طالبه الثانويه العامه...طموح تحطم - شبكة القناص

^_^ دلوعة المنتدى ^_^ · 11-06-2006, 10:17 AM

بسم الله الرحمن الرحيم

مبرووووووووووووك p10 للناجحين واللي مانجحوا يشدون حيلهم واللي ما طلعت نتائجهم يستنون..

انا ابي اطلع اللي بخاطري ومالقيت احسن من منتدى القناص علشان افضفض،،،،،

دخلت ثالث وكلي طموح وآمال واحلام وكل يوم والثاني اختار قسم بدينا بالرياضيات اللي كنت اعشقه وامووووووووووووووت فيه قبل اختبار الوزاره وبعدين قلت تصميم ديكور وبعدين إداره أعمال وبعدين حاسب .....الخ من الطموحات صعبه التحقيق.......

وعديت الترم الاول بنسبه 99% :D وباقي الترم الثاني الله يستر...

ويوم جت اختبارات الوزاره اختبارات التحدي والتعجيز قبلها باسبوع اذاكر هالرياضيات الله لا يعيده وحليت اسئله الوزاره من عام1422-1423إلى اسئله العام ، وما طلعت من البيت الا وانا شبعانه صياح ، ورحت الاختبار وانا ضامنه اني ماراح اخذ اقل من 25 ولكن،،،،،،،،،،،،،،

المفاجئه :( يوم شفت اسئله الوزاره بديت بالسؤال الاول وحليت ورحت للثاني وما عرفت احله واللي بعده ماعرفت ويوم قريت الورقه كامله قعدت نص ساعه ادور شيء اكتبه p21 اعبي لهم هالعشر ورقات اللي معطينا اياها .
يابنت الحلال دوري من هنا والا هناك اكيد بتلقين جواب وانتظر، و يوم صارت الساعه 8 قررت اني اكتب اي شيء المهم اعبي لهم الدفتر ...
وبحكم اني جالسه بالاخير اشوف كل بنات الفصل اشكالهم تضحك اللي منصدمهp8 واللي ماصدقت جاء نص الوقت وسلمت الورقه وما يقهرني غير اذا شفت وحده تكتب... طيب وش تكتبين علشان اكتب مثلك .

وبعد ربع ساعه من الوقت الاصلي سحبوا الاوراق منا غصب وطلعت واشوف البنات انواع الاشكال اللي تضحك واللي تصيح...

وصديقاتي ميتين من الضحك

>>>>>حاله هستيريه
يوم سألتهم ليش تضحكون حليتوا زين؟
قالوا حنا شفنا اسئله لكن مثل هالاسئله عمرنا ماشفنا ندور ارقام نعوض فيها مافيه الا حروف هذا وهو رياضيات ومافيه ولا رقم .
وحده منهم قالت انا متنازله عن النسبه بس ابي انجح..

ثاني يوم انسحبوا بنات كثييييييييييييييييييير بسبب الحاله النفسيه اللي مروا فيها اول يوم.
ودخلت القاعه وقررت لوكان اختبار النحو صعب بنسحب إلى غير عوده لكن ربي ستر وكان سهل.

ثالث يوم كان E وكان سهههههههههل حتى التعبير كان مره حلو.

رابع يوم كان الفقه وكان اسهل من اليومين اللي راحوا.

وجاء خامس يوم الفيزياء انواع العذاب رحنا ماخلصنا مذاكره يالله امدانا نخلص المنهج يعني ما ذاكرنا استنتاجات ولا رسومات ولا مسائل وانصدمنا بالاسئله هي سهله بس حنا ماخلصنا مذاكره يعني باختصار مو احسن من الرياضيات.

ومضى الاسبوع الاول>>>حلوة ومضى حسستني كاني كاتبه روايه.
وراح الاسبوع الاول بنفسيه زفت وطموح محبط.

وبدينا بثاني اسبوع كان اليوم الاول كيمياء وبحكم انه اول مره يخلون الكيمياء يوم سبت طبعا استنتجنا بحكم خبرتنا ان الوزاره ماحطت الكيمياء يوم سبت الا ان وراها مصيبه، وقمنا ذاكرنا الاشياء الصعبه ، والسهله قلنا ماراح يجيبونها ودخلنا الاختبار وكانت الاسئله من اسهل الاشياء اللي بالمنهج يعني اللي ما ذاكرنها، واللي ذاكرناها ماجت والكيمياء مو احسن من الرياضيات والفيزياء.

وجاء ثاني يوم توحيد وكان سهل وعديناه بتفوق.

وجاء ثالث يوم الاحياء كان سهل مره صحيح انهم ابدعوا بالهرمونات لكن كان سهل حتى الرسمه كانت سهله مره.

وجاء الادب الله لايوريكم اكلنا الكتاب اكل صحيح انه غثيث وممل ومع ذلك قاومنا وذاكرناه ويوم شفنا الاسئله انصدمنا اشياء اول مره نشوفها واسئله من الترم الاول الظاهر ان الوزاره نست اننا بشر مو كمبيوترات يعني لو سألونا عن ماده امس ماجاوبنا وصار الادب اخس من الرياضيات على الاقل الرياضيات لو اخترعنا يمكن يصير صح بس الادب مافيه مجال ان الواحد يخترع p19 ..

