|
حـالـي في )( دلـــــع تمســــاح )(
* مسـاء الخير للحلويــن بصراحة حسيت نفسي طفشان والنت ضيق صدري هاليومين مدري وش جايه قالب علي p7 فقلت حرك مخكـ ياكمخه ونزل موضوع فكاهي ومرح:d ماخذ مقلب بنفســي اني عـادل إمام:$ * * * في ذات ليله كان ابوي رومانسي حيل وهذا مستغرب على الشاب السعودي:d عزم امي على سمك في مطعم ما < يخاف يقول اسمه وتقولون يسوي دعايه له :d الزبده خلصوا الاكل وغسلوا ونضفوا سنونهم .. قام ابوي وشب الزقاره p3 وقال لزوجته : ياجميلتي وش رايتس الليله نقضيها في فندق الانتر ؟ امي : وشوله الخساير بيتنا فاضي وماحولنا احد < مهيب حول رومانسيه:d ابوي قفلت معه وقال اها بس الوعد بس الفندق :$ وبعد ليه من ليالي الفـ ليه وليه وحرب داحس والغبـراء في هالفندق وشيل وحطpp29 وبعد مرور ايـام بشرت امي ابوي وقالت انا حامل ياحبيبي فررح ابوي وخم امي ومن قوه الخمه بغت تسقط الضيعفه p6 < ياشين ابوي اذا تحمس :d ومرت الشهور وطلعت انا على الدنيا :$ طفل صغير ووسيم .. بس فيه مشكله لما ولدتني امي :(: قالوا لها الدكاتره صار عندتس عقم مهوب جايتس غير هالولد .. قالت امي بنبره حزينه " يكفيني هالولد عن عشره " :$ احتفلوا العايله بقدومي الا بزرانيهم قفلت معهم ! مدري يمكن لاني حلو ولا اني شكلي دلوع :d من الدلع اللي يدلعوني اهلي به تصدقون مافطمتني امي الا وعمري 5 سنين :$ وابوي خلاني اسوق وعمري 7 سنين < ماتنبلع بس مشوها :d دخلوني مدارس خاصه مايدرس فيها الا انا واختار الطلاب اللي ابيهم p18 اخترت طلاب من الطبقه الدنيا عشان اطلع مميز بينهم ..p3 في اول يوم دراسي رحت المدرسه ببرمودا وفنيله كت وحطيت على شعري جل p11 وسويت سبايكي بشعري :$ كل المدرسه يناظروني بنظرات اعجاب .. خاقين مع جسمي ولبسي وشعري ..:$ اجتمعت بالطلاب وقلت لهم يدلعوني بفصوولي :$ وان اي احد يناديني بااسمي بااطرده من المدرسه :d وكان فيه واحد يناظرني ناديته قلت وش هالنظرات خير شتبي فيني :( وقالي بالله في اي حلاق محلق شعرك .. قلت المربيه سوت لي كذا :$ قال وش اسمها ؟ < يخطط عليها الوسخ :d قلت ليدي p11 قال طيب بجي عندك اليوم بسوي مثلك قلت له شعرك ليفه ( من خشنه شوي ويصير سوداني:d ) دخلنا الفصل وجانا مدرس الانجليزي كنت بليد وماافهم وكان حابني لانه لبناني وانا كان شكلي كذا يوحي اني لبناني p18 كان يناظرني بنظرات اعجاب وانا مستحي وخديداتي محمره :$ كان اي سؤال يسألني اقوله معليش لاتحرجني p11 وكان ذوق هاللبناني موب يقول شئ يسكت ولاينشب لي :d مرت الايام وتخرجت من الثانويه وخذت الاول .. موب شطارتن فيني بس مهدد الطلاب اي واحد بياخذ الاول بدالي بعلم عليه ابوي ونجيه ونقوله حنا نكرهك :d < ياروحي ::$ ( مرحله الشباب ) بعد ماوصلت مرحله الشباب والمراهقة p67 طحت مع حقين التحليه .. صرت البي فنايل كت وبرمودا واربي شعري وافرده وبعض الاحيان اقوم ولا اكـده على بالي انه تسريحه p18 قابلتهم مرهـ في شارع التحليه وركبنا في جيب كاديلاك طنا حنا 4 خكاريا :d وكانوا فيه شباب معهم ددسن وكامري