شبكة القناص - الموقع الرسمي للاعب ياسر القحطاني - نصيحة لا تجيب لجدتك شغالة والا...

من الحين تبي تقرأ سالفتي حياك ماتبي الباب يفوت جملp21 <<قوية بس ماعليش
اهم شي تكون فاضي ماوراك لا شغل ولا مشغلة.. وان كنت مشغول اطلع وارجع لافضيت مو اذا ماعجبتك سالفتي جلست تحلطم تقول اشغلتنا واخرتنا ايه اللي اوله شرط اخره نور.p10

سالفتي الله يسلمك تقول:
انه اخيرا جت لجدتي شغالة بعد مناوشات وعقد العديد من المؤتمرات و اصوات الاحتجاج KB,, التي حدثت في غرفتها وعبر اسلاك الهاتف ( اللي اشوي و تعطينا الاتصالات وسام اكثر المتصلين في اليوم مية مرة)..p13
ــ والله ماتدخل عليp10
ــ حلفت انها ماتعتب عتبة بابي
ــ ياانا ياهي::G>
ــ اقول (تلايط) وانثبر << موجهه الى خالي اللي جلست القط انا وياه وجهه وجلست ربع ساعة ادور خشمه وابشركم لقيته مع اخوي يلعب فيه:d
ــ اخسي واقطعي << وهذي موجهه لأمي اللي ادبجت اختي من الفشيلة لدرجة اطلعت عيونها مع باب الغرفةpp15 (اكسرت خاطري المسكينة)
كل هذا نماذج مقتطفة من اقوال الرفض من جدتي pp30
أما عيالها اللي هم خوالي اللي هم اخوان وخوات أمي<< اخلصي
فكانت نتائج اقناعها بائت بالفشل الذريع.pp53
حتى طلعت برأسي علامة ( ! )pb034 وجتني فكرة ان نرسل برقية لكوفي أنان ليتدخل لحل هذه الاوضاع المزريةpp37 << اخس كوفي أنان مرة وحدة <<لاتشرهون عليها بلاها ان التفتت يمين طلعت لها اخبار وان راحت يسار طلعت لها برضو اخبار عادي لو شفتوني نايمة وابربر قائلتنp10 (( اطلق الجيش الاسرائيلي قذائف صاروخية على منطقة صور مخلفتن قتلاء وجرحى من عدة عائلات لبنانية وقد ندد الملوك العرب بهذا مهددين ان ماوقفت اسرائيل الذبح والذبيح ان تجمع العالم كلهم وتروح لريسهم واذا فتح الباب عليهم قالوا: شفت ذولا اللي ورانا ؟ كلهم اصدقانا ويقولون مانحبكم))pb095
وبعد ان اعلمتهم بفكرتي التفت علي خالي وقال
ـوش قلتي؟pp6
قلت والكشرة من باب الرجال الشرقي الى باب الحريم الغربيp74 :
اللي سمعت طال عمرك! وش رايك ؟ ماهيب فكرة صاحية؟pb030
وجاوبني بصكة النعلة (الجزمة) على جبهتيp11 لتخرخر الدماء وتختلط بدموعي المالحةpp7 وكل هذا يصير وامي جالسة ماقالت شي ولا سمت علي ولا جابت فوكس وملح تدهن جبهتي ماغير اناشق وعيوني تتوسل الى عطفها وحنانهاpp58 ولكن لاحياة لمن تنادي..pp54
ومرت الساعات وجبهتي كل مالها تنبت صعرير بألوان القزح قزح.pp41
وتدخلت أمي والدموع على عينيها كوابل من السيلpp56 و صرخت صرخة القهر والاستبدادpp30 :
ـ لااااااااااااااااااا يايمه ياحبيتي<< حسبتها بتهاوش خالي عشاني.. انبسطت :d
( الظاهر بشكي اهلي عند منظمة حقوق الانسان)p7
ـ ياحياتي انا مابقى على روحتي لديرتنا شي<< اخس لو إنا بالصمان عاد كلها حذفة عصا " مشوار 500 كلم بس ::D "
ـ مابي اروح وقلبي ناغصني عليتس مابي اروح وبالي عليتس مشغول مابي اقوم بنص الليل و مدري عن حالتسpp18 << علقت امي على مابي مابي بتنافس حليمة ابي امي ابي ابوي ابي زوجي pp49
وبدأ قلب جدتي يلين مع دموع التماسيح ووافقت على مضض وعلى شروطها الخاصة<<طرار ويتشرط << احس هالمثل داخل غلطp6
وراح خالي وقدم على شغالة وبدأ اللهث والمراكض ورا سراب قدومها وقالوا:
