهم و جمهورهم خصوصا في مسألة العقود و الفلوس..لأنه أكيد أخبر مني بهالشي...أتمنى بس أنه يطبق هالشي قبل لا يقلدهم في البعد عن تحليل المباريات و افتتاح الاكاديميات! - - من حق جمهور الهلال اللي ساند سامي في ظروف و أوقات صعبة للهلال أن يكون سامي واضح معهم و ملتزم...جمهور عريض وقف مع سامي بعد مشكلة البحرين في المنتخب الأولمبي...و بعد مشكلته مع بندر بن محمد اللي وقفه لأنه راح لدبي قبل مباراة مهمة للهلال...و بعد ما رفض يطلع من الملعب بتغيير من هانجيم قدام الاتفاق...و بعد تصريحه عن أدموس و الهلال في التلفزيون...سامي...الجمهور معك...خلك واضح معه! سامي..........أنت من أبرز اللاعبين في السعودية...و الكثير يعتبرك الأبرز...و ما أحد يلومهم بصراحة....من حقنا عليك أن نقول اللي في خاطرنا ( كجمهور صادق محب ) بصوت عالي عشان نثبت لك و للناس كلها أننا في الهلال نتعامل مع بعض بطريقة مختلفة...أكيد أنك بتتقبل هالشي...لأنهم في أوروبا متقبلين! |
رد: مشاكل سامي الجابر!!
يغيب المعاملتين كثيرا ويعود بموضوع مثير للجدل
لا نريد منك أن تكذب وتخالف الحقيقة.. ولكن ظهورك بمظهر المنتقد دائما لايجعل أحدا يتقبل آرائك حتى وإن كانت صادقة لي عودة إن شاءالله |
رد: مشاكل سامي الجابر!!
المعاملتين ..
موضوع جميل ومنطقي .. ولي قناعة كبيرة فيه ..: ) بس مهما كان هذا ابوعبدالله ...>>داري انك بتقول شوفوا هذا مثال !! لكن تحملني يا الغالي .. ابوعبدالله مهما فعل ومهما سوا .. نبقا نحبه ونحبه ونحبه .. ولا يمكن نسوي له شئ .. . . داخل قلبي كثير من الكلام ..:) لن اتوقع ما راح يطلع .. بسبب المجاملات : ( . . لك مني كل التقدير وبانتظار جديدك .. . محبك محمد |
رد: مشاكل سامي الجابر!!
..
* موضوع ليتني ماشفته p7 المعاملتين ما انكر ان في موضوعك قليل من الصح بس بس ابي بأخذ الموضوع حته حته وشوف رأيي كاحد جمهور سامي بل من عشاقه _ غريب يامعاملتين اذا تعتبر تعلق الجماهير بالاعب مشكله _ اعذرنــي اذا فهمت المشكله الثانيه غلط بس اللي فهمته انك تبي تقول ان سامي يسغفل المجتمع كونه ذكي ...!! اتمنى يكون فهمي غير صحيح _ قلتوا هالجمله كثير من يوم كان بالعشرينات ماعجزتوا ؟,,كبير وقيدم هالمستوى اذا نزل , أجل ليت كل الهلال لاعبين كبار عـلى ما اعتقد ان تاريخ سامـي يشفعله بان نخليه على راحته وكـل شي يسويه نرضى فيه واذا كـان أخطأ في اداره ورئيس نادي يحاسبون اذا هم ماتكلموا ولا قالوا شي حتى حنا مانتكلم يا اخـي سامي أكبر من انه يستغفل جماهيره وعشاقه واذا عن العقود فسامي مثل ماقلت مثله مثل اي لاعب يدور مصلحته يحبنا يعشقنا يدور رضانا اوكــي بس مو ينهضم حقه على شان خاطرنا مثل ماقلت سامـي لاعب مشهور وكبير ومطالب ومن حقه يعمل اللقاءات بس اذا بالاساس مايحضر التماريـن ومايتواجد مع الفريق أتمنى اننا نحاسبه على غيابه مو وين يقضي فترة غيابه وتتبعه ووين سافر ووين جا ومتى راح العمره ومتى رجع وكم مقابله تلفزيونيه عمل ووين هالمقابله وكم استمرت .....!! أفهم