يلاحقونا ويحاولون يحدونها مدري وش يبون :$ بس شفتهم يورونا ارقامهم ويسوون حركات وسخه :(: اخوياي يضحكون وانا خايف واتصلت علي امي وعلمتها بالسالفه وارسلت لي السواق ياخذني للبيت p7 اتصل علي خويي لؤي وقالي ان فيه بكره عنده حفله ديجي بمناسبه عيد ميلاده وانه عازم اصدقائه p3 قمت الظهر وجلست ازين عمري ولبست جينز وفنيله ورديه فيها قلب حب لونه احمر :$ وخذت معي شنطتي اللي فيها مرطب الشفاة والمشط وبورده الوجه رحت لهم ولقيت انواع الفله حفلة يااااااي تونس من جد فيها ديجي وباربيات وفيها ناس اشكالهم رهيبه لابس اخر الموضات وانواع الماركات .. شوي ودخل لؤي ومعه امه وجلس يعرفنا لها وسملت امه علي وخقت معي :d شوي ودخلوا بنات وجلسنا وياهم وكان لؤي ووامه الوضع عندهم عادي واكتشفت ان هالبنات يقربون له وكان الوضع عندي انا عادي لاني اعتبره حريه شخصيه p67 جلسنا هذيك الليله وانبسطنا بس ماش البنات ماخقوا علي لاني على ماسمعت يحبون الرجال الحمش p3 رحت لبيتنا ونمت وصحيت الصباح عشان اقدم للجامعه وقبلوني الجامعه بس انا ماكان ودي فيها :(: لاني راح اظطر البس ثياب ووااااء p7 بس على مايقولون مجبور وغصب علي:(: رحت وفصلت ثيات وخليتها ضيقه عشان تبرز الجسم :$ طيب والشماغ كيف بلبسه !! كذا بيخرب شعري وبيخليه يتقصف يااااربيه:(: قلت ماراح البس شماغ بحط جل وبس رحت الجامعه ودخلت قسم لغه عربيه وكان كلوا الطلاب يناظروني نظرات غريبه نظرات استنكار واستغراب ..! وانا بصراحه كنت اشتمئز من اشكالهم ولبسهم شئ مقرف شماغ وثوب وبكاريه وع p7 ومن خلال مسيرتي بالجامعه اذا درست عن اي دكتور مطوع يرسبني!! واذا درست عند دكتور خواجه ينجحني وبتفوق مع اني ماافهم شئ بمادتهp18 تعرفت على طالب وشرحت له حالتي وقلت انا ماقدرت اتاقلم معاكم لييش ماتصيرون انتم مثلي برستيج وتتبعون الموضه عشان تصيرون حلوين وهااااي قال اها بس اصير خكري مثلك pp60 قلت انا منيب خكري بس انا جنتل مان اتبع الموضه واحب اكون ماشي عليها قال هذي مهيب علوم رجاجيل اجل انت عندك مربيه يالرخمه وراك ماتعتمد على نفسكـ .. قلت ماتعودت انا اهلي عودوني على كذا مخدوم ومحشوم حتى وانا اتروش تروشني المربيه:$ قال افا ياذا العلم وانت بكره وشلون بتعرس وانت تسذا قلت بتزوج خكريه مثلي ههههههههاهههي:d رحت لبيتنا وفكرت بكلامها ولقيته صادق قمت ورحت شريت شماغ وزبيريات وحلقت شعري وخليته مثل المسلمين وزبطت دقني اللي مدري كيف اول مسويه دخلت على امي قالت بسم الله شفيك كذا تغير شكلك قلت يمه خلاص انا ابي اصير رجال < ياحليلي عارف اني اول رخمهp3 قالت بس شكلك كذا موو كووول قلت احسن انا ابي اصير فحل وزاااااحف قامت تعبط خشتها امي وخلتني وراحت رحت للعيال في الجامعه كلهم صاروا يسلمون علي ويسولفون معي وكل(ن) صار يعزمني وانا احس انه يقول بنفسه ( ايه صار الحين يواجهه اعزمه ببيتنا ) قابلني خويي قال ايه كفو الحين صرت رجال واقدر امشي معك موب اول امشي معك وانا متلطم خوفاً من الفشيله :$ قلت عاد زمن اول تغير الحين انا تغيرت وابي اصير مثلكم