::بـســم الله بـدأنــا الــموســم .. بـ هلال بـديـع المرســـم ::
نعم لا اعني تماما ما كتبته في العنوان .. فهلالنا امس لم يكن في المستوى الذي يتطلعه عشاقه .. ولكن كـ بدايه .. فالمستوى اهم من النتيجه .. وان كان المستوى مقبول نوعا ما
بدأنا بتشكيل مكون من
الدعيع
الخثران المرشدي تفاريس العبد السلام
الغامدي عزيز
قوارو نواف الشلهوب
الجمعان
أسأله اتمنى يجيب علي فيها بوسيرو
1- وجود المرشدي مع جاهزيه المفرج .. وان كان المفرج غير متعود على المباريات .. استفد من خصمك ( الهزيل ) واقحمه ولو بالشوط الثاني
2 - الجمعان وحيدا بالهجوم .. الا تشاركني يا ( السير ) بوسيرو ان الصويلح افضل لياقيا لـ تزج به من بدايه المباراه .. والجمعان يكون اخر الدقائق
الأسئله مطروحه لبوسيرو ليس بقصد التدخل بل ( للفائدهـ )
عموما خلونا من بوسيرو الي احس انه بيسوي شي هالموسم بإذن الله ..
صارلي موقف قبل المباراهـ .. دخلت من عند الأمن .. وطبعا فتشوني ومعي علم كبير ودي اعلقه ... قالوا بنشوف وش مكتوب بالعلم اعنبوا داركم جاي مباراه الهلال وش ابكتب ( اتي لحالوا ) ؟ .. المهم قلت من حقهم ويفلون العلم شاف العباره وقال .. لا ممنوع .. انا قلت ههههه يا خف دمك .. اثر الرجال يتكلم جد .. قلت وش الممنوع قال الأسامي الي مكتوبه تحت .. مع انها اسامي عاديه ( هلالي اس اس - كودو - ابو عتب - يمني اصيل ) .. اخذت العلم والجدعه بالسياره .. قلت وش فيه بعد .. ويفتش يلقى حلاو ( باونتي ) قال وش تبي فيه قلت بصور معه اكيد باكله .. قال ممنوع ,, ابفهم بس الباونتي له علاقه بالنقبله النوويه ؟؟ تخصيب اليورانيوم ؟؟
المباراهـ ==
بصراحه ما تعودت ادخل مباريات الهلال والقى الجمهوب بهالقله .. وصلت للملعب الساعه ( 7 ونص ) والله الي قاعدين يمكن 100 بالكثير .. المهم قعدت وبعد ساعه بالضبط بيضوها الشباب .. اشوف ( هلالي وان جار الزمن ) متحرك من اليمين الى اليسار وكأنه يسخن مع اللاعبين .. الجمهور متفاعل مع دخول الشلهوب .. والوضع كان قمه لـ يبدأ بها زعيمنا رحله الـ 1000 ميل ..
بدأت المباراه وكان الحذر يكسوها .. جس النبض قد يكون 15 دقيقه كـ حد اقصى .. ولكن طالت المسأله .. الجمل لا تكتمل .. ربما لـ بطء الجمعان بالمقدمه .. كرات بين الغامدي وعزيز والشلهوب والعبد السلام .. عادتاً ما تقطع من قبل محاور الخليج والأظهره .. الى ان جاءت الدقيقه 26 وقتها سدد الشلهوب تسديده جميله .. كانت مثل جرس الإنذار .. الجمعان ومقصيه رائعه .. افتقدت لقليل من التركيز .. الهدف الهلالي الأول المشكوك في صحته .. الغامدي يستلم الكرهـ .. والله يا جماعه انا بالملعب فـ صعبه احكم هي بيده والا لا .. مررها للتمياط الذي لم يتوانا في هز الشبك .. بعدها هايط شوي حارس الخليج ( نكته المباراه ) ,, وياخذ اصفر مستحق ..
لينتهي الشوط الأول على نغمات ابو حقوي وهو يقول ( من تحدانا .. من تحدانا )
الشوط الثاني ..
