شبكة القناص - الموقع الرسمي للاعب ياسر القحطاني - * مشيتوا أو ركضتوا؟ وصلتوا أو تكرفستوا؟...أنا تكرفست

شبكة القناص - الموقع الرسمي للاعب ياسر القحطاني (http://www.alqanas.com.sa/vb/)

- المجلــــــس (http://www.alqanas.com.sa/vb/f32/)

- - * مشيتوا أو ركضتوا؟ وصلتوا أو تكرفستوا؟...أنا تكرفست (http://www.alqanas.com.sa/vb/t202528/)

سَـلامْ ،

23-02-2018 08:33 PM

* مشيتوا أو ركضتوا؟ وصلتوا أو تكرفستوا؟...أنا تكرفست

*

مرحبا ،
كيفكم يا أصدقاء؟
على العهد باقون ولا نسّتكم الأيام

ما أحب البكاء على الأطلال
واسترجاع الذكريات في بعض الأحوال مثير للشفقة
أوك ابتعدنا عن هالموقع لكن ما توقّف بنا الزمن
جلنا وصلنا في الحياة، بالأحرى هيّ اللي لعبت بحسبتنا لين قالت بس
لكن المغزى إننا مازلنا موجودين

مشينا. ركضنا...بعضنا حتى زحف، يوه تذكرون لما كنا نستخدم كلمة زحف لمعنى مبتهج ؟
لحظة لحظة لا أطيح في فخ الذكرى ، ماعلينا .. وين وصلتوا؟
وين وصلنا؟
ما تبون تعرفون؟
أنا أبي اعرف
مرام ونورة يبون يعرفون، ولو بيلسان هنا بعد تلقونها تعض اصابعها من الفضول
عاد انتوا اكتشفوا العامل المشترك بينهم

- مين فيكم حقق حلمه؟
مين فيكم ما ندم ع اختياره تخصصه؟
مين فيكم صار بابا؟ اعرف بعض المامات أنا
بناءً على تاريخهم في هالموقع الله يستر ع مستقبل عيالهم

مين صار هامور؟
مين يسوي اعلانات؟
مين شافت ياسر؟
حظكم يوم سمحوا بدخول النساء الملاعب قناصنا لزق بالدكة

اوه صح، مين شاف هالموضوع؟
طب مين قرأه؟

مين اللي كان يعرفني وشاف يوزري الحين وللحظة فكّر: مين هذي؟ : (

- طب مين انتوا؟
مين كنتوا؟
ومين صرتوا؟

أنا اللي كنت أغيب أغيب أغيب
وأنزل ثلاث مواضيع في ثلاث أقسام في يوم واحد
أنا صاحبة السبع صنايع وبعد القناص ترى الحظ ضايع،،، الله يهديه ويلقاني
والحمد لله على كل حال
وانا اللي أعدّل موضوعي بس عشان اذكر فيه اسم تهاني
مين تهاني؟
تاما
مين تاما؟
تاما ، تاما صديقي ، والصديق الحق عون وسلاماCC2

أنا اسكريم وذبول وسديم وسلام
وانوته
ولساتني ما وصلت لحلمي
وتخبطت كثير
بس مازلت أحبكم

وأنا اللي كنت أبدأ موضوعي ب *
وأختمه ب ...

سلامP9

صح أنا أم حمد، اللي حشّت بكم واحد هنا
اذا تذكرون اطلبكم الحل
واذا ما تذكرون اطلبكم السماح
ترى الدنيا فانية يا عيالي
P9

غزلآن

23-02-2018 09:13 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

-

انوت ياقلب قلبي انتي ☹️�� ..
يممه شعور جميل وانا اقرأ ☹️♥️♥️♥️♥️ ..
احس رجعت ست سبع ثمان سنين ورا �� ..
عرفت ناس كثير من عالم النت ، بس زيكم ماعرفت ولا استمرت
علاقتي معاهم ..
اللهم لك الحمد عليكم والله ☹️♥️♥️♥️♥️
صديقاتي حبيباتي الي اعرف كل تفاصيل حياتكم
واستمتع بها ..
الي صاروا امهات والي اشتهروا والي أصبحوا كاتبات ..
فخورة جداً فيكم انا ♥️♥️♥️♥️♥️ ..
انا تخرجت من الجامعه السنه الي راحت تخصص لٌغه عربيه
أغلبكم يعرف ، الى الان سِنقل يا اخوان ��♥️♥️♥️ ..
مع اني اعرف ان كل الي يعرفوني من القناص يدرون ..
عسانا طول العمر احباب واصحاب ♥️♥️♥️ ..
انوت حبيبة قلبي دٌمتي بِحٌب ياصديقتي ♥️♥️♥️ ..

