شوفوا اولا لحد يقب علي ويقولي انتي عنصريه ومن هذا القبيل اعووذبالله

بس من جد ياناس انا بقول اللي بقلبي وبرتااح والموضوع عادي خلونا نتناقش على اللي قاعد يصير بالرياض هذي الايام

مع اني ادري قله قليله بالمنتدى اللي بالرياض بس بقولكم عشان تحسون فينا

شوفوا ياطويلين العمر ..

طبعا بدت العطله الصيفيه وادهرت الناس تبي تجي العاصمه العزيزه من جميع اقطار المملكه وخصوصا المنطقه الجنوبيه

طبعا ما اوصفلكم حال الاسواق والزحمه اللي الرياض معروفه فيها والحين مع العطله صرنا نوقف بالاشاره حول 5 مرات

بس مو هنااااااا المشكله .. عادي تعالوا الرياض شوفوها ونورها الله يحيكم

على طاري شوفوها والله قبل اسبوع ضحكت ضحك رايحين المملكه وفيه بزران متجمعين وواحد فرحان وماغير يدور

ويصقع بالناس ويصارخ ويقول اللللللله الرياض كبيره الللله مدري وشو :D الا تجيه امه وتقوله هاه خلاص شفت الرياض؟

ويقول وهو مبسووط ايه حلوووووه الرياض ههههههه يحليله والله اني رحمته وحبيته بنفس الوقت حسيت كل براءة

العالم فيه كان ودي اتبناه عشان يشوف ذا الرياض كل اليوم ..:D

المهم السالفه اللي ابي اقولها لكم

كنت امس بالسوق صحارى وكان فيه عائله ........ .. للحين اوكي عادي

بس اللي منرفزني اولا الابو حسبي الله عليه تحسونه ملاك خالي من الذنوب كل بنت يطالعها من فوق لتحت ليه لانها

موب متغطيه مثل بناته وحرمته اللي .............................!! المهم طبعا هو عطانا انا واختي

كم نظره فيها كميه من الاشمئزاز والاحتقار <--- ارفق على عمرك بس !!

المهم اختي تسولف واتذكرنا شي يضحك وضحكنا يمكن كان الصوت عالي شوي مدري وحتى لوه عالي إنا قاعدين

عند المطاعم قاعدين نطلب وجنبها ملاهي يعني انواع الازعاج يعني اللي بيسمعنا بيكون مستقصد انه يسمع او

يتحرى شي.. بعد كذا قام الرجال وقعد يقول استغفرالله وشهذا ومدري وشو انا واختي ارتعنا طبعا من وين طلع

هذا !! شوي الا جت حرمته كنها جنيه مطيره عيونها وقعدت الاخت تتمقل فينا إنا اللي مانستحي على وجيهنا

والله تطالعنا نظرات كننا مسوين شي استغفرلله بس شوي خذنا طلبنا وبنروح ندور طاوله وإنا نمشي طاولتهم بالطريق

يعني بنمر من جنبها لازم ما اشوف الا شوي تنط ذا الحرمه وتوقف ورا كرسي رجلها وتطالعنا يعني انتم هيه لاتخطفون

رجلي !! وجع يوجعك ياغبيه وش نبيبه ذا الشايب هو اللي كان يستنى اي شي مننا عشان يقعد يسويلي فيها

الرجل الفاضل المحترم !! لا ويالتها وقفت على كذا يوم

قربنا من طاولتهم قعدت تقول بنات آخر زمن مايستحون وبصوت عالي انا انصفق وجههي خييييييير وش تبين من جد

كان ودي ادبجها باللي معي بس اختي تقولي اسفهيها عاد يوم وصلنا عند كرسي الابو واللي هي مسنتره عنده زي ا

لهبله جا بزرهم البثر قعد يحوس قدامنا انا هديت شوي عشان ماصقعه جت طيرت عيونها وتوها جياه بتمد لسانها رحت

زعقت عالولد قلتله عماا ماتشوف فيه ناس يمشون هنا خخخخخخخخ طبعا انطمت الحرمه واحس رجلها غص باللي بحلقه

خخخخخخخ ايه الاخت تحسب اني بقعد اتميع عند ابوهم هو وخلاقينه اففففف

من جد قهرتني يعني جايه عندنا وتمدين لسانك وتشوفين مافي احد احسن منك !!

وانتي ورجلك استغفرالله ماغير تسيؤون ظن بالناس !!

احترمي نفسك يامتخلفه يالله يارب كودها تقرا ذا الموضوع او احد من افراد العائله الموقره عشان يعرفون

لولا الناس والفشيله ولا كان مسكتها من شعرها وقعدت ارفسها الغبيه

ايه عاد اللي ابي اقوله ان كان فيه ناس من هالنمونه هنا احترموا نفسكم ترانا عالاقل ماقعدنا نحش بالعالم عشان هذي

عباتها كذا وهذي تسوي كذا!! وماغير نراقب ذا العالم كن مالنا شغله الا هم !!

