بسم الله الرحمن الرحيم..,!!
.
\
.
صباح الفل والكـــادي والخير !!..صبــــاح مايليــ إلأ بأحبــــــــــابي ــــــــــق..,!!
.
.
\
.


((في بيتــــــــنا شغـــــــــاله))
.

القصه ومافيها أن سنـه من السنوات راح الوالد الله يحفظه وخطب الوالده الله يخليها..طبعاً جدي شاف وتوسم في أبوي نعم الرجل ووافق وزوجهم بعضBBP..
.
وطبعاً أنا جيـــــــــت لأحد يقول لـــــي وشلون ..
.
أمــي تكلم الوالد:ليه ماتجيب لنا شغاله تشيل عنا حمل البيت.
أبوي:لعنبوك وش حمله>>>مدري ليش أحس ابوي يشبه السدحان اذا قال هالكلمه .
أمي:هالشغل والكنس والطباخ والغسل وهالحوسه.
أبوي:وأنتــــــــي وش تســوين؟ماغير دوجه بهالاسواق وركض للجيران واللي يسمعك تطلبين شغاله يقول ماتطلع لأحد من كثر الشغل.
أمي:أي بالله كثير جب لنا شغاله ولايكثر>>أحسن أمي قوووويه.
أبوي:معصـــــي أشتغلي أنتي وإلأ خلي هالمتكيه وراك تحرك دمها.
أنــــــا:no we بابي مستحيل
أبوي:ونت عليك الصواعق وش مستحيله
أنــا:تبغاني أغسل وأكنس طيب أفرض الغبار طار بوجهي وووسخ بشـــرتي وإلا أفرض المويه كسرت أضافري وإلأ الشغل يخرب جســـــــمي نونو بابي ســــوري.
أبوي:لعنبو أبليسك لاصار الماء يكسر أجل العصا وش يسوي
أنـا:عصا وش تبغا فيه دادي؟
أبوي:أبكسره على ظهرك.بعدين تراني أبوك مانيب بأصغر عيالك دادي وبابي..
أنــا:بــابا شف أنا وأمي ماراح نشتغل تبغا تجيب خدامه جب ماتبغا تراهم يمدحون أكل المطاعم..
أبوي:الشكوى على الله بس..
.
.

وجــــــاب الوالد الشغاله المسكينه وطاحت بأيدينــا..ماغير ميـــــري ميــــــــري..
.

أنـــــا:ميري ميري ميري وصمخ ليش ماتردين.
ميــري:شنو وصـــخ ماما؟
أنــا: وصخ بعيـــنك أقول صمــــخ ياحماره أنقلعي جيبي لي فطـــــور!!
ميري:ماما حرام عليك أنتا قووول صمخ بعدين أنا في ماما في بابا في بتشا في زوج شنو صمخ..
أنـا:ماما بعينك ياقليله الحياء من اليوم ورايح أسمـــــــي أنســـــــــه مش ماما..
ميري:أســـــــه..أسنــــه..ماما أسم هذا واجد صعب خلي ولـــي خلي أسم أول كويـــس..
أنا:أسمــــــي أنســـــــــه فاهمه وياويلك تقولين ماما..
.

