: : فــرحــة الـعـمـر الـرغـيـدهـ : : - شبكة القناص

حلمـنا الوردي · 24-08-2006, 06:49 AM

السلام عليكم ،،

:

:

:

:

بين صراع الذكريات وحنين الماضي وهموم الحاضر وأحلام المستقبل.. تختلط الأوراق ويبدو كل شئ في الدنيا كئيبا وموشحا بالسواد ..

:

:

1
( انـكـسـار )

مها .. بنت ولا كل البنات ،،
ذكيه ومملوحه ،، خطابها واجد ويا هي مغرورهـ
عمرها 21 وخطابها فوق الثلاثين
يجي فهد يخطب مها
شاب خلوق وكلن يمدحه
تبتسم مها ولأول مره توافق على النظره
تجهز نفسها .. لبسها كحلها وشعرها ..
تشيل الصينية وتدخل وكلها حيا . .
فهد من شافها ذكر ربه على زينها
تناظره بخفيه من تحت هدبها
تنسحب بهدوء وترجع مها لغرفتها
إحساس غريب جاها يومها
جاز لها فهد وحست إنها حبته
مرت الايام تجهز لخطوبتها
وهناكـ لحالها لا اختلت بغرفتها
تطير هي وفهد وأحلامها
فجأهـ ودون سابق انذار
فهد انسحب من الخطوبه
كل الاهل محتارين وش يقولون لها
البنت حلوه ومزيونه و كثير من يتمنونها باختصار قال ابوها
ببرود وبلاده تنقل لها الخبر امها
وببرود اشد تهز مها كتفها
تعطي امها ظهرها
تقفل باب حجرتها وتبكي بخفيه
تبكي حبها الأول تبكي كبريائها المكسور
تمر أيام وأسابيع ،، كلن نسى إلا مها
لا زال الجرح ينزف بقلبها ..

:

:

2
( غ ـربه )

: كان يوم غريب ،، كل شي على غير عادته ..
حتى انا أول مره اقوم في وقت بدري زي كذا ..
على الغدا وتحت ازعاج فيصل و لمى
" وجع لا تدف "
" انطمي محد قالك تقعدين مكاني "
يعلن الأب عن اجتماع هام اليوم بعد المغرب وانتي يا ساره
كلمي أخوك خليه يحي من بيته ولا يجيب مرته معه ،،
فيه شي ضروري ابقوله لكم ،، مدري ليه نغزني قلبي وقتها
" حاضر يبه بعد المغرب ان شالله "
بعد المغرب في الصاله انا وامي وحمد ،، نسينا كل شي وقتها ،،
سواليف حمد اللي ما تنمل كلنا نضحك معه..
أقبل أبوي وتكهرب المجلس وتذكرنا سبب جمعتنا
أخذ له أبوي مكان في المجلس أمي قباله على يمينها حمد وبجنبه أنا ..
يبدأ أبوي يتكلم بصوته الرزين الواثق ..
أنا يا عيال أحبكم وأعزكم وأمكم هذي الله يخليها لكم ما تلقون زيها والله ،،
الصمت يخيم على الجميع ويكمل أبوي كلامه أنا جيت هنا بعلمكم إني تزوجت ..

وشو؟؟ ! ليه؟ !متى؟!وشلون؟ ،، كلمات تناثرت من فمي من غير لا أحس ،،
حمد يناظر أمي بهدوء ويردد لا حول ولا قوة إلا بالله ..
أمي عيونها معلقه بابوي وبعد فتره من صمت
طلعت منها كلمه وحده بس
" الله لا يسامحك لا دنيا ولا اخرهـ " وقامت لغرفتها ..
سحب أبوي شماغه وطلع .. وين ؟ يمكن لبيته الثاني !!
كرهتـ ابوي بذاكـ الوقت ،، كرهت انه حط امي بذا الموقف .. كرهت بروده الي تكلم فيه ،،

مرت أول ثلاث أيام كأنها سنين ،، أمي بغرفتها لا احد يدخل لها
ولا هي تطلع وان طلعت تصرخ على كل من تشوفه قدامها ..
أبوي ما زارنا من يومها ياااه استاحشت كلمة (زارنا) وهذا بيته !!

فيصل ولمي يسألوني " ساره أمي وش فيها "
خلاص اسكتوا انتم ما فيها شي
ترد لمى ببراءه " هي زعلانه لأني ضيعت اوراقها خلاص خلها تطلع والله ما اعودها " ,,
" طيب أبوي وينه للحين مسافر " ،،
يا ربيه ما راح تمشي الكذبه أكثر من كذا
"إيه إيه حبيبتي أبوي مسافر "
في خامس يوم طلعت أمي وتغدت معنا سألتني عن أبوي عرفت إنها
طلبتـ منه الطلاق بس تراجعت عشان أخواني الصغار ..
بعد 9 أيام بالضبط جا أبوي ،، ما طلعت له ورفضت أشوفه..
حتى أمي ما قابلته ..
اخذ خواني الصغار وراح يمشيهم ..
شوي شوي بدينا نتعود على الوضع يوم هنا ويوم هناكـ ،،
أمي بغرفه وأبوي بغرفه ..
إحساس انه كل شي طبيعي ومب طبيعي بنفس الوقت يسيطر علي ..
اكذب لو قلت إني متقبله فعلته ،،
صار لنا شهر ونص على هالوضع
ما زال الصمت مطبق بيننا ،،
ما عمري تناقشت مع أمي على هالموضوع رغم إني اكبر بناتها
أبوي كلامي معه مقتصر على سلامنا و الاطمئنان على أحوالنا ..
مشتاقه لأبوي وسواليفه ومزحه بس عتبي عليه كان اكبر ..
الخوف من المجهول يكاد يقتلني ،،
يمكن يجيني يوم وأتغير ..
مالي الا الصبر

:

:

قد تحصل لنا اياً من هذه المواقف ،، وفي يوم ما قد اكون انا او غيري في وضع مها أو ساره
مواقف تقلب حياتنا رأسا على عقب
قد تغير أشياء كثيره في نفوسنا ،، وقد تغير من طريقة تفكيرنا وإحساسنا أو حتى معيشتنا ..
ولا يبقى لنا حينها إلا بارقة أمل يشع منها التفاؤل تعينه على المسير في حياته . .
وقد لا يبقى لنا شئ على الإطلاق فينغمس الإنسان في حزنه وكآبته وعندها يفقد الإنسان الإحساس بطعم الحياه ولذتها ، متناسيا ربا اكبر من همه وفرحه وحزنه وتعاسته ويستسلم لبؤرة اليأس ،،

الذكي فحسب من يسخر هذي المواقف لتصبح نعمة له بدلا من أن تكون نقمة عليه،،

(الله خلق للضيق باب وللفرج مليون باب)

يلزمنا فقط التحلي بالإيمان & الصبر مع التمسكـ بالأمل و التفاؤل،، ففي هذي الوصفه تكمن سر السعاده p9 ..

:

:

كل ما طرالي منظر مريب و أرتـاب
كان الوحيـد اللـي يحـرك شجونـي
قبلة صلاتي و ذكر و خشوع و كتـاب
و أمي علـى سجـادة النـور دونـي
تدعيلـي الله يفتـح بوجهـي أبـواب
تتوسلـه بالشـده يـكـون عـونـي

:

:

أختكـم

حلمـنا الوردي

24-08-2006, 06:49 AM	#1
حلمـنا الوردي قناص المجلس الذهبي	: : فــرحــة الـعـمـر الـرغـيـدهـ : : السلام عليكم ،، : : : : بين صراع الذكريات وحنين الماضي وهموم الحاضر وأحلام المستقبل.. تختلط الأوراق ويبدو كل شئ في الدنيا كئيبا وموشحا بالسواد .. : : 1 ( انـكـسـار ) مها .. بنت ولا كل البنات ،، ذكيه ومملوحه ،، خطابها واجد ويا هي مغرورهـ عمرها 21 وخطابها فوق الثلاثين يجي فهد يخطب مها شاب خلوق وكلن يمدحه تبتسم مها ولأول مره توافق على النظره تجهز نفسها .. لبسها كحلها وشعرها .. تشيل الصينية وتدخل وكلها حيا . . فهد من شافها ذكر ربه على زينها تناظره بخفيه من تحت هدبها تنسحب بهدوء وترجع مها لغرفتها إحساس غريب جاها يومها جاز لها فهد وحست إنها حبته مرت الايام تجهز لخطوبتها وهناكـ لحالها لا اختلت بغرفتها تطير هي وفهد وأحلامها فجأهـ ودون سابق انذار فهد انسحب من الخطوبه كل الاهل محتارين وش يقولون لها البنت حلوه ومزيونه و كثير من يتمنونها باختصار قال ابوها ببرود وبلاده تنقل لها الخبر امها وببرود اشد تهز مها كتفها تعطي امها ظهرها تقفل باب حجرتها وتبكي بخفيه تبكي حبها الأول تبكي كبريائها المكسور تمر أيام وأسابيع ،، كلن نسى إلا مها لا زال الجرح ينزف بقلبها .. : : 2 ( غ ـربه ) : كان يوم غريب ،، كل شي على غير عادته .. حتى انا أول مره اقوم في وقت بدري زي كذا .. على الغدا وتحت ازعاج فيصل و لمى " وجع لا تدف " " انطمي محد قالك تقعدين مكاني " يعلن الأب عن اجتماع هام اليوم بعد المغرب وانتي يا ساره كلمي أخوك خليه يحي من بيته ولا يجيب مرته معه ،، فيه شي ضروري ابقوله لكم ،، مدري ليه نغزني قلبي وقتها " حاضر يبه بعد المغرب ان شالله " بعد المغرب في الصاله انا وامي وحمد ،، نسينا كل شي وقتها ،، سواليف حمد اللي ما تنمل كلنا نضحك معه.. أقبل أبوي وتكهرب المجلس وتذكرنا سبب جمعتنا أخذ له أبوي مكان في المجلس أمي قباله على يمينها حمد وبجنبه أنا .. يبدأ أبوي يتكلم بصوته الرزين الواثق .. أنا يا عيال أحبكم وأعزكم وأمكم هذي الله يخليها لكم ما تلقون زيها والله ،، الصمت يخيم على الجميع ويكمل أبوي كلامه أنا جيت هنا بعلمكم إني تزوجت .. وشو؟؟ ! ليه؟ !متى؟!وشلون؟ ،، كلمات تناثرت من فمي من غير لا أحس ،، حمد يناظر أمي بهدوء ويردد لا حول ولا قوة إلا بالله .. أمي عيونها معلقه بابوي وبعد فتره من صمت طلعت منها كلمه وحده بس " الله لا يسامحك لا دنيا ولا اخرهـ " وقامت لغرفتها .. سحب أبوي شماغه وطلع .. وين ؟ يمكن لبيته الثاني !! كرهتـ ابوي بذاكـ الوقت ،، كرهت انه حط امي بذا الموقف .. كرهت بروده الي تكلم فيه ،، مرت أول ثلاث أيام كأنها سنين ،، أمي بغرفتها لا احد يدخل لها ولا هي تطلع وان طلعت تصرخ على كل من تشوفه قدامها .. أبوي ما زارنا من يومها ياااه استاحشت كلمة (زارنا) وهذا بيته !! فيصل ولمي يسألوني " ساره أمي وش فيها " خلاص اسكتوا انتم ما فيها شي ترد لمى ببراءه " هي زعلانه لأني ضيعت اوراقها خلاص خلها تطلع والله ما اعودها " ,, " طيب أبوي وينه للحين مسافر " ،، يا ربيه ما راح تمشي الكذبه أكثر من كذا "إيه إيه حبيبتي أبوي مسافر " في خامس يوم طلعت أمي وتغدت معنا سألتني عن أبوي عرفت إنها طلبتـ منه الطلاق بس تراجعت عشان أخواني الصغار .. بعد 9 أيام بالضبط جا أبوي ،، ما طلعت له ورفضت أشوفه.. حتى أمي ما قابلته .. اخذ خواني الصغار وراح يمشيهم .. شوي شوي بدينا نتعود على الوضع يوم هنا ويوم هناكـ ،، أمي بغرفه وأبوي بغرفه .. إحساس انه كل شي طبيعي ومب طبيعي بنفس الوقت يسيطر علي .. اكذب لو قلت إني متقبله فعلته ،، صار لنا شهر ونص على هالوضع ما زال الصمت مطبق بيننا ،، ما عمري تناقشت مع أمي على هالموضوع رغم إني اكبر بناتها أبوي كلامي معه مقتصر على سلامنا و الاطمئنان على أحوالنا .. مشتاقه لأبوي وسواليفه ومزحه بس عتبي عليه كان اكبر .. الخوف من المجهول يكاد يقتلني ،، يمكن يجيني يوم وأتغير .. مالي الا الصبر : : قد تحصل لنا اياً من هذه المواقف ،، وفي يوم ما قد اكون انا او غيري في وضع مها أو ساره مواقف تقلب حياتنا رأسا على عقب قد تغير أشياء كثيره في نفوسنا ،، وقد تغير من طريقة تفكيرنا وإحساسنا أو حتى معيشتنا .. ولا يبقى لنا حينها إلا بارقة أمل يشع منها التفاؤل تعينه على المسير في حياته . . وقد لا يبقى لنا شئ على الإطلاق فينغمس الإنسان في حزنه وكآبته وعندها يفقد الإنسان الإحساس بطعم الحياه ولذتها ، متناسيا ربا اكبر من همه وفرحه وحزنه وتعاسته ويستسلم لبؤرة اليأس ،، الذكي فحسب من يسخر هذي المواقف لتصبح نعمة له بدلا من أن تكون نقمة عليه،، (الله خلق للضيق باب وللفرج مليون باب) يلزمنا فقط التحلي بالإيمان & الصبر مع التمسكـ بالأمل و التفاؤل،، ففي هذي الوصفه تكمن سر السعاده p9 .. : : كل ما طرالي منظر مريب و أرتـاب كان الوحيـد اللـي يحـرك شجونـي قبلة صلاتي و ذكر و خشوع و كتـاب و أمي علـى سجـادة النـور دونـي تدعيلـي الله يفتـح بوجهـي أبـواب تتوسلـه بالشـده يـكـون عـونـي : : أختكـم حلمـنا الوردي التوقيع: . ..{وأتمًـ مثل الحِزن ................. أنْـطر سحَابة عِيد . التعديل الأخير تم بواسطة حلمـنا الوردي ; 24-08-2006 الساعة 06:58 AM سبب آخر: خطأ ماله داعي خخخ