والحمدالله اللي كلها كم اسبوع وبنسافر وتاركينلكم الرياض اشبعوا فيها ..

ومعليش ترا مو قصدي اتهجم على ناس معينين ..وادري كل مكان وكل منطقه فيها الصالح والطالح ..

بس انا قلتلكم اللي صار معي بكل امانه وصدق..

ايه وعلى طريقي مبروك خروجنا من المونديال والحمدالله عدت على خير هالمره

الله يستر عاد المره الجايه ان الله احيانا..

::


ياااااي اول مره ارد على موضوع هناا اول رد


المهم ::

والله انك صادقه

وانا صارتي هذي المواقف كل ماروح اسوق

صرت اروح كل روحتي حش في حش ( الله يتوب علي بس )

حتى ما تلاحظون المحلات طلعو كل الي عندهم من الشين لانهم عارفين ان ما عندهم اي ما نع اهم يش ما يرجوع لديرتهم الى وهم ضافين نص ملابس الرياض


بعدين بعضهم معااملتهم شينه


يعني انا امس في واح منهم شايب وداخل المحل مع زوجته والمحل زحمه كله حريم

يجي ودني بكرشته ويقول وخري شوي

والله لو وحده غيري كان تفلت في وجهه

والله انك صادقه !!

الرياض بالصيف ما تنبغا بريال !!

يجونك اغلب الناس من كل انحاء مملكتنا الحبيبه !!

عاد هي زحمه مو ناقصه زياده !!

بس اشوا يجون بالصيف يكونون اغلب اهل الرياض مسافرين !!

يا ربيه ذي الرياض مو ناويه تفظا !!

بس تبقا بالقلب !! p9


يسلمووووو عالموضوع وجد شرحتي حالتنا العصيبه بالصيف !!

p10يسلموووووووووووو دوده على ذا الموضوع
انا مايقهرني ويفقع مرارتي اذا جت وحده في السوق كنها عزرائيل وقامت تستغفر في وجهي الي يسمعها يقول لاقيه مفصخه ولا اذا جت وحده تمسكني مع يدي وانا اتفرج على الملابس وتقول عيب استحي على وجهك انا في ذا الحاله اسعبل من القهر من جد مالك دخل والله تخلف انا كنت اول اسكت لهم اما الحين اذا سمعت وحده بس تهمس منذا النمونه مديت عليها لساني لين تهجد واعطيها كم كلمه في جنوبها اخليها تنطم بصراحه ذا النوعيات ماينسكت لهم:
على الطاري مره كنت في الفيصليه وجتني وحده وانا كان عندي من بكره اختبار يعني ودي احد يقولي حاجه وطب في حوض بطنه وجتني قالت والله ناس متستحي تغطي بأسلوب ينرفز كنها وحده من العايله تامرني بعد وانا كنت متغطيه واقوم الحقها في ذا السوق وقول تعالي ياقليل الادب باعلى الصوت>>>>>>>طقاقهp3
تعالي وراك هجيتي وهي حاطه رجلها الجبانه ويجيني السكرتي قال ماعليك منها دايم هذي النوعيات هنا
لولا السكرتي كان قد ذبحتها>>>>>>>>>>> يانصبي بعد:D
المهم يادوده حبيبت اقولك مو انتي بس الي تعانين منذا النوعيات الهمجيه كلنا نعاني الله ياخذهم

هلا دوده مشكوووره على الموضوع وبنسبه مع الاشكال هذي انسي يوقفووون عن كذا ويمالك من مصايبهم ومصالتهم
مررره عجبني موضوعك تسلميـــن عليه

اسمحيلي الموضوع . خرج عن المأمول

واستغليتوه بالحش في الناس وخصيتو فئه معينه

وكنت اتمنى انك خليتيه بقلبكـ ,, او تكتبينه بورقه ثم احرقيهـا

ولاتفتحين مثل هالمواضيع اللي تخص الناس اللي ذكرتيهم

حنا هنـا مانفرق بين احد سوا من الشمال او الجنوب او الشرق او الغرب الكل سواسيـه

::
::

معاك اخوي الغالي (حالي الذوق)

صــــدق اخوي اللي قبلي كلنا واحـــد ...،،،
وعـــيـــال بـــلـــد واحــــد
اخــوكـ
قــــدســاووي

سلمت يمناك أخوي حالي الذوق ..

يسلمووووو على الموضوع

الصراحه انا من اهل الغربيه
عندنا في جده
زحمة اكثر من كذا
بكثير

الله يهديهم