في هالاختبار وحده من صديقاتي جت ما ذاكرت نص المنهج ويوم جاء سؤال القصيده
ومشمعل اخو عزم يشيعه قلب صروم اذا ماهم لم يهب
اشرحي البيت.
قامت صديقتي وشرحت القصيده ولا يفوتكم الشرح
وينادي الشاعر اخوه مشعل ليمدح الملك عبدالعزيز .
وانا مت من الضحك على الشرح

لان معنا مشمعل: الطويل النشيط مو اسم ،لكن تستاهل لانها ماذاكرت.

وجاء الختام الحديث كان سهل ولله الحمد وعديناه .

بس اللي ضايقنا انه اخر يوم وخلاص بنتفرق وشلة funky friends بتتفرق و هالشله احسن شله تعرفت عليها بحياتي شله الثانوي وصديقاتي واللي هم اعضاء الشله (الرجه، والدجه ،والسنيوره ،والبرنسيسه ، وثلجه ،والبريئه) من احسن الصديقات كنا على قلب واحد وروح وحده وبفصل واحد بس الله لايفرق بيننا ونظل إلى الابد صديقات.

والحين انا نفسيتي زفت ودموعي اربع اربع ويوم الاربعاء موراضي يجي بسرعه علشان ارتاح.

حلمي الوحيد اني اخذ نسبه بالتسعين ونذرت نذر لو جبتها بصوم اسبوع ومو متخيله اني اجيب اقل منها لان ماعمري جبت اقل من 97 لكن بعد اللي شفته راضيه بـ90 مو مهم المهم تكون ممتاز والله يستر..

وانا اكتشفت 3نظريات من اختبارات الوزاره:
1- انهم ناس من غير قلب يعني مافي قلوبهم رحمه......
2- انهم مايبغون احد ينجح.....
3- ان اللي يكتب الاسئله يشوف اشياء عمرنا ماشفناها يعني باختصار(جني)p17 ....

وختاما:
اللهم انصرنا على من ظلمناواجعل كيدهم في نحورهم.

والله يجيب يوم الاربعاء بسرعه علشان ارتاح .

والله لايفرق بيني وبين صديقاتي(الرجه،الدجه،السنيوره،البرنسيسه،ثلجه،البريئ ه)

وإن شاء الله تكون السنوات الجايه احسن مع اني ما اظن وخاصه اذا كانت الوزاره وراكم.p17