ميــــري:أنســــــه قوم يالله أنا جيــب فطور.
أنــا:زيــــن أذلفي عن وجـــهي..,عشان أكل من دون غثيــان من شكلك.
ميـــري:أنسه وسو شكل أنا مافي كويس أنا أنسانه أنتي ليس كلام كذا مافي كويس..
أنا:بعد تراددين ياقليله الحياء وكلامي مب زين هين أراويك شغلك اذا أفطــــــــرت..
أنــا:وااااااو جن مو شاي هذا مضــــاد مافي سكر كلش,ميــــــــــــــري..
ميري:وهي تمسح دموعها.نعم أنسه.وس يبغا؟
أنا:تعالي ولايكثر يادموع البقــــــره.
ميري:أنســــــه الله يخليك أنتا مافي قول كذا أنا أنسان سيسيم أنتي مافي بقر..
أنا:الا بقـــــــره ونص يالهبلا..ليش الشاي مافيه سكــــر,,
ميــــري:أنا حطي سكـر في شاهي واجـــــد بس أنتا كذا يحب قرقر واجد >>حسيت أنها هزئتني..
أنـــا:قرقر واجـــد هين وأشيـــــــل الشاهي وأكبه على يــدها وهوحــــار..
مــــيري:وااااااااااااااااااو وتصيح ونتماسك أنا وياها الشـــــوش وتعالوا شوفوا ميري تصيح وتضرب من الوجـــــع وأنا أصيـح لأن الشغاله ماسكه شعـــــري ..
أمـــــي:هــه وش فيكم وتركض مع الدرج..
أبــــوي:يركض خير وش السالفه؟
أنــــا:مامي بابي لحقوا علي الشغاله ماسكه شعري..
أمـــي:الا ياقليله الحياء ياميري بعد ماسكه شعر بنتي ياللي ماتستحين المفروض تخدمينها مو تطقينها هذي وليه نعمـــتــك..,
ميــري:ماما أنا مافي طقي هي أول كبي أستكانه على يد أنا وااااجد حار وعـور بعدين كلام أنا مافي كويس بقر حمار هذا كلام مافي كويس..ماما نعمه من الله مافي بنت هذا واجد مجنوووووووون
أبـــوي:عزالله أنها ماكذبت في جملتها الاخيره..
أنـــــا:لالا بابي هذي اليوم نسفرها ديرتها ماتصلح أبد..
ميــــري:لابابا مافي سفر لاماما أنسه ســــوري واجد أنا مافي سفر انا في بتشا جوعان مافي مدرسه يبغا فلوس أنا يبي شغــل ..
أبـــوي:روحي ياميري خلاص للمطبخ..
أنـــا: لاوش تروح ماتروح إلأ أنا أخذه حقي منها خربت شعري وش أقول لصديقاتي بالمدرسه أقول الشغاله خربته لالا مابي ههههههههييييييي>>>خوووش بكــي والله من قل السنع..
.


أنــــــــا:يمــــــــه,وينهـــا هالسقيمــــــه.؟
أمـي:منهي يابنيتي.
أنــا:ميــــــــري.
أبوي:يابوك قلتلها تريح شوي بغرفتها المسكينه قايمه الساعه 4 الفجر وماقعدت أبد وهالحين الساعه 7 المغرب حراااااام عليك أرحميها شوووووي..
أنــــا:هــي جايه تشتغل مو تريح عمى بعينها تقوم تصلح لي عصــير برتقال.
أبوي:أمسكي بطنك شــوي هي شوي وبتطلع وتحط العشاء وأضربيبها على السفــــره.
أنــا:دادي وش أضربها يارررربي وين أصرفها ذي قل كولي أو تعشـــــي أرتق شوي ياخي..
أبــــوي:وين أرقـــــى.
أنا:للمستوى الحضـــــاري.
أبـــــوي:وينـــه فيه هــذا عندنا بالهديره..
أنــــا:واااااااي بابي المستوى الحضاري مستوى وهمي بس عشان البرستيج..
أبــوي:مافهمت الاولى عشان أفهم الثانيه أقول بس يالله حسن الخاتمه
أنــــا:أفتح باب الغرفه على الشغاله وألقاها منسدحه على السرير.وأتلها من شعرها وهي تصارخ قومي يلا سوي لي عصــــير..
ميري:أنسه أنا تعبان كثير مافي نوم ولاراحــــه الله يخليك يبغا يرتاح شوي أنا قوووم بعد10 دقيقه سوي حق أنتي عصير.
أنــا:لاقومي سويه هالحين وأضربها برجلي قــــومي..
ميــري:هيــه أنتا بنت مجنوووون شيل رجل أنتا من وجه أنا أنا شوي غسلي وجهي صابون كويس أنتا ليش ودي رجل أنتا هنا أنا أنســـــــان..
أنـــــا:أقوووول قووومي وأقومها المسكينه من مكانها وكلمتها مجنووووونه تقرقع بقلـــــبي>>حقدت ..
أنــــا:ميري سويتي عصـير..
ميـــــري:أيــــــــوه..سوووي خوذ يشرب انتا كل يوم يشرب عصير جسم مافي كويس كلام مافي كويس فايده عصير وين روح أنا مافي معلوم..
أنـــــا:طيب اذا خلصتي من العشــاء سوي لي سلطه بالجـــــبن والساعه 11 أبغى صينيه دجاج بالجبن برضو والساعه 2 سوي لي عصير عشان الرجيم ولاتسوينه هالحين لا سويه الساعه 2 الا ربع عشان مايتلوث واذا خلصتي ارقي غرفتي فووووق رتبيها من كل شيء ونظفيها وبعدين غسلي ملابسي المدرسه..
ميــــــري: ..أنسه حراااااااااااااااااام أنا مافي نوم يبغا نوم هذا شغل كله مافي خلاااااااااااص..
أنا:مالي دعوى..
ميري:طيب أنا يبغا كلم ولد مال أنا يبغا شوف كويس مافي كووويس ..
أنـا:مافيه يوم أنك تبينهم ليش تجين وتخلينهم..
ميري:واو متى أنتا زواج روح من هنااااااااااااااا
أنــــا:عجبتني السالفه قــــــولي أمين ياميري
.
.
ومسكيــــــــــنه هالميري كل يــــــــوم على ذا الحــــــــاله وأردي بعد الى ماربي عقــــل علي..