ابي اصير فحل ورجال والكل يفتخر بي .. ومن بعد زمن الخكرنه اصبحت رجلاً اثق في نفسي اتبع الموضه بحدود .. البس الزي الرسمي في الاماكن اللي يصلح البسها فيه والبس البدله في الاماكن اللي تصلح البس فيها طردت المربيه وصرت اعتمد على نفسي اكل بنفسي وبيـديp18 صرت اشرب حليب خلفات ::D وصرت مااحط روج ولا مبيض بشره ولا واقي من الشمسpp37 والحمدلله الان اصبحت رجلاً نافعاً للبلد غير ضار اصبحت قدوهـ للؤي واخوياه الذين تركوا الخكرنه واتجهوا للرجوله .. / \ / مايستفاد من القصه 1/ الخكاريه شئ مقزز في شوارعنا .. اتمنى القاء عليهم من قبل الهيئه ::G> 2/الخكري بلا رجوله .. ومن ليس برجل فهو مضر للبلد ..! 3/لايعتقد الخكري باانه مهضوم من المجتمع الا ان كانوا في مستوى تفكيرهـ .. ! 4/ليس كل من يتبع الموضه خكري .. ولكن الموضه لها ظوابط ليس كلها يجب ان نطبقها .. فبعضها محظور دينيا !! 5/لاتصير خكري لاتصير مايع .. ترى بتصير دايم ضايع ..! تحيــــاتيـ |
رد: حـالـي في )( دلـــــع تمســــاح )(
حالي الذوق * * سلمت يمناك على ما قدمت لنا من طرح رائع و متميز يبين لنا مشكلة خطيرة يقع فيها شبابنا واصبح ينطبق عليهم المثل مع الخيل ياشقراء ان شاء ما تشوف ولا تجيك الضيقة ولا يمرك الطفش ..!! بس ..!! اذا كان كل ما حسيت بالطفش والضيقة بيطلع منك مثل هذا فنبغى نضايقك فترة بسيطة حتى تطلع الموضوع ثم تنفك منك الضيقة والكدر دوووم....!! عاد تبغى الصراحة اني ما بغيت اكمل الموضوع واقول وش في الرجال اختلف ولا وش جاه..! واناظر للموضوع من تحت واسحب عيوني شوي شوي حتى شفت طلائع الفرج واقول الله يرجه بس..!! مالك علي يمين اني افكر فيه البارح بعد ما شفت ما جعلني افكر فيه ولكن لأنني قد اعطيت وعد ما انزل موضوع صبرت وانا اقرأ القصة وبين الشك واليقين حتى تأكدت قلت الحمد لله اللي جاء الموضوع ولا كان بأفقد المصداقية..!!p3 موضوع رائع ويستاهل النقاش .. فى كل عام تتغير الاحوال ..والاجيال..!! ولكن هذا لا يتعلق فى الشباب فقط ايضا فى البنات .. فنرى مظاهر اكثر من مستغربه من الصنفين..!! ( لعن الله المتشبهين من الرجال بالنساء والمتشبهات من النساء بالرجال ) الاهتمام بالجمال والمظهر الخارجي مطلوب من كل انسان سواء شاب او فتاة لكن بعض الشباب يغالون في ذلك فتراه متنعما بطريقة تشبه الفتيات من طول الشعر ولبس الملابس الضيقه غير الاكسسوارات من سلسله برقبته او اسوارة بيده وهذا منافي اصلا لمعنى الرجوله وكله تقليد اعمى بدون هدف او وعي كامل والله يا احيانا ما تعرف تميز بنت ولا ولد..!! ووالله انه شئ مؤسف ان يتخلى الرجل عن رجولته !! والأكثر اسفا انه ليس الكل في مرحلة المراهقة وانما فيهم من قد تعدى هذه المرحلة بكثير ويعد في مقام الرجل الراشد..! ولكن من يقول هذه حرية فهو خطأ لأن الحرية التى تجعلنا نعمل من انفسنا شواذ بالشكل ليست بالحرية..!! فالحرية لها حدود لا تخرج عن اطار الشرع و العقل والمنطق لان الله خلق صنفين ذكر وانثى لو كل واحد منهما اخذ دور الثاني لكانت مصيبة..!! هنا التقليد