نفس التشكيل .. لم ينتبه لـ هفوات المرشدي بالشوط الأول لذلك كنت اتوقع تبديله بالمفرج .. ولكن اصر السيد بوسيرو على هذه التشكيله ..
5 دقائق كره في منتصف الملعب .. نسبيا افضل من الشوط الأول .. الخثران يملك الجهه اليسرى وكأنه يتجول في ( المضمار) مهارات غير عاديه .. استحاله قطع الكره منه .. تمريرات رائعه فعلا هو نجم يلفت الإنتباه .. تكتيكيا الشوط الثاني افضل .. من ناحيه الوصول الى المرمى .. واللعب على الأطراف عن طريق الخثران ..
كرات طوليه من نواف بالمليمتر يا حبيبي بالمليمتر .. ولكن تتمنى وقتها وجود ( سامي & ياسر بالمقدمه ) مع كامل احترامي للجمعان .. مشكله الجمعان تأخره مع انطلاق الهجمه واستسلامه الواضح للرقابه .. لا يا عبدالله ما بعد بدينا الدوري والجماهير معلقه فيك امل كبير .. اتوقع منك المزيد .. وبإذن الله مع وجود التايب واكتمال جاهزيه الشلهوب نجدك هدافاً كما عهدناك ..
كره عرضيه لفريق الخليج .. دفعه وااااااضحه من العبد السلام .. ليحتسب الحكم ضربه جزاء صحيحه ميه بالميه .. الحارس يركض من على بعد 100 متر يقول خلوها ,, قلت للي معي يا صاحبي ( الكوره يا انها بتشق الشبك .. يا بتكسر الإعلانات ) الرجال منفعل بعد الكرت الأصفر ومستحيل يشوتها برواق ..
عميد لاعبي العالم .. قهر ( نكتتهم ) فرددت الجماهير ( فاشل فاشل ) .. ولكن اعجبني الحارس حينما وضع يده على راسه وكأنه يقول ( على راسي ) ..
هدف لـ قوارو جميل جدا اثر المتابعه الرائعه بالرأس .. ليأكد هذا اللاعب انه علامه فارقه بالفريق
هدف رائع للخثران .. والأروع اصراره على التسجيل .. دخول الذياب والصويلح بدل الشلهوب والجمعان .. اثر بالفريق تكتيكيا .. فكانت لمسات الذياب على الطرف الأيسر رائعه مع تفاعل الخثران معها .. والصويلح استقبال واستلام وتسليم اروع مما يكون .. ميزهـ الصويلح اذا دخل كـ بديل .. يعطي كل ما عنده .. وعلى لعبك امس .. اظمن مكانك الى ان تتم جاهزيه الأسطوره ( سامي ) وعوده القناص ( ياسر ) ..
نقاط على الطاير
@ مستوى الشلهوب امس رااائع جدا كـ بدايه للعوده الى الملاعب .. اخطأ بالتمرير امس ولكن وضحت لمساته السحريه .. فـ النجم قادم بقوه واعتقد افضل من السابق
@ مشكله الأمن لدينا ازليه .. لا اعلم هل لأننا جماهير هلاليه !!
@ أأيد الرأي الذي يقول ( قوارو ) سينسينا كماتشو .. ولكن المسأله تحتاج الى وقت ..
@ رجوع التايب اكتمال جاهزيه كل من الشلهوب وسامي .. شفاء ياسر .. عوده الجماهير .. ستشكل المستوى + النتيجه .. والوعد 6 رمضان
# افا يا جماهيرنا #
بعد المباراه رأيت الجماهير تخرج من البوابات ونست شي لا ينسى يا جماعه .. وين ترديد ( سامي .. سامي .. سامي ) اليس الموسم الأخير لذئبنا ؟؟
صرخت سامي سامي .. ورأيتهم يتمايلون على ( سرى الليل يبو ثلاثه ) فقال صديقي ( امش بس , آآهـ يا سامي )
تكفووون يا شباب من يوم يصفر الحكم ( سامي .. سامي ) لازم تردد بعد كل مباراه كأقل ما يقدم للذيب ..