سُموّ الأَميرَة ،..|’

24-02-2018 01:05 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

ي انوت رجعتينا سنيييييين ورى كم لبثنا!؟؟☹️��
يازين ذيك الايام بس
حبيبتي حنا موجودين والحمد لله ان لازال بيننا تواصل وقلوبنا على بعض
اكيد كلن انشغل اللي يدرس واللي توظف واللي تزوج واللي عيّل
الله يجمعنا في جنات النعيم ياكريم ��
حزينه وفرحانه مشاعر ملخبطه مدري وش اقول ��
انوت ياحبي لقلبك❤️

مـآكِنتُوشٌ

24-02-2018 02:32 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

يا الله pp7
حتى فيسات القناص ماتغيرت pq3

ناسيه كيف ارد ناسيه وش اقول ☹
الحمدلله حنا لازلنا مع بعض والله يديم علينا العمر كله لكن الباقين وينهم وش صار عليهم
ودي اقولهم واحد واحد ترى مانسيناكم وللحين نذكر ايامنا الجميله هنا وكنها امس pq3

موضوعك ع الجرح ياانوت انا عن نفسي اوصل مره وتكرفسني الحياه مرااات pq16
ماصرت هاموره ولا اسوي اعلانات .. بس اعظم انجاز اقدر اسجله الحين اني ام لااجمل طفل بالدنيا P9
والقناصين وينهم نبي نعرف وش صار عليهم ☹♥♥
ابو يزيد كم صار عنده ؟
بيلسان تزوجت والا باقي ؟
نوف كم طلعت من كتاب ؟
و الجهيم ؟ و باكر يعود ؟ وريح المطر والهبايب 😩pq3
والخلوق فهد السهلي
و يارا عندي احساس انها للحين تدرس p11

ابرا تعال احذف وعدل وبدل بس نبي نشوف اليوزر pq3

نبي نعرف وينكم وش صار عليكم ؟
من مات من حيا
و الكثير الكثير الله يحفظكم ويحقق امانيكم وين ماكنتم ♥

انوت شكرا على عودة مشاعر ماكنت اظنها تعود
شكرا ياحبيبه P9

ღروحـ الأمــلღ

24-02-2018 07:28 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

-

أنوت يا أنوت ، وش سويتي فيناpq3pq3
تشكرين والله ع الجمعة الحلوة .
الحمدلله على كل شي ، والحمدلله على وجودكم الباقي واللطيف P9P9
ماتغير شي ، بطلنا كتابه بعد ماصرنا أمهات CC2
و اشغلناكم ب صور بزارينا سناب و قروبات CC2P9
يا حلو الموقع و حلو "بعض"ذكرياته < مسويه غامضه :d
لكن فعلاً رجعتينا ل ايام حلوة pq5

^ واضح مستانسه بكل سطر حاطه فيسات p6:d

ŤαŁα ~

24-02-2018 08:12 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

pp57

انوت pq3P9
رجعتيني لأيام المراهقه حرام عليك :(
ي جمال ذيك الايام ببساطتها وبفلتها وبكل شي :(:
انا ابد ع حالي م فيه تطورات كثيره تذكر والحمد لله ع دوام الحال P9

يالله ي كثر اليوزرات اللي ببالي ربعي الاولين يارب يردون ابي اعرف وش صار معهم ووش اخبارهم :(:

TAMA	24-02-2018 08:56 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

أهلين P9
بالنسبه لسؤالك ركضنا ولسى نركض وان شاء الله نوصل pp13
الاغلب متواصلين معي الحمدلله P9
والحمدلله بالنسبة لي اعيش فترة العمر ذيك اللي زحمه زحمه ومافي وقت عكس فترة القناص اللي كان عنوان حياتنا وقتها فراغ ووقت ضايع p6
صرت ماما و حولي أغلى ناسي و ماشيه مشوار خاص لي ادعو لي pp13
واحشيني جميعا وياريت الجميع بخير pq5
شكرا انوت P9