يلعب دور كبير و للاسف صم بكم عم لا يفقهون وبالفعل شر شرره متطاير كشرر النار عندما تضرم فيهب عليها الهواء لينشر شررها ويوسع إنتشارها والطامة ان هذه الصفات التي بدت تظهر بين الشباب من صفات قوم سيدنا لوط عليه السلام والعياذ بالله فنرى الشوارع اليوم تزدحم بالشباب الذين يقفون لمعاكسة الفتيات ويسدون الطريق ولا يهتمون بالافساح للمارة وكذلك نشوف بعض الشباب من عنده الصدر طالع للتباهي بكبر صدورهم وكثرة الشعر فيه وايضا انزال البنطلون او الجينز الى ما يقرب من عظم الحوض وهي صفة الشباب الشاذين في قوم لوط ممن يفعل بهم الفاحشه.. وقد قرأت عن هذه بأنها موضة منتشرة جدا بين الشباب والبنات من دون ان يعرفوا معناها والاخطر انها موضة مستوردة من الغرب ابتدعها مصمم ازياء اوروبى معروف صاحبه بالشذوذ الجنسى وقد قتل من صديق له بسبب هذا الشذوذ..!! إنه وللأسف الشديد التقليد الأعمى فبات شبابنا يقلدون ولا يعون لماهم مقلدوه وكل ذلك من اجل ماذا ليس من اجل شيء بل لإشباع رغبة المراهقة والنزوة العابرة التي افقدتهم رجولتهم وافقدت الفتيات عفافهم وشفافيتهم ..!! ولماذا لا يكون تقليدنا للغرب يعود علينا بالفائده مثلا لماذا لا نقلدهم بالدقه في المواعيد ؛او الاختراااع او غير ذلك من الاشياء التي تفوقوا بها علينا !! لماذا لا يكون تفكيرنا اكبر من تلك التفاهات ؟!!!! مع اننا نملك كل مقومات الابداع لو فكرنا بطريقه سليمه ..!! فيا شباب قبل ان تتبعوا الموضة اعرفوا مصدرها ومعناها كفانا ترديدا دون وعى فكم من عادة منتشرة ولا ندري عن معناها او اصلها..!!! اللهم احفظ شباب المسلمين البنات منهم والبنين ,,, اللهم آآآمين * * اخوي الغالي حالي الذوق * * شكرا لطرحك هذا الموضوع الهادف والمفيد والذي يطرح مشكلة اصبحت تملأ شوارعنا نتمنى ان تزول باذن الله وان يتجه الشباب الى ما يفيدهم في دينهم ودنياهم ..! يعطيك العافية وننتظر جديدك القادم دمت بود اعذب تحية وآسف على الاطالة..!! |
رد: حـالـي في )( دلـــــع تمســــاح )(
اهلين وسهلين
فيصلوه وشرايك نذهب الى الاقتباسات تذكرت السدحان يومنه ينقض على ذيك الضعيفه في طاش ماطاش ماعنده اي اسلوب p18 صغير اوكيه لكن وسيم تبطي p13 لؤي هذا ( خراب السفينه )p3 ايه ياسلام عليك هذا فيصل اللي نعرفه فحل من سلاله فحول مسفحلين استفحال >>> تحمس وبالنسبه لاخوي رامي السهام ماقصر في اطراءه |
رد: حـالـي في )( دلـــــع تمســــاح )(
مشكور حالي الذوق
الانسان الوحيد اللي ينشب هو الخكري وانتظر جديدك |
رد: حـالـي في )( دلـــــع تمســــاح )(
هلا والله حالي
منور المجلس خيووو الله يرجك رجا مبرحا :d :d أما هذي حاولت أمشيها بس مامشت خخخخخخخخخخ لو اني منك كان رحت لمدرسه أختار فيها الاداره والمدرسات >> برا ياظريفه KB,, الأخ فاهم الدراسه غلط p3 ياااااااااااااااااااااااااي أجل بيتقصف شعرك :d ياحراااااااااااااااام :d حلوووو يعني فيه أمل ان الباقين يعقلون :d :d :d pp2 pp2 pp2 يعطيك العافيه يابعدي CC CC |
رد: حـالـي في )( دلـــــع تمســــاح )(
.
