رسالة ربما لن تصل
.
. . . بسم الله بكتب بدون توقف يلا نبدا ضغطت موضوع جديد و غمرني شعور اللي تو ترجع له الذاكره. غريب كيف الانسان تجيه قشعريره لما يحس احساس مألوف زمان كان يحسه. تعرفون وش احس؟ احس اني داخله بيت طين قديم بس طبعاً افتراضي. اجلس كل شوي بزاويه و اتذكر و اتأمل النقوش على الجدران. يغمرني الحنين و تساؤلات كثيرة ما تخلص. احاول اتذكر ناس هالبيت و احاول احاول اتذكر اشكالهم و كيف كانو و ايش كانو يقولون. وصلكم الشعور؟ مادري ليش و شلون جيت و كيف تذكرت كلمة المرور اصلاً. و امانة لما دخلت و شفت الذكريات اغرورقت عيوني. يالله قد ايش كبرنا، قد ايش تغيرت الدنيا حوالينا، قد ايش هالحياة سريعه حيل و ودك انها تمشي بشويش. انتو مستوعبين انو فيه جيل كامل اللحين مايعرف ايش منتدى؟ و ايش مواضيع و مشاركات و ترقيات؟ و ايش ماسنجر و صورة و رسالة عرض و حالة "بالخارج"؟ قاعده اشوف الابتسامات اللحين و كل رمز او ايموجي يذكرني بشعور معين. اتذكر بالضبط متى و ليه و كيف كنت استخدمهم. اتذكر حتى طبيعة المواقف اللي تضطرني استخدمهم. احس انها رموز خاصه ماحد راح يفهمها الا اللي استخدمها. مستحيل احد ينسى هذا :) او هذا :d او حتى هذا :$. اشتقت للإنتظار اللذيذ و الغموض الحلو اللي كان يلف الردود و الرسائل هنا و بالماسنجر. التواصل كان له طعم. كانت رحلة اكتشاف و مغامرة و متعة لي هنا من ٢٠٠٥ لين ٢٠١٢ تقريباً. اشتقت للكتابة و الشعر و تحضير المواضيع. اشتقت للقروبات بالماسنجر. اشتقت للحيرة اللي تجيني لما اختار صورة عرض او توقيع او رسالة عرض هنا او بالماسنجر. اشتقت لأيام المسابقات و السهرات الرمضانية هنا. اشتقت للتغطيات الإعلامية للمباريات و المسلسلات و الالبومات. اشتقت لمواضيع و جدالات المجلس. اشتقت للتصاميم و الابداعات اللي كانت تطلع هنا. اشتقت لمواضيع التصويت و رسايل الروابط اللي تطلب مني اصوت لأحد عشان يفوز. اشتقت لمواضيع التشات اللي يفتحها المشرفين و زر التحديث اللي دايم نضغط عليه وقت اطلاعنا على مواضيع التشات. يالله زمااااان pq5 اشغلتنا الحياة و كبرنا و صارت لنا اشياء كثيرة و عرفنا برامج كثيرة غيرت بشخصياتنا و اهتماماتنا و اولوياتنا. مانقدر نغير او نرجّع شي لكن نقدر اننا ما ننسى. كل ما اتذكر القناص و اهله و ناسه احس بـ انتماء و امتنان لكل شخص تعرفت عليه هنا و لكل لحظه جميلة قضيتها معكم. انا ممتنه لكل شخص تعرفت عليه هنا و ممتنه للحظات الجميله و الذكريات الطيبه. انا ممتنه لكابتن ياسر بكبره اللي كان سبب بعد الله في جمعتنا هنا. الله يسعده P9 يارب تكونون كلكم بخير و سعيدين و ماشيه حياتكم امنين و راضين و متنعمين بنجاحاتكم الشخصيه. اللي كمل دراسه و اللي توظف و اللي ابتعث و اللي تزوج و جاب اطفال او حتى صار مشهور بتطبيقات التواصل الاجتماعي. كلكم والله على البال دائماً. الله يوفقكم وين ماكنتو و كيف ماصرتو. تشرفت اني عرفتكم كلكم والله P9 حزنت على الاقلاع لما سكر. بس خفت يسكر هالموقع الجميل و تختفي ذكرياتنا هنا اللي اطل عليها كل ما اشتقت و ابتسم P9 راح اظل اتذكركم قد ما ذاكرتي تساعدني و راح اظل ممتنه لكم للأبد P9 ودعتكم ربي P9 . . . . |
رد: رسالة ربما لن تصل
