بادء ذي بدء << ترا ما نزّلت الموضوع إلا علشانها


كل عام وانتم بخير ...


ومن العايدين ومن الفايزين انشاالله
<< تخيّلت علي عبد الكريم في الملاهي مع البنات يغنيها

اممممممممممممممم .. طيب..

اشتقتولي << اقول ضفي وجهتس ..



انا بصراحه من زمان وانا ابغى انزّل موضوع يفلئ الصخر <<برااا

وخصوصن في قسم الشعر اللي اموووت فيه واحس اني مقصره من ناحيته ولما شفت العضو المتألق وجه سهامك

فاتح موضوع ويقول ان قسم صدى المشاعر راكد شوي فأخذتني الغيره << هدي ياماما وبعدين لاتتابعين مسلسلات عربيه كثير

قلت لازم اسوي شي يخلي الاعضاء يفرفشون << لا يكثر وهاتي اللي عندتس


ما هنا الا سلامتكم << تخطب الفاهيه


مسابقه بين االبنات والشباب مسابقه شعريه << اكيداجل وشو



اولن نختار موضوع شعري (غزل او فراق او شوق او حب ......إلخ
وكل واحد يجيب بيتين بنائن على الموضوع المطلوب..

في حال ان الشباب ردوا خمس ردود ورا بعض

وكل رد فيه بيتين يختلفون عن بعض بدون ما يتخلل هالردود رد لأي بنوته
هنا تحسب نقطه للشباب ..

بالإظافه ان آخر واحد من الشباب الخمسه رد يعني الخامس <<احلفي
يختار وحده من البنات اللي شاركوا بالردود ويسألها سؤال
<< وياليت يكون السؤال محرج علشان يصير فيه اكشن

او يطلب منها ترد على اي موضوع من المواضيع المطروحه بمنتدى القناص (موضوع هو يختاره)
<< حتى لو انها ما تدري وين الله حاطها فيه ..ترد

هذا غير انه يختار نوع الموضوع اللي راح نبدا فيه المسابقه اللي بعدها..

طبعن والعكس صحيح بالنسبه للبنات..


فهمتوا ..؟؟


< مثلن.. >


الموضوع ( ابيات ساخره )


هوبلااا ...

يـا موتري عشرين مرة موديك
يم الحراج وما حصل لك مبيعة
نشبت في حلقي وانا ناشبن فيك
ضيقتهـا ضاقت عليك الوسيعة


الزعيمااات ...

ياقطو ياللي ساكنن بالبراميل
ما شفت خلي يوم كب الزبااااااله

دجه هانم ...

كلميني .. فــانتفش
فإنني راجــل حمـش
فحبي ليس غشمــرا
وإنمـــا حبي هبـش

ريم الفلا ...

ياناس وين سبنش باباي
واعطيه خان نقل همي
حتى يصارع جميع اعداي
واول ما يذبح ولد عمي


نو وي << عجزانه اكتب بالإنجليزي


تطورت العنز مع من.. تطور
ولا هوب مقصور التطور على الناس
ترضع صخلها من حليب مبستر
تخشى رشاقتها مع الوقت تنداس


إذا اكتملت ردود البنات بدون ما يتخللها ولا رد لاي شاب تحسب نقطه للبنات..






( ملاحظه )

يمكن لأي مشارك ان يكتفي ببيت واحد فقط يعني مب لازم بيتين ..

يستطيه اي مشارك ان يرد اكثر من مره بس ما تكون ورا بعض
واي احد بيرد مرتين ورا بعض بتروح النقطه للفريق الثاني


يالله بنات شدو حيلكم ...

وخلوني ابدا المسابقه وبختار موضوع (الشوق )