. . . . . . . حالي يالغالي أنا مُعجب فيك و إنت تعرف هالشيء لكن موضوعك هذا اللي يكتبه مو ( حالي الذوق ) واحد ثاني يعني : تعودنا منك الجميل و الموضوعي و المميز . . . . . إعذرني على صراحتي يالغالي عساك على القوة إن شاء الله : ) |
رد: حـالـي في )( دلـــــع تمســــاح )(
وش سويت بامك انت خخخخخخخخخ يا حليلهم غاروا منك:$ خخخخخخخخخخخخخخخخخخخخ 1 معك حق ياكثرهم صراحه نشوف العجب هذي مشكلتنا نجرف ورا الحضارة وننسى الضوابط اللي تحكمنا حالي تسلم وماقصرت يا دلوع ماما :d |
رد: حـالـي في )( دلـــــع تمســــاح )(
اي والله هالنت مدري وش فيه هاليومين يطفش ... يؤيؤيؤيؤيؤ ... 7 سنين ... انا ما سقت اللا بثاني ثانوي ..بس اعتبرني مصدقكـ ...خخخخخخخ ههههههههههههههههههههههههههههههههه الله يرج شيطانكـ ... الاعتراف بالحق فضيلة ...... حالي الذوق ... الله يوسع صدركـ مثل ما وسعت صدورنا ... ننتظر ابداااعكـ ... دمتــ يالغلا ــ |
. . مسـاء النـوور .. : ) هههههههههههههههههههههه موضوعك يفتح النفس من زمااان ما قريت موضوع كذا .. ، صرت البي فنايل كت وبرمودا واربي شعري وافرده وبعض الاحيان اقوم ولا اكـده على بالي انه تسريحه p18 هههههههه صادق طايحين فيها هالأيام بقوة يجيك واحد كشته فوق راسه متر وباين انه مالمسها من يوم ما قام p6 ونظارات شمسيه ومشيه مدري وش تبي .. يقالي ستـ‘ـايل : \ هالأشكال كثير بالتحليه و عند سكن الجامعه !! وارسلت لي السواق ياخذني للبيت p7 طيب وشلون تركب قدام والا ورى مع السواق ؟ :$ خخخ \ وبعرف ليه تحسون اسم لؤي اسم واحد خكري ؟ هههههه حالـ‘ـي الذوق * موضوع حلو أوي حرك مخك دايم يالكمخه CC << كف بالله خخخ |
رد: حـالـي في )( دلـــــع تمســــاح )(
أهنيك وأهني طفشك أبو الابداعات قصه فكاهيه وممتعه وأسلوبك كان مرره شيق مع أني لي بعض الانتقادات على السطور الاولى في الاسلوب والله شكلي بسوي تحالف مع طفشك يمكن الله يهدي اوقات طفشي وينصلح حالها 1/ الصراحه نقاط في غاية الاهميه يعني في هذه الايام الاولاد والبنات مثل ماتقول صاير لهم غسيل مخ واذا طلعت في الشارع أطلب وتفرج تبغى الــNegroes تبغى خكاريه تبغى عربجه كأنك في برنامج مايطلبه المتمشون المسأله ياعزيزي ماصارت موضه وبس المسأله صارت تقليد أعمى للغرب وأحيانا تصل الى التشبع بأفكارهم والولاء لهم في بعض الاحيان الكشخه والرتابه والرزه زينه يعني السعودي ليس على قدر عالي من الوسامه خله يتكشخ ويوسع صدره لكن بحدوووووووووووووووووووووووووود حدود الشرع وحدود العادات والتقاليد مهما كان أحنا مجتمع محافظ موقف طريف وغريب حصل لي في جده في أحد المقاهي دخل شاب وش أقول وش أخلي انا كنت عارفه ان الي يقلدون الـ Negroes ينزلون بناطيلهم لتحت الخصر ويشترون حركان ملونه ومشجره ويلبسونها عشان تطلع ((والله العقول)) كان شعره مثل الي