من كلامك ان تبي سامـي يعتزل وتدوره الزمن المناسب ؟....! اللي بالون الاحمر عجزت لارد عليه مو لاني مقتنعه فيه لا انا من اشد المعارضين لهالجمله بس بقول سامي لو يحضر التتويج بس حنا راضين الاستشهاد باوروبا اظن شي زين نظرا لتقدمهم وتطورهم من الناحيه الرياضيه ولثاني مره اقولك يا اخي العزيز ان الاداره اللي تحاسب سامي مب حنا وحسيت ان في بعض الاستهزاء منك من طريقة سامي بالتفكير ,,سامي تفكيره تفكير لاعب متطور ولاعب فاهم بالرياضه ويحاول يخدم الرياضه فمو عيب ان يبدأ بحمل فكرة افتتاح الاكاديميات وبالعكس سامي لازم يلقى الشكر على هاللفته الحلوه واللي من خلالها يسعى لتطوير الرياضه في بلده ولاتنسى فكرته ومفاجئته بالعمل على ايصال الاعبين الى اوروبا وفي النهايه سامي نحبه بل نعشقه اللي يسويه هو حر واحنا معه بكل شي ويكفي محاسبته على كل خطوه شكرا على الموضوع اللي يرفع الضغط يسلمـــــو .. * |
رد: مشاكل سامي الجابر!!
يارد زي الناس
ولا خل الكيبورد والموضوع في حاله :) ::: حُرر من قِبل : الــ قمرـــهـلال. |
رد: مشاكل سامي الجابر!!
يالغالييــن .. ياليــت يكون دستورنا
(قل خيراً أو لتصمت ) .. . . لعدم تشويه المنتدى :) . . يعافيكم ربي ان شاء الله |
رد: مشاكل سامي الجابر!!
يعطيك الف عافيه اخوي المعاملتين
::: بصراحه انا اوافقك في نقدك لسامي بخصوص غيابه وادري رايي بيخالف كل اللي قبلي واللي بعدي p13 انا هلاليه قبل ان اكون ساميه الهلال من صنع سامي وليس سامي من صنع الهلال الهلال من صنع نجومية سامي لأن الهلال الأكثر شعبيه في ارجاء الوطن العربي وآسياء ... سامي وصل للعالميه عن طريق شعبية الهلال واعلام الهلال وجمهوره .. وليس العكس .. لو كان اي لاعب هلالي هو من اوصل الهلال للزعامه لكان الثنيان هو من سيوصل الزعيم لأوروبا p30 ::: للأسف جمهور سامي يحابي سامي مهما فعل .. ومهما اخطاء سامي ليس رسول حتى لايخطيء ولايحاسب على اخطائه وغيابه الهلال هذا الموسم وفي اوله كان بحاجه لجميع اوراقه نغفر لسامي لو كان في اجازه اكثر من زملائه بأسبوع او اسبوعين لابأس لكن ان يغيب عن فتره يحتاجه الهلال فيها بحجة جاهزيته لنهاية الموسم والمباريات الهامه فيها .. إذا لم يقف مع الهلال في البدايه لا يستحق ان يحمل الكأس في النهايه حتى لو كان اسمه سامي .. p30 ::: حتى الشلهوب الصغير اصبح اهم الأوراق الهلاليه وحسم بطولات للزعيم كما فعل سامي .. الفرق بينهما التاريخ .. ومع الإستمرار في الملاعب الشلهوب سيصنع لنفسه تاريخ ::: التأهل لكأس العالم بذل فيه مجهود سامي وكذلك الشلهوب بذل مجهود وكذلك محمد أمين وكذلك ياسر .. فماالفرق هل لأن اسمه فقط سامي ( مع حفظ تاريخه ) يشفع له بالغياب الطويل عن فريقه الذي قدمه للعالم اجمع .. ::: من وجهة نظري سامي لايستحق هذه الإجازه الطويله لو كان اسمه مارادونا المعجزه وليس سامي .. ::: عذراً سامي أحبكـ p30 لكن لقد اخطأت بحق ناديك وعشاقه الذين يعشقونه قبل اسمك ::: صباحك ورد |
رد: مشاكل سامي الجابر!!