بيلســــــــان

24-02-2018 09:49 PM

هرمت

مساء المطر 🌧🌧🌧🌧🌧💚

أقولك شيء ولاتزعلين 😅 نسيت من أنتِ بالضبط 😩 ادري إني أعرفك و عاشرتك كثير بالموقع بس نسيييت بالضبط من أنتِ ، هل أنتِ يوزرك بتويتر أنوت ؟

المهم أنا بخير ونعمه من فضل ربي 💚

وللي يسألون هل تزوجت .. لا ما جاء فارس الأحلام للآن الله يهديه ☺

تقدمت وظيفيا و حاليا أنا مساعدة مديرة قسم ، الله يجعلني ممن يوفي بالأمانة ..

و شكرا لك سلام على إحياء الذكرى الجميلة 💚🌸

سَـلامْ ،

24-02-2018 10:53 PM

رد: هرمت

اقتباس:

المشاركة الأصلية كتبت بواسطة بيلســــــــان (المشاركة 4119502)

مساء المطر 🌧🌧🌧🌧🌧💚

أقولك شيء ولاتزعلين 😅 نسيت من أنتِ بالضبط 😩

انا اللي عيت يدي على وداعك تهتدي :(::(: > دراما

بتويتر إنتصار عبد الله
ياما دخلنا بحركشات أنا ورامي وانتيP3P9pp13

راجعة لكم يا هوى راجعه
بس .....القناص يعلق هههههههههه

نسقوا ردودكم استحوا ع وجيهكم :d
تقابلونا بذا الخشة بعد غيابp7

سَـلامْ ،

24-02-2018 11:32 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

^

بيسو ،

http://www.alqanas.com.sa/vb/t136426/

واتذكر عهد مضى شاغل القلب

FaR7aN

24-02-2018 11:34 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

��

FaR7aN

24-02-2018 11:35 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

P10

بيلســــــــان

24-02-2018 11:51 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

ايييييه عرفتك 👏👏😎

نسايم الهلال

25-02-2018 01:42 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

اختصارا لكل الكلام انا تكرفست معاك CC2

حقيقي لكم وحشة والله P9

O X Y G E N

25-02-2018 03:31 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

-

مرحى P9

شكرًا لكل من دعتني للموضوع ..

واعتذر حتى على الدايركت توني أشوفه ,,

صراحه مادري وش أقول .. من زمان عن الردود هنا !

لكن أن شاءالله الجميع بخير وأموركم كلها تمام ..

عن نفسي الأغلب معي بتوتير وسناب وعارفين أخباري

والبعض مازلنا أصحاب ومتواصلين بعيدًا عن السوشل ميديا

القناص له ذكريات كثيرة وكبيرة

وحصل فيه تجربة كبيرة وتعلّمنا منها ..

وتظل كلمة "الحمدالله" هي أساس كل خطوة مرّت أو بتمر ..

مرة ثانية شكرًا لسلام على الموضوع ودعوتها لي

شكرًا لمياء على دعوتك .. شكرًا مرام كثير

شكرًا لأي شخص مريت بباله وترك لي رسالة ..

ممتنّه للجميع .. وأنا ما زلت اصعد سلّم أحلامي وأحقق نجاحاتي

فخورة لخطواتي .. فخورة لأي مرحله صعبه قدرت أتجاوزها

وفخورة برضو لصبري على كل عثرة ..

الحمدالله دائمًا وأبدًا أن هذا الصرح ما كان مجرد ذكرى عابرة بقت على ماهي

الحمدالله تسابقنا على الخير ووصلنا لمن يستحق معرفتنا حتى خارج أسوارة وللأبد .