11-06-2006, 10:17 AM	#1
^_^ دلوعة المنتدى ^_^ قناص مميــز	طالبه الثانويه العامه...طموح تحطم بسم الله الرحمن الرحيم مبرووووووووووووك p10 للناجحين واللي مانجحوا يشدون حيلهم واللي ما طلعت نتائجهم يستنون.. انا ابي اطلع اللي بخاطري ومالقيت احسن من منتدى القناص علشان افضفض،،،،، دخلت ثالث وكلي طموح وآمال واحلام وكل يوم والثاني اختار قسم بدينا بالرياضيات اللي كنت اعشقه وامووووووووووووووت فيه قبل اختبار الوزاره وبعدين قلت تصميم ديكور وبعدين إداره أعمال وبعدين حاسب .....الخ من الطموحات صعبه التحقيق....... وعديت الترم الاول بنسبه 99% :D وباقي الترم الثاني الله يستر... ويوم جت اختبارات الوزاره اختبارات التحدي والتعجيز قبلها باسبوع اذاكر هالرياضيات الله لا يعيده وحليت اسئله الوزاره من عام1422-1423إلى اسئله العام ، وما طلعت من البيت الا وانا شبعانه صياح ، ورحت الاختبار وانا ضامنه اني ماراح اخذ اقل من 25 ولكن،،،،،،،،،،،،،، المفاجئه :( يوم شفت اسئله الوزاره بديت بالسؤال الاول وحليت ورحت للثاني وما عرفت احله واللي بعده ماعرفت ويوم قريت الورقه كامله قعدت نص ساعه ادور شيء اكتبه p21 اعبي لهم هالعشر ورقات اللي معطينا اياها . يابنت الحلال دوري من هنا والا هناك اكيد بتلقين جواب وانتظر، و يوم صارت الساعه 8 قررت اني اكتب اي شيء المهم اعبي لهم الدفتر ... وبحكم اني جالسه بالاخير اشوف كل بنات الفصل اشكالهم تضحك اللي منصدمهp8 واللي ماصدقت جاء نص الوقت وسلمت الورقه وما يقهرني غير اذا شفت وحده تكتب... طيب وش تكتبين علشان اكتب مثلك . وبعد ربع ساعه من الوقت الاصلي سحبوا الاوراق منا غصب وطلعت واشوف البنات انواع الاشكال اللي تضحك واللي تصيح... وصديقاتي ميتين من الضحك >>>>>حاله هستيريه يوم سألتهم ليش تضحكون حليتوا زين؟ قالوا حنا شفنا اسئله لكن مثل هالاسئله عمرنا ماشفنا ندور ارقام نعوض فيها مافيه الا حروف هذا وهو رياضيات ومافيه ولا رقم . وحده منهم قالت انا متنازله عن النسبه بس ابي انجح.. ثاني يوم انسحبوا بنات كثييييييييييييييييييير بسبب الحاله النفسيه اللي مروا فيها اول يوم. ودخلت القاعه وقررت لوكان اختبار النحو صعب بنسحب إلى غير عوده لكن ربي ستر وكان سهل. ثالث يوم كان E وكان سهههههههههل حتى التعبير كان مره حلو. رابع يوم كان الفقه وكان اسهل من اليومين اللي راحوا. وجاء خامس يوم الفيزياء انواع العذاب رحنا ماخلصنا مذاكره يالله امدانا نخلص المنهج يعني ما ذاكرنا استنتاجات ولا رسومات ولا مسائل وانصدمنا بالاسئله هي سهله بس حنا ماخلصنا مذاكره يعني باختصار مو احسن من الرياضيات. ومضى الاسبوع الاول>>>حلوة ومضى حسستني كاني كاتبه روايه. وراح الاسبوع الاول بنفسيه زفت وطموح محبط. وبدينا بثاني اسبوع كان اليوم الاول كيمياء وبحكم انه اول مره يخلون الكيمياء يوم سبت طبعا استنتجنا بحكم خبرتنا ان الوزاره ماحطت الكيمياء يوم سبت الا ان وراها مصيبه، وقمنا ذاكرنا الاشياء الصعبه ، والسهله قلنا ماراح يجيبونها ودخلنا الاختبار وكانت الاسئله من اسهل الاشياء اللي بالمنهج يعني اللي ما ذاكرنها، واللي ذاكرناها ماجت والكيمياء مو احسن من الرياضيات والفيزياء. وجاء ثاني يوم توحيد وكان سهل وعديناه بتفوق. وجاء ثالث يوم الاحياء كان سهل مره صحيح انهم ابدعوا بالهرمونات لكن كان سهل حتى الرسمه كانت سهله مره. وجاء الادب الله لايوريكم اكلنا الكتاب اكل صحيح انه غثيث وممل ومع ذلك قاومنا وذاكرناه ويوم شفنا الاسئله انصدمنا اشياء اول مره نشوفها واسئله من الترم الاول الظاهر ان الوزاره نست اننا بشر مو كمبيوترات يعني لو سألونا عن ماده امس ماجاوبنا وصار الادب اخس من الرياضيات على الاقل الرياضيات لو اخترعنا يمكن يصير صح بس الادب مافيه مجال ان الواحد يخترع p19 .. في هالاختبار وحده من صديقاتي جت ما ذاكرت نص المنهج ويوم جاء سؤال القصيده ومشمعل اخو عزم يشيعه قلب صروم اذا ماهم لم يهب اشرحي البيت. قامت صديقتي وشرحت القصيده ولا يفوتكم الشرح وينادي الشاعر اخوه مشعل ليمدح الملك عبدالعزيز . وانا مت من الضحك على الشرح لان معنا مشمعل: الطويل النشيط مو اسم ،لكن تستاهل لانها ماذاكرت. وجاء الختام الحديث كان سهل ولله الحمد وعديناه . بس اللي ضايقنا انه اخر يوم وخلاص بنتفرق وشلة funky friends بتتفرق و هالشله احسن شله تعرفت عليها بحياتي شله الثانوي وصديقاتي واللي هم اعضاء الشله (الرجه، والدجه ،والسنيوره ،والبرنسيسه ، وثلجه ،والبريئه) من احسن الصديقات كنا على قلب واحد وروح وحده وبفصل واحد بس الله لايفرق بيننا ونظل إلى الابد صديقات. والحين انا نفسيتي زفت ودموعي اربع اربع ويوم الاربعاء موراضي يجي بسرعه علشان ارتاح. حلمي الوحيد اني اخذ نسبه بالتسعين ونذرت نذر لو جبتها بصوم اسبوع ومو متخيله اني اجيب اقل منها لان ماعمري جبت اقل من 97 لكن بعد اللي شفته راضيه بـ90 مو مهم المهم تكون ممتاز والله يستر.. وانا اكتشفت 3نظريات من اختبارات الوزاره: 1- انهم ناس من غير قلب يعني مافي قلوبهم رحمه...... 2- انهم مايبغون احد ينجح..... 3- ان اللي يكتب الاسئله يشوف اشياء عمرنا ماشفناها يعني باختصار(جني)p17 .... وختاما: اللهم انصرنا على من ظلمناواجعل كيدهم في نحورهم. والله يجيب يوم الاربعاء بسرعه علشان ارتاح . والله لايفرق بيني وبين صديقاتي(الرجه،الدجه،السنيوره،البرنسيسه،ثلجه،البريئ ه) وإن شاء الله تكون السنوات الجايه احسن مع اني ما اظن وخاصه اذا كانت الوزاره وراكم.p17 التعديل الأخير تم بواسطة ^_^ دلوعة المنتدى ^_^ ; 11-06-2006 الساعة 10:29 AM