- كل حرف من كلامك قريته حزنت جداً pq3 هذا المكان المليء بالذكريات P9 دائماً أتمنى لو أن تعود تلك الأيام الجميلة pq5 وأعلم مامضى لايعود لكنه لاينسى P9 أشتقت لكتابة موضوع والردود تصل إلى صفحتين pq9 أشتقت لرسالة مضمونها تثبيت موضوع :@ أشتقت أن يكون قسم صوت الجماهير مليء بعشاق القناص p30pp7 أشتقت لكل الأقسام أن يوجد بها أعضاء p15 أيام وشهور وسنين لاتنسى أبداً P9 أشتقت للأصدقاء الذين يمرون على مدونتي pq3 هذا الموقع هو الأرشيف الحقيقي لياسر وذكرياته P9 ومشجعيه وعشاقه p30 هذا المكان سيبقى حتى لو قل تواجد الأعضاء pq5 أخيراً أشكرك على هذا الموضوع الرائع :f: والتعبير الأجمل P9 كل كلمة وصلتني لشعور معين أولها بيت طين pq3 والحيرة في صورة العرض والمواضيع pq16 كم أنتي رائعة ياصديقة P9 الله يعطيك العافية :f: |
رد: رسالة ربما لن تصل
* * مرحبا ي مرحبا باللي عوّد و جانا pp7p30 و ربي خنقتني العبره و أنا اقرأ كلامكم ، الوصف اللي قلتيه للمنتدى بالضبط هذا اللي عشته الأسابيع اللي راحت لما أسجل دخول و بكل مره أتمنى ألقى احد موجود من الأعضاء . أتمنى و أتمنى من كل قلبي يرجع للمنتدى روحه و نشاطه مع انه للأسف م أتوقع حالياً .. عني أنا اشتقت لـ زحمه أسئلة المصممين بقسم البرواز P9.. و اللي يبي خط معيٓن و الثاني يبي تصميم معيٓن .. و الخاص كان مليان باستفساراتهم و الفعاليات اللي سويناه و وشلون نطلع بأحسن صوره p30.. واشتقنا لما الكابتن ياسر يسجل دخول و نستانس انه موجود معنا وقت الفعاليات او بعد المباريات pq4.. ايه و الله اشتقنا لكل شي .. كل شي p30p30 سبحان الله كأنك عشتي بحلم و صحيتي منه .. عشنا مع ارواح لطيفه و ناس نذكرهم بالخير الى الآن .. ** خلوكم قريبين تكفون .. لأن المنتدى محتاجكم حتى ولو مرت سنين و سنين .. أرواحكم هنا .. و آثاركم الطيبه هنا .. و حنا بنظل هنا موجودين :$p30 -------- شكرًا يٓ جميله P9 |
رد: رسالة ربما لن تصل
[COLOR="purple"][/C
مساء الخير مساء السعاده .. اشششششتقت اششششششششتقت اششششتقت .. هل هو طبيعي انها غورقت عيوني !! حزن عميققق وشوق كبير , مستحيل انسى هالأيام وكل لحظه عشتها هينا .. خنقتني العبره والله :( .. شكرا من القلب لكم شكرا لكل لحظه عشتها معاكم .. انتم كنتم ولازلتم اجمل من عرفت بحياتي .. حالباا احنا بقروب بالسناب وبقروب اخر بالواتس اب , وعاى اتصال يومي .. ونسترجع ايامنا الجميله جدا .. داخله من لابتوب ماعرفت اكتب به , الله يالدنيا ض1 بحاول ادخل من الجوال ان شاءالله احبببببكممممم ..OLOR] |
رد: رسالة ربما لن تصل
سنابي ..
ghzlan99 توينري .. ghzlaan9 |
رد: رسالة ربما لن تصل
شعور مختلط في كل مرة اتواجد فيه هنا ..
شعور مابين الفرح .. الترقّب .. والالم! هذا الشعور كان بداخلنا في كل يوم جديد قبل ندخل ع المنتدى. ولازال هذا الشعور موجود .. لكن يظهر كالظل .. ويذهب كالبرق ! هذي الجملة حسستني اني كبرت :( لكن العمر يمضي بين حلوة ومرّة pq5 حتى وانا ارد على الموضوع .. احس انه لا زال فيه مواضيع ثانية لابد اني اطلّع عليها pq5 لنا اصدقاء هنا تعرفنا عليهم لسنوات .. وتواصلنا لسنوات .. وللاسف انقطعنا لسنوات .. وما اجمل الوصل! رسالتكِ وصلت .. وسوف تصل .. شكرا لكِ .. |
رد: رسالة ربما لن تصل
ياهلا بريح المطر والذكريات الجميله pq3
رسسالتك مب بس وصلت رسالتك تمثلنا كلنا معقوله حنا اوفياء اكثر من اللازم ؟ ماغاب ذكر هالموقع من قلوبنا ولا ذاكرتنا ولاغاب الشعور اللي كنا نحسه وفقدناه :(: كتبتي اللي بخواطرنا وماعرفنا نقوله الله يذكركم جميعا بالخير P9 |
رد: رسالة ربما لن تصل
حقيقي نفس احساسي ومشاعري ياربي اتصفح المنتدى وخانقتني العبرى
اقرا مواضيعي واضحك كنت في عز مراهقتي اقرا الرسايل وافتكر الاصدقاء اللي مستحيل اطري على بالهم دحين حقيقي شعور مضحك مبكي . |
الساعة الآن 03:38 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0