أقتباسنوف كم طلعت من كتاب ؟

ثلاثة اصدارات "نصوص أدبية" P9

هلالي من ميلادي

25-02-2018 06:01 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

السلام عليكم يسعد اوقاتك اخت انتصار بكل خير ❤
ويسعد اوقات القناصين بكل خير وسعاده يارب 💙🌹

الله يسقيها من ايام كانت تجمعنا في هالموقع
ولازلت شبه يومي اخش الموقع 😂
وحاط اختصار على الشاشه الرئيسيه للجوال
http://www.m5zn.com/newuploads/2018/...e8d4dbadcd.png
واللهم لك الحمد ماشين في ذي الدنيا بخير وصحه وعافيه
وصارو ينادوني ابومشعل ❤❤❤❤ الله يرزقكم بالذريه الصالحه
حبيت اشارك في موضوعك الجميل اخت انتصار ❤
وربي يسعد كل من تصله حروفي وكلاماتي ويحقق لكم ماتتمنون

رذاذ حلم ~||

25-02-2018 02:53 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

وش ذا الموضوع يا انتصار pq5
والله كنت غاسله يدي ارجع ادخل هنا
اقرأ ووجهي متشقق من الابتسامه والردود تخليني اقول يارب كم لبثنا !
انا صرت ام لطفلتين الله يحميهم مطلعين عيوني فديتهم P3
وبالنسبه لاحلامي ماتحقق منها شيء اقصى احلامي يكون لي شغلي الخاص وهذا اللي اسعى له
وبالتوفيق لي ولكم والله يحقق احلام الجميع يا رب ويجمعنا على خير P9

هـــلالي مــاركة

26-02-2018 07:31 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

الله يذكركم بالخير

رامي السهام

26-02-2018 07:37 PM

مين هذي

,

سلام ,
وأحلى سلام P9

سلامــي علــى من يزيــح الــهم ذكـراه
سلام عدد ما انكتب حرفٍ في سما القناص

اسعد الله أوقاتكم بكل خير جميعاً :f:

سنين ..
مرت وما ندري عن الأيام ..
يقولوا تفرق الأحباب .. وانا أقول القمر ما غاب !

مشينا و ركضنا
ركضنا و مشينا
خبطنا الحيط و تكرفسنا P3
ولكن في النهاية .. انتصاار !:f:

الحمدلله الاحوال طيبة والأمور ميسرة p14
الأحلام والأماني كثيرة
منها اللي تحقق ومنها اللي تعثر pp57
شبنا وشيّبنا وكلها سنوات قليلة ونروح للتقاعد P10

أقتباسأنا اسكريم وذبول وسديم وسلام وانوته

اسألوني عن هذي الأسامي P3

أقتباسصح أنا أم حمد، اللي حشّت بكم واحد هنا

هذي اللي مين؟ pq17

أقتباسأقولك شيء ولاتزعلين 😅 نسيت من أنتِ بالضبط

عيني يا عيني ع الزهايمر pp13

أقتباسوللي يسألون هل تزوجت .. لا ما جاء فارس الأحلام للآن الله يهديه ☺

اشغلتك الوظيفة وجمع الفلووس ::D:d

انتصار ,

لك أجمل سلام
وربي يوفقك ويحقق أحلامك

:f::f:

حـ عيني ـظ

26-02-2018 11:19 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

سسلام عليكم وش اخباركم عساكم طيبين
مسستحييل انسا هالشبكه هي ومشرفينه جميع
كنت متواجد بالاسبوع يوم ادخل اشوف ستايل المنتدى واطلع واتذكركم
وادعي لكم بالخير والتوفيق

اما عني خلاص توظفت وظيفه حكوميه يارب لك الحمد
صار يومي مرتب دوام بيت بيت دوام ويكند ي نوم او مسافر هههههههههاي
طبعن المنطقه اللي انا فيها بالساحل محافظة ( الوجة )
اجوانا يمدحون كثييير مافيه احد من المراقبين يبي ينورنا ومنها نششوفه راح اكون متابع للموضوع هذا

. . ششكراً من القلب سسلام ❤️��

سَـلامْ ،

27-02-2018 04:38 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

اقتباس:

المشاركة الأصلية كتبت بواسطة مـآكِنتُوشٌ (المشاركة 4119498)

[SIZE="5"]يا الله

pp7
والقناصين وينهم نبي نعرف وش صار عليهم ☹♥♥
ابو يزيد كم صار عنده ؟
بيلسان تزوجت والا باقي ؟
نوف كم طلعت من كتاب ؟
و الجهيم ؟ و باكر يعود ؟ وريح المطر والهبايب 😩pq3
والخلوق فهد السهلي
و يارا عندي احساس انها للحين تدرس p11

ابرا تعال احذف وعدل وبدل بس نبي نشوف اليوزر pq3

نبي نعرف وينكم وش صار عليكم ؟

ما صدقتي على الله يا بنت باريس نجدpp13P9

اجل بو يزيد كم صار عنده ههههههههه

اقتباس:

المشاركة الأصلية كتبت بواسطة بيلســــــــان (المشاركة 4119502)

تقدمت وظيفيا و حاليا أنا مساعدة مديرة قسم ، الله يجعلني ممن يوفي بالأمانة ..