في دعاية سنكرس بالضبط والبنطلون اقسم بالله انه منزله لحد فخذه ولابس تحته الوان الطيف بس ايش معطي نفسه ابر ثقه ماسك البنطلون طول الوقت وش الله حاده هذا غير الخكاريه الي مطولين شعورهم بصوره مزعجه الي فارده والي مستشوره ومن زمان ماغسله غير الي نافشه ولا يقرهني الا اذا قالوا الاقتداء بالرسول انا اقول لو يعمله عميلتين أحسن وعندك الي يسوي تنظيف بشره وماكياج في يوم زواجه أنا ماادري فيه تشبه اولا لكن حلاة الرجال في رجولته وخشونته وش خلى للحريم المخ فاضي والتفكير اعوج والمــــــــرءبأصغريه قلبه ولسانه وفي حالتهم الله يعينهم على انفسهم اثرت نقطه مره حساسه الأهـــــــــــــــــــــــــــــــــــــــل لهم دور كبير في الحد من هذي الاشياء يعني بعضهم يحاولون انهم يغيرون ولو القليل وبعضهم عاجبهم الوضع بس ما ننسى ان فيه الكثير من الشباب مثال في الرجوله الله يكملهم بعقولهم أشكــــــــــــــــــرك أعذرني على الاطاله تقبـــــــــــــــــــــــل مروري |
رد: حـالـي في )( دلـــــع تمســــاح )(
السلام
يعطيك العافيه حالي موضوع يوسع الصدرpp31 pp25 pp25 pp25 قسم بالله خطيره من جد حسيت روح الخكاريه فيها المقطع بقووووووووووووووووووه اصلا مالكم الا اهي خخخخخخخخخ ياملحي خكيري مؤدب:d تعجبني الصراحه:d pp2 pp2 pp2 ماقصرت والله خوش قصه وخوش فايده يعطيك الف عافيه |
رد: حـالـي في )( دلـــــع تمســــاح )(
نحبك يا هلال p9
تصدق أن هالموضوع ( الفكاهي ) هو الوحيد اللي قريته بهالمنتدى كامل حرف حرف و أنت تعرف ان هالنوع من المواضيع ما يعجبني أتمنى ترجع تقراه و راح تعرف وش الهدف منه لأن المصيبه و الظاهره اللي يتكلم عنها حالي فعلاً بدت تنتشر بشكل رهيب و مفجع !! p7 حالي لله درك يا شيخ و يا ليت كل موضوع فكاهي يكون له هدف واضح زي ذا أتشرف بأن تفكيرك و خيالك لهالدرجه و أنك أحد أفراد قسمي :$ راجعلك يا غلاي BBP |
رد: حـالـي في )( دلـــــع تمســــاح )(
اهلين وسهلين خيوو حالي الذوق نورتـــــــناCC
هههههههههههههههههههههههههه قال وش دراك انه كذبة قال من كبرها . ياروحي على الاعجاب ههههههههههههههههههp13 هههههههههههههههههههههههههه اعصابك لاتتقطع شوي شوي على روحك هذا اللي قدرك ربي عليهp11 اجل قلب حب ولونه احمر هههههههههههههههه عيد الحبp9 ماصار عيد ميلاد :d هههههههههههههههههههههههههههههههههه ههههههههههههههههههه وربي فشيلتين بعد من جد مدري وش معجبهم في هالحركاتp7 صدقت والله في ناس كثيرة بنات او شباب مايعطون لكل مكان احترامه من اللبس سواء بنات اوشباب وصدق والله في الشارع وفي السوق في صراحه شباب اشكالهم من جد مقززه مدري شلون يرضون على انفسهم الشاب اذا ماافتخر برجولته وش يفتخر فيه اجل!! تقليد اعمى وبس !! مااحد قال لاتتبعون الموضة بالعكس يعجني الشاب اللي يهتم في لبسه ومظهره وشكله