ـ ابشروا شهر وهي عندكم p3 "نحن في خدمة الشعب<<والله مافيه فرق بينكم وبين غيركم (وعود) على الطل ( واللبيب بالأشارة يفهمُ ) ! pp50
ومرت الساعات وتلتها الايام وتبعتها الشهور وشوي تلحقها السنين وجت الشغالة اول ماسمعت الخبر قلت:
ـ حجزتها << تحسبها يد بلايستشن p18
وبدأت صيحات الفرحpp28 pp48 pp5 تدب في بيتنا حتى سمعنا "رن رنات" الجرس و "طرقات" على بابنا لنفتحه ونلقى ولد جيران النشبة{:} <<خرب علينا فرحتنا
يقول: وش فيكم؟ من اعرس منكم؟ جاكم ولد؟p6 <<الله لايلومه مابقى الا نسوي اعلان بالجريدة بجيتها.
وجا الليل والمسكينة مقضبينها من اول ماجت الحمام تتروش يخافون جايبة لهم فيروس انفلونزا الطيور.. (تعرفون هالايام الواحد لازم يخاف على نفسه وعلى عياله)pp57
وتطلع بعد ساعة تلق لق تقولون الماسة سوداءpp36 << تعرفون هذه من شروط الوالدة تخاف على عيالها لا تفتنهم p18 .. والله اللي يشوفها ان يصوم سنتين ورا بعض ويمكن يحرم يدخل بيتنا p3 ( استغفر الله بس)
وجا وقت النوم وبدأ اخوي الصغير اسئلته البريئة
ـ ماما وين تنام فيه؟p6
ـ ماما كم تجلس عندنا؟:$
ـ ماما خليها تنام عندي!pp18
ـ ماما ش قلتي اسمها؟
ـ اليسا؟ زي اللي بالتلفزيون اللي تغني اجمل احساس؟pp53 <<وين يااخ لهالدرجة شوفك شجر وش جاب لجاب
وما سكت الا بخبطة من كف امي الناعم.pp10 <<الله لايلومها حتى انا ازعجني بأسئلته اللي ماتخلص
وهجد البيت من الازعاج في حلول الساعة 3 فجرا<<قالهم نايمين بدري
واقوم الساعة اربع وشوي بصلي والقى الاخوة الصغار مو بفرشهم وانزعج وينتابني الخوف الفظيع اخوتي ليسوا بغرفتهم؟!pp16
وما جا على بالي الا انهم اختطفواpp34 <<متأثرة بالأفلام
ـ الا اخواني اختطفوا<<عاد بذمتك وش فيهم من ملح يخطفون
واركض لغرفة أمي :
ـ يمه يمه لحقي لحقي.. يؤ وين امي لاااا اخطفوا بعد امي!pp18 واجلس اصيح واتشره على الخاطفين ليه خلوني؟ ليه ما اخذوني معهم؟pp56
واتذكر الشغالة قلت لايكون بعد اختطفوها<<كلن على همه سرا وانا على همي سريت:d
وافتح غرفتها لأتفاجأ بعائلتي متفرشين غرفتها نايمينp75 << فشلونا الحين وش بتقول لأهلها عنا؟ إنـا مشافيح !! يافضيحتنا عند العربان.p7
المهم ويجي العصر (صباحنا اللي قلًب من اول العطلة) ونروح لجدتي وندخل عليها وقلنا لها جبنا لك هديةCC
ونسحبها للمطبخ ونفتح الانوار وبصوت واحد
ـ (سبراااااااااايز)p15
ـ ( هبي برث دي تو يو) و قدمنا الكيكة وعليها شموعpp51
ـ قلنا هذي الشغالة وجت يا جدتي الحنونة يالله ورينا شطارتس!! p18
و مسكتها امي البيت و بدأت تفرجها:
هذا همام فيه مألوم انتا؟
وهي ماغير ادربي الدميجة وتقول: pp6 كويس كويس
ـ و هذا غرفة ماما كبير!
ـ وهذا صالة
وبدت التوجيهات <<p11 وصفقوني ان كان فهمت
ـ مافيه يطلع براpp46
ـ مافيه يرد على تلفون
ـ انتبه لماما كبير لازم يأدي دوا م**وط
ـ انا بيسافر بكرا مايبقى يسوي قلق<<ابوك يالتوجيهات
وجا الغد المرتقب للعودة الى بيتنا "الصدقي" وقلب امي مرتاح هادئ البال وشدينا الرحال ومسكنا الطريق وبعد 4ساعات وشوي وصلنا بالسلامة<<الناس لوصلوا لديرتهم وش يقولون لهم؟ ( افهموها عاد)p18
ومع ذلك لم تهدأ الاتصالات بين امي وجدتيpp15
امي رجعت لانشغال البال وجدتي بين ولولة<<مدري شلون جت هذي
و صهيل<<وذي ش جابها بعد

