p9
السلام عليكم ورحمة الله وبركاته
.
.
.
اجتمع الخير والشر في جسد واحد
فجعل العقل في حالة توهان
تارة حب وحنان وطيبة
وتارة عصبيه وشك و دكتاتوريه
وفي كلا الحالتين يكرم ويقدر ويوقر
بينما أنتي (لناالله)
فضفضه شخصيه
أو فضفضة أنثــــــــــــــى
كتبت هذا الموضوع وكلي أمل أن تقوموا وخاصة الشباب
بالتحاور حول حالة التناقض التي يمر بها ابناء جنسكم
........................
والله من الغيره ............ الى الوراء لــ 6 ــسنوات
قريبتي : بنات شفتوا الــPOCKET PC حقي
أنا والملاك الحالم : الله ماشا الله يجنين الله يبارك لك فيه متى شريتيه
قريبتي : والله أنا ماشريته سعود جابه لي هديه ( سعود أخوها الكبير )
أنا والملاك : ههههههه ياحليله وراحت البنت
أنا : أخ ياربي ماعندي أخو كبير يعطيني هديه
الملاك : الله يخلف علينا يارب ( فينا الصيحه غايرين عشان عندها أحد يجيب لها هديه )
ياحظ الي عندها أخو كبير
أعجابي بالأخ الكبير يكبر معي
ولو كان الاخ أمنيه لتمنيته دائما
ولكـــــــن هل سيظل هذا الاعجاب يالجمــــــــــــــال ؟؟؟
.............................
قــــــــــــــــــــــــــــــــف
فهناك مفاجأة
1
ركبت السياره أنا وبنت خالتي مع اخوها وفجأه يصرخ ويقول لأخته :
غطي عيونك يابنت
------- مرتاعه وخافت وغطت عيونها
ولا يابنت بعد 
المشكله انه أصغر منها والله الاحترام
2
صديقة أختي متصله وصوتها يعبر عن قهرها
البنت : الـــــــــــــو > خانقتها العبره 
أختي : وش فيك وش صاير
البنت : شفتي النذل والله أنه يقهر الله ياخذه يشوف بس
أختي : مين
البنت : أخوي .... ماخذ جوالي يفتشه الاخ شاك هو ووجهه اكره
أختي : كل يرى الناس بعين طبعه
قـــــــــاعده عند البنات
إذا كان أخوها شكاك معناتها هو يكلم
والله أني مرتاعه يشك في أخته الوحيده متربيه قدام عيونه
مالت عليه مسوي فيها رجال
الحمــــــــــــــد لله ماعندي أخو كبير
بس مافيه أحد يكون فرعوني بدون سبب
..................
1
تفـــــــــــــــرقه
تحكي لي وحده وتقول : أبوي اذا بغوا أخواني شي وأحنا نتغدى
يقومنا عشانهم
2
إعتــــــــــــــــــــراف أم
( أنا اذا جيت أقوم الاولاد أقول قم ياحبيبي يالله لا تتأخر وبناتي فلانه علانه قوموا بسرعه والله أن بنتي تقوم مرتاعه والله أني ارحمها )
الغريب أنها عارفه وش تسوي
والاغرب أنها مستغربه من نفسها 
.......................
حــــــــــــــــــــــوار
أول خطوات تكبير الراس
أبوي : اصبروا خلوا راكان يكبر يوريكم شغلكم ( راكان أخوي الكبير الي أصغر مني بــ 5 ــسنوات )
أنا : ايه طيب 
أبوي وش على بالك هذا ولي العهد رجال رجال
كبرنا وقبل كم شهر
ملاحظه أنه يركب قدام وذاك اليوم رحنا انا و هو وفي الرجعه عطيته الاغراض يشيلها ورحت سبقته و ركبت قدام وهو ورى 
ركب أبوي
أبوي : وش تسوين قدام
أنا : راكبه عادي
أبوي : ليه هو ورى
أنا وواصله معي : حلى هو مره أنا مره هو والله الدور بالدور 
الصراحه ماأخفيكم أني أحاول أسيطر عليه وتكون كلمتي مسموعه
وأبشركم ألامور تبشر بالخير >> شريره 
حسبــــــــــــــــــــي الله عليكم ياشنبات خليتوني متذبذبه
.....................
قصه من الواقع ولكن بصياغتي أنا
لولو : بسمه وش أخبار أخوك
بسمه: أي واحد
لولو: ذاك الشري الي مبهذلك أذكر كل ماأكلمك يفصل السلك
أخوك علي
بسمه : صار ثقيل ورزين و رزه علي ماعاد صارعلي صار علاوي تصدقين اول مايحب أحد يسميه علاوي والحين زوجته ماتناديه الا علاوي ولا تلمع عيونه من الحب
لولو : ياعيني ياعيني وماصار يبهذلك
بسمه : أصلا أنا نشوفه حتى أمي ماصار يزورها الا مره وحده في الاسبوع ومع أنه مقصر لحد الحين ماترضى فيه علي وعلي
NO COMMENT
..........................
أخوي حنون 
أخوي أعوذب الله منه 
طيب ياشنبات وش السالفه ؟؟ عندك أنفصام في الشخصيه ؟؟
يحكى أن بعض الاخوان مثل القوه العسكريه في البيت ؟ وش رايك ؟
متى الشاب السعودي سيتحد مع السياسه والاسلوب الحلو ؟؟؟؟
الام تحن على الولد أكثر
وتعطيه شارة القياده في غياب الاب
وبعدين يسوي انقلاب عسكري على الام ويصير من ح** الزوجه
سؤالــــــــــــــــي
ليش السعودي اذا تزوج طلعت الرومانسيه والطيبه والتمشيات
يبعد عن أهله وخاصه أمه ليش ؟؟؟؟؟؟؟؟؟؟؟
أنا ماأقول يكون قاسي على زوجته
لكن ولكن ؟؟؟
قفلـــــــــــــــــــــــــــــــــــه
أخي الـــــــعزيــــز
أكبير كنت أم صغير أحبك
كنت خير صديق لي
جعلت من ذراعيك ملجأ أمن لي
مسحت دمعتي مرارا وتكررا
طردت كل ألامي
وحاربت كل أحزني
تكبر وأكبر
يتغير زماننا
وكل من حولنا
لكن أرجوك أبقى كما أنت لا تتغير
لا تكن منحازا وكن عادلا p9 p9 p9
03-09-2006, 01:01 AM
إذا لم تكوني شنبه أكلتك الشنبات ( ليه ياأخوي )
العرض الشجري