والدين الاسلامي حث على كذا سواء للرجل او للمراة ان الله جميل يحب الجمال لكن بذوق واعتدال واحترام المكان !! من جد مقززين بقوة ياليت يمحونهم من الكون مرة وحدة الله يعينهم على انفسهم ويهديهم !! بس هذا الكلامpp5 حالي الذوق:- تسلم على الموضوع الخفيف الظريف وامهم في نفس الوقت أنت كشاب وضحته قضية بصورة ظريفه باسلوب حلو وبرسالة مهمة .. فشكرا حالي الذوق بأي اسلوب تكتب تتجلى روعتك دائما في كل مواضيعكp9 /\ .. يحلي لك أيامك يارب وأكيد في المجلس منتظرينك بطلة حلوة ثانية كالعادة تقبل تقديري العميق لك ولقلمك ،، المــزن الهلالي |
رد: حـالـي في )( دلـــــع تمســــاح )(
..مسآء الخير لحالـي الـذوق المتألق.. ..ماعاش من يضيق صدر حالـي الـذوق.. ..ولاشيء عندكـ عادل إمام.. ..جيت وجبت العقم لأمكـ..p7 ..ياهوووو من قدكـ يكفي هذى الكلمة من أمكـ .. احتفلوا العايله بقدومي الا بزرانيهم قفلت معهم ! ..ياقاهرهـــم..pp46 ..هذا أكبر دليل على الدلع الزآيد عن حدهـ..pp60 ..أجل طلعت ذكي تعرف تفكر صـح..:TN ..بلآهـم ماينلآمون مخفة..:d ..مسوي لهـم رعب..p10 ..إيييه أما حكاية ذا الشعر ماأدري هو كل ذا كسل فيهـم ولا أحد لاعبن علية قايله كذا أحلى..::D ..الشرهة مب عليكـ على أمكـ إلي دآرية عنكـ ومخليتكـ تطلع معهــم..:d ..مابقيتوا شيء للبنـــات..pp23 ..إحمد ربكـ إنكـ لقيت بعد جامعة تقبلكـ..:d ..إما عاد شماغ وثوب صار مقرف الله يرحــم..p3 ..أمحق نصيحة..:d ..إيــه هذا السنع وعشمنا فيكـ.. ..والنعم فيكـ كآن من زمآن سويت كذا.. ..كفو والله ألحين صارا لكل يفخر فيكـ..p3 وإن شــآءالله جميع الشبـاب من هالنوعية يستفيدون مـن هالقصة.. ..BBP حالـي الـذوقBBP .. ..منور المجلــــس بطلتكـ البهية.. ..تعبت وانا أرد على موضوعكـ.. ..سلمت يدآكـ على ماسطرته من هذهـ الروآئع.. ..حالـي الـذوق موضوعكـ أبد مافيه شيء أنتقدهـ.. ..أنتظـر موآضيعكـ الرآئعة.. ..تقبـل مروري وآسفة على الإطالـة.. BBP..لكـ تحيـاتـي..BBP |
رد: حـالـي في )( دلـــــع تمســــاح )(
هههههههههههههههههههههههههههههههههههههههههه ههههههههههههههههههههههههه قريت الموضوع حرف حرف وماكان ودي يخلص :d هههههههههههههههههههههههههههه هالمقطع غير :d تخيلت شكلك هههههههههههههههههههههههههههههههههه والله ياحالي صرنا نشوف أشكال ماتدري هي بنت ولا ولد :d مايقهرني الا اللي يلبس برمودا وسيقانه استغفر الله العظيم بس:d وكشة الشعر هذي حكايه ثانيه :d ماتقدر تسوي شي الهيئه .. هذي حريه شخصيه .. نتمنى الخكاريه نفسهم يقضون على هبالهم ويعقلون:d صح لسانك .. وربي فيه شباب صاروا ينمصون حواجبهم؟! ويتشبهون بالنساء ؟! أحس هالجمله تنفع للمظاهرات:d حالي .. موضوع رايق وخفيف ومسلي ومفيد ,, شكرا CC |
| الساعة الآن 10:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0