أمي:ياميري.
أنا:هلا ياميمتي>>لاحظوا الفرق سمي وش تبين؟
أمي:وين ميري بغيتها ترتب الصاله؟
أنــا:ميري مسكينه تغسل الملابس أنا أرتبها يمه هي وش تشيل من الشغل ووش تخـلي.
أنـــــا:ميري.
ميري:نعم ماما>>>عقلت عن المياعه بعد..
أنـــا:تبغين مساعده ولاشيء.
ميري:لاماما شكراً بس يبغا خلاص كلم بتشا أنا.
أنـــا:أوكـــــــي أنتي بس خلصــــي.
ميري:كلمتهم ومن بكرا جتني ماما أنا يبغا أسلام.
أنا:الحمدلله وش عندك ياميري.
ميري:ماما مسلم واجد كويس معامله أنا شوووف أنتي اسلااااااااااااااااااام كويس..

وأسلمـــــــــت ميري وأنا عقلت وعــــــدت لعقلــــــــي..
.
.
\
.

الزبــــــده

لازم نشعر أن الخدم نـــــــــاس مثلنا:

لهم شحـــم ودم أوااادم يحســــون..!!
يتعــــــــبون مثل مانتعــب من الشغل..!!
يشتـــاقون لأهلهم مثل مانشتاق لأهلنــا..!!
ينجـــرحون ولهم مشـــاعر مثلـــــــنا..!!
.
.


شغلـــــــــــهم لاهو بعيب ولاحـــــــــرام ومعاملتنا الطيبه لهم تجعلهم يأخذون فكره عنا وعن مجتمعنا كــــويسه ويعتنقون ديننـــا الحنيف وهي فرصه لدعوتهم للشيء هذا..)
.

تعييبنا لأعمالهم يدل على قلـــه وعينا مهما كان لأن خادم الرسول صلى الله عليه وسلم يقول في مامعنى الحديث (أنه عمل عند الرسول10 سنوات ماقد أشتكى الرسول في يوم من حـــــاجه عملها..)
.

ديننــــــا دين التســــــامح واليسر..نعاملهم على أنهم أنـــــــاس وليسوا الالات وتخيـــل فقط:

لـــــــو أنك مكانهم وتعمل عملهم..؟
.
لانشعرهم بالغربه في ديار المسلمين..ولابالوحشــــيه من تعامل المسلــــــــــمين..!!
.

بالعكــــس تماماً وجزاء من يقـــــدم لك معـــــروفاً (جزاك الله خيراً) BBP وليـــــــس:ضــــرباً..
.
.


تقبلـــــــوا تحيــــــاتي:

حـ سعودي ــلاها..BBP