خله يسوي اللي يبي
يستغلنا يستغفلنا يتدلل يشوف نفسه يحرق دمنا يلعب بمشاعرنا مايحضر تمارين كم عندنا سامي ياخي بكره اكثر ناس بنبكي عليه أحنا :(: يمكن كلامك منطقي فعلا .. بس مو وقته والله ,, تكفون خلوه لاتحصون غلطاته...انا ادري انه تلف حالي وضيعني... وادري سواة العدو ابرك من سواته...بس ان قلبي واعرفه مايطاوعني... هذاك انا اضيع لاطالعت نظراته...بعيونه السود يسمح لي ويمنعني... احلى علامات فـــ الدنيا علاماته...متع نظر كل من شافه ومتعني... خلوه يخطي انا راضي بسياته...يخطي بكيفه ولكن لايقاطعني... من كثر ماغليه صرت افرح بزلاته...ولو قلتوا:اخطا عليك اقول: وش يعني؟؟ ....خلاني امشي على كيفه ومشهاته...طوعني شلون ؟؟ مدري بس طوعني... ومضه : قرب الرحيل وخاطري منك ماطاب :(: |
رد: مشاكل سامي الجابر!!
هلا بالناقد BBP
مزاجية سامي أعتبهرا مزاجية ضررها يعتبر قليل نسبيا.. سامي أخذ إجازة والادارة وافقت.. ليش نلوم سامي دام طلبه تم الموافقة عليه؟ لو الادارة رفضت وسامي راح وقتها نلوم سامي p13 برضو من جهة أخرى سامي ما أشوف هالموسم سوا شيء خطير يعني!! تقنعني لو كان موجود بالخليجية بيلعب؟ بالكثير الشوط الثاني قدام السالمية ان لعب p18 بطولة فيصل بن فهد مستحيل يلعب فيها سامي برضو p18 يمكن سامي فقدناه في مباريات الدوري اللي الهلال متصدره حاليا p18 يعني باختصار سامي دوره نفسي أكبر من ماهو فنّي ودور خبرة أكثر من دور الجهد..!! سامي نحتاجه بكأس ولي العهد كونه خروج مغلوب والخبرة مطلوبة وأكيد نحتاجه بالنهائيات والمباريات الكبيرة.. حتى الآن سامي ما احتجناه بشكل كبير سامي أذكى لاعب مر عالمملكة وهذا شيء معروف.. وجملة دائما أقولها وقلتها الموسم الماضي في فترة غيابه وانتقده أحد الأخوة الهلالية وقلت هالجملة: "سامي بالذات يعرف متى يغيب ومتى يعود..!!" رجع سامي وشفنا كيف ساهم في كأس ولي العهد حتى النهائي كيف يوم دخل الهلال ثبت مستواه وصار أكثر هدوء في الوقت الأخير اللي يعتبر أخطر وقت بالمباراة.. سامي مايستغفل الجماهير عالاقل من وجهة نظري.. وكلامه عن سيء الذكر آديموس أنا موافق عليه وكلنا ندري وش صار بسامي أيام آديموس وكيف انخفض مستوى سامي وكيف كان الهلال يلعب وتحسه فريق ناشئين ناقصه القائد اللي ينظم الفريق لان القائد وقتها كان "مجروح" p13 ملاحظة للي بيردون ردود ماصلة ترا مافيه أحد فوق النقد ياتناقش وتقول وجهة نظرك بكل أدب واحترام او فيه زر اسمه الخلف الله لايهينه.. المعاملتين منوّر BBP |
رد: مشاكل سامي الجابر!!
انتظر التنسيق..
|
| الساعة الآن 11:26 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0