مالذي حدث؟p6

هذا ما سنعرفه بعد الفاصل<<p11 كف اخلصي علينا بس

اللي صاير ياجماعة الخير ان جدتي صارت هي اللي تقوم الصبح وتسوي للشغالة فطور و اذا جا الظهر قامت تصلح لها غداء ولا جا الليل شوي وتهدها وتغطيها وتقص لها قصةpp51 << والله قهر ياخسارة فرحتنا فهالشغالة
ـ انا قايلتن لكم مابيها مابيها مير انتم ماتسمعون::G>
ـ جبتوها و نشبتوها بحلقيPp4
ـ الله لايبارك بكم ويقطعني يوم اسمع لهرجكمpp42 <<قوية ياجدتي ذي
ـ خلصت علي الصابون والماءpp44 <<الله لايلومك ياجدتي صدق ماذبحونا هالشغالات الا بهالمياهه
(هذي ايضا نبذة مقتطفة من صيحات الاحتاج من جدتي)pp30
ومع هذه الاحداث الجديدة الحاصلة في بيتنا الأوسط<<على وزن الشرق الأوسطp18
اجتمعت بخواتي واخواني واتفقنا اننا مانجلس حول لأمي خوفن من احتمال دبجات على الظهر او تنفيس الازعاج البادي على محياها على ابنائها الرقيقين البرئينp22 <<كثري منها الرقة والبرائة يمين وانتم يسار.
( اذكر موقف لأحد اصغر اخوتي جاااااي ودخل البيت والشرر يتطاير من عينيه pp26 وبيده بلكة مدري كيف شالها يصارخ
ـ وينه وينه ؟؟ اقولكم وينه؟ طلعوه!!
ـ طيب يالحبيب وش فيك؟ وش صاير؟v:
قال:
ـ ولدتس هذا الزلابة عكرفلي بالشارع ومسح خشتي ع الرصيف.p6
ـ طيب وش مسويله؟ مايجيك ببلاش!!
ـ ماسويت فيه شي والله العظيم بس قلتله رح نظف خشمك وامسح سعابيلك(قدام عيال الجيران!!) انا قلت شي غلط؟ pp7
ـ وتحلف بعد !!:(: لا ياحبيبي ماقلت شي غلط عداك العيب بعد المفروض مسكته وصفقته وصفقته لين يقول امي ماجابتني.p18
شفتو عاد هذي بعض من برائة صغارنا وياماكثرها "لاتعد ولاتحصى")CC
ويمر الاسبوع على هذه الاحداث والامور لا تبشر بخير من طرف جدتي
وانا بفراشي واتقلب يمنة ويسرة خطرت ببالي فكرةpb034 <<ماتتوب تبي لها نعلة على خشتها هالمرة
الا وهي اكلم جدتي واوضح لها ان هالشغالة انسانه من لحم ودم وان الانسان ماولد متعلم اصبري عليها شوي:d
وحدث مافكرت به لتقول لي جدتي الحنوونه:
ـ وانتي وش عليتس؟::G> الخلا( هذي مفردة تحتاج الى صفحة كاملة لتفسيرها)!!
انا اكًبر واعلم وتعبي يروح لغيريp7 <<طلع شغل الحموات اربي واكبر وتجي حرمة غيري وتاخذه.
انا الحين بمسكها الباب للمطار.Pp4
ـ لا ياجدتي اوعى اوعى تزعلp9 <<اخس يانجوى
وعطتني من الحامي صاع وجمعت وجهي و شلت معي فشيلتي وجرجرت وراي هزيمتي النكراء..pp15
لأعلن للعالم اجمع ان هناك حرب عالمية (باردة) ستحصل كل هذا بسبب (شغالة) وياقلب لاتحزن..p9 pp38

الملخص من الموضوع:
1- اللي يبي او ناوي يجيب شغالة لازم يقدم قبل يفكر ، حتى اذا فكر وقرر يلقى الشغالة عند بابه.p13
2- لا جبتها اصبر عليها فهمها حبة حبة طول بالك عليهاpp55
3- والمهم انتبه تجيب لجدتك مثل جدتي شغالة وبعدها ينطبق عليك المثل القائل طبخن طبختيه يالرفلاء إكليهp11 <<شكلي بتصفق من جهة اهلي
4- لاادخل نفسك في امور اكبر منك ولاتلعب مع الكبارp22 (يعني لاتكلموا الكبار الصغار ينطمون) ترا ماتضمن (النعال)على جبهتك..يكفي ماحصلي:$ (خذ من اخيك عبرة) وايضا كما قال ابو نورة ( مصائب قوم عند قوم فوائد):d .
5- القصة اللي قريتها اضيفت لها قليل من البهارات (المسيلمية البريئة)p18 لتعطي تشويق واكشن. ورجاء لحد يتهمني ويفتري علي "ويقول كذابة" رجاءا.. مااسمحلكمp10 .
6-اذا ماعجبتك سالفتي لو سمحت لا تقعد ترد تقول بايخة سخيفة ترا محد حلف عليك تقراها واعتقد نبهت عليك في بداية قصتي.pp29
7- انا تعبت من الصبح وانا اصفصف بهالسالفةوالون لذلك اسمحولي بروح انام ومابي اجي والقى الزيارات اكثر من الردود ياخي عبروناPp4 عبروا مواهبي المبدعة

ترا من ابداعاتي قصة نافست فيها نجيب محفوظ ـ الله يرحمنا برحمته ـ وبغيت اخذ عنه جائزة نوبل بس قلت يابنت خليه ياخذها مسكين انتي العمر توه قدامك مزدهرpp13
8- يالله سلام ونشوفكم في ابداعات قادمة pp48