ما شاء الله تبارك اللهP9
تستاهلين بيسو :f:
موفقة يا ئلبي والله يحقق لك امنياتك

اقتباس:

المشاركة الأصلية كتبت بواسطة FaR7aN (المشاركة 4119507)

P10

ليش كلفت ع نفسك أستاذ فرحان
تسلم والله ع الرد أحرجتنا أخذنا من وقتكP9

اقتباس:

المشاركة الأصلية كتبت بواسطة هلالي من ميلادي (المشاركة 4119511)

الله يسقيها من ايام كانت تجمعنا في هالموقع
ولازلت شبه يومي اخش الموقع 😂
وحاط اختصار على الشاشه الرئيسيه للجوال
http://www.m5zn.com/newuploads/2018/...e8d4dbadcd.png
واللهم لك الحمد ماشين في ذي الدنيا بخير وصحه وعافيه
وصارو ينادوني ابومشعل ❤❤❤❤ الله يرزقكم بالذريه الصالحه

بو مشعلP9
الله يخليلك مشعل ويخليك له
فعلا كلما دخلت الموقع القاك متواجد
متمسك فيه p30

راامي السهااام

اقتباس:

المشاركة الأصلية كتبت بواسطة رامي السهام (المشاركة 4119515)

اسألوني عن هذي الأسامي P3

هذي اللي مين؟ pq17

:f::f:

خير من يجييييبpp13
من البدء إلى الختام
شاهد على الزمان والمكان
لكن لا لا ما يصح هذا الكلام
خلها مستورةpp7
اللي يدري يدري
واللي ما يدري يقول: نسييت مين انتي؟
مثل بيلساان...شطورةP3P9

كذا واضح تمام؟
سلامP9P3

*ام حمد فعالية سويناها كنت خلف الكواليس لم يعلم بذلك احدp11
لكن الآن ذاب الثلج وبان المرج
وخلاصة الهرجCC2

* آمين
على كل أمنياتكم ودعواتكم لأنفسكم ولغيركم
ربنا يحقق امانينا واحلامنا جميعا

ومشكورين أحييتوا القناص ب هالطلةP9P9P9

[/SIZE]

FaR7aN

27-02-2018 10:03 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

اقتباس:

المشاركة الأصلية كتبت بواسطة سَـلامْ ، (المشاركة 4119517)

ليش كلفت ع نفسك أستاذ فرحان
تسلم والله ع الرد أحرجتنا أخذنا من وقتكP9

[/B][/FONT][/SIZE][/COLOR][/INDENT][/INDENT][/RIGHT][/SIZE]

ههههههههههه ردي يرمز إلى إني صرت شايب واهاوشكم 🏃🏼‍♂ وكنت بمشواار طويل بالسياره سجلت حضور

أخباري الحمدلله بأحسن حال
وخلصت الماستر بفضل الله ونقول ان شاء الله قريب تبدأ مرحلة الدكتوراه

الله يسعدكم جميعاً ويحقق أمانيكم :f:

.. فــهد الســـهلي ..

04-03-2018 10:13 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

-

السلام عليكم جميعا ً
والسلام على الامهات والاباء هنا P9

أقتباسمرحبا ،
كيفكم يا أصدقاء؟
على العهد باقون ولا نسّتكم الأيام

لازلت على حنين العهد القديم
لذلك اصبحت اتابع البعض هنا من بعيد لبعيد
عن طريق وسائل التواصل الاجتماعي
والبعض اختفى اختفاء تام ,

واتمنى التوفيق للجميع

شكرا ً انتصار (f)

ملتاعه على الملتاع

07-03-2018 05:57 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

تبون الصدق ؟ ماجا على بالي اني ممكن ارجع اكتب رد بمنتدى !
ذكريات حلوه ، ايام حلوه !
فاقده كثير من القناصيين القدامى .. شفت كم شخص بتويتر ، وتلطفت علي الحياه بمعرفة بعضهم شخصياً لكن لازلت فاقده الكثير بعض الاسماء تذكرتها من هالموضوع ..
اتمنى الحميع بخير وصحه وسعاده

اما انا ..
انا اللي مشيت وركضت وتكرفست ورغم كل شيء .. عشت !
ولله الحمد من قبل وبعد .. P9

اذكروا امي بدعوه بالرحمه والمغفره والجنه بلا حساب ولاسابق عذاب .
وجدي .. وجدتي واموات المسلمين ..
واذكروني وابوي واختي وخوالي بجبر كسر قلوبنا والثبات .. P9

بطاش الزعيم

31-03-2018 07:14 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

_

ياحبيبي الموقع ذكريات قديمه بين فتره وفتره الواحد يدخل يشوف الموقع واخباره

الـهـنـوف الـسـامـيـة

03-05-2018 06:30 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

ياااااااه ولا يمكن انسى هذا الموقع اللي جمعنا :'(
انا مثل مايقولون على حطة يدك " ��
الله يسعد الجميع و يوفقكم و يسعدكم و يجبر خواطركم

سعودية وأفتخر

09-11-2018 09:00 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

pq3
من زمااااان عن القناص
ومن الحماس رحت اشوف مواضيعي pp13
اممممم اكيد مرت فينا سنوات حلوة بس ماتخلو طبعاً
صرت ماما لـ بنوته P9
ولسآ اتابع مباريات
وداخله مع اخواني في تحديات الفانتزي :d
اشتغلت قطاع خاص 5 سنوات وتركتهم ونستنى فرص احسن بإذن الله
بس من فترة بسيطة رجعت اكتب بعد انقطاااع pq3

كذا تحمست بزيادة ع الرد ههه
موفقين جميعاً

M7AMD~20

13-11-2019 09:57 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

كم لبثنا ؟

جنّه !

16-11-2019 01:34 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

‏يا قديم المحبه ما بقى لي جديد ..:(:
‏

ĐάหάĦ

07-12-2019 07:38 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

اقتباس:

المشاركة الأصلية كتبت بواسطة سَـلامْ ، (المشاركة 4119495)

[LEFT]

*

مرحبا ،
كيفكم يا أصدقاء؟
على العهد باقون ولا نسّتكم الأيام

ما أحب البكاء على الأطلال
واسترجاع الذكريات في بعض الأحوال مثير للشفقة
أوك ابتعدنا عن هالموقع لكن ما توقّف بنا الزمن
جلنا وصلنا في الحياة، بالأحرى هيّ اللي لعبت بحسبتنا لين قالت بس
لكن المغزى إننا مازلنا موجودين

سلامP9

😢💔💔

آيآمكم سعآدة يَ رب
كمية حنين خلتني آسجل دخول من بعد خمس سنين غيآب 😭💙💙،
( مير خنقتن العبرة من الرسآلة الترحيبية ) pq3P9

يمكن الآغلبية مَ يعرف من هي آنآ ؟
لآني كنت متغبية بالبروآز دآيم و عآيشة هنآك :$

حبيييييت التصميم و عآلمه اللطيف و مسآعدة المصممين
و من كثر م كنت نشيطة بآقي بس شوي و يخلونن مشرفة بسم الله علي P10

ربي م يحرمنآ منكم p30pp7
و ربي لك الحمد اللي جمعنآ بآروآح جميلة مثلكم

و شكراً لـ سلآم .. اللي عرفته دآيم بـ سـديم pq16

~ Đ ε ε ṁ

08-12-2019 09:18 AM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

ي سرع الايام .. و ي سرع الدنيا
2009 - 2019 مرت السنوات سريعه
وكبرنا وصار عند اولاد
ويبقى فينا الحنين يرجعنا هنا للذكرى
تغير كل شي فينا الا حبنا لـ هالمكان

الا يا ليت الزمان يعود يوماً
تحية لمن يذكرنا P9P9

هيووفه

12-12-2022 08:24 PM

رد: * مشيتوا أو ركضتوا؟ وصلتوا أو تكرفستوا؟...أنا تكرفست

يامساء الخير ... ياأحلى أيام عشناها في هالمنتدى الجميل :(

الساعة الآن 09:16 PM.

Ads Management Version 3.0.1 by Saeed Al-Atwi