انســــان
عدد الضغطات : 18,567
الجمعية الخيرية لتحفيظ القرآن الكريم
عدد الضغطات : 13,065(انسان) الجمعية الخيرية لرعاية الايتام
عدد الضغطات : 18,701استمع إلى القرآن الكريم
عدد الضغطات : 9,880

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس
   

 
 
LinkBack أدوات الموضوع انواع عرض الموضوع
قديم 02-06-2006, 09:24 PM   #1
مطرود من الملعب
 
الصورة الرمزية Om_JaFaR
 
افتراضي صديقتي ( الانجليزيه) كيلي تعتنق الاسلام

السلام عليكم ..

كيف الحال يا شباب ان شا الله انكم بخير
..

بصراحه هذا الموضوع هو عن اسلام وحده انجليزيه اعرفها من 6 سنوات و اسلمت قبل اسبوعين .. و بتكلم عن طريقة اسلامها و كيف عانت عشان دينها ... : (

ماريا (كيلي سابقا)

بنت عمرها 17 سنه .. عرفتها من يوم كان عمرها 11 سنه
كنا نلعب و نلهى و نتعبث من الصغر .. (لكن) كل وحده منا عاداتها و تقاليدها و دينها يعني انا (سعودية) (عربيه) (مسلمه)
لي عاداتي و تقاليدي الخاصه ..
أما ماريا (كيلي) فهي بنت (غربيه) (انجليزيه) (مسيحيه) و لاها عاداتها الخاصه

و لكن مع اختلاف اطباعنا .. كنا قريبين من بعض كثيييييييير ...

و انا لما وصلت للـ 14 سنة .. تحجبت طبعا .. و تقبلت الامر كيلي بصدر واسع و ما قالت اي شي ولا بالعكس تماما .. كانت تسالني دائما .. انتو ليش تلبسون الحجاب .. و ليش تصلون ((5)) مرات باليوم .. و انا كنت اجاوبها على اسئلتها و استفساراتها دائما ..

و هذي السنه بالذات .. صارت تسأل كثييير و تستفسر ... و دخلت للمنتدى ايام رمضان و شافت اننا فتحنا قسم خاص برمضان .. و عرفت ان هالشهر يعني لنا كثير و عرفت اننا نصوم طول الشهر و نفطر عند غروب الشمس .. و الكثير من الاشياء الي ممكن تستفيد منها ...

و قبل شهرين بالضبط ..

صارت ما تحط مكياج كثير .. و دايم تلبس لبس مستر .. يعني بنطلونات واسعه و بلايز كم طويل و كذا ..

و بعدها بشهر كذا .. طلبت مني (مصحف) مترجم .. و بعدين انا انشغلت مع ركبتي و المها و نسيت عن الموضوع ..

و قبل اسبوعين .. قبل ما اسوي عمليتي بيومين .. قالت لي اثير .. ابغا اسلم ..

انا بغيت اطييييييييييير من الفرحه ..

بس قبل كل شي ..
سالتها .. انتـي متأكده ... ترا الدين مو لعب و تغيرين رايك بعدين ..
بعد هالكلمتين صارت تبكي ... و قالت انا راجعت نفسي كثير و سالت كثير من صديقاتي و كلهم هبطو من معنوياتي .. و بعدين .. سـألت أهلها .. و اخذت تهزيء و طلعوها من البيت ..!!! و ما لقت احد غيري .. : (

و انا ايامها كنت بالمستشفى فقعدت عندي طول هالفتره .. و بذيك الفتره خلاص اسلمت و انتهينا من الموضوع .. و لما طلعت من المستشفى راحت للسكن و ضبطت امورها .. و كل يوم .. تجي عندي لان يصعب علي امشي انا و ركبتي .. و تصلي معاي .. و اهتمت بحجابها و لبسها ... (لــكــن) ما سلمت من اهلها و شرهم .. كل يوم و الثاني .. تجيها مضايقات من اخوها و اصدقاءه .. و انا اهديها اقوللها ان هذا اجر لها و ان الله بيجازيك بالاخره .. و من هالحكي عشان ارفع معنوياتها ...

و اليوم .. اخيرا قدرت اطلع من البيت و امشي زي الناس .. و اخذتها و رحنا للمسجد الي بالجامعه .. و صلينا صلاة الجمعه .. و بعد صلاة الجمعه و بعد ما شافت كيف ان المسلمين متحابين و يخافون على يعض خنقتها العبرا .. : (

و طبعا غيرت اسمها من كيلي الى (ماريا) على اسم زوجة الرسول عليه الصلاة و السلام

اتمنى اشوف اراكم

.
.
.
.

أثيــــر

Om_JaFaR غير متواجد حالياً  
 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:43 AM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi