قصيده للشاعر محمد العتيبي (( ابو هوازن )) .. وتراها منقوله بتصرف عشان محد يقول زارفها :D
يابنت جار الوقت والوقت غدّار = وحكم الزمن يابنت مافيه حيله
جاني القدر يابنت من فوق الاقدار = وخلاّ حياةٍ لي عزيزه ذليله
عقب القصور اللي حصينه بالاسوار = والبن فيها خالط انفاس هيله
عقب الدلال اللي على شبّة النار = مركوزةٍ والنجر صوته دليله
عقب الأهل والخلّ والضيف والجار = صرت الخلاوي فالحياة البخيله
عقب الولد والناس زاير وزوّار = شوفي الحزن والهم عيني تشيله
واليوم يابنت العنا صار لي كار = أصبحت غايه والعنا لي وسيله
يابنت ماتدرين وش صار ما صار = لاشك انا ابخص بالهموم الثقيله
همٍّ على قلبي من الفين قنطار = وارجي عسى الله من فؤادي يزيله
يابنت جودي مع هل الجود الاخيار = اللي مشوا درب الوفا والفضيله
وشومي عن اللي عادته صكّة الدار = اللي مشى درب الرّدى والرذيله
نقلتها لكم وكان بودي انه هو اللي يحطها .. لكن باذن الله بيكون متواجد في المنتدى عما قريب