شلونكم اليوم.. ان شالله زينين؟
ودي اليوم افظفظلكم شوي عن معاناتي الدراسيه في رمضااااان
اقول لايكثر بس
انا حياتي اليوميه في رمضااان<<تقول مر اسبوعين كلها يومين
ماعلينا المهم ...تبدأحياتي كالتالي
افتح عيوني الناعسه الساعه 9.50 دقيقه يعني مع النوم اللي ابو دقيقتين والتمغط صارت 9.55<<حاسبتها مظبووط
اصلن انا لازم اكون بالجامعه الساعه10,40 عشان المحاضره ..ومن بيتنا الين الجامعه ثلث ساعه مع
زحمه رمضاان يبيلي عشان اوصل ساعه ساعه الا ربع المهم انا اخرج من البيت مع
زحمه رمضااان اوصل 11 ويكون مار على المحاضره تقريبا ثلث ساعه . طبعا مايدخلوني المحاضرهp21 اقعد استنى المحاضره الي بعدها ..فاحضر المحاضره الثانيه الين الساعه 12 وتخلص..تخيلوا من الساعه12 الين الساعه2 بريك
والله حراااام
يعني مو اجوع فيه
<<اقهر نفسي.. مو اعطش فيه مو طفش فيه.. بيني وبينكم اموت فيه.. مع اني اخذ معي قران عشان اقرا هناك
بس اقرا واخلص والمحاضره مابدت
طبعا تجي الساعه 2 وانا خلااااص مو مقفله ماني شايفه شي قدامي وطبعا الدكتوره اللي تشرح مدري وش تقول هي في وادي وانا في وادي<<وادي النوم
واخيراا تخلص المحااضره اتخيلوا 3 العصر والله حرام عليهم طبعا انا ماصدق تخلص اقسم بالله افرح فرح موب طبيعي..
اطلع من هناك اوصل البيت الساعه 4 اربعه وشوي ليش ياترى
عشان
زحمه رمضااان ..اوصل البيت اتروش طبعا واتوظا واصلي العصر بما انه اذن.. واتبطح على السرير وتكون كذا الساعه والحمد لله 4 ونص خمسه الا عبال ما انام تكون 5 وربع ولا ونص.. ما انملي ولا ساعه الا ويالله قومي يابنت اذن المغرب.. ووالله من يوم مااصحى الين ماانام وان جسمي مو تعباان خلاااص احس عمري سبعه وثمانين سنه <<مااقصد شي
و طووول الوقت متبطحه على الكنبه ماابي اسوي ولا شي.. واشوف الناس عايشه حياتها يروحون للتراويح يقولولي تجي اقلهم مااقدر اتحرك يروحون يسوون عمره يقولولي تجي وردي طبعا مايتغير