.
.
.
السلام عليكم ورحمه الله وبركاته
ومساكم الله بالرضا والعافيه وعساكم على القوه
أبارك للجميع بقدوم هالشهر الفضيل عسى الله يقبل منا ومنكم
خالص الأعمال ويساعدنا على عمل الخير والصلاح أن شاء الله
أستهل موضوع ببعض كلام المعاني في هذا الوقت والله يعين من هالوقت
| حب أيه أللي أنت جاي تقول عليه |
مسكين ذاك الغشيم أللي لايزال يعتقد أن للحب مكان فهو لايعلم أننا في زمن الماديات
مره قال لها : أحـبـك .. ؟
ضحكت بصوت عالي .. وقالت له صحيح !!!
قال من كل قلبي أحس بشي يسري في دمي .. وفي جسمي .. أحسست بشي
جديد يلامس شعوري أعتقد أنه بعد التخيص سيكون .. (( الحب )) !!
- مره أخرى تضحك .. ولكن هالمره بقهقهه وتقول يبدو أنك (غارق) بالحب إلى شوشتك
يتحدث بحسره .. ولكن لا أرى أي تفاعل منك !!
بكل بساطه تقوله وش تبيني أسوي من رده فعل يالحبيب (أزغرد) على أني لقيت واحد يحبني
قال أيه ووين تلقين أحد مخلص بالحب مثلي لو درتي هالدنيا ماراح تلقين أحد مثلي مخلصه بحبه
أنا أحبك من كل قلبي .. أنا أريد الزواج منك .. !!!
( بدأ الجد يأخذ طريقه بالحديث )
قالت سأكون معاك صريحه .. أنا أبي حبيب وزوج يملأ عيني ..
قال ووش يملأ عينك فيه .. قالت يملأ عيني بفلووسه ماأبي زوج لاتمنيت شي ماطاله
أبي زوج يحقق كل طموحي بيت وسياره ذهب ومجوهرات أبي أنسى عيشه الحرمان
وأني أقل من زميلاتي أبي أني أنساها للأبد .. !!
ماأبي زوج ننام ونصحى وحنا نعيش هم المال وغيره وعلى فكره .. !
علشان ماتواصل بأحلامك أللي ماراح تحجقق منها شب .. وعلشان نعيش الواقع
فأني أحب أقول لك أني قد تقدملي شاب من عائله ثريه .. صحيح مايحمل شهاده
لكن شي يغطي على شي .. وأحب أني أذكرك بالأغنيه ..
( حب أيه أللي أنت جاي تقول عليه )
حس الرجال وقتها بحزن ملأ صدره وألم حارقن قلبه .. وقال ( الله يوفقك)
* بعد سنه الولد سمع من أمه أن هالبنت أللي كان يبيها تطلقت *
هذي سالفه خويتنا الملثمه الظاهر كذا تحب يسمونها
| رمضان شهر الخير والبركه |
مبروك علينا وعليكم قرب هالشهر .. صحيح حنا شعب مسلم نفرح بهالشهر
وكل منا مجهز جدول يحبه قلبك من المقاضي ومن السهرات وعلى قولت الربع
( تعلله) والحمد لله الله يديم هالنعمه هذا فلان اليوم عازمنا على الفطور وأبو فلان
عازمني أنا وكم واحد من الربع على الصحور .. أكيد مرته موظفه ولا منين يسوي كل ذا
وصلنا 28 رمضان يلله لك الحمد قرب العيد والله يختم هالشهر بالخير والدعاء المستجاب
أبو عبدالله خذ العيال ودهم للسوق يشترون ملابس ويتقضون للعيد ..!!
الله يعني وش الدبره مابقى بالجيب شي وكله طار هالشهر وش أقول للعيال
هذا يوم فرحتهم ولا ني قادر أشريلهم أللي هم يبونه ياشينها كسره الخاطر
* أقول أم عبدالله وش رايك بس نخلي هالعيد كشته يمدحون الصمان هالأيام *
| صدق الشاعر عندما قال بمطلع قصيدته بوس الواوا |
الله وش هالأغنيه أللي طايحين فيها العالم كل مافرينا بهالتلفزيون وهي قبالنا
ويقولون أنها كانت متوزيه أول أيام القصف بعدين سافرت لديره بعيده خوف على (السيلكون)
أيه عز الله أفلحنا بس يقولون فيه لها منافسات الرمانه والخوخه والأخير التفاحه ياسلام
هذا بقى يقولون عقب الأغنيه حياكم الله على قل الكلافه .. وش الدبره عيالنا أدمنوا هالأغنيه
* بس ماكانت هالخرابيط موجوده على أيام الرئيس المخلوع *
| الوجــــــه الحــــزين |
مابقى بالعمر كثر أللي مضى .. أرسم البسمه على الوجه الحزين
حاول أنك تاخذ الدنيا رضى .. وكل قاسي ياهوى بالي يلين
ياعيوني ضاق بالصبر الفضى .. وزادت الأشواق من كثر الحنين
طبعك القاسي يحقلك وأفرضى .. كل شي منك في عيني يزين
ياحبيبي لايحل بنا القضى .. لك حبيبن ينتظر طول السنين
ينتهي عمري وحبك ماقضى .. مالي غير الله وبالصبر أستعين
* الله عليك ياغيوض وش خليتي عقب هالقصيده *
.. الصوره هنا من تصويري أهداء للمجلس بمناسبه قرب شهر رمضان ..
,
,
17-09-2006, 11:44 AM
سوالف المجلس + مبروك